三希樓 (荃灣廣場)

營業中

休息中

一行4人，預早透過openrice 訂座，方便！唔想諗食咩，所以直接order4人餐加半桶即撞木桶豆花。整體服務態度好好，職員勁nice。唯獨係個酸菜魚出得有D慢，要追幾次，但係唔知點解會用左外盒裝置上菜。。。扣左少少分。食物整體唔錯，其實真係唔差既。

好彩兩個朋友都食辣，但要預呢度嘅份量唔會好大，同埋其實啲嘢都係一般嘅質素，但係個價錢都係略貴以呢個份量黎講。今次叫左幾個菜，但其實大部份都係辣嘅，佢嘅Menu都係佔辣嘅菜式比較多。海蜇皮蛋 $68Chilled Jelly Fish & Preserved Egg海蜇比較出色，而泡椒好開胃，份量係for前菜。泡椒炒鵝腸 $178 🌶️Sauteed Goose Intestines with Picked Chilli 呢到鵝腸好爽口，見到同平時既鵝腸好唔同，所以都幾推薦大家可以一點，但份量比較少既。招牌酸菜魚 $288 🌶️Picked Mustard Cabbage Stewed Fish呢個酸菜魚湯底好鮮味，辣既程度非常適合，真係需要夠個白飯先止到癮。瓦罉焗胡椒海蝦 時價 🦐🍲 Fried Prawns with Pepper in Casserole呢到既胡椒蝦我覺得可以點，但每隻計錢，但做得好香，啲蝦好彈牙，係好新鮮，白胡椒咪好出。

三希樓係近期荃灣區我覺得比較好食既中餐廳.由開業至今,都幫襯咗好多次了.但最近發現佢既招牌菜干鍋牛肉粒水準下降,希望餐廳可以睇到呢個食評改善番之前有次堂食叫時發現牛肉粒的質素大不如前,咬落去時很多粒都帶筋接近咬唔開.同以前一咬落去好JUICY有肉味個種感覺好唔同.當時我覺得可能只係咁啱個批牛肉唔好或者廚師失手.但係後來有次叫外賣情況都係一模一樣,完全失去一開始時的質素如果是食材價格上升了,我寧願餐廳加一點價也不要這樣將貨就價.三希樓的價錢不是走平價路線,選擇來光顧的客人都是有要求的,所以請店方務必把食物質素保持好,才不會跌入低價吸客,無利可圖的困局

與友人晚飯慶生，預留並安排非常好座位點了六個招牌菜，包括水煮魚，麻辣雞，椒鹽鮮魷，螞蟻上樹…仲要又勁大個勁好味嘅蓮蓉壽包, 全部十分有水準整晚服務良好，環境裝修一流, 價錢尚算合理已幫襯第三次，之前晚飯、中午飯都保持一貫水準，整體服務員有禮，環境裝修清幽整潔，會繼續支持!

本身因為同事要飛英國，所以大家諗住開開心心食餐飯，就揀左試下三希樓。點心&小菜都幾好的、上菜又快、味道都好（除了甜品比較失色）但是當中最令人失望的是負責落單的某位男同事， 由落單那一刻起已經態度很差，本身已經看到他一面不悅的表情， 之後聽他語氣就是如出一轍（就是他心情很差）之前上菜呀，叫他幫忙拿較剪呀，也有一總想”飛”出去的感覺， 特別是那把較剪✂️。 不知他再大力點飛出去，是不是可以飛到我同事面前😀。之後我們再加單等等， 態度還是很差。所座所有同事都有一樣的感覺。令到我地覺得啲野係好食，但如果員工的態度咁，係咪真係要再黎食第二次。中午食左4000左右， 講多唔多 但講少都唔少。 但可唔可以態度好少少呢？ 那位戴眼鏡又有點健碩的男同事？

看見很多食評都讚三希樓的裝修靚，環境舒適，格調高級，食品精緻出色，於是慕名光顧。一進門口，印象有點落差，裝修環境擺桌都不見得怎麼特別，沒有高檔的感覺。食物方面，也不特別吸引。 水晶鮮蝦餃 $56比正常 size 畧小但有5粒，餡料並不飽滿，沒有蝦的鮮甜味，正常蝦餃擺放應該互相分開不黏連，但這籠有幾粒互相黏在一起。(見到其他食評的相片都是正常分開的)。 招牌燒賣皇 $48普通水準，沒有燒賣的獨特香味。 酒香豬潤燒賣  $56豬潤很爽口，但有一種不知是否醃料的味道，不似是酒香，可能我不懂。 香茜牛肉腸粉  $46送來時只是微暖，不夠熱，腸粉也不算滑。 蠔皇蜜餞叉燒包  $40包和餡都很普通，一般平民酒樓都吃到。 蒜香鮮蝦春卷  $42春卷水準最好，夠熱夠脆，蝦也飽滿爽口。 以這個價錢，食物不應該是如此水準，另外燒賣的蒸籠爛了/載茶杯的碟子崩了(沒有拍照)還拿來奉客，  是自降身價吧。反而職員的服務和態度都很好，只是茶市吃點心也來幫你換碟，值得一讚。

今日想食好食嘅中菜，於是嚟咗呢間位於荃灣廣場，叫做三希樓食啦！✨ 鮮蝦腐皮卷。我想講係好好好食🤗🤗 個皮煎得啱啱好，再加足料彈牙蝦仁！外層煎到少少脆，金金黃黃，又靚又好食！🤠✨ 蒜香鮮蝦春卷 。喂，乜又係蝦嘅！🤭，份量超大，極大舊! 食落脆卜卜！10個脆有10個脆！😣😣好滋味✌🏼✨ 水晶鮮蝦餃。蝦蝦蝦。一不離二，二不離三！再整多籠水晶蝦餃！皮薄餡靚，大大粒！大滿足。😝蝦餃層皮一啲都唔厚超薄。🤛🏻✨ 極品溜沙飽。終於唔是蝦了，叫咗幾款都係蝦做餡嘅嘢食，而家就整返籠我至愛的流沙包。嗱！流沙包超軟熟，流沙餡非常香噴噴，口感層次豐富師傅整得好好，👍🙆‍♀️總括嚟講，點心整得10分精緻，皮薄餡靚，價錢合理，份量大，係一間值得推介嘅酒樓！

三希樓係位於荃灣，一間好出色嘅茶樓，環境方面非常之典雅高級，有別於一般傳統茶樓嘅感覺，所以我同朋友都好鍾意嚟呢到食嘢😍❤️❤️燒賣皇❤️❤️呢到嘅燒賣王真係好出色，大大粒燒賣賣相飽滿又吸引，上面仲放咗粒杞子做點綴，非常精緻。❤️❤️水晶鮮蝦餃❤️❤️蝦餃大大粒，咬開蝦餃皮入面有幾隻大蝦，超足料！❤️❤️蒜香鮮蝦春卷❤️❤️春卷好香脆，仲有啲蒜香嘅味道好惹味！❤️❤️極品溜沙飽❤️❤️平時多數都係食呢到嘅叉燒包，但係咁啱朋友話想食流沙包就叫嚟試下，味道都唔錯，又唔會太甜。❤️❤️涼伴雞絲鵝腸❤️❤️除咗點心好食之外，都比呢度嘅涼拌小食吸引住，我哋就揀咗呢一個涼拌雞絲鵝腸，辣味真係十足。

同朋友聚會係最開心架，今日過黎約佐啲好姊妹食飯，見到呢間咁特別既酒樓，裝修好靚，一啲都唔係普通舊式酒樓咁，好特別！先試咗佢哋嘅小菜，勝瓜洋蔥炒雲耳，味道好清爽好清香，啱晒鍾意素食嘅朋友，勝瓜同洋蔥都好爽口，雲耳亦好彈牙，成個味道好清淡，好健康😚跟住食咗幾款佢哋唔同嘅點心，有鮮蝦腐皮卷，燒賣皇，水晶鮮蝦餃同極品添沙飽，款款都好精緻！鮮蝦腐皮卷好出色，整得好靚，好似一個卷餅咁，炸到金黃香脆，咬落索索聲，皮好薄，入邊啲蝦好大隻，充滿蝦嘅鮮味，超香口🤓燒賣皇同水晶鮮蝦餃同樣都係好多蝦，啲蝦大隻鮮味，好爽口彈牙，而且蝦餃超級薄皮，燒賣皇亦有杞子做配搭，勁好食🤩極品流沙包就可以做甜品，流沙包真係好流心，熱辣辣咁食就啱啱好，好香甜，好濃香，甜甜地，做甜品真係啱晒😊

☺️荃灣有間酒樓門面幾靚，裡面好大，比人一種高級酒樓既感覺，位於荃灣廣場裡面，門口好大，好易睇到，未咁早開工，同個朋友係度試過，不論係枱同埋環境都好乾淨，職員姐姐人手都好足夠，呢間酒樓味道唔錯好食⋯⋯「燒賣皇」⋯⋯近來食過既酒樓都算係數一數二，味道好食之外服務都用心，燒賣皇熱度十足出晒煙，一整粒都好肥大，裡面既燒賣都好有味道😉⋯⋯「蒜香鮮蝦春卷」⋯⋯蒜香同鮮蝦既味道都鮮明，好香口既一個小食，春卷包得好大卷，口感脆卜卜絕對惹人歡喜😁⋯⋯「極品溜沙飽」⋯⋯睇上去一個白色既飽好似無特別，但食入口好有驚喜，裡面既醬好飽滿，食到中間都有好多醬想流出來，加上棉棉既包，好好食🤤⋯⋯「鮮蝦腐皮卷」⋯⋯呢個腐皮卷好特別，擺脫傳統既春卷，佢既外型好似印度薄餅咁，裡面有好多蝦，加上腐皮一齊食，好有風味。

餐廳裝修乾淨企理，好高級feel ！令人食落安心♦️ 招牌咕嚕肉 ♦️ 招牌咕嚕肉，外皮唔會太厚，炸粉亦都唔會太多！非常好👍酸酸甜甜😝😝😝好開胃🥳一啖青椒再一啖咕嚕肉好好食！咕嚕肉炸得好，外脆內軟😉黃黃金金⭐️賣相勁好！而家諗返起都好想再食過！👏🏼👏🏼♦️ 馳名樟茶鴨（半） ♦️果然係招牌菜！樟茶鴨，鴨味香濃！濃濃嘅茶味，苦苦澀澀，好特別非常驚喜！仲配埋啲包俾你夾住啲鴨食！超正！感覺得意😊包嘅軟腍🫶再加脆皮嘅將茶鴨配合得天衣無縫，食完一舊再想食第二嚿！整體都算大份，其實食完呢嚿將茶鴨都有半飽嘅感覺😤♦️ 青椒清香魚 ♦️呢個青椒清香魚，唔係度度都有得食到！今次都係第一次喺呢間叫做3希樓🏢嘅地方食！青椒好多，本身以為會好辣，但食落亦都唔算特別太辣！我自己本身都唔係食得好辣，都食到呢個餸！少少辣少少惹味咁麻麻香香，非常好食，又開胃！魚肉啖啖肉！唔會有骨，就唔使煩條魚嘅骨喺啲魚肉度啦！有時試過食到哽骨對魚都有少少驚驚！但呢個餸就冇依個問題🙋🏼‍♀️♦️ 勝瓜洋蔥炒雲耳 ♦️最後清清地，叫個勝瓜洋蔥炒雲耳清清腸胃先🥢！勝瓜非常爽脆，食落清新，🥗其實呢碟餸全部配料都係爽脆口感☘️雲耳啦勝瓜啦同洋蔥夾埋一齊嚟食，好鬼正

三希樓有不同既川菜，非常正宗，讓人係舌尖上體驗到辛辣、麻辣既美味，同時亦兼備其他地方菜系既獨特風味，為食客們帶黎一場令人回味無窮既美食盛宴！先試佢地既霸王辣子雞，絕對係醇炙口味既代表之一，每一口雞塊都帶有濃郁既辣椒味道，雞肉鮮嫩多汁，配料有香蔥腰果，口感更加豐富，而佢既獨到之處在於辣椒既火候，既保留佐辣椒既香氣同味道，又避免佐過於辛辣，令人既能感受到火辣既刺激，又能品味到雞肉本身既鮮美🌶️🌶️跟住再試佢地既乾鍋豬大腸，同樣係川菜中既一道經典菜品，大腸既鮮嫩結合左乾辣椒既香辣，加上香蔥洋蔥，充滿層次既味道，而且大腸口感好煙韌好爽彈，好有嚼勁，超惹味🧄🌶️同時都有試佢地既瓦撐焗胡椒海蝦；新鮮既大蝦在係瓦煲中烹煮，結合胡椒，酥脆香辣，蝦肉保持爽口彈牙，用瓦煲去煮熱力就更均勻，味道更好🌶️🦐最後再試佢地既三式蛋浸時蔬，夠晒健康同有營養，蛋液既細嫩同蔬菜既清爽相結合，而且有雞蛋，咸蛋同皮蛋，不同口感味道，咸香鮮味🥚🥬

😻即撞豆腐花👉🏻以甜品來講，豆腐花係我心頭好，一定會食，呢個豆腐花好滑，做到好有豆既味道，質感好滑，同時食到一份新鮮，通常都係加黃糖覺得絕配😻涼伴雞絲鵝腸👉🏻呢個菜係涼伴，凍食既，鵝腸味道好濃郁，夾上雞絲既嫩滑質感，整體來講係一道開胃小菜😻酒香豬潤燒賣👉🏻佢既豬潤好好食，而且仲有兩舊，中間仲有燒賣，食落口有陣酒香，開胃醒神😻蒜香鮮蝦春卷👉🏻春卷之前都有食過，咁高質素既春卷而家買少見少，睇上去係包得好靚，特別佢既春卷皮好香脆，蒜香為鮮蝦帶來了豐富味道😻烤椒桂花蚌👉🏻成個菜都用桂花蚌，搭配埋烤椒同桂花既香味，呢個咁有創意既菜式都比佢諗到，抵佢咁多人食既今日下午就係去三希樓食飯，好好食，就係叫了以上幾個菜式，份量足料食到好飽，好滿意😺

三希樓價錢💲: $398/ $388/ $42/ $42/ $98/ $72/ $38/ $38好味程度😋: 4/5 (豆腐花/流沙包都5/5!)服務🍴: 4/5環境🗾: 4/5性價比🥢: 3.4/5回頭率😚: 3.7/5-傳統老字號川菜三希樓呢排開到去荃灣廣場lu。襯lunch time去試試先！除左晚市menu，lunch仲就有得飲茶食點心。大班人就可以試多啲啦！侍應叔叔們都幾好客又多野講，唔怪得之都幾多熟客回頭咁。環境比想像中細但比平時的酒樓靚啲。平日午市都幾full，想食的最好book位！-✅三希樓水煮魚。見到咁多🌶️都唔洗怕，因為店員會幫你先撈走再食。魚片無任何雪味/漂味，係高質的魚類🥰 魚肉滑得來結實。另外入面仲有小小鴨血/ 薯粉！呢個湯底雖然充滿辣味，但辣油的份量覺得可以接受🤩 呢隻辣唔係死辣，係辣得香口而有麻味的辣，都有層次🤭 叫佢做最小辣就啱啱好！-🆗招牌酸菜魚。呢個魚塊唔多…秀珍菇仲多過魚😒 魚肉同水煮魚一樣高質，但佢份量小，同埋個湯底都係淡🥺唔係平時酸湯咁鮮。酸菜撕成一絲絲的。-✅家常酸辣麵。比起擔擔麵個人更愛呢個！因為濃味d😂雖然可以更酸，但而家酸度得宜，中辣左右

今晚我同朋友來到荃灣大壩街4-30號荃灣廣場食飯，店鋪面積好大，地方好闊落，座位多。食物種類多。😋🍱~~~~~涼伴雞絲鵝腸，鵝腸的韌勁和雞絲的嫩滑相得益彰，配以涼拌的方式，清爽爽口，是開胃既最佳選擇。🍱~~~~~即撞豆腐花，以細嫩的豆腐花為主角，搭配鮮美的海鮮和醬料，口感細膩且鮮美。豆腐花的嫩滑與海鮮的鮮味相互融合，口感滑嫩且帶有絲絲的彈性。🍱~~~~~招牌咕嚕肉，肉質酥脆，外焦裡嫩，搭配濃鬱的咕嚕醬汁，每一口都能感受到肉質的鮮美和調味汁的濃鬱。🍱~~~~~勝瓜洋蔥炒雲耳，勝瓜的脆嫩與洋蔥的香甜相結合，雲耳的嚼勁豐富了口感。除此之外，🍤🍢餐牌仲有好多選擇，呢餐實在太抵，食得好滿足✨💯