三德素食館 (佐敦薈)

營業中

休息中

老字號確是老字號....可能新春關係，檯與檯之間坐到密密的，一行七人的檯也很細，叫了一個六人餐也不夠放。是否套餐的關係，味道碟碟像一樣的，水準大不如前，又一間失望的老字號。雜齋味道件件一樣，不論什麼顏色，也是沒味的。素咕嚕雞咬一件脆物，五柳魚比較好的，有賣相。整體來說，不用再來了。

Our vegan Tuesday, we were therefore looking for a vegan restaurant, and found this.We had 8 of us together, we ordered 7 dishes from the A La Carte menu, and a set dinner for 4 from the set menu.We ordered the vegetarian lamb hotpot, which gave us surprise haha, tastes good actually haha just somehow the sauceIs little too watery 😅The rest of the dishes we ordered were, -fish with sweet and sour sauce and pine nuts (very nice, very well presented too, will order that again next time I visit), -

今次想推介既係三德素食的外賣店！位於佐敦薈的地下！佢有好多種類的小食，可以單買一件都得！唔駛一定要買一盒。之前試過佢既煎堆呀、春卷呀、腐皮卷呀等等，今次試食佢既豆沙餅..食完忍唔住要推薦一下！一咬落去既質感係煙煙韌韌，有咬勁得黎又唔會痴住個喉嚨，個皮係正既！跟住豆沙係棉的，味道都算唔錯，不過對我黎講就覺得係甜左少少，但總的黎講我覺得好抵食..但望住個膠袋就會明白點解佢個皮可以咁好食..因為好多油呀😂不過，間唔時食一舊都幾正！

同事介紹呢度有素食點心，我地就一行六人就去試下。平均每人大概80蚊。餐廳裝修同普通茶樓差唔多，光猛闊落，慢慢傾偈慢慢食都得。員工有禮貌，做嘢快手。見到有幾枱都係僧侶，應該有保證。(由上至下)畔塘香煎粟米餅。香口但比較細塊五香素蝦鹹水角。煙韌皮配惹味餡料，讚金菇素肉鬆腸粉。清清地，不過不失千絲蘿蔔酥。酥脆足料，讚(由上至下)東坡荔芋素腩卷。卷皮軟綿綿，芋頭素肉夠味，讚翠玉素蝦蒸粉果。足料，脹卜卜鮮竹四寶素雞扎。無記錯入面應該有素雞，翠玉瓜，豆腐，芋頭條，都唔錯土豆沙薑蒸素爽片。咬落似蒟蒻，好得意我哋仲叫咗個錦鹵雲吞。脆片有啲油益味， 酸甜醬入面有雲耳，三色椒同菠蘿。另外有個類似魚香茄子炆鴛鴦米。好足料，好惹味，一啲都唔辣，大讚餐廳最後送埋椰汁西米露做個完美嘅句號。

今次家庭聚餐揀咗食佐敦呢間素食館，本身係食肉獸嘅我都有少少卻步，始終怕唔夠飽😢點知一坐低睇餐牌，見到同平時酒樓冇咩分別，甚至比普通酒樓更多選擇更吸引，真係感到驚訝😱我最喜歡係素食館嘅翅，明明唔係翅，但係同真翅一樣口感一樣味道，唔使加醋都味道已經好濃郁😍真係好好奇素翅嘅製造方法🤣另一款喜愛嘅餸係麻醬手撕素雞粉皮🐔就咁睇同平時嘅雞絲粉皮完全零分別😂食落都同真雞一模一樣，甚至更好味👍🏻令我忍唔住食咗三碗🤣🤣

The dining experience in this restraunt . The environment is very noisy and full of dust . Which it food is not as good as a normal Chinese restaurant .That the lights are too bright and that the decorations and design is very old.

近年，朋友耐唔耐都會相約食素，但我就已經好幾年冇食過素食，因為以前食過唔好食既，冇再特登去食，今次陪家人黎食 呢間家姐推薦既三德！三個人點左三樣食物，其中最欣賞崧子魚，整到真係成條魚咁，賣相好靚👍🏻醬汁酸酸甜甜好開胃！口感幾好，唔會因為係素菜就”淋之之”總之就唔係好覺得自己食緊素食😂個炒飯幾香，炒得夠乾身，份量仲唔少添!食完呢餐發現，素食原來都可以整得好好食，可以得閒同屋企人/陪下老人家食下！唔錯😉👍🏻

今次係同學聚會 同學只食素 我地就黎左佐敦嘅三德素食館啦望到個menu 太多款式 選擇困難症發作😖我地即刻簡左另一張細menu嘅四人餐 縮窄選擇範圍最後我地簡左栗米羹🌽菠蘿咕嚕素球 高湯雙丸雜菜煲 鑊仔麵醬枝竹豆腐班腩 炸饅頭真心驚喜🤤好大碟 又入味 冇諗過素食係咁正 以為會好清淡 但係邊食邊讚 食得好飽栗米羹同炸饅頭點完煉奶 讚我地係夜晚8點幾去到 即時入坐 點完野食後好快上菜 服務態度唔錯 價錢合理間野係佐敦地鐵站附近 如果想食素食 呢間係個好選擇

約了舊同學聚會，大家都話年紀大了要間中吃吓齋喎！閒日晚市都有8成滿，可見都有很多人喜愛吃素。前菜是煑花生和新鮮菠蘿粒，夠清新。先上茶樹菇元肉燉湯，以為是素無肉應無乜味，點知飲落很清甜，原來無肉燉湯都可以好正。拿破崙香芒海皇卷，一絲絲脆卜卜的幼細麵粉條包裹著芋頭粒、芒果肉來吃，夏天精選。齋鹵味，各味道都不太甜，彈牙得嚟又唔靱，剛好。海苔薄餅，唔肥膩，薄薄一人一件。松子香椿素玉炒飯，乾身，飯畧太依靱，要𡁻久些才得。香辣棒棒雞，同雞絲粉皮類同，不過粉皮就過硬，勁有𡁻口。芋頭魚，外脆內軟綿，芋頭蓉滑，沾酸甜醬吃可消滯感，吃多件都得。

今年的老人家的生日壽宴去了係素食界都算出名既齋舖，老人家都喜歡吃口味清淡的，所以食素就最適合了！當日去到，都見滿座，個場都幾大，有大廳同幾間房由於我地一大班人係食set，所以就冇詳細記低有咩菜式啦比較深刻既係甜酸松子魚，酸酸甜甜，幾開胃，d松子果仁好可口，好食另外由於生日的原因，我地訂左個大壽包，味道正常，跟外面的一樣味道整體而言，菜式選擇多，味道不濃，清淡之選最後記得每人都有碗糖水送，當日就是紅豆沙味道好淡似溝左好多水 完全沒味道

兩人自由行，建議至多點兩道菜即可，像辦桌的份量所以有些多，挺油的但不妨礙美味，但很推薦點河粉，服務生態度是好的，有問題都可以直接問，例如菜單如何填寫，能看見一些老夫妻來吃，非常可愛

我的姑媽是信佛教的，她們一家人都會在每月初一同十五都會去（三德素食館）食齋，今晚她帶我們去食，平時總愛食肉的我，覺得會否不像食過肉的滿足呢!原來依家的齋舖，推出了很多像餸菜一樣款色，都好吸引同好好味，所以我今晚會盡情地享受 一餐豐富的齋宴了。齋舖地方不是太大，座位與座位之間都很迫， 不過食到美味嘅齋宴都算0K。羅漢齋炒麵，配料有雞脾菇、粟米、雲耳、牙菜仔等都好豐富。齊叉燒，有好多種顏色，甜甜酸酸不同的味道，非常好味

鴛鴦蘿蔔煎薄餅用蔬菜香煎嘅薄餅，入面加咗啲芫荽，好香😋食落仲好有口感👍🏻👍🏻XO醬雜菜炒烏冬味道偏重，有點油膩金菇素肉崧腸粉素玉口感整得好似魚肉，好有層次口感，再配合金菇嘅菇腥味，姜絲味同蒸魚豉油嘅結合，真係好似食緊鮮魚片腸粉咁😋😋鮮蘆筍素蝦餃皇正正常常，蘆筍好爽口， 沒什麼特別🤷🏻‍♀️高湯瑤柱鮮竹卷蒸到有啲過咗火，搞到佢嘅皮林到爛晒，一夾就難..... 味道好一般，食唔出瑤柱嘅味道...

一行五人到佐敦三德素食館食晚飯。首先來碟鹵味拼盆，外形與肉食相似，一上碟個個爭住食，每款都好好味。再來竹笙髮發羹，可以配埋紅醋食，感覺好似食緊魚肚羹幾有鮮味。接著係五柳斑，條魚炸到外脆內軟，入面芋頭又香又滑。靈芝海蔘豆腐，海蔘食落好爽口，味道清新可以好快清晒既一碟。竹笙鮮菇西蘭花，成碟堆滿竹笙非常足料，簡單咁快炒都咁好味。最令人驚喜係咕嚕肉好似真肉一樣，酸甜味道剛剛好。另外，最後叫左鮑魚炒飯同羅漢齋麵，個飯值得一讚，好香好粒粒甘香。______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether

晚餐期間去食飯，等位期間被侍應以極差的服務態度對待，落單好似要求佢哋咁，將D檯放到出公共區域扶手電梯隔離，危險而且衛生問題應該幾大，食物味道亦僅僅一般，瑕不掩瑜。