三德素食館 (佐敦薈)

營業中

休息中

今日在家又整中式包，整咗腸仔同芝麻包，此中唔明，點解發得好靚，但蒸完都係唔滑，面好醜樣但都無法有時間再試，今晚約咗同學今月的聚會，之前去開果間已轉咗做火煱店，咁又要搵第二間，有個同學話尖東的一間酒家，點知有酒席又去唔到試，最後有人提議去食素，搵咗佐敦三德，聽過好耐，今次都係第一次食，但有啲同學就食過好多次，今次人少最後散叫無叫餐，每人選一樣再加個齋鹵味，我自己就覺得一般，現在都加入好多好似肉的素，所以食唔到以前真正食素的味道，而且我覺得素都好油，可能太耐無食唔習慣，食完肚都有些少唔舒服，四，五月月聚會應該食自助餐因有人生日，到六月先再諗

人日同老爸老媽食飯。原本去六榕，因為老媽說老爸喜歡，但老爸說出心底話，他覺得三德的食物好一點。所以就去了三德。原本想要二人餐三人吃。但老媽話晒事，她不理我和老爸的想法。散叫了兩樣。草莓酸甜猴皇菇，$78。又是這個！我跟老媽說年初二在大自然才吃完，她完全不理我。我想要是我再吃多幾次，好味都變反胃。不過這個猴皇菇的味道比在大自然吃的遮掩得更多。吃時只有微弱的猴皇菇味。我發現因為它的外層炸粉比較厚，反而猴皇菇很迷你。對我來說不差，但要吃真材料的這個就有點揾笨。其中一張餐牌有介紹不同菇的好處。這個令我有愛有恨的猴頭菇原來有降膽固醇、補脾補氣的功效。崧子香椿素玉炒飯，$68。我相信老媽又是每次來必吃。因為未開始寫食評時我跟她和老爸來這裏一次，她也是要這個的。當時這個飯真的很好味又熱騰騰，也因為這原因，老爸覺得三德比較好吧。很大碟，夠三個人每人三小碗。開始時還是熱的，又未到熱到吃不了的地步。我立即裝了碗給老爸。第一口我覺得有點咸，猜想抄得不均。之後就真的好味了。因為有崧子和似午餐肉的素玉，又硬又軟，加上菜頭爽，飯粒分明，所以口感有層次，有飯香。不過第三碗就只有微溫了，冬天難道食物真的凍得這麼快？我

▶️這個如意飽素翅名字上相感覺好新年氣氛食落去很多素翅架😝▶️日式魚生拼鮑片刺身 看似好素食 不過清清地都幾好㗎😲▶️本店最出名齋滷味拼盤 好好味😂▶️鮮茄王崧焗飯 必定食堂啊😂▶️崧字燒汁猴皇菇-帶有甜燒汁配搭蔬菜 幾清新又美味😋▶️每一間去到食素地方都會必點食的 芋頭魚 🐟▶️拿破崙香茫海王卷 表面上揸得金黃酥脆 原來內裏帶有一陣陣芒果味道😄▶️最後一道餸 炸蛋餅同炸雲吞原來裏有很多配菜 都是很健康的食物加上甜酸汁 仲更加好食😉

今天到這間素食店晚膳，本來簡簡單單一餐飯，最後谷到一肚氣離開。呢間素食店食物質素都好普通不在話下，但都冇所謂，好一餐唔好又一餐，我們點了一個二人套餐，最後上甜品，由於餐牌上冇寫明係乜嘢甜品，我問侍應套餐有咩甜品，佢指著餐牌上四款甜品，告訴我們四款任擇，我揀了兩款，到最後埋單， 佢每款甜品收32圓，加埋一即收多我接近70圓。我當然同部長講清楚情況，係你地侍應話套餐可選呢四款甜品，呢個四眼部長剩係一句啲兼職侍應唔清楚就咁算數，我當然唔接受，但呢個部長依然覺得冇問題， 問題好明顯出在店方，佢哋不單一句道歉都沒有，亦都冇提出拆衷解決方法，只是講落咗單啦。雖然我真係有食到，但店方誤導我們，我要畀多成70圓，咁嘅X店經營手法同屈錢有乜分別!  以後唔好話再去，連請都唔會再幫襯，還要告誡老友提防X店。 

今晚約咗跳舞同學sss一齊去晚飯，為咗多謝大師姐代大肚miss 同我哋癲咗3個月，加上今日miss 復課，所以嚟個結業禮+開學禮!我哋一行11人有大有細，所以揀就近喺佐敦食素，原來而家嘅佐敦薈JDmall前身就係嘉利大廈，都係前幾日男友講我至知。其實都冇乜特別嘅，不過正值七月，所以我唔多敢周圍影相，加上10幾人食飯，費事咁多人等我一個，所以連食物都冇影到。原本冇食物相都唔諗住寫食評，不過呢度<<真心推介>>，味道ok份量大之餘價錢又合理。唯一一樣麻麻地就係枱與枱之間距離太近，可能咁啱7月多人食齋所以會嘈d，但平時好似話無咁多人，唔洗book位可以walk in，比起同區另外一間素食館好味又抵食好多!而家講吓叫咗乜嘢食先~~~1) 齋滷味拼盤同平時街買果d一樣。2) 松茸醬拍青瓜 青瓜凍食爽脆清新，第一次試松茸醬都特別。3) XO醬炒蘿蔔糕 呢個有驚喜真係必食!外脆内軟，唔係粉頭。d XO醬係用冬菇掟整成嘅瑤柱C, 好香囗。4) 五柳黃魚 炸紫菜卷配酸may may同好多松子。5) 煎蠔餅香煎雜菜餅味道其實ok，不過我麻麻地佢入面有西芹。6) 咕嚕士多啤梨

燉湯(好濃郁的湯水)燉湯足料(味道清甜)竹笙(補氣)，羊肚菌(抗疲勞，治氣管虛弱)金菇牛柳卷金菇炸得香脆(炸金菇，比蒸金菇更香口素肉口感似火腿(配上汁一齊食，好惹味)西蘭花新鲜(爽口)用炸的方式造，好香口士多啤梨配素肉(猴皇菇做)非常惹味~酸酸甜甜的素肉(好似真豬肉)士多啤梨炒素肉，令味道更鲜甜芋頭魚(上枱前，已經剪開一件件，方便客人夾起享用，細心)芋頭味道不算濃，炸粉唔厚素日式刺身外觀不太似真刺身，味道和口感(有70%似)沾上豉油和芥末(像真度有8O%似woo)炸雲吞這款只有炸脆皮(無餡)炸得好香脆炸雲吞配上這碗傳統的甜酸汁(味道1O0分)炸曼頭金黄色外表外面脆身，曼頭内裡鬆軟外表香脆餐前小食(有菠蘿和花生)素菜多變化，外表味道出色，服務有禮

朋友慶生日，因她的媽媽茹素，今晚我們一起到佐敦三德素菜館吃飯。這是其中一間我們喜歡的飯店，年中總會來幾次吃飯或飲茶。甫坐下，相熟部長已來招呼，我們如常要了兩盅是日靚湯，另外是素翅雲呑津白煲、崧子燒汁猴頭菇及拿破崙香芒海皇卷，都是夏日清新之選。是日靚湯 — 湯料是海底椰、紅蘿蔔、粟米煲素肉，味道清甜，不帶半點肥膩 ，一盅有兩小碗。素翅雲呑津白煲 — 雲吞餡美，但皮稍厚，幾塊素肉特別好味，比平常任何肉類更可口。崧子燒汁猴皇菇 — 一小塊一小塊滲入甜甜燒汁的猴皇菇，美味非常，再配上碧綠爽脆的翠玉瓜及大大粒白色崧子，色彩繽紛。拿破崙香芒海皇卷 — 畧灼軟身米粉裹著芒果素蟹柳餡料，炸至外層鬆脆，內裏軟滑香甜，真是用心佳作。奉送每人一碗紅豆沙，甜味剛剛好。反璞歸真吃素，卻有無比滿足！😋😋

一個人想食素，近近地去三德，平時行過都會係樓下點心部買素點心食，今次見下午茶就走上去試下。叫左一個點心素菜餃一碟炒河，碟河粉好大碟，無可能一個人食得晒既份量，個餃幾好味但碟河粉就太油了，食淨半碟拎走，都係樓下ｄ點心好味ｄ！

好耐冇食齋，走到佐敦三德，上次幫襯巳有一年，希望尋回有美味菜色，心存會有驚喜，但總結只有八個字，“普普通通，難再幫襯"。當晚點咗一個二人餐，包括一個湯，兩小菜，及加一個齋滷味。三百幾結賬，尚算合理，但味道真強差人意，海參好硬，味精味濃，出名齋滷味連齋雞欠奉。有待改善。

適逢初一，朋友又係個佛教徒，於是帶左我去食素菜。以前一直以為食齋一定好齋，好掛，唔好食！今次試過後令我一直存在既image完全改變。晚上約七點到達餐廳，已經有人等緊，我地無book位，等左一陣就有位啦！入面既間隔似酒樓，多數都係一家大細或是一大班朋友食。我地兩個人被安排係一個角落坐。打開menu，唔講都唔知相入面既食物係無肉，全素黎既！真係好成功既騙照！因為我地都唔係好肚餓，就叫左兩個餸同埋兩碗素翅。如果想食翅但又唔想殘殺鯊魚甘無人道，素翅幫到你😂！呢碗素翅口感都似似地真翅架‼️湯羹味道都幾鮮味（究竟點調出黎🤔），入面既素蝦都唔求其，質感都有少少彈牙！唔錯唔錯😌！菠蘿咕嚕肉呢個唔係平時食開既咕嚕肉‼️係幾可亂真既齋咕嚕肉 （over 左，原諒我第一次食仿真度甘高既齋菜🙈🙈）。個汁剛好包住所有材料，好均勻，甜甜酸酸，好開胃！外面既炸粉厚薄適中，入面既麵粉（應該係 除非唔係...）口感都幾似真既豬肉，當然肉味就一定無啦！😂四季豆平時都經常食，鍾意佢夠鑊氣。呢度既肉碎係用切到好細既腐皮代替，一樣好惹味。不過略嫌有d太咸！其實間唔中食下齋菜都唔錯 ☺️☺️。原來齋菜都可以甘好味😋😋！

這間佐敦素食館的質素此終如一，由 2008 年吃到現在，直到現在久不久也要買一盒外賣回家吃。酸甜齋，豉油齋，咖哩齋永遠最愛。蘿蔔絲酥餅永遠足料，而芋角依然鬆化。綜合評價： 食物>環境>員工*綜合性價比：Wow! 物超所值 (幾好啊!唔錯,有機會一定再來)*性價比1. 抵!(不代表平)超乎想像的驚喜 (嘩! 無論怎樣一定要再來! 抵啊)2. Wow! 物超所值 (幾好啊!唔錯,有機會一定再來)3. 正常 (可以, 但這個價錢坊間有很多選擇)4. 物次價高 (都不是太差, 但這個價錢坊間有質量更好的)5. 有比較大的改善空間 (填胞肚算, 失望)

係尖沙咀覆完診，想食下素食，清腸胃，最後決定去三德。其實一直都聽聞三德的素食點心係素食界好出名，但係好少咁早出市區，未有食過。今次試下晚飯小菜先，如果OK，一定會再試下佢的點心。叫左四個菜，先來砂窩津白素翅雲吞，個湯底好味，唔似有味精，飲完無口渴。一直都喜歡食雲吞，三德的雲吞較散，個人覺得素雲吞都係大力素食的好味D。素海參豆腐味道不錯，尤其個豆腐，炸完後仍然好女嫰滑，素海參個造形好似真的，但就無乜味。串燒，坦白講真係麻麻地，因為之前係妙法齋食過一次類似的串燒，印象好深刻，好味過真串燒，三德呢個真係麻麻地，可以不試。干炒河粉，都係一般般，個味較淡，亦比較油。反而最後送的紅豆西米糖水，好好味，不太甜又足料。可能佢的點心會出色D，如果晚飯小菜，我覺得一般。

晚上要遲吃飯，見到網上寫十一點才關，去到時還是9:50, 諗住坐大半個鐘就走，咁應該沒問題。沒想到服務奇劣，似乎是經理級的一個大媽，一坐低完全唔畀時間我地睇menu, 餸一上就要埋單，這些都算了，我也明白不要阻人收工。但明明仲食緊，佢都係要三番四次不斷明示暗示要我地快D 食快D走！大佬，我去快餐店都唔會咁既服務態度啦！我地兩個人夾埋要畀二百幾蚊，你畀個仲差過大家樂的服務態度我？　（何況那時10:30 都未夠）咁趕收工就唔好做啦。自問已算好脾氣，最後都被佢煩到我要罵返佢轉頭。今時今日咁既服務態度唔得架！奉勸大家，唔想受埋Ｄ無謂氣的，就不要去這間餐廳，　今次真係完全中伏。

食肉獸久不久都要清下腸胃，初嚐三德琥珀露筍百合吉品鮑角 - 露筍算鮮嫩，食味幾清剛好，但百合太細小沙汁伴鮮淮山 - 哩個餸係食刀工，睇相都見倒喺超薄嘅淮山片外包住超厚粉，當然唔係塊塊淮山都咁薄但都唔差得遠，會咗沙律汁後炸粉林晒，全程食粉團砵仔五香梅菜扣元玉 - 賣相唔錯，但見倒墊底椰菜令人反感，以為只有連鎖快餐店先會用哩啲椰菜，本來味道唔錯，梅菜咸淡適中，但印象分大打節扣紅豆沙 - 送嘅，算真材實料又唔太甜後記：只怪自己唔識點菜，完

之前嘗過朋友在這兒外賣的甜點，但覺清新味美，這次中午時段來到佐敦，正好可以來這裡飲茶。外賣部在佐敦薈樓下當眼處, 堂食則要上四樓。兩個人來，等細枱很快就有位了。中午客多，招呼仍很殷勤，沖茶落order都很快有人招呼。點心很快上，咸水角皮酥而黏, 口感豐富, 很不錯; 煎蘿蔔糕沒有臘味更能吃出蘿蔔的清甜; 南瓜煎餅皮薄而富南瓜味, 餡料清甜, 推介之選。 齋鹵味份量不少，酸齋和咖喱齋最惹味。鴛鴦飯賣相很好, 份量也大, 白汁素蝦口感幾可亂真，可惜白汁偏淡，茄汁做得很醒胃, 但素雞絲偏淡, 也稍嫌汁太多飯太濕了。埋單每位一百元, 在佐敦飲茶而言不算貴了。就中式素食而言, 感覺上這裡的東西是較為偏淡和少油, 味道或許會寡一點, 但較健康, 也更能食出食材本來的味道。而這裡的環境也頗舒適, 沒一般酒樓的吵鬧, 也不似一般中式素食店的局促。