三河屋 (已結業)

openrice介紹好出名又好有歷史既三河屋，咁岩行過就行過去試下啦。睇門面好日式好有年代感，入面裝飾都好既舊日本style,有D日本煙盒放係到，木餐牌同海報都好黃，廚房對上有部14寸電視，都幾懷舊。食物方面。。。北海道忌廉吉列豬扒飯（包麵豉湯）$58成個感覺已經係茶記碟頭飯，豬扒中間係乾，忌廉唔吸引有塊狀物，要優點的話，有幾塊蔬菜，紅蘿蔔咁，飯量足但飯都唔係煮得特別好。如果想食飯建議去普通茶記。燒多春魚$38要等20分鐘，夠熱，個人覺得就咁食鹹左D,做配菜or 送酒會比較好味。其實見到黎食既人都幾多，當中有第一次黎都有街坊客，不過食呢個飯得我一個。。。大部分人都係食烏冬拉麵，呢個故事教訓我睇openrice要睇埋詳細食評。圖片攝於17年11月

十幾年前住紅磡，經朋友帶去食一次後就愛上，鐘意佢夠日本地道居酒屋感，夜晚去食野，隔離枱隨時係一個日本人，摸住酒杯，同老闆用日文吹下水，有時仲會見到收銀櫃前，貼咗啲賽馬貼士。搬離紅磡十年，今次去又係同老婆食番我地當年點既野，天婦羅拉麵，义燒拉麵，燒鯖魚。味道依然，最突然就係，價錢依然。嚟緊一定要再去。

睇完戲搵地方食飯，行左幾條街，搵到哩間門口排隊的小店，等一等叫我們去對面分店，哇！兩間鋪咁厲害，心諗搵岩野食🤟🏻✌🏻等多五分鐘可以入座，好期待！小店走自家溫馨風味路線，沒有華麗裝飾，食物價錢簡直相宜，相信是以食物和價錢取得街坊心！叫了餃子、燒三文魚骨、鰻魚飯、牛肉鍋兩人食其實好豐富，不過價錢真係吸引。三文魚骨魚油多，食兩件已經好濟，牛肉鍋湯底好似壽喜燒咁煮好好味，岩晒濃味人士，餃子🥟是有水準，鰻魚飯好大隻，味道不錯。總結是晚晚餐滿足飽肚離開。

睇演唱會前當然要喺附近食個晚飯醫飽個肚先啦，今晚就去到鰻魚飯十分出名既三河屋試下。甫去到，門口已經有不少人在等位，好彩我地預留多了時間，大概等了15分鐘就可以入座。鰻魚飯當然係必點啦，另外我地仲叫左小食章魚小丸子。章魚小丸子先上，熱辣辣，要攤凍一陣子先放得入口。一咬落去，外皮脆卜卜，比很多在街上買到的高質。之後就到鰻魚飯，確實名不虛傳，十分肥美，而且超長超大條，絕對可以食到最後一口飯都有魚肉伴住！

😋🍲叉燒拉麵。麵豉湯底 $38，好平又抵食😄叉燒幾lum，可惜好細舊，如果叉燒份量多d會更好。拉麵份量都夠，湯底可以自己轉，我明明第一去食，店員姨姨問我點解每次都唔轉湯底😂😂

星期日夜晚要去紅磡睇演唱會，於是就提早左係黃埔醫好肚先睇Show。餐廳係晚上6:30已經有客係門口等入座，可見餐廳非常受街坊歡迎。店舖無咩裝飾，係家庭式的餐廳。男朋友要左份滑蛋豬排飯，個飯會送埋碗麵豉湯。個麵豉湯唔係太鹹，仲有好多海帶。至於個滑蛋豬排飯，個蛋又真係幾滑，入面的洋蔥令到味道更香。豬排因滑蛋的關係，已經唔脆了，不過豬排肉質嫩，就算小朋友都輕易食到。我呢就決定叫比較少見的北海道忌廉烏冬。烏冬比較軟身，同Creamy的忌廉好Match。忌廉有好重的粟米味，加埋煮到淋身的薯仔及紅蘿蔔，又幾特別。食日本野點可以少左刺身呀？餐廳的刺身選擇唔算多，最受歡迎的係三文魚。三文魚的油脂分佈都幾平均，食落都幾鮮。想特別讚一讚的係餐廳用海帶執係魚生底。D海帶點芥辣豉油又幾好食wor。以下呢客銀雪魚西京燒係我的最愛！幾年前黎的時候已經愛上了！燒得非常香的表層，已經令人流曬口水。唔好以為煎得香，入面就會乾！魚肉實在非常嫩滑，加埋BB醬真係好滑！比大家參考的Menu。

是日約了尖子吃晚飯, 來到尾張屋的姊妹店三河屋. Happy Friday 晚上八時正到達, 有人變了黑面神, 原來要齊人才可入座, 哈哈. 店內非常擠迫, 肥一點也坐不下. 格局跟尾張屋很相似, 屬於家庭式經營, 感覺懷舊.點選了吉列豬排咖哩飯(HK$48), 鰻魚飯配麵豉湯(HK$88). 吉列豬排咖哩飯, 賣相不錯, 試一口, 咖哩味跟尾張屋的一樣, 甜中帶點香辣, 但又不會過辣, 配上珍珠米也不錯的. 只是温度有點不夠熱. 再試吉列豬排, 外層也炸得香脆, 但入口未算鬆化, 豬排屬於薄切, 感覺乾身一點, 不夠juicy. 鰻魚飯配麵豉湯, 賣相非常吸引, 好像很肥美多汁似的. 試一口鰻魚, 魚身厚肉, 口感淋軟, 鰻魚汁調配得剛剛好, 鹹甜度適中, 整體不錯! 如果可以多一點醬汁伴飯吃則更佳了. 麵豉湯, 普通水準, 勝在夠熱. 侍應態度不太好, 絕對有改善空間.

同男友放下工食飯，突然醒起朋友介紹果這間日式家庭料理，就來到這裡。.環境有點令人置身在日本，平民化的裝潢，服務亦頗有親切感，我們一共叫了三樣食物。.吉列豬扒北海道忌廉飯 $58忌廉汁偏甜，豬扒同炸粉分開，飯軟硬正常，賣相就十分大份.辣豆腐鍋定食 $78有多種海鮮及豆腐，但九成蜆有沙，味道普通，賣相都一般.章魚小丸子 $28賣相不錯，口感都很好，是性價比較高的小食.總括都是比預期中低了小小，但平價日食來說，是中規中矩吧

平日我通常都會點生的食物，不過可能因為昨晚又頭痛不止得吃止痛藥，所以今天一反常態不敢點生魚片了，就來個$88的鰻魚飯吧！附有味噌湯，熱騰騰的，一端上飯來我也有點呆，不用那麼大碗吧？還有上面真的一整條肥美大鰻魚鋪在上面，CP值爆燈，老夫好久也沒有見過那麼闊身的鰻魚了咳咳，更勝台北肥前屋。很多時在外面點鰻魚飯，同樣的價位真的不可能見到這個奇景，好像在吉之島買的鰻魚也沒那樣肥美，所以閣下無法在家自行炮製！味道當然不錯，送飯一流，不過老闆應該是那種想事情很straightfoward的stubborn男，你點鰻魚飯就只有鰻魚，魚子飯就只有魚子，可不可以多點伴菜呀~ 阿Li家多~

下午2點左右 入左呢間舊式既日本小居酒屋呢個餐牌係想營造咩既感覺? 點解會咁..印象分大減牆上既餐牌 唔通又係歲月既痕跡?炸帶子拉面 ($38) 雖然係炸物 但係浸住係碗豬骨湯入面 感覺都幾伏 我仲以為會分開上添 不過同個價錢都成正比既鰻魚飯 ($88) 配埋麵豉湯 鰻魚燒得岩岩好 配埋d汁撈飯好正唔會覺得有腥味 而且無細骨炸魷魚鬚 ($38)椒鹽粉都落得唔少 不過不失原來午市係1200-1430 係1410左右有客人推門入黎 員工都已經話唔做生意 叫佢地去對面既尾張屋 原來2間鋪係有關係架?而我哋都被催趕一定要係兩點半之前離開..

小店雖然裝修比較舊，坐得都無特別舒服，但總係好多人去食，今次特登去試個鰻魚飯😁飯前會上個紫菜粉絲湯，偏咸呀，淨飲左幾啖就放棄😂鰻魚飯($88)主角黎啦，鰻魚超大塊😍🤤大過手掌，完全係啖啖飯都有鰻魚，鰻魚燒得好香，食落好肥美，仲配上鰻魚汁燒，夠哂入味，一個字正😋珍珠飯粒粒分明，撈埋鰻魚汁上碟，不過略嫌有d咸，下次會嗌飯小汁。不過$88食到依個質素，真係值回票價！大阪燒餅($36)好多木魚鋪面，正呀！味道正正常常無特別impressed，過下口癮咯🙈

今日又可以有時間係紅磡搵野食，係咁多間食肆之間徘徊，醒起有間都出名，但又未食過三河屋，都係鋪仔細細，如果唔係係香港，個格局直頭就係日本，會同老細好熟既居酒屋，裝潢係幾殘舊，唔知係時間的歷練，還是老細的試驗，純帶一提，對面有間尾張屋係同一間黎，我食個陣爆人，姐姐叫人過對面食會坐得舒服點本來見到隔離剛剛黎到碗拉麵，基本上乜都冇，連塊叉燒都細到唔覺係到，但我係隔離嗅到都覺得好香，所以想叫碗試下，但同時間幾個人都叫饅魚飯，再望望其他人又食係多數食鰻魚飯，咁當然要跟風附帶的味噌湯，我覺得係海帶味好鮮好出，但隔離有人話好鹹，我又唔係好覺，味道剛剛好，我好怕味噌湯真係得味噌味之後當然係主角鰻魚飯，黎到都覺得幾大碗，鰻魚無失望地肥美，起碼我食到尾時，啖啖飯都有鰻魚一齊食係香港我其實唔係好敢食鰻魚，因為整得唔好，條饅魚係好像筋，而且d小魚骨又叉哂出黎桔口因為我未係日本食過鰻魚飯，所以唔知好食標準係邊，但依碗鰻魚飯的鰻魚，食落口好似棉花咁軟綿綿，之後係會爭似溶化落條脷到咁，之後鰻魚的魚油，魚香散出黎，內心不禁自己wow一聲，好食喎

呢間小店見平日都好多人係門口等候。但見個餐牌都係食好普通既野。同餐廳好細好平民。唔明點解有咁多人等？！上openrice 查看一下。原來呢間出名食鰻魚飯！仲好多好既評語！😀我當然也要試試啦！餐廳真的沒有怎樣的裝修。電視還是係以前年代的大牛龜😂正方形，細細部。好懷舊。我諗而家真係好難再見到了！ 👍👍員工不多。樓面得收銀（應該係老闆？日本人），同一個寫單。所以佢地都幾忙。叫了鰻魚飯，佢仲有碗麵頭湯送。這碗湯比其他地方更為好飲，味道不會好濃，飲完不會口渴。鰻魚真的好大條，好多肉！好少會食到咁大條。同佢連埋啲鰻魚汁一齊燒，所以味道更加入味！好好味！而且珍珠飯也撈有鰻魚汁。吃落雙重口味，很好味！😍真係估佢唔到既隱藏食店！👍

After a long suffering lecture, my friends and I decided to dine in this restaurant. It looks so old from outside, but my friend said it would be a good try so we went in.The shop is so crowded and small, where you will touch the back of the one dining behind you. The food in the menu is mediocre, yet priced quite highly.For the taste, the food (curry chicken), is just fair, not outstanding. The chicken is well controlled, though. But the curry sauce itself is really not impressive.

為左繼續慳錢，今日去左三河屋，諗住試下$38叉燒拉麵。夜晚七點到，入面已經坐滿人，好似幾受歡迎😳對面有間分店，餐牌一模一樣，但就只係坐左一半人，所以我估原店好味啲😋等左約十分鐘入坐👍🏻.一坐低侍應就各人俾左清水我地，之後食野都有添水，唔錯👍🏻聽到隔離位女士話飯好多，下次可以嗌少飯，最後見佢都食剩1/4塊豬扒👀食物份量都唔少。咁嗌得呢個平價拉麵，我都有啲心理準備😂試一試個湯，好彩唔係超咸！麵就好似公仔麵加粗左咁😂不過ok嘅～甜栗米份量夠😋味道夾啊👍🏻最抵讚係叉燒😍有四塊又唔係好姑寒喎～軟身，肉味幾濃郁，肥瘦比例唔錯，同比出面啲薄叉燒厚，有口感。$38黎講👍🏻👍🏻.男朋友嗌天婦羅飯$58其實我本身都係想喺呢個😳😳但諗起黎就係為左慳錢，兩秒就打消念頭💪🏻飯有跟湯👇🏻呢個味增湯唔會好似一般嗰啲，粉狀沉晒底。我本身鐘意飲湯，覺得都唔錯。男朋友飲完第一句就話好咸😹佢食食下我先記得影相👆🏻😂有三隻蝦、一片茄子、一塊魚同一片蕃薯。份量都算足。因為即叫即炸，所以要等耐啲先有得食～天婦羅同啲醬唔係特別夾，但都明白如果用返平時啲醬油好難送飯😂.最後冇加一埋單，以食物質素黎講，價錢合理，我地都幾滿意。留意到其