三河屋 (已結業)

星期六到紅磡三河屋食午飯，我與同行朋友都非常期待。因為時間尚早，鋪頭內唔係好多人。我們選擇了招牌鰻魚飯，咖喱薯餅牛肉飯，三文魚刺身。齋睇價錢，三文魚同同咖喱牛肉飯好親民。鰻魚飯唔使講，只係收＄88。抵！條鰻魚非常之厚，口感非常淋。我曾經係日本食過炭燒，雖然冇得媲美。但以價格來說，這個質素算很好。咖喱鹹牛肉薯仔飯～個汁濃度中，係家庭日式咖喱，薯仔配合咖喱飯Perfect match!但炸薯餅內䶢牛肉不足，只係食到薯蓉味無肉味。ok!三文魚佢切得好厚，有口感，但食落就唔夠油脂味，尚算新鮮。可能間餐廳係人氣之店，我哋買單嘅時候就好多人排隊。

自從黃埔地鐵站開通後，多了到黃埔逛逛。這兒附近有不少開了很久，很具歷史的小店，食物價錢公道，深受附近學生街坊歡迎。當中一間很舊式的日本料理小店，收藏已久，我最到訪很耐的了。今日突發的到這兒吃飯，因此並沒有帶相機，就隨便的用電話拍了幾張相片。 大阪燒餅: 上高有沙津醬，甜燒汁，木魚。 吃下外皮帶些脆身，內吃一些章魚碎，味道有點像章魚丸。整體一般般，因為這兒的跟正宗的有點差距，先是椰菜不足，再來是整個燒餅口感層次欠奉，只是由粉漿堆砌岀來的。幸兒價錢不太貴，若你是很愛吃章魚燒那外皮的孩子，那試試也無防。 三文魚刺身: 三文魚不大片但切得厚身，給的位置也近腩位，因此也算肥美，可惜吃下油脂甘香還弱。 滑蛋豬扒飯: 因豬扒需要即炸的關係，滑蛋豬扒飯是最後才奉桌的。 滑蛋半熟狀，上高還有一些未熟的蛋白，中間則甫放著一塊吉列炸豬扒。先伴匀米飯，飯內的熱力令蛋白慢慢變熟。 吃下，飯濕潤，有醬油的咸香，蛋氣，還有洋蔥的甜及冬菇菌香。唯一令人大打折扣的是主角炸豬扒，豬扒很薄，炸粉厚而且不鬆，最令人失望的是炸皮跟豬扒是100%的分離，這是可惜的。______________________________三河

友人說了很久，說要帶我吃好料理。原來是這間鰻魚飯，店內裝潢得如日式小店，仿似置身於日本般。一人點了一個鰻魚飯，先來一個麵豉湯，對於麵豉湯沒有太大興趣的我，還是乖乖地等鰻魚飯。鰻魚份量很多，鮮嫩多汁，每口鰻魚配上珍珠米，再加上獨有鰻魚醬汁，是一種大滿足。

是咁的 當晚喺佛光街踢完波 附近又冇咩野食 咁咪行去紅磡搵野食囉 最後同女朋友仔去左三河屋食 今次係第二次食三河屋喇因為上次食左鰻魚飯(係真係幾正) 所以今次就想食第二D 做完運動又唔係好想食飯wo最後就叫左吉列豬扒拉麵喇 女朋友仔就係忌廉飯嘅Fans所以佢就叫左碟北海道忌廉飯~~另外我地再追加一碟三文魚刺身最快到就係忌廉飯同埋塊吉豬 忌廉飯真係一貫水準 又香又滑 真係好咪夾抵食 佢個忌廉汁 香而不膩 亦好濃 絕對冇偷工減料之後就都隔左一段時間 個拉麵先黎到 吉豬同拉麵黎嘅時間差太遠喇 所以豬扒都已經冇咁熱 咁冇理由拉麵未到又食曬d豬扒先嫁嘛 雖然攤左陣 但吉豬依然係好香脆 粉漿唔太厚 豬扒厚身 Size適中 肉質質淨但唔係又乾又柴 好食!!! 不過碗拉麵呢 就真係好麻麻 湯底係豬骨湯但講真冇咩味都幾淡 麵身唔彈牙偏腍(已經係一上枱就食) 不過有好多栗米 好甜好味三文魚刺身最後先上枱(唔知點解要整咁耐) 呢碟真係絕對要試 雖然價錢黎講唔算係好平好抵 呢碟好似六十幾蚊啦 但係三文魚嘅質素過 刺身新鮮而且充滿三文魚獨特嘅油香 係就係細塊左d 但係真係好正 次次黎都一定要食佢!!!總括黎講

昨晚朋友同老公去食飯，飲面鼓湯飮到一半，發現中型小強及係海苔裡面，同店員講都來不及影相已經被店員倒咗，店員態度惡劣，話係朋友唔好彩，更沒有安排任何補償，朋友回家後出現嘔吐不適，已經打電話去衛生署投訴，大家食嘅時候小心D，否則中毒自負！

打從地鐵開通以後，紅磡嘅可達度越來越高，大口就梗係比以前更經常嚟呢度搵好野食。雖知道呢區小店多，好多食店都係臥虎藏龍，今次就係要嚟呢間喺區入面紅到發紫嘅日式食店-三河屋。老實講佢店面好低調，而且入到去都無咩裝修，所以都無咩好大嘅期待。不過今次大口嘅目的其實只有一個，就係要試一試佢嘅鰻魚飯！大口就當然點咗鰻魚飯($88)，朋友點咗漢堡扒忌廉飯($58) 鰻魚飯等了一會就上場喇！鰻魚有大半條，肉身好肥好厚身，入口無好多碎骨，，醬汁都好濃，大口表示好滿意！至於朋友嘅漢堡扒忌廉飯，佢話個忌廉汁都幾好味，甜甜地都鐘意。但漢堡扒就比較細舊舊，不過加埋紅蘿蔔同薯仔配菜都夠飽～　兩個其實味道都唔錯，但賣相呢，我覺得堡扒忌廉飯可以再加強一點點…不過總體而言，鰻魚係高質嘅，一定會再嚟!

德美壽司，經常聽見這個名字，甫去到便拿了票等位，豈料兜了幾個圈也看了木馬旋轉後，回去德美，還須等十張八張。飢腸轆轆急生智，生智憶及三河屋。於是一鼓作氣，本著「日式店初五應該啟市」的思想，轉移目標到三河屋。認真而言，一端來粉紅膠碗及木筷子，給食客的觀感可能一般，猶如廟街或打冷舖的餐具，但總要嚐過其食品方知龍與鳯，況且本人向來不太著重包裝。三文魚刺身，底下配有海帶。三文魚像方形般，雖看來像道具，但味道鮮美，不算太肥膩。吉列豬扒咖哩飯，咖喱比銀咖喱的辣度差不多，沒有了太假的甜味。豬扒炸起熱燙燙，外皮不厚鬆脆，豬扒非紙皮般乾鞋。章魚小丸子，小小一份好像五六粒，熱燙時快吃更見美味，醬多不錯。燒雞泡魚乾，發現乾乾的魚乾，魚味濃而不太腥，窄窄的一條，佐酒味道不錯。兩小瓶獲推薦的sake，味道甘香，入口容易，打破了我對sake之傳統觀念，還令我驚覺原來不同人對各種酒品的面紅快慢、程度各有不同，又長知識了。這日式店子，舊式而不骯髒，家居而不求其，店員由阿姨以至年輕哥仔，均禮貌對待客人，落單、加水、端餐，每一環都盡顯禮貌。在新年仍勤勞上班，經已難得；以真誠禮待客人，更屬罕見，本人對「三河屋眼鏡哥哥」致敬！

呢個post唔係我自己既，係幫老公打既由於佢非常喜愛三河屋既咖哩豬扒飯，順佢意幫佢打反篇去親紅磡問佢食乜梗係話食三河屋豬扒飯，話佢個咖哩味道好，食完唔口渴，豬扒夠脆入面又夠腍，齒頰留香咁話喎，次次去親佢都係食豬扒飯加個芥辣八爪魚同個麵豉湯，我呢就無乜特別，都係鰻魚飯呀魚生飯咁，味道唔錯，但呢度勝在夠平民又抵食，雖然位置比較迫，但呢個價錢絕對係抵呀！上次去老闆娘話而家無芥辣八爪魚喇，希望下次去會有反啦！我的最愛呀

之前都有食過吾錯，今次再經過呢間懷舊日本食堂就去試下。豬排滑蛋飯(付麵豉湯$55，白飯用日本米，分量不少，應該有碗半飯，日本飯吸晒D醬汁好道好味而且味道剛好，上面的滑蛋剛剛好熟，豬排薄薄一塊，不過不失。吉列豬排咖哩飯$48，典型日式咖哩飯，豬排炸得好香口，份量正常，咖哩帶少少甜味，吾太辣，吾食得辣的人就剛好，但整體分量較少，男仔食唔太夠。這個價錢大約$50一碗日式飯都抵食，所以這店長期性入面都有吾少人黎食。

是咁的~一直都會黎紅磡搵野食 之前網上面睇到三河屋幾好口碑 所以今次黎試試~主菜就梗係叫最出名嘅鰻魚飯 88蚊 份量好足夠!!鰻魚都好大塊 飯都唔少 胃口唔係特別大嘅人都食完都可能飽飽地 鰻魚飯始終個汁係靈魂 但我覺得佢唔夠多汁 鰻魚肉厚 但實淨得黎肉身都有d“鞋” 鰻魚嘅皮燒得好香好“煙un” 88蚊絕對值得一試 而且係下次可以再叫 淨係鰻魚個size都已經抵食我女朋友就叫左吉列薯餅北海道忌廉飯 佢個忌廉好香 而且稀稠度拿掐得好好 唔會稀到好似湯咁 但又唔會太稠 味道亦相當好不過薯餅就一般喇 乾身左d 而且佢入面唔係用薯蓉 係類似薯仔攪左幾下但又未變成蓉咁 啫係會食到一舊舊薯仔咁 不過個忌廉汁真係好得另外 如果叫鰻魚飯 會跟湯 個湯好好飲 唔係沖粉果種味噌湯 不妨一試今餐飯仲有其他朋友仔 所以都有叫其他野食 三文魚刺身68蚊好似 呢到坦白講唔夠半磅 但絕對絕對一定要叫 三文魚刺身肉質好肥美 值對比得上d高級d貴d嘅日本店 我地一行5人 叫左一碟之後都忍唔到要叫多碟 因為太正 又厚又香又肥美!!!大板燒餅 細細塊 唔洗40蚊 好抵食 粉漿唔會太厚 不過料就唔係太足炸蝦天婦羅 又一個必食

紅磡的三河屋，相信十分多人都知道它的大名。最主要的是其招牌的鰻魚飯大件抵食而且質素中上，在黃埔區附近早就成為一個傳奇。而在黃埔港鐵線通車之後，相信很多識飲識食的朋友也早已將這間店Bookmark！它其實有一定的歷史和名氣，本身是由日本人經營，但因為長請香港員工，愈做愈街坊化，服務甚至非常貼近茶餐廳級數；而裝修甚至讓人想起八十年代，並深受當時白領歡迎的破舊日式小酒館。這是三河屋的特色，也是它多年保持的一貫風格。Menu也是偏向懷舊，但價錢和種類都很大眾化，由拉麵、日本烏冬、飯、關東煮、前菜、炸物、日式小食以及甜點，統統都有。而且當中有九成的食品，都不超過港幣一百元，實在是非常之吸引人的街坊價錢。而數到最受歡迎的，首位是其鰻魚飯；次之則是天婦羅，當然，我有備而來，兩樣我也不會錯過。先來海老天婦羅($48)，無論賣相和擺盤皆無可挑剔，十分入鏡；從炸衣外層的黃金和平均的色澤看起來，可以推測用的油是頗為新鮮，更換頻繁。不過整體略為肥膩，吃完看到仍有不少油漬在紙的底部，可見油量控制還是有點不合格。味道方面，炸漿上得較薄的緣故，加上新鮮炸起，因此炸衣外層稍為不夠脆口；而且用的蝦是急凍蝦，所以沒甚麼鮮

外面望個裝修的確一般,不過入到去食就真係好有驚喜。2個人去食食左1個煙鴨胸拉麵, 心諗應該都係一個普通既平價拉麵, 點知真係幾好食, D鴨胸都多, 抵食之作。不過最主打都係牛肉鍋定食, 有D似吉野家個濃湯, 但更加入味, D汁撈埋碗飯食真係好正, 個鍋入面都好足料,有蛋,芋絲,菜,冬菇,牛肉, 誠意推介。

必點鰻魚飯，這是我去每家日料店必點的。冬天的鰻魚略過肥膩，但味道鮮美，可惜米飯口感不好。吉列豬扒中規中矩，扒肉質嫩。天婦羅蝦不夠脆，可能跟剛出鍋有關，但汁不夠味道。總體來說，性價比高，小店有日料風味。值得一試！

識飲識食的朋友，應該都聽過《三河屋》這一個大名。未聽過不緊要，多年沒有來過的我就為大家簡單地報導一下。這一家位於紅磡的日式小店，若不知道他日積月累的名氣，小小店會令人覺得是一間香港式的日本餐，serve 的是港式日本餐。但當你有日本文化的認知，這店的料理雖然不華，但，令人感覺到這是一間近似日本家庭料理的小餐廳，小小居酒屋。 入內，感覺好街坊，感覺好茶餐廳 feel。多年來以街坊小店來經營的《三河屋》就是這樣子的風格，日本家庭餐廳的感覺。也許，你看不上眼，這就是香港人開的日本小餐廳的風格。 N年前，我同朋友來晚餐，CP值是甚高的。現在，晚上鮮有出勳尋食了，我改了中午來。一找開餐牌，《三河屋》的餐一點也不貴，我更可以說，這是絕對的街坊價錢。 第一日來，我坐底才發現自己身上只有50大元。我同店大姐說，我身上只有50元。她大叫不緊要，50元夠食飯，奶建議我食咖喱吉列豬扒飯，仲有2蚊找。他們的日式咖喱，是自家製的，有別具一番的味道，薯蓉可以說是佈滿在咖喱汁之內，單是用這一個味道帶點的汁來撈飯食，已經是非常之好。其豬扒，可以是細件了少少，也薄切了少少，但吉列的外皮脆，內心的肉又夠腍，味道上不得說不

一心想食鰻魚飯,  呢間食評都好多讚, 去到店舗裡, 覺得好似中復鳥, 大膽地坐下, 目標清楚明確, 要了鰻魚飯, 阿之媽送上一杯水, 細心觀察地方真的感受到日積月累的塵, 要用的地方還算衞生, 沒用的裝置就勁有殘舊感, 還有見到阿之媽清洗即棄膠杯, 不知是甚麼原因要用即棄膠杯, 心諗這會是乾淨的嗎? 諗諗下阿之媽送上麵豉湯, 湯裡有紫菜(海藻)同芽菜, 點解唔係豆腐而係芽菜? 味道係OK, 有新鮮感, 好了到主角 - 鰻魚飯, 送上時是有煙的, GOOD, 魚身幾大塊, GOOD, 用筷子係可以夾得難的, (唔係吉XX夾唔難)GOOD, 醬汁都好配合  比日本淡味少少,  飯方面我覺得唔夠彈牙, 香甜度不足,總括來說超值之選,