上海婆婆336 (荃新天地) (已結業)

今日Lunch在荃新天地的上海婆婆吃午飯，叫了一個拉麵點心套餐，揀咗牛展拉麵配小籠包的組合。牛展拉麵： 牛展拉麵的湯底一般，牛展幾好食，麵就煮得啱啱好，唔會太淋。小籠包： 小籠包做得幾好，上枱時新鮮熱辣，包內的肉汁豐富，小籠包的皮唔算太厚，幾好食。

同媽媽去!!依間比屯門個間好味好多!!上海婆婆既年糕真係無得輸....每次必叫!!依個超好味!! 可惜唔記得佢叫咩名lu~~不過會有d骨...食時要小心!!唔算太辣...我幾鍾意!!依間d野真係幾好味!! 值得一黎...

餐廳位於好似food court的位置，其實自成一角，感覺開揚。今次是第二次光顧。三人行，晚上八點幾，都要等位一會兒，可見好味。一如大家所說:小籠包最好味，皮薄，多汁，又有鮮味。其他美食:酸辣雲吞、脆鱔。

本人喜歡食上海野，因為住附近，所以都會落黎上海婆婆，不過成日都好多人係到等緊，所以來這裡要等得啊 ； ）每次都會點的是蒸銀絲卷 同出面食既好不同，好好味婆婆粒粒炒飯 推介，味道濃而不油火腿津白 不咸酸辣湯 足料 好味 夠辣高力豆沙 不是太喜歡，有點甜雞絲粉皮 細細碟，好好味D野來得好快，一叫不用十分鐘就有了不過唯一不好就係好似係到趕客，你一食完佢就好快汁走你D野這裡可以有改善！個個朋友都話上海婆婆不好，我就夠瞻說你來荃灣試一次， 手勢好的埋單5人都係400幾 好抵食

27/1/2011 (星期四)今日Lunch在荃新天地的上海婆婆吃午飯，叫了一個下午茶拉麵點心套餐，揀咗酸辣麵配餃子的組合，另送豆漿一杯。酸辣麵： 酸辣麵的湯底一般，唔夠酸又唔夠辣，麵就煮得啱啱好，唔會太淋。餃子： 餃子做得幾好，上枱時新鮮熱辣，餃子內的肉汁豐富，皮唔算太厚，幾好食。豆漿： 一般啦。

見佢門面幾好~就同個fd試下啦~點知...小籠包 - 唔覺得特別好食...算ok~雞絲粉皮 - 好普通...唔夠爽口~排骨擔擔麵 - 掛骨唔香口...感覺d肉唔新鮮...面唔夠熱~鍋貼 - 好差...皮厚底唔脆...$22/3個又貴又唔得!無咩服務可言....叫做可以坐耐少少......!

我上左睇戲隱..呢餐前都係睇完戲的..幸好..我去呢間店時.仲有位.我入座後.門口就大把人等位.......服務:服務效率...同主動性都不是太高...例如.2元一個茶錢.呢餐食左一個鍾...我只係飲左2杯....環境...坐唔到卡位...就好迫..成日都怕撞到隔離的人....雜菜炒飯:當日唔知做乜.忽然食健康餐...呢個飯好乾身...入口會感到飯粒粒分明..份量只是一人份量...青瓜:酒味好濃.....而且幾辣....好惹味....小籠飽:皮厚..不會漏汁....入口後肉汁爆發埋單115元...合理

先說食物, 份量充足, 可惜全是油浸食品. 雖說是上海菜, 但小弟不是來食油的.再說座位, 裝修非常開揚, 基本上與相鄰的美食廣場無異(我等位來幹甚麼?), 唯一的分別是美食廣場的座位比較寬敞.至於服務, 可能小弟身高只有180CM的關係, 無論我示意多久, 均未能引起小二哥的注意. 可能其他顧客已習慣如此服務, 大家亦大叫小二哥的, 甚有回鄉之氣氛, 不愧為上海婆婆.整體而言, 此處餐廳外形, 茶餐廳食物, 大牌檔服務. 如閣下從未到此一遊, 別說自己知道何謂 "不知所謂" 啊.

琴晚同左女友去左呢間店到食晚飯,叫左個婆婆炒飯,一個牛肉水餃,一個煎鍋貼,一個鹹肉津白,佢所有野都ok有水準,但一定要叫o既就只有牛肉水餃,因為佢d肉汁超多,而且好鮮甜,分量亦ok,唔錯.佢呢間店坐得比較辛苦,好迫,d小二尚算有禮貌,可以一試.

之前同家人在下午茶時段光顧了一次，覺得超級抵食，趁今天請假去荃灣做野，獨自來吃。好多人也是等下午茶先入坐，証明價錢會比較優惠。叫了擔擔麵，紅油抄手。送豆漿。抄手先來，吃出雲吞很新鮮，不會死實，配上惹味的甜豉油，正！擔擔麵則有點失望，只有花生麻醬味，我想吃有少許醋的。不過不能說他不正宗，因為沒有正宗之說，都是自家製自家的。連豆漿才32元沒有加一。比起正價平一截。

我和屋企人到新開的荃新天地逛街，聯同附近的如心廣場，華懋可算是買起了這一帶的區域，華懋把這裏變成一個非常前衛的社區，與荃灣舊區形成強烈的對比。一家人正為晚上吃什麼頭痛不已，剛巧經過「上海婆婆」於是選擇了這裏，可是有很多人排隊，大約要等半個鐘、九個字，終於有位了，但又限制用餐時間，好像要個多小時就要交枱，算了吧，家人想吃點清淡食物，上海菜是一個好選擇。等了很久終於有位了，侍應安排我們坐了卡位，看過餐牌，還是點了大路的小籠包、白切肉、海蜇、排骨麵等，食物水準是合格水平，麵條是拉麵，軟軟滑滑，算是很好，可能是開揚的環境關係，餐廳是吵了一些，服務方面可能是人客太多的關係，侍應疲於奔命，值得一提是那個肉末粉絲，很少見到是用炸了的粉絲配合濃醬肉絲，很香口美味，價錢是中價，四、五十蚊一個菜，用餐不到一個鐘就結束了，這裏裝修有很多大頭小孩的相，一點的藝術一點的有趣。http://icuteee.mysinablog.com/index.php?op=ViewArticle&articleId=2727390

送機時候去左T2既姥姥度食左少少辣但可接受既擔擔麵，同都仲有汁，雖然舊肉有點腍既小籠包，之後在荃灣西站徘徊，唔知食咩好，不過又係想簡簡單單一餐上海菜。但夏麵館好D定婆婆好D？問左牧童之後都係@荃新天地度既婆婆啦，雖然呢度要等。叫左個三絲湯年糕同埋花素蒸餃。湯年糕飲得出係火腿煲出黎既，都煲得唔算好淡，至於花素蒸餃個皮比較硬身，需要多一兩下咀嚼。幸而價錢同姥姥差唔多，今次大戰，無分軒輊，反正都係同一個集團。。。。。。

星期五那天, 剛剛完成了一個大project, 實在太開心了, 所以我提議同事吃一頓比較好的午餐來賞勵自己, 最後選擇了citiwalk的上海婆婆.因為我們很早便到的關係, 所以不用等位, 可以馬上入座. 我們點了幾個餐一起吃, 有很多食物, 但因為有些我沒有吃, 所以不能評, 我只食了下面幾款 :紅燒回窩肉味道非常好, 炒得很香, 但香得來又不會像其他店子般肥膩, 辣度適中, 連做配菜的蔥蒜, 椰菜和青椒都吸收了濃濃的醬汁而變得很好味. 而且肉很多, 大大碟十分抵食.奶油津白無特別, 但津白幾鮮嫩, 而且份量頗多.小籠包非常好, 不愧是招牌點心, 絕對是"皮薄餡靚", 包內的餡料肉質鮮嫩, 又多汁, 包皮不易穿, 十分有手水準, 更勝上星期在翡翠所吃到的小籠包.炒鱔糊幾好, 炒得很香, 所用黃鱔很有鮮味, 連同芽菜一同吃更覺出色.這間上海婆婆在其他地區所開的分店, 我見過絕大部份在繁忙時間都要等久才能入座, 今天一試之後, 証明質素果然不錯, 難怪常常爆場, 值得再來.

擔擔麵：很大很大的碗！麵條不錯，辣度亦剛好。其實Share吃都很飽....京蔥牛肉餅：麻麻地，冇乜肉，而且唔夠熱。上海雲吞：幾好吃，但何解要加入那些索然無味的蛋絲呢？松子叉子燒餅：這個不行，燒餅乾爭爭又唔脆；松子應該略烘一下；另外蔥和蒜下的太多了，好像不用錢似的，吃完個口好大陣味。服務都幾差，有待交善。又，不知是否商場設計問題，根本聽不到大家說話，只聽到外來不斷的噪音！

星期一係我一家人嘅family day。爸爸話想食上海菜，於是就決定去食上海婆婆。我地一行六人(五個大人加一個BB)七點左右去到等位，門口派飛個位店員竟然同我媽咪講BB係唔可以計位嘅，只要擺佢個位就要加收錢。我印象中上海婆婆唔收茶位架!!就算好似美心個D甘大間嘅都唔會收BB茶錢啦!!等左20分鐘先有位，其實一早就有位，不過D Waitress唔好懶唔肯執枱，搞到我地白等成十幾分鐘。入到去，家姐叫人加多個位，個經理就搵人即加，都無話要收extra cost個D野~真係唔明點解出門個個小姐要甘講。之後我地一共叫左8樣野，包括婆婆粗炒、婆婆粒粒炒飯、排骨擔擔面、雪菜炒粉皮、水煮牛肉、小籠包、京蔥牛肉包同埋豆沙窩餅。個婆婆粗炒都OK既，係油左D不過個味道就適中，而婆婆粒粒炒飯就相對味淡，講真我剩係食到臘腸味同埋唔知點解甘多臘腸，但都係偏油。排骨擔擔面係我覺得成餐晚餐入面最好食，個面KEEP到水準而個掛骨又肉汁鮮美同埋D炸粉唔多唔少。之後雪菜炒粉皮真係好淡好油，前面食左D濃味D嘅野再食就真係食唔出有咩味…而水煮牛肉唔知點解勁甜!!好難食!!!!小籠包雖然有汁，不過唔算多同埋唔夠鮮味。而個京蔥牛肉