上海婆婆336 (荃新天地) (已結業)

和朋友荃灣行街,突然想食上海菜,所以嚟左上海婆婆食晚飯,攞飛時這位知客姐姐態度已經麻麻,行完一陣返嚟,問叫到幾多號碼,她好像唔耐煩咁答我,我再問佢要等多幾耐,佢竟然冇禮貌吓左一聲,然後答我唔知喎,個感覺太差,終於有位,叫左小籠包,裹面多湯幾好味,窩貼個皮幾脆,善糊粗炒太油,担担麵夠濃夠彈牙,麻辣粉皮幾好.

年三十的中午已經要為晚上的直播節目預備一下~既然場景就在CityWalk中庭花園~就選址在望得見外邊的上海婆婆~~~在屯門吃過數次也算是中規中矩~試試看吧可能大家都忙著吃團年飯~~正午時份都只係九成滿~不用等位~~~時間充裕~邊看邊點菜~~~可能天冷關係~少有地想吃些麵食~最後叫了擔擔麵~小籠包~咸肉百頁小棠菜~後加一個蒸銀絲卷~~吃到暖笠笠是當前大前題- 擔擔麵在後面大玻璃廚房即叫即拉~~工序簡單最快上桌~~非常大的一隻碗~水浸版的擔擔麵固容量約半滿~肉碎花生碎酸菜粒當了浮台一樣~~湯底屬微辣重花生醬的味道~~麵條沒有剪過所以分碗時較為論盡~幸而麵條尚叫彈牙- 四只小籠包放在青蘿蔔薄片之上~但皮厚質地硬~挾起也沒有湯墜底的情況~偶爾還出現穿漏情況~肉汁肉味中庸無突出- 咸肉百頁小棠菜~小棠菜有如”叮叮吹波菜”咁~淋到咬一口都擠出小水柱來~~完全unacceptable~但咸肉反倒極端地討好~咸鮮並存~百頁沒有打結~黏成一餅~- 催了又催~幾乎食晒全部野食先來的蒸銀絲卷與煉奶同上~~放在小蒸籠內切四刀~~裡面無縫實心~全軍覆沒~~已經好耐好耐無食過真係分到一絲絲的銀絲卷~用”小饅頭”角

上星期日未夠7點就去攞位，等左45分鐘左右，先至可以入坐。本來唔洗等咁耐架，因為個支客好似發緊夢咁，跳左我個號碼，我去問佢點解，佢仲話係你聽唔到之麻…(我之前係企響佢前面架，聽唔到…xy#%@)，費事同佢理論，橫掂見我個皇太后都未見人…算!不過你都唔好咁樣應D客嘛~我地3個人，叫左小籠包，担担麵，素鵝，鱔糊粗炒，黃金四季豆，黑醋排骨… 食物亦好快送黎。小籠包 – 小籠包賣相還可以，皮好薄，不過一夾就穿，食落就覺得D皮唔夠靱性；肉餡好削，有一大泡肉汁，不過唔香。担担麵 – 個湯好稀，但係都仍然有花生啲香味；但係個麵又出其地有質感，所以都算OK。素鵝 – 一般水準。鱔糊粗炒 – 我知道要炒鱔糊要好多油，不過唔好多成咁…D鱔又唔新鮮，梅梅地，呢個唔好食。黃金四季豆 – D鹹蛋黃起晒沙，味道唔錯。黑醋排骨 – 肉質幾腍，有肉味，食落覺得醋味香濃但唔覺太酸，都幾開胃惹味。環境方面，地方頗清潔，但略為嘈左少少，而且焗…(冬天都覺得焗? 夏天咪…唔洗志意涼啦~)，食物中規中矩， 但冇驚喜囉。

今晚同屋企人在上海婆婆食飯~今次係我第二次幫襯.上次去左將軍澳食lunch,覺得好好食,所以我介紹我媽咪黎食喇!!可能星期日啦,7點黎到都要等左成半個鐘..入坐時見到門口有張野寫左限食個半鐘.不過而家好多餐廳都有限時,況且噤多人等呢樣野我地都理解.我地坐左圖畫下的梳化,有點先感覺擠迫~我們點了醬爆雞丁,韭黃鱔糊,咕嚕肉,生煎包,雞絲水晶粉皮同3個白飯..1醬爆雞丁$48:味道香濃,有翠玉瓜,份量普通,不過真係送一流2咕嚕肉$52:酸甜汁,有菠蘿,有9件豬肉,應該炸過,因為好脆,但做到香而不溜好少有3:生煎包$22:煎得好香,裡面好多汁..比霸王山莊的好食好多4:雞絲水晶粉皮$42:麻醬同雞絲都好多..好抵食..仲有一些青瓜(推介)5韭黃鱔糊$68:比好多地方優勝,.獻汁味濃,真係好好食服務:侍應行動快捷,我只望她一眼,就明白我們有要求!! 同埋最重要係有個妹妹好有禮貌,唔知佢叫咩名(帶眼鏡)^^ 上海婆婆出品真係有水準,如果單係為了食物我下次一定再來~不過地方環境要彈,首先地方迫,比我地感覺好焗好熱,我們冇點辛辣的菜式都食汗流浹背,可想而知係幾熱~我見到

成日都見有人排隊,今日未夠一點鐘,(四位)等左15分鐘左右,可以入坐。食物好快送來。干煸四季豆,落味太咸,而且有汁既!?做唔到「干煸」風味囉。牛肉包,無奢望食到「清真牛肉餅」水準。但都唔好連肉汁無吖!又勁蔥味,食唔到牛味,皮如餐包朕麵包皮,稱牛肉「包」好啱,。黑醋排骨,排骨是肉排,好大舊肉,黑醋味沒有滲入肉內,汁多,無意思,感覺港式到不得了。小籠包,肉汁唔香,細細粒,連肉餡都細埋,食完好似無食過咁。炸醬麵,嘩!份量小得離譜!炸醬甜甜地,只論味道似乎ok!但四人,每人一著,都無晒咯!再想試真d都試唔到。担担麵(揀唔辣),一睇個湯,都知稀!的確有花生的麻香,但湯稀,麵條又怎吸收湯味!?唯一讚,這裡的拉麵,有麵粉香,而且幾軟熟。我地初時諗住,叫住咁多,試吓好唔好食/大唔大碟,才決定再加唔加野食。而家質素平平,埋單。咁既價錢,卻食唔飽,,我諗都唔會再黎。

點左3樣野食小籠包: 好好食擔擔面: 我朋友話好好食 不過我唔鐘意食面所以覺得麻麻菜磅蟹: 呢味"食送"應該係蛋白+蟹肉...但係我食落去真係完全食蛋白咁.... 呢樣真係太差了... 早知叫兩籠小籠包好過叫一碟菜磅蟹

唔知剩係荃灣分店係咁定係間間都係咁呢間上海婆婆一年365日既晚飯時段都係好多人等佢開左咁耐...只係有3次有耐性兼成功等到位同媽媽細佬3個人去食叫左4樣野...飽到隻野咁...仲食剩左D1. 小籠包唔錯...皮幾薄幾多汁食剩一個先記得影相2. 獅子頭個汁偏咸D肉都幾肥瘦平均奇怪既係...點解D菜得個頭..D葉唔見哂既?!3. 三鮮炒年糕炒得真係幾鮮味(味精?!)D料都足唯一唔好既係D雞肉...好"鞋"4. 油豆腐粉絲湯全晚至驚嚇就係呢個湯啦我真係第一次見咁既色既油豆腐粉絲湯去過大大小小既上海店仲有個正宗上海人既外公我可以好肯定咁講油豆腐粉絲湯一定唔係豉油咁既色!!呢個湯一黎到...我同媽媽都打左個突...以為黎錯一飲..........呢兜完全係豉油水咸到唔知點形容好大陣豉油味仲有D油豆腐係一陣"油益"味除左失望...我真係唔知講咩油豆腐粉絲湯係一個好容易可以整得到既湯唔知點解可以搞成咁作為一間上海食店..希望佢地可以做好每一樣基本野咁先係留住客人既唯一做法另外值得一讚既係雖然人好多...但服務都算OK

長話短說, 以前從沒有幫儭過, 試過後與女友一星期內去了兩次. 整體感覺幾好, 坐得舒服. 食品質量和份量也對得起價錢. 圖 3 有食品價錢和名稱. 我懶得打字 唯一要彈既係侍應加茶唔主動. 第一次去繁忙時間客人多算數, 但第二次去係平日九點幾, 侍應多數都係行行企企, 每次都係我叫加茶先做野. 茶錢唔多, 兩人$4, 但都要服務嫁. D茶好熱, 飲到見底先加茶, 又要等一陣先可以飲, 希望以後有改進.

第一次光顧,等了約四十五分鐘,好彩取飛後同男朋友去行多一陣,實際約等了十分鐘,不過食後也覺得值得,因為眞係平, 靚 , 正! 唔怪之得咁多人等!1. 豆腐皮蛋 : 薄切幼嫩豆腐,冰凍可口!2. 小籠包 : 皮薄肉鮮美,好味!3. 螺肉泠麵 : 麵很彈牙,餸很多!4. 黑醋魚塊 : 份量大且味道好,正!

今日忙了一整天，我與女友均身心疲倦。在荃灣找了上海婆婆來醫一醫肚。點了水煮牛肉、婆婆炒飯及小籠包。今次是第一次叫水煮牛肉。初次見到紅紅的油，以為會非常的辣，可惜它除了只有少少的香辣外，便只有咸味。食了大半便放棄了。可取的可算是牛肉下的紅薯粉，十分飽肚呢~~婆婆炒飯亦是第一次點的。見了相片非常給引，上菜時份量亦都非常多。雖然試後都只覺得是普通的臘腸炒飯，頗感失望。但在疲勞及肚餓下亦都草草完結了這個炒飯。可取的只有小籠包，同以前一樣的皮薄多汁。

今天晚上在荃新天地覓食，第一次與婆婆相遇，看看婆婆是不是如假包換的上海婆。坐下後，看環境也不錯，地方頗清潔，但略為嘈一點，這可能是數間食肆在同一個堂內，而食肆間亦無牆壁分隔，這樣的設計，嘈是必然的了！點菜時，那個(哥哥仔待應生)，竟然聽不明白我們點甚麼菜，要我們用手指著餐牌才明，到他開口時，難道我們遇上了上海哥哥嗎 ?今晚我們共3人，消費了200元，品嚐了如下菜餚。上海小籠包一客共４隻，皮簿，汁不算多，小心咬破外皮時，被中間的湯汁燙親！味道也很好。太太話中間無乜肥肉幾好，我說 : 不知瘦肉多還是時間過火，肉餡有些(鞋)口。火腿津白，火腿好味，有4小塊，看似很少，其實也不少，因夠咸，要與津白同吃，才可感受到這道菜之特色所在。黑醋魚塊，魚塊用粉炸過，味道好，但不脆 ; 黑醋與其配合，味道不錯，可惜獻汁過杰。嫩雞煨麵，嫩雞不覺嫩，還有些(鞋鞋地)，煨麵就太淋啦，下次咪攪.炸銀絲卷，炸得非常脆口，配以練奶，也是絕配！

朋友係葵芳番工, 無野做過左黎搵佢食飯. 本來諗唔到有咩好食想出番旺角食, 不過佢話趁住早可以試下呢間成日勁多人等位既上海婆婆. 之前食左咁多間唔係咁得既上海菜, 其實我都有D驚驚地唔係咁想食. 不過見呢個商場都好似無咩特別其他野好食, 所以最後都係入左黎呢間. 食上海野, 小籠包係必點. 除此之外, 我哋兩個人就點左螞蟻上樹, 津白, 一碗飯同埋一杯豆漿.小籠包: 做得唔錯喎, 雖然小籠包既皮未薄到好似翡翠拉麵既小籠包咁薄, 不過已經做得好過好多上海舖. 上枱時夠熱, 包內既熱湯都夠濃, 唔錯. 第二道上枱既係螞蟻上樹. 平時係屋企食到既螞蟻上樹係 "鼓油豬肉抄粉絲", 今日黎到見到同呢到既好唔一樣. 呢到既螞蟻上樹粉絲係炸到卜卜脆, 同紅色既醬肉面有豆腐係分開上. 今日得我同我朋友兩個人真係唔係咁應該叫呢碟餸, 因為粉絲炸到卜卜脆咁唔飽肚, 個醬汁就咁食又唔係, 跟咋粉絲都好似好漏咁, 似係用黎跟飯既多. 但係叫左咁多野再叫碗飯我又食唔晒. 所以最後我肚入面既空位就交左比碟津白解決! 呢碟津白真係好好味, 唔知佢點整. 菜身煮到好冧, 但又唔係冧到爛嗰d. 唔識點形容, 總之好好味

今日同老公決定去上海婆婆食飯..成日都見好多人等...今次都一樣,我地2個等左半小時,便再問門口的小姐,佢話差唔多,因為每張都有限時WO...結果等多5分鐘就有位!!入到去點了召鹽小王魚,小龍包同埋肉絲燒餅..侍應提醒我地小王魚是2條,不過會比圖的大些少~肉絲燒餅,餅十分脆,肉絲夠多,,小龍包好熱好好食,十分多湯,正!!侍應十分忙碌,但都為我們不斷加茶,同埋會主動幫我們換碟..抵讚..!!好多餐廳而家都冇喱個服務..最多您叫先做~><埋單時仲有介紹我們LUNCH有SET..好抵食..叫我們下次試下..下星期四應該同D朋友會試下午餐,睇下係咪真係噤平!!

裝修看來不錯便來試試但呢度服務非常差...WAITER竟然喝人...仲好無耐性連著suit個d經理都好想趕客有waiter 狂咳又唔戴口罩...衛生真麻麻....加一服務費比得好無奈食物味道一般好細碟頗貴啦

呢間上海婆婆午餐時間都幾多人，我12:15 到，遲些少就要等位。由於係open design，所以都比較噪。午餐 - 每個餐包一湯一白飯一小菜，加豆漿+$3，轉菜飯+$3，加甜品+8。點了兩個午餐，麻婆豆腐$38(+$3 豆漿)，京荵爆羊肉$43 (+$3 豆漿 + $8酒釀丸子)。湯可以揀 中湯(青紅蘿蔔)或酸辣湯，我就試左酸辣湯，用料都幾夠，比起平時的酸辣湯有少少偏酸，but i like it。麻婆豆腐 - 好大碟的麻婆豆腐，可能碗飯比較細。味道不錯，甜甜地，唔係幾辣，LO 飯真係一流。京荵爆羊肉 - 佢用左唔同的荵同莧茜炒羊肉，荵就爆得未夠香，但羊肉就very good，冇'穌'味，仲要係羊多過荵架，抵到丫。豆漿反而麻麻，好淡，冇乜味。酒釀丸子 - 冇乜人叫的東東，但係真係唔錯，而且D酒好香，值得一試。$95 飽晒走人。