上海弄堂菜肉餛飩 (歌賦街)

營業中

休息中

我好喜歡食上海菜，而香港好食嘅上海小店已經愈來愈少，而中環哩間上海弄堂係我心中數一數二好食嘅小店，愛佢哋嘅餛飩及上海麵。餐廳好有古色古香嘅中國風，牆上嘅上海啤酒海報甚有風味。小食是麻辣花生🌶️🥜花生焗得香口，花椒麻香重，辣度溫和，好惹味，係食唔停的。酸辣湯麵🍜豆腐、木耳、肉絲、荀、蛋花都精緻幼細，材料頗多，羹味道夠酸，辣度適中，麵彈牙掛湯，我喜歡。蒜香排骨擔擔麵🍜排骨炸皮好脆，加咗金蒜令味道好香口。湯底花生醬夠香，麵彈牙掛湯唔會太淋，好食。白菜餛飩上次上過薺菜口味覺得好好食，今次轉下口味叫白菜，味道相對清淡一點，但依舊係皮薄餡靚。

下雨天，來了附近的這家上海菜餐廳吃個隨意的午餐。裝修帶點古式古香，散發陣陣懷舊上海氣息。.餐牌選擇頗豐富，最後點了幾樣食物，解一下嘴饞。.蒜香排骨擔擔麵 $85Dan Dan Noodles with Deep Fried Pork Chop排骨肉質鮮嫩，味道濃郁，蒜香味突出，配以微辣的調味料，讓整道菜的味道更加豐富多樣。另外，麵條口感彈牙有嚼勁，麵質條條細膩，加分不少紅油抄手 (6只) $62Dumplings with Chilli Sauce抄手皮薄但韌勁十足，內餡肉香四溢，配以特製紅油醬汁，味道微辣微麻，高質。小棠菜豬肉餛飩 (8只）$59Pork and Pak Choy Dumplingsin Soy Sauce Soup豬肉內餡非常鮮美，搭配清淡的小棠菜和豬肉青，味道清新，吃完之後令人飽足但係唔會過膩。*前菜花生🥜 $10口感非常酥脆，帶有濃郁的花生香氣，少少辣味，更令花生惹味了不少。

一陣去上環上堂，趁依家未開始繁忙時間，搵個地方食嘢先，見到呢間食上海餛飩，試吓先！好，坐低睇吓有咩好食先。坐低冇耐，開始有人潮，好彩早10分鐘坐低。酸辣餛飩麵，午市套餐，叫麵會送飲品，碗麵好大碗，仲好足料，個酸辣湯多酸多辣，又濃稠，豆腐、木耳絲、筍絲，切到剛剛好一口，好爽好有口感。餛飩有4大粒，皮薄餡多，餡料好豐富，肉同菜嘅比例好好。用上海幼麵，麵條彈牙，軟硬適中，食落唔會粉唔會糊口，掛上酸辣湯，好好味。熱甘蔗水， 好清甜，飲完喉嚨好潤好爽！

想起已有一段時間沒有到上海菜館，即拉着家人來這裏。❣️ 家鄉燻魚燻魚為上面傳統名菜。外表焦脆而內裡肉質鬆軟而不乾。入口甜香味美，渗透出鮮和甜的味道。醬香的熏魚，外脆內嫩，此店做得出色。❣️ 脆皮素鵝脆皮素鵝皮脆酥香，餡料豐富飽滿，不感油膩。❣️ 小籠包皮薄肉餡肉質新鮮多汁，味道鮮美。❣️ 上海炒粗麵  濃油赤醬，炒起來帶出豉油香氣。粗麵口感煙韌，豬肉片軟腍， 整體色香味俱全。🥛 熱豆漿熱豆漿入口順滑，透出一股濃濃的天然豆香，味道香濃。

同另一半黎上環呢條街覓食，呢度好多出名店舖，一到lunch hour真係間間都排隊🙌🏻呢度都幾抵食，平均六、七十幾蚊一個餐，包一主菜、一白飯/菜飯、一杯飲品，或者可以好似我咁，加$15就有一碗大大嘅擔擔麵。花雕醉雞份量唔算多，勝在酒香濃濃，酒香深入滑嫩嘅雞肉，甘口、凍冰冰，好開胃！四喜烤麩個菜名好好意頭，吸飽醬汁嘅麵筋，吃起來口感有勁，甜甜地，入口凍冰冰，必食！上海擔擔麵其實我本身唔係好食得辣，所以小辣就啱啱好，花生碎、葱粒點啜，充滿香味，每一啖都咁滋味👍🏻

是日午餐！今日就試左呢間，回鍋肉菜飯+豆漿！菜飯比較濕及淋😑，回鍋肉既味道尚可但份量咁少既😒…… 個外賣盒已經唔係深嗰種🙄，但回鍋肉既份量係嗰格仔既一半咋🤨…… 唔知堂食既份量會唔會多D呢🤔？

阿妹返香港渡假，相信呢兩個月會不停係咁食嘢，通常離開咗香港就會掛住好多香港美食上兩個禮拜去咗上環睇醫生，午餐問佢想食乜嘢，佢話想食上海麵，咁就一於帶佢去歌賦街上海弄堂，食我認為最好味嘅上海粗炒我哋叫咗兩個午餐，再加小食酸辣雲吞上海麵，酸辣湯超級嘢味，配上熱辣辣嘅湯麵，又酸又辣，雲吞皮薄餡靚上海粗炒，喺呢度可以食返小時候冬菇亭師傅爆炒上海粗炒嘅味道午餐包一杯飲品，我哋要咗甘蔗汁，清涼潤喉小籠包，熱辣辣，皮又夠薄，但係絕對唔會一夾就爆，充滿湯汁，10分Juicy上海春卷，熱辣辣卜卜脆阿妹表示十分滿意

香港既上海菜餐廳食過唔少，但講到正宗既上海餛飩，我都仲係會諗起上海弄堂。今日收工之後同男朋友黎到歌賦街搵食，再次比呢間精緻既餐廳吸引，隔咗幾個月再食，等我睇下有冇保持到一貫既水準先。糖醋魚塊侍應姐姐好貼心咁先上左糖醋魚塊，味道酸甜醒胃，而且魚塊大大舊，啖啖肉，好適合作為第一道菜。西洋菜餛飩（季節限定）終於輪到主角餛飩出場，姐姐話西洋菜餛飩係季節性限定，其他日子冇得食架，我50胃又點會錯過呢個機會。餛飩皮好滑，浸係鮮甜既湯汁入面，食落去鮮嫩多汁，好好味。原本以為8隻餛飩都幾多，但食完發覺都唔夠喉。菜飯平時出街食得比較少菜，最後叫左個菜飯。但係相對餛飩，菜飯就冇乜特別，同男朋友一人一半啦！埋單一共二百幾蚊，兩餸一飯，食得好飽好滿足，下次會再幫襯。

好耐冇食上海菜，過嚟屋企附近嘅呢一間連鎖上海餐廳食個午餐。佢哋喺香港有三間分店，而我地今次嚟嘅就係中環嘅呢一間。.兩點幾嚟到餐廳裏面都幾多人，位置係比較安靜嘅歌賦街，用餐環境幾舒適。.蒜香排骨菜飯（$72）炸得酥香嘅排骨，表面撒上少許辣椒、炸蒜，少許香蔥等等，貌相不錯。底部仲有椰菜吸油，幾貼心。食落炸皮夠薄，而且唔乾爽油膩，排骨嘅肉亦夠鬆化。醉雞擔擔麵（$85）麵質富彈性，擔擔湯底香濃惹味，少辣香而不嗆，仲有少少花生香氣。醉雞亦足夠入味，唯可惜係唔係雞髀位。西洋菜豬肉雲吞（$68）（8隻，季節性）雲吞非常紮實，皮薄餡料足，隻隻都夠重量。清清地嘅湯底，為雲吞提少少味但係又唔會太腸強，雲吞菜肉比例均勻，口感味道都不錯。

老派約會之必要，當然係要找一間小店約會浪漫大氣開場。弄堂是指上海小巷的意思。一般而言，上海弄堂是品嘗上海家庭小英的好地方。呢度主理嘅菜式喺採用上海名廚相傳己久的獨特秘方，所以味道正宗。呢間店堅守不本地化的理念。誠意獻上各款亞啦(我們的)上海菜，令我哋香港人口味都好滿意。蒜香排骨擔擔麵(小辣)有驚喜非常惹味的肉碎擔擔麵，上海風味濃。配上香脆可口的炸豬扒，唔多又唔肥膩，推介！夠味得嚟，味道剛好，唔會太鹹太重味。而且份量都幾多幾抵食。豐盛1人套餐＄168性價比啲之選，首先好少上海餐廳可以俾你點小食係一兩件，兩粒小籠包，同3片鎮江肉，呢個餐可以一次過滿足你多個願望，少食多滋味，又唔怕眼闊肚窄。- 酸辣湯（細碗) 普通，個人口味對於酸辣湯一般，跟餐會附送，覺得正正常常。- 鎮江肴肉(3片）半肥瘦嘅鎮江醋好香，肴肉肥瘦適中👍🏼- 小籠飽（2隻）皮薄餡靚，夠新鮮製作，食到熱辣辣嘅湯。- 餛飩雞湯，非常喜歡私心推介，好清嘅住家雞湯感覺，好想繼續飲，砂鍋雲吞雞仲有菜，不得了，真心享受😎。白飯一碗凍豆漿一杯

平時返工都有時會黎呢度食 今日喺附近行開就嚟食個Lunch 呢度嘅午市套餐其實有好多選擇 有簡單版 只有主菜 而豪華版就有齊小菜/前菜/小食/蔬菜/主食/甜品 咁叫得套餐當然就配埋野飲 可以揀豆漿 酸梅湯或者竹蔗茅根小籠包 小籠包外皮雖然唔係話好薄 但內餡都好Juicy好多汁酸辣湯雲吞麵 套餐嘅酸辣湯雲吞有4大隻 會跟埋上海麵麵底 麵既分量都幾多 所以比較吸湯 雲吞大大嚿有菜有肉 仲有我鍾意嘅厚雲吞皮 增加口感層次 而酸辣湯如果可以再重口味d酸d辣d就更加岩我口味喇 回鍋肉炒年糕 我最鍾意就係食年糕嘅煙煙靭靭 加埋呢度回鍋肉炒到好香好惹味 又有啲椰菜青紅椒呢啲爽脆嘅蔬果中和下 次次食上海菜呢個餸都係我Favourite 呢個配搭冇得輸#相機食先 #手機食先 #foodie #food #foodpic #foodphoto #yum #yummy #delicious #tasty #hkfood #香港美食 #美食

終於都等到秋天嘅天氣，清爽涼快，有心機去中上環散散步，跟住好有feel咁去食老上海美食，上海弄堂菜肉餛飩 朋友食過話想再食。店內裝修充滿老上海的復古氣息，給人一種慢活的感覺。　小店招牌菜肉餛飩，我哋掛住傾偈竟然忘記咗，唯有下次再嚟食過餛飩。我哋每人一個一人套餐份量幾多，價錢豐儉由人，特色涼菜、主菜、主食同埋飲品都包括在內，真係好抵食。酸辣湯、花雕醉雞及擔擔麵都值得一試。酸辣湯細細個去上海舖，一定要飲酸辣湯，這裏招牌酸辣湯，用料十足，我見到有最傳統的豬雜絲、木耳、冬菇絲，酸辣味道適中少辣，酸辣好開胃。特色涼菜鎮江肴肉、花雕醉雞真係不二之選。＋＄8 陳年花雕醉雞陳年花雕醉雞肉質彈牙，充滿陳年花雕香味，濃濃雞味，清新健康的感覺，酒味很配合雞肉的嫩滑。鎮江肴肉(3片)涼菜鎮江肴肉，平日好少食到，呢種特色小食好考功夫，賣相已經層次豐富，肉味濃郁，一層啫喱一層肉，咬落肉質結實，好有上海風味。無錫排骨古法炮製，無錫排骨酸甜有一種薑醋嘅味道，排骨炆得軟硬適中，味道鹹香中有一點甜味，鮮味不肥膩。弄堂回鍋肉回鍋肉鑊氣十足，肉香撲鼻，最鍾意食半肥瘦腩肉，配料爆香青椒、椰菜辛辣非常惹味，爽口彈牙。擔擔麵(另加

媽咪鍾意食中餐，趁今日得閒就去食屋企附近嘅上海菜🤗午市套餐都幾抵食，我哋Order兩個套餐，加$10轉擔擔麵，再叫多一份小食，都係$200多啲，上海菜來講絕對性價比甚高。小食:脆皮素鵝～即叫即炸，腐皮包住紅蘿蔔木耳絲，內裏有汁，入口都幾Juicy，外皮香脆，媽咪都話高質🙌🏻Set lunch 包一杯餐廳自家製飲品，我哋揀咗凍豆漿和竹蔗茅根水。四喜烤麩(素）～烤麩即係麵筋，吃來口感有勁，醬汁甜甜地，配搭冬菇、毛豆、黑木耳，越食越開胃。醉雞～份量唔算好多，勝在夠酒香，而且雞件嫩滑，入口凍冰冰，唔錯。

開心星期五去左上環食上海野， 上海弄堂位置較隱閉， 過左門口就miss左。午市套餐唔算貴$100蚊內。陳年花雕醉雞擔擔麵蒜香排骨菜飯回鍋肉菜飯陳年花雕醉雞擔擔麵， 醉雞非常入味， 酒味滲哂入雞肉裡面， 雞肉嫩滑， 酒味香濃。蒜香排骨菜飯， 外脆內軟， 熱辣辣， 味道非常野味， 菜飯d菜好多， 炒出菜油香味。回鍋肉菜飯， 辣道唔錯， 回鍋肉肥瘦適中， 份量多。 喺中環用呢個價錢食到咁嘅質素， 真心超值。套餐重有豆漿， 酸梅湯或甘蔗水送添。

發覺上海菜嘅小店愈來愈少，難得比我搵到間精緻嘅小店，一定要試啦！食咗幾款菜式，真心覺得好食又正宗，價錢又唔貴，小店乾淨企理，很喜歡！❤️平日有午市優惠套餐送豆漿、酸梅湯、甘蔗水我哋今次飲甘蔗水，好清甜解渴。🔸薺菜豬肉餛飩（$62）❤️非常好食！皮好滑，厚薄適中，有彈性，餡料飽滿，薺菜好新鮮。湯底係簡單嘅醬湯湯，但都已經好好食！我見有客人會專程嚟買生餛飩回家打邊爐，可見有幾受歡迎！🔸陳年花雕醉雞（$68）雞滑得嚟有咬牙，唔會梅，花雕味唔算好濃，但幾香，係比較清淡嘅菜式。🔸蒜香排骨（$58）大塊足料，炸得夠脆又唔油，配埋炸蒜超香口。🔸擔擔麵（+$10）花生味好濃，湯底濃厚適中，上海幼麵又滑又彈牙，掛湯力不錯，個麵好好食。🔸酸辣湯（$18）酸辣度剛好，材料切得夠幼細精緻，可見廚司係用心製作，用嘅醋好香，滋味唔搶喉，喜歡！