上海美華菜館 (已結業)

平民價品嚐老上海的味道，兼上海姐的服務！鎮江骨👍🏼顏色同味道一樣，夠濃！每件骨都均勻沾滿甜甜嘅醬汁，肉質夠腍東坡肉👍🏼激厚東坡肉係原件上碟嘅！！😱上海姐之後先幫我哋切開9份！雖然肥膏同瘦肉各半，但入口一啲都唔覺油膩，師傅落咗唔少功夫！醉雞醉汁好正，不過雞肉唔算話好入味，食時要係個汁到 yarm yarm yarm，咁就正喇沙鍋雲呑雞👍🏼成個煲都係料，雞肉唔會太乾身硬倔倔，雲呑size適中，食多幾粒都冇問題🙊 重點係個湯好好飲，飲到唔覺意填滿咗我個肚小籠包皮略厚，包入面唔算多汁，質素略為普通好抵食吖！不過座位就唔好期望啲咩，因為佢堅係上海老店，裝修都係保持原汁原味舊式菜館咁，亦唔好嫌上海姐大大聲好似冇禮貌咁，上海人是咁的

平時成日經過都冇咩衝動入去，今日經過見到兩個篤住拐杖的老人家推門入去，搞到我都忍唔住跟入去。一坐底見到D阿姐同D客完全係街坊式談天說地，好有親切感。食物種類頗多，全部寫晒係牆上。人總是眼闊肚窄，叫咗咸豆漿、四隻生煎包、八隻小籠包同雞絲粉皮。咸豆漿碗中加上滿滿的油炸鬼，香口而豆味濃郁，而生煎包同坊間的大不同，底部煎得香脆而內裏少汁。小籠包皮薄而多汁，加上黑醋薑絲，一口一隻，D汁係口度噴出黎，食到停唔到口。呢個雞絲粉皮極之好味，D花生麻醬分開上，鍾意食幾多自己加，每條粉皮沾上醬汁之後，香口又爽滑，好似唔使吞咁就跣入喉嚨，完全可以唔使理D雞絲老實講一間冇門面又冇宣傳的小店，都有如此水準，完全靠一班敬業樂業的幕後無名氏默默耕耘，那份對食物的執着，絕對值得我地尊重。

這裡是一間頗為舊的上海菜館，有時下午都會路過這條靜靜街，我讀書時就喜歡吃上海菜，而排骨是首選。這裡的蔥油排骨麵，排骨不是分開上，所以已經浸淋了，吸了湯的排骨沾了些蔥油，頗為好味👍另外之前和太太吃過小籠包就麻麻，好彩我同太子爺講，佢第一時間取消，而這個太子爺頗為高大，而且個樣有點似韓國男演員。

同屋企人掃墓完畢，又唔想飲茶，想揾番之前同男友食過嘅上海菜小館(真可惡問佢又遲覆)，又攰又熱又肚餓，跳上的士～但我記錯左⋯⋯一東一西，是但啦，既然又差不多到達，加上的士司機又搭咀推介，於是一試美華，先黎個涼拌菜小食～燻魚，甜甜地醬汁有少少似鰻魚汁燻出淋淋的魚，份量算十足，好味但小心多骨。小籠包不算得薄皮，勝在湯汁肉料豐富，可接受但驚喜感不足。上海粗炒我唔中意因為太油膩，但舅舅一坐底就話要食，真係好油，但色水、味道啱啱好，撇外佢油「冧冧」嘅缺點係好味嘅。三鮮冷麵嫌麵粗而且比較硬，一般啦。高力豆沙即點即做熱辣辣，漲卜卜嘅蛋白球包住唔太甜嘅豆沙餡，作為餐後甜點～激讚。

以前聽聞呢間早餐粢飯好味，但因為住港島區，加上weekend我唔起特别早起嘅人，所以一直未有机会試。因失眠關係，今朝6点幾專程揸車過去買外賣，太早未有葱油餅，叫咗鹹豆浆、鹹粢飯和菜肉包。一買好先响車内試二啖先，非常失望，粫米好硬，裏面嘅油炸鬼雖然係脆，但係硬脆，深啡色的，over fried 嗰隻，唔系正常外脆内微軟嗰種。反而鹹豆浆唔錯，菜肉包冇特别。總结：一定唔值得專程去食，如果去開附近的話，還可以去食下，但我唔会再叫粢飯。

如果唔係搬來附近，我諗要搵豆漿粢飯做早餐都幾難。呢度d粢飯同我以前食嘅有d唔同，佢用脆脆肉鬆，即係橙紅色嗰只，又出奇地夾味啵。建議order熱豆漿，因為凍豆漿好細杯好味早餐27蚊（粢飯18+豆漿9）都算抵食

突然想食下上海野 查實又唔一定要去食上海婆婆既! 土瓜灣刀有一間正宗老舖等緊你~ 而且又唔洗加一同荼位 平平地就食到上海野啦 d侍應仲係用上海話溝通添!-----------------【上海粗湯麵】飲食價格: $38飲食評分: 8/10次次黎到 必食既就係上海粗湯麵 因為佢既湯底睇顏色就知有幾咁濃郁 絕對唔係淡某某個隻! 當中有豬肉絲同埋小棠菜 加上爽滑既粗麵 食起黎簡直係絕配~而且佢係大大碗 加上又唔洗加一同茶位 真係抵到爛啊!-----------------【排骨麵 (幼)】飲食價格: $38飲食評分: 6/10#小tasty: 如要改為粗麵 要另收一蚊排骨麵同上海粗湯麵既湯底都係一樣 所以都係十分濃郁 而排骨炸得好脆又大塊 份量好足夠!-----------------飲食價格: $20/客 (4隻), $40/客 (8隻)飲食評分: 6.5/10#小tasty: 食客必須至少叫兩客鍋貼(共8隻): $40鍋貼肉質好鮮嫩好足料 而外圍既皮都薄 記得落單個時同侍應講聲煎得香脆d啊! 要點上豆瓣醬 簡直夾到傻~~之前食店可以叫一客鍋貼 但由於食店改了制度 有限制：食客必須至少叫兩

香港地食滬菜既地方很多，但識得食滬菜做早餐既人少，識得整好食既滬菜既店子更少之又少。以前肥柑子家住港島，屋內的街市是有做滬菜的店子，那裡的粢飯和豆漿是柑老爺和柑子兒時的早餐呢，但後來面對社區發展，店子關了，往後日子，便是以快餐店的早餐來代替，而坊間的所謂上海早餐，肥柑子食過太多次，亦有太多次失望。幸好今次來到美華，呢間小店真係隱沒一角，但係識食之人，一定會搵到。同柑太到達後，即時點了兩個咸粢飯，柑太要了一杯凍豆漿，而我便叫了咸豆漿。美食送上後，柑子立即拿起粢飯打開後，不理會它的熱力便大大口咬下，一咬之下，立即感受到飯內的油條的脆度，以及肉鬆咸味和酸菜的微酸，一般坊間用的油條是腍的，一咬之後，完全沒有口感，而且出面很多人都搞錯了一件事，以為粢飯一定要壓得死實實，但其實壓得太實，飯壓扁了，口感亦會變差，只要剛好將粢飯壓一壓成形便可以，這裡的粢飯，絕對是合格的。之後的咸豆漿亦完全返回上海風味，油條、肉鬆、酸菜等，加上熱熱的豆漿和麻油，每一口都非常充實，很快便感到熱熱的豆漿令自己充滿能量。一般食法是甜咸各一，而肥柑子是自認老饕嘛，當然是咸咸配，柑太的凍豆漿不甜，係大熱天時絕對係佳品呀。

平日朝早去食早餐，員工都態度ok野食都唔差！諗住試下晚市啦，去到要等位問左係唔係要等位，冇人安排，有位又唔拾枱坐低已經迫，成架餐車頂係後面，推開小小個員工即鬧！叫野食，員工唔落單，個事頭婆，咩都要自己攬晒黎做，但又做唔黎！叫咩冇咩，仲要係態度差咁答野食黎到，小龍包乾到一漏汁都冇粗炒成碟油，同飲油落去冇分別！個菜飯又勁乾！食野中途，有個男人叫外賣，個男人走左之後，個老闆娘大大聲同員工講頭先咩咩生俾左$100你地買野食！算係咩態度？即係係唔係去你餐廳食野就一定要俾咁多貼士？貼士要俾得多唔係問題，問題係野食唔好食，態度差，咁樣值得俾貼士？最令人火滾既係...成餐飯食左二百幾蚊俾五百去找個老闆娘態度差到係「揼」返d錢出黎個老闆娘係見你叫得小野就態度差不過請攪清楚問題，我一心係諗住叫多d野食，最終係我叫親咩，你都答冇！唔通怪我唔叫野食？咁既垃圾餐廳，絕對冇下次！

其實很早以前已知道有此上海菜館，但因為土瓜灣實在不是一個交通便利的地方，所以一直未有機會嘗試。今早要到土瓜灣附近做嘢，終於可以品嚐他們的食品了店內雖然沒有華麗的裝修，但食物水準卻相當之高。因為是早餐，我只點了粢飯、甜豆槳及油豆腐粉絲湯。他們的粢飯是即叫即做，由老闆主理。餡料(肉鬆、炸菜)之多，是我無預計到的，糯米飯是熱辣辣，而中間的油炸鬼並不是短短的，而是由你第一啖到最尾一啖，你都可以咬到，仲係超脆口，一級讚油豆腐粉絲湯，加入了葱花及大量的薑蓉，令到個湯有少許微辣，刺激味蕾，再配上爽口的粉絲及豆卜，真的很精彩，但並沒有一絲油膩的感覺，十分喜歡老闆及店員的態度親切有禮，家庭式作業，好warm 的感覺，一定會再幫襯

每次來美華，只是為了食鹹粢飯及豆漿。粢飯即叫即做，熱辣辣，糯米食落煙韌又粒粒分明，油炸鬼好脆，又香口，因油炸鬼再番炸，肉鬆份量頗多，但榨菜就少了些，整個味道頗佳。熱豆漿（不加甜），豆味濃郁，有少許焦香，合我心意。

土瓜灣咩多？茶餐廳多…無咩地方可以坐定定食傳統上海早餐，店內賣傳統上海菜，食過一兩次晚飯，大家唔好有太大期望，始終價錢唔貴。講番早餐，呢度既粢飯好耍家，有機會再介紹，今次叫左個蔥油餅。蔥油餅有厚有薄，今次叫左厚，貪佢夠大件，先賣8蚊…芝麻煎得香口，蔥油夠香，再多一d 就仲好。食上海早餐，無豆漿唔成事。老闆落糖好重手，好在可以叫清漿，唔落糖，有豆香，仲有微微焦豆香。簡單而美味…早餐仲有油豆腐粉絲湯…牛肉包…鍋貼…小籠包…咸漿……等等！見到樓下食評寫佢地服務差……其實都係，不過人地係老店，服務無同時代並進者！店內上年裝修完…但係都係咁，老一輩人…老一輩裝修…但就係食到老一輩既味道…

友人早兩個月曾到訪美華用餐, 想推介我食上海粗炒, 故我在用膳前並沒有openrice關於餐廳的資料, 原來不只我一人有不好的感受, 不吐不快。1. 服務態度店員沒有禮貌不在話下, 我們好像是他的棋子一樣。簡單的座位安排也做不到, 當時店內只有三份一坐滿, 他卻堅持我們要坐近門口 背著食品部的一張台。好, 我們坐下了, 原來員工卻要在我們身後拿小菜, 我們經常要為此迴避, 何必呢？2. 食物質素鱔糊上海粗炒 有色無味, 又硬又黏, 椰菜奇硬, 鱔糊還好小籠包極品難食, 上厚下濕, 肉鬆林散, 不值一試酸辣湯不過不失, 略為過酸擔擔麵湯汁稀詐, 有辣油味本來一向支持小店, 特別是有風味, 有性格的。但今次真的不能推介這間令人失望的老店。不明白為何有這麼多like, 故出此post, 讓大家試之前有心理準備。

今天早餐到美華跟家人想食啲舊式餐廳，進去已覺得環境巳很臟。早餐沒有粗抄已經很可惜，最後叫了小籠包，生煎包，鍋貼及豆漿。鍋貼出來食咗味怪怪，叫佢攞腕仔話早餐冇但最後有攞。生煎包出來明顯浸到水重爛晒，我同服務生細細聲講叫佢換過佢話冇得換，我投訴佢他就說不做我生意，再在我耳邊講粗口罵我母親。從來末見過態度今差的餐廳。建議各位千萬唔要幫親D今樣的地方

這一定是本人2016年最不愉快飲食經驗, 整件事很長篇, 簡而言之: 環境: 好迫, 因為有空枱都要你迫埋卡位搭枱, 不得異議服務: 惡劣至極, 晚巿只做小菜卻不早講, 只許落單一次不許加單, 而我向搭枱客人講解此等規則, 惹來老闆娘不满並收起碗筷趕客! 衞生: 枱面黐立立抵食: 咁一定平過大型連鎖店味道: 還沒吃已被老闆娘收起, 不知何味, 但觀乎其油膩程度... 我們點的是:上海粗炒- 望上去很油, 還未吃已被收走火腿津白- 已被趕走, 沒上菜小籠包- 已被趕走, 沒上菜而原先點的蝦仁煨麵, 店方說沒有。