上海美華菜館 (已結業)

之前忽發奇想好想食粢飯，上openrice到 search到呢間老店好近公司，可惜粢飯只供應到早上十一點，決定通宵後來一個傳統早餐再瞓。可能太早到，不用等位。我們分別點了生煎包，生煎鍋貼，粢飯同豆漿和同事分享。 價格同分量都合理。 生煎包同鍋貼都是真即煎，一上枱後即刻放人囗，係個仲油香加肉香既傳統感覺。豆漿聞落有濃濃的豆香，入囗不會水水的。主角粢飯比我想象中小，不過囗感中上，外層米飯不會乾硬化，內有脆脆的油炸鬼碎作涵料。 如果路過應該放事

是咁的~~由於前排工作繁忙試過有晚ot到兩點先走 賺賺埋埋d ot錢梗係要食番餐好嫁啦 於是就同屋企試下呢間喺屋企附近做左好多十年嘅上海鋪 一於一家人食番餐好嫁啦^^上海菜變化好大 煎炒煮炸炆燉焗樣樣齊 而且味道方法亦唔係獨孤一味 濃味嘅有鱔糊 清淡嘅亦有砂鍋雲吞雞 上湯津白等等 所以真係可以話係老少咸宜 今次黎到呢間 真係有懷舊嘅味道 唔同而家經過改良嘅上海鋪 呢到雖然經過番新 但食物嘅選擇 價錢 人情味 等等都好似舊式嘅上海鋪咁 今次我地就叫左鍋貼 小籠包 韮黃鱔糊 炸銀絲卷 黑醋骨 同埋上海粗炒鍋貼四隻先廿幾蚊 抵到喊 而且唔係得個平字 上海鍋貼同日本煎餃最大嘅分別就係皮嘅厚薄 日本煎餃薄皮係人都知 但你地唔好以為鍋貼皮厚就一d技巧都冇 事關皮厚傳熱慢 分分鐘表皮燶左入面d豬肉都未熟 相反煎太耐就會因為皮太厚令到咬落唔脆口 變成好硬好難咬 所以要整得好食一d都唔易 呢到嘅鍋貼水準好高 火喉掌握得好好 即叫即煎熱辣辣 鍋貼餡依然保持到肉汁 而且皮身脆而不硬 配埋浙醋食更加開胃 浙醋嘅醋味可以解到豬肉餡嘅油膩 正！黑醋骨 份量亦唔少 大大舊 而且用上豬嘅金莎骨 唔係用肉排 非排 肉排

最近曾帶外國來港遊玩的朋友往紅磡詠黎園晚餐, 但食味和招呼都強差人意 今晚心血來潮和同事2人往土瓜灣美華老店晚餐街坊小老舖勝在人味濃, 伙計,老闆和食客都有一句無一句的閒話家常幾位樓面阿姐落力醒目又快手突感時光倒流都我們最愛的香港年代2 人點了小籠包 - 1籠10 只, 需然包皮有點厚實, 但入口肉餡鮮甜湯汁勁, 有爆汁效果雪菜肉絲炒年糕 - 看上去平平無奇, 但年糕入口糯軟, 再加上雪菜的惹味, 就變成好好味薺菜雲吞 - 好有媽媽的味道上海排骨粗炒 - 上海菜就是要濃油赤醬嘛 粗曠的麵條配上酥軟的炸豬扒, 兒時回憶番哂嚟在現今香港租金畸型發展下, 這些純樸小老店所剩無幾了, 要好好珍惜我們還可以擁有的時候呀 !

有朋友推薦話呢間早餐竟然係食栥飯超好好味！我之前食既栥飯都係台灣食！台灣早餐選擇比較多元化！真的一試就喜歡！當然有一間晚上開的！超好食（阿婆飯團）不過唔係成日開的！！但香港地區賣栥飯早餐既地方真的少之又少！知道邊度有得買黎試！當然就叫左老公去買！11點前都可以買到！因為都近近地自己住的個區地方栥飯買左兩個！拎上手！真的辣鮮熱辣辣即叫即包！超新鮮！超好味！真係食過返尋味！不得了！比得上台灣的栥飯！正正正！

土瓜灣都冇幾多間上海菜，見呢間舖屹立多年，就入去食下。原來唔係只有上海菜，仲有廣東菜，有D亂。豆漿($8)不太甜，但好細杯。花雕醉雞($65)唔錯，酒味夠重，雞肉都好入味，又嫩滑。鍋貼($22)皮有D厚，大概老派上海菜就係咁嘅，肉餡都ok，夠味道，不用點醬油。擔擔麵($35)有青菜、蝦米，但係麵太大份，花生醬太多，麵太稔，有待改善。雞絲湯糕 ($48)，有年糕、王牙白、菇、白菜，湯不會太鹹，但年糕不夠Q。

好舊嘅一間上海菜館係土瓜灣近何文田之間新舊住宅區嘅一條U字橫街內 旁邊都係車房之類呢到開左好耐好耐舖面格局都係停留係舊家庭式上海菜那種今次6點左右來到3個人叫左兩個客飯：炒蟮糊，百葉肉絲客飯跟左碗黃豆豬肉豆腐湯另叫左個鍋貼，炸銀絲卷，豆漿味道係傳統上海小菜嘅濃油赤醬蟮糊肉質較爽 蟮絲切嘅位置蟮皮較多百葉肉絲肥豬肉比例多鍋貼新鮮煎 皮厚實香口肉鮮好味炸銀絲卷外脆內軟呢餐高脂高鹽高膽固醇不過舊式上海菜就係咁 你董的

用左openrice咁耐從來無開戶 但要為左力數此店不是而開立！其實要力數也有限 因為下單不久已動身離開 食物方面無從評價 更不予評論~三月初的一個星期日一點多與老媽食午飯 甫到店內老闆娘得知只得兩位 便指示我們坐於卡座的同一邊 即使當時全店少於一半食客 當中有四張十人圓桌只得一位客人 另外還剩遠處一張沒人的卡座。本打算待再有客人入座才坐回同一邊 然而老闆娘死命堅持要我們按她原來指示 我本著以食為先 就不跟她計較。開始點菜 假日沒有套餐 只有單點已有點無奈 本來下單一個炒年糕及一個客飯 老闆娘稱星期日無經濟客飯供應 但明明餐牌有兩版客飯菜單 只有一版寫明假日除外 但老闆娘堅持沒有 心想其實只係想食客飯吧 並非貪其是否經濟囉 於是又少了一個選擇 心中已暗生離場之意 唯有安撫自己說：只此一次也是最後一次 就等著瞧有什麼驚人菜色吧。等食時我就按耐不住 於座位與老媽不禁批評：座位多的是 又不是大排長龍 為何要如此苛待客人？沒多久真的來了一位客人 老闆娘二話不說指示她坐於我們對面 我接著與老媽說：明明座位多的是 何苦坐得如此擁擠？早知不如學那一人坐十人圓桌 反而更顯鬆動…誰知老闆娘聽進耳內不忍

今日係父親節，爸爸由細到大一向都鍾意食上海菜就去下，但依間亦係爸爸介紹的，以前住何文田話從細已經食到大，咁就一於去下去到見個裝修好老舊，環境欠奉，連服務都……我地叫左砂鍋雲吞雞；燻魚；上海粗炒；上海小籠包（應該食親上海菜係必試的）；生煎鍋貼；同高力豆沙，但其實我地最初仲想叫鳳尾魚的，但竟然話休漁期所以冇woo...🤔🤔砂鍋雲吞雞，我地4個人，份量夠，每人有2碗，2個雲吞，雞有半只燻漁同鍋貼，個人認為係必食推介，鍋貼認真個樣好衰，但十分好食，入面多汁； 燻漁亦十分入味👍👍小籠包，一籠有8個，但每個都穿，失敗，內裏肉嘅口感同鍋貼一樣，所以食鍋貼仲好高力豆沙就完全係失敗之作，一碟有8個。脹唔起入面好多油，老豆忍唔住同老闆娘講，老闆娘望完送多2粒叫再試下，但其實都係😔😔有少少厚度吧，哈哈😎😎

個老细次次故意收多幾蚊，計數就發爛渣，永不再去！食物水準亦已唔高，只有個栥飯叫做好D..............................

朋友外國番黎，想食中菜，所以帶佢去食呢家傳統老店。食厭大牌子，可能土瓜灣會搵到好多驚世美食的小店，係不錯的選擇。一推門入去，格局完全係舊式茶餐廳，好似電影取景果隻咁。d侍應都係講佢地之間的方言，裡面又有點陳舊，沒多裝修，好似去左老上海外面仲會見到人手製作餃子、鍋貼的地方睇下餐牌食咩先～首先來一道小籠包，一籠有8隻，仲要每粒都好大隻，又足餡！無得輸的鎮江骨！！！！！舊肉係輕易咬到同舊骨分離，唔會咬得好辛苦，而且舊肉好入味，好juicy，仲要d醬汁酸酸甜甜，好開胃！！一定要嗌呢道菜！！上海粗炒色水就夠，不過食落略嫌無乜味，少油一點會更好，整體算過得去吧沙碗雲吞雞上海的名菜，上菜時都嚇親，原來有咁大隻雞，裡面仲要勁多勁多粒雲吞。間間上海菜館包雲吞都有唔同特色，灣仔間369係厚皮大粒，呢間係薄皮細粒但足料，可以一口吞下，好好味。不過略嫌湯底太多油，好油膩⋯⋯呢間老店的食物質素係唔錯，店員都好熱情，幾有禮貌，知道有客人生日會收順d，唔係賺到盡，呢樣係欣賞的。不過有件勁恐怖的經歷真係好得人驚。食食下飯，朋友話牆上面有隻小強。嘩！好大隻！仲要張開左翼，想嘔呀，勁驚！！之後仲衝落黎，好恐怖。我同後面客

港鐵沙中線未完工，九龍的土瓜灣依然是一個未有地鐵站連線的地區，可能因為這個緣故，這區有懷舊風味的新舊小店特別多。想品嘗傳統滋味和美食，值得來試試，其他區域未必有。雖然這些小店未必是全港最好食，但多年建立的傳統風味，絕對加分。 對老一輩上海人士，簡單一碗鹹豆漿跟粢飯已經是相當豐富的早餐，這家上海美華菜館的豆漿和粢飯就有不少食家推介。店家的鹹豆漿由老闆親自將熱豆漿沖到放了豉油浙醋、蝦皮同葱花的碗裡面，再加麻油及油炸鬼碎，香滑順口。粢飯亦是新鮮現叫現做，翻炸的酥脆油炸鬼、豬肉鬆、榨菜同軟硬適中的糯米飯配搭比例得宜，是多年累積的經驗成果。豆漿跟粢飯每天只供應到早上十一時，遲去到亦可以一試這裡的小籠包、生煎包跟鍋貼等上海傳統美食，晚市就只有小菜供應。 早餐供應時間：早上7:00至11:00 星期日及假期至12:00。 生煎鍋貼(4隻) HK$20 (3.5/5分)。 鹹豆漿 HK$13 ~ 將熱豆漿沖到放了豉油浙醋、蝦皮同葱花的碗裡面，再加麻油及油炸鬼碎，香滑順口 (4/5分) 。 咸粢飯 HK$18 ~ 份量十足，粢飯是現叫現做，翻炸

星期一下晝2pm毒自去醫肚(店內小貓2，3隻)，坐低落單叫一客小籠包，一客鍋貼，一隻生煎包加一杯豆漿。落單個男人同我講無生煎包，跟住走去問師傅有無鍋貼，之後覆我無 (由於佢推開度門出去問，所以我唔知師傅答乜) 咁好啦我都知餓起上黎無得揀架喇，咁叫個客飯食啦，點知趣事發生了😂就係突然有3個人入黎坐低係我對面張枱，跟住落單其中一樣叫鍋貼😳。。。但最搞笑既係，落單果個竟然咁樣樣樣回覆''好呀等等整比你''當然最後我係望住對面枱細味品嚐'個碟一定好美味既鍋貼'@@'' haha揀客黎講係滿分，還好味道尚可！

近期轉陣去左土瓜灣搵食, 這裡有好多食店真係可以慢慢發掘多D食店...不過琴晚去完這間之後, 我同友人都決定下星期要再來試下.這店一入去就俾我覺得好有兒時食過上海野既懷舊感, 就算連店員都非常親切, 咁樣就似我地以前既香港啦.2個人安排坐係卡位, 佢地都有D2人晚餐, 但我一心一意就係想食小籠包, 所以放棄套餐.點左小籠包, 嫩雞煨麵同蘭花豆腐干.初時都唔知咩叫蘭花豆腐干以為係西蘭花加豆腐干..HAHAHA..點知上來就知道自己完全錯晒...原來係豆腐干畀花再滷是一個冷盤菜式.這個豆干滷得岩岩好唔會滷得太耐偏咸, 食時都豆干香味真係好好味. 再來既嫩雞煨麵, 湯底帶點咸香雞肉唔會煮得過火, 最後既小籠包皮當然唔係宜家出面食既薄如紙啦, 但內裡充滿肉汁這就是以前兒時既小籠包味道,實而不華. 這裡份量十足2個人食到頂住走都係每人$70都唔洗. 地址: 土瓜灣美善同里13號

晚上同爸媽3個人專登揸車去土瓜灣開飯。雖店鋪無豪華裝修、餸菜無華麗配襯，但可以食到架係『親切感』，係有感情架餐廳。先叫了鳳尾魚、小籠包、雪菜炒年糕、九王炒鱔糊，一路食，一路再追加鍋貼、醉雞，真係樣樣餸都想叫晒黎食呀！鳳尾魚脆卜卜好味道（爸爸話哩個人懷舊餸菜，唔係好多地方有得食）小籠包手工一流，雪菜炒年糕不會太咸，醉雞夠凍同酒味適中，九王炒鱔糊就油多左啲，鍋貼煎到個金黃色，底脆卜卜，正！

一間唔起眼的上海菜館，食到十幾年前係上海食過傳統好好味的大餅 (香港叫蔥油餅)，好食過北角嗰間。 老闆娘一口上海音，睇來係正宗上海菜，見到燻魚及其他前菜都好想食，搵日要去試一下其他。