上海豆漿大王

營業中

休息中

食過好多次呢間舖頭，環境衛生確實麻麻，但食物非常好味，特別係即製粢飯，仲有排骨上海麵，上海麵可選配炸菜或雪菜，我每次都係點呢兩款，食咗好多年，味道都冇改變，價錢又抵食。

🇭🇰屯門-上海豆漿大王呢間嘢相信係附近返學嘅中學生或者返工嘅人一定食唔少😼佢絕對係平民抵食之選～～好食得嚟價錢又相宜，大大份～～朋友仔仲好鍾意食佢呢度嘅粢飯㗎🤫而我就比較鍾意食佢既大大碟菜飯😎同埋喺入面食飯好有種懷舊嘅感覺 我嗰日平日夜晚去到叫外賣出面都好多人等㗎～～果然係傳統招牌老店 咁多年嚟都屹立不倒👅糖醋排骨菜飯 (⭐8/10) $34首先講吓嗰個糖醋排骨，一打開大概有6-7舊既糖醋排骨，大小不一既～～但我覺得份量都算多 食落甜甜酸酸的味道，好開胃，而且啲肉夠晒林唔會好難咬🤤菜飯正正常常，而家好少地方有得食菜飯，所以有菜飯食我覺得好幸福😚但有個小提示：下次我會叫佢俾啲糖醋排骨嘅汁，因為我覺得個汁多啲會再好食啲😋Btw係呢個時勢30幾蚊嘅飯仲要大大盒有質素真係要幫襯吓 冇咗晚市真係損失慘重🥺唔想呢啲懷舊小店一間一間咁無辜被執～～🎏地址：上海豆漿大王 (屯門)屯門鄉事會路129號康麗花園地下4號舖#hkig #foodie #hkfoodblogger#likeforfollow #likeforlikeback #香港 #followforfollow #food #yummy#l

上海排骨肉鬆菜飯飯嘅份量非常多，基本上一定食唔晒原來肉鬆飯都幾好食如果有更多肉鬆更加好排骨略嫌多油 但新鮮上上海酸辣湯味道係正常，但雲吞既餡料較少。粢飯係新鮮即時包起

 ☕️ 食物：👍🏻👍🏻👍🏻 👍🏻 /5💰CP值：👍🏻 👍🏻👍🏻 👍🏻/5🤵🏻 服務：👍🏻👍🏻👍🏻/5🛋 環境： 👍🏻👍🏻👍🏻 /5Lunch time 時間，有限午餐時間內，同事揸車過黎呢邊食個飯餈飯好耐冇食過餈飯，係細個先有機會成日食到，煙軔既糯米飯包裹住肉鬆、油炸鬼等等豐富的餡料豐富，配上一杯豆味香濃既豆漿 酸辣粉絲雙併上海排骨 及雞翼 酸辣湯好足料，除左口味層次高，酸酸辣辣的，食材都好令人滿足豆腐、豬紅、豬皮、及木耳真係啖啖都有！木耳令到成個酸辣湯增加口感！糖醋排骨菜飯 白菜仔做菜飯，大大粒既菜粒有咬口，糖醋排骨亦都做得好好，好岩送飯 

原本同家人好有期望又好耐冇食過上海嘢諗住嚟食碗酸辣雲吞，同獅子頭， 先唔講賣相同食味跟預期差超遠， 落單嘅時候有個阿叔幫我地落單，我哋落獅子頭，佢亦覆左2次單，都竟然落錯燻魚， 拎到埋嚟嗰陣仲同我哋講我親耳聽到你落燻魚諗住屈我哋， 豆漿要三杯又變四杯，完全將自己既過錯強加在客人身上，好失望，無下次， 唔係老人家就大曬，我哋都算係敬老嗰種， 但對住呢啲唔認自己錯仲要屈人嘅廢老真係感到無語， 完全感受到乜嘢叫做難食，服務差，環境污糟集於一身嘅餐廳，真係狗也不吃

最近重新迷上上海豆漿大王。記得細細個屋企人會買餈飯返黎食，漸慚定義左我對「餈飯」既印象，對我黎講，上海豆漿大王係正宗餈飯既味道。不過唔知幾時開始，餈飯慢慢係我生活中消失，已經好長一段時間冇再幫襯。最近舊地重遊，重拾兒時回憶中既味道，意外發掘店內其他美食。首先一定要提既係餈飯，必點之選，好受街坊歡迎。煙煙軔軔既糯米飯包裹住肉鬆、炸菜、油炸鬼，餡料豐富。肉鬆香口，炸菜爽脆，如果好彩遇上即叫即包的話，油炸鬼仲會係酥脆，呢個組合一絕！店員會問需唔需要剪開一半，如果唔係同人分享的話，建議唔剪，熱力保持得較耐。一個人食一條餈飯已經好足夠，配埋豆漿食十分飽肚。咸豆漿出於好奇心之下我點左咸豆漿，一試竟然上癮，呢排成日心思思想食。材料組合同餈飯有點相似，都有炸菜、油炸鬼，除此之外仲有蝦皮、蔥同埋熱豆漿。一睇就感覺好有營養，鈣質滿滿。咸豆漿要趁熱飲，放涼左會好咸，但要小心燙口，呢間既豆漿會煮到好滾。除左餈飯同咸豆腐外，酸辣湯亦非常值得推薦，用料好足，炸雞翼係雞全翼，抵食，不過有點咸。有好野當然亦有伏野，試過一次炸獅子頭，好伏，應該係麵粉多肉少，食落好粉。總體而言：味道：兒時經典，味道十幾年不變性價比：街坊

👍🏻上海排骨菜飯 $34豬扒唔算厚切，但大大塊炸得脆卜卜，肉醃得入味但偏咸塊豬扒比較瘦，肉質食落乾左少少🤥菜飯用左白菜仔，菜粒大粒有咬口跟左五香牛肉汁，不過味道比較淡😐呢個價錢黎講豬扒同菜飯既份量都好多，抵食🤰🏻！味道：7/10性價比：9/10-👍🏻五香牛肉菜飯 $34牛𦟌薄切，五香味煮得好入味好香濃😛煮到質地偏淋身，夾耐啲都會斷開個種🤣推薦菜飯跟冬菇鮑汁，冬菇味好濃郁，好食😋👍🏻牛𦟌都有7塊，抵食🙆🏻‍♂️！味道：8/10性價比：9/10-📍上海美美豆漿大王屯門鄉事會路129號康麗花園地下4號舖

呢間鋪賣既上海菜未必齊全但佢林立屯門好多年 係我由細食到大既街坊小店😂環境同裝修雖然麻麻地但價錢夠晒貼地 份量又足 星期六日好多人叫外賣 做到店員無停手但佢地服務態度仍然都好好👍🏻🥢 酸辣雲吞麵 $36酸辣湯配料幾足 有木耳絲 豬皮 豬紅 豆腐 微酸微辣 天氣凍凍地食好暖胃～仲有五粒雲吞 肉質比起平時食開既硬身少少 菜肉微辣好似食到類似胡椒味🥢 上海排骨菜飯 $34呢款真係我食足咁多年！之前買親外賣都勁大盒！菜飯裝滿成個飯盒 女仔既話真係可以分兩次食！堂食份量依舊多 上海排骨又係勁脆口 加埋辣椒醬仲好食 不過都幾多油下 但呢個價錢真係夠晒貼地.. 出面連鎖餐廳賣盒飯多數都$40起啦🥢 糖醋排骨菜飯 $34骨同肉好易分離 唔洗點用力咬 不過無乜汁🥢 熱豆漿 $8無糖要自己加糖 岩晒平時唔係點飲甜既人🥢 凍豆漿 $8飲到底有d豆渣 不過呢個甜度幾岩我跟住再叫多個外賣 4個人食$200都唔洗 抵到爆 不過如果想食豐富既上海菜呢間未必適合 但如果想食平又唔想食茶記可以一試😂😂😂

🧑🏻‍🎓唔知大家有無啲由細食到大嘅舖頭呢？P仔就有一間喺好細個就食開嘅餐廳，食到佢搬咗舖都仲有食緊，而佢就係上海豆漿大王！🍜呢間上海豆漿大王其實主打就係啲上海湯麵、菜飯、餈飯等到嘅嘢，好味之餘仲好抵食，HKD 50以下就可以食到勁飽，超級正👍🏻🍙餈飯 HKD 18喺呢到P仔必推嘅一定係佢哋嘅餈飯，即叫即包上枱熱辣辣，入面仲要勁多饀，有咸咸脆脆嘅榨菜、甜甜哋嘅肉鬆，仲有帶啲油香嘅油炸鬼，畀唔會太厚嘅糯米飯包住真係超好食！早餐或者下午茶食一個配杯豆漿就勁滿足！🍜上海排骨麵 HKD 32另一個都係推介嘅就係佢哋嘅上海排骨麵，勁平之餘又勁大碗，一碗加個小食應該夠2個人食飽！佢嘅麵係中式啲嘅上海麵，你可以揀要雪菜或者榨菜，P仔就食開雪菜嘅；而佢個湯清得嚟唔會話無味，不過P仔就鐘意加辣豆瓣醬，唔會太辣但係香好多！🥩至於佢哋嘅排骨其實好似係炸豬排咁，同麵會分開上，而且會幫你切好，份量都幾多！佢哋嘅排骨會有少少粉包住再炸，食落都幾脆，帶少少香料味，不過P仔就覺得好似有啲實實哋同太乾，但係整體都唔錯嘅！🥟炸上海雲吞 HKD 22 / 5佢哋嘅炸雲吞都好值得試，炸到勁脆，入面包

2021年1月15日(五) 到今日為止，我人生只吃過三次「鹹豆漿」第一次在上海蘇州，當時唔識寶，覺得怪怪的。第二次在台北阜坑豆漿，驚醒我的味蕾，原來咁好味。喺社交平台見到台灣朋友飲豆漿，突然間醒翻起，喺台灣嘅時候覺得鹹豆漿好味，立即上網搵吓香港邊度有鹹豆漿飲第三次在屯門上海豆漿大王，三個地方三碗都唔同味道。是日晚餐鹹豆漿$14佢嘅味道係鹹粉仔嗰隻味道，我鍾意食鹹粉仔，呢種味道及質感個人就麻麻哋。粢飯$18佢嘅飯唔多，薄薄一層糯米飯，包住仲有少少脆嘅油炸鬼、榨菜、肉鬆酸辣湯$20夠酸、夠辣，質感篇稀，水汪汪，材料唔算多想要套餐，遮遮用超級衰嘅態度、語氣、加眼神，回覆：晚市冇套餐。去得呢啲地方就千祈唔好講環境、衛生、服務，遮遮態度、語氣唔好，想食好嘢就要受下氣。雖然我喺屯門飲飲食食好多年，呢間上海豆漿大王我都係第二次幫襯。上次食左油豆腐粉絲、上海排骨，正常味道未至於會刻意再嚟食第二次今次幫襯係因為非常想飲鹹豆漿，搵左元朗屯門，得呢間有得賣，所以先有今次嘅第二次光顧。下次的第三次光顧，應該係試佢嘅「排骨粢飯」，因為第一次見，喺其他地方未見過咁樣配搭

住喺豆漿大王附近，一向好鍾情佢嘅上海咸豆漿，貪佢夠多櫻花蝦夠補鈣，而且唔係四圍有得食到。呢間野開左咁多年，環境唔乾淨，好油煙味，所以我多數外賣⋯⋯但最近一次食咸豆漿嘅時候，未食第一啖，搞緊碗野想撈勻啲，撈撈下點解有啲奇怪嘢嘅？ 一攞上嚟睇，係隻勁大昆蟲腳仲要有毛架，差啲嘔出嚟，好彩未食落口，從此都唔敢再食，因為隻腳真係超級大隻😱😱打電話落去話要退錢，亞姐二話不說話可以，攞返碗野比佢地，睇都唔晒睇就退錢比我，不如你地搞好啲衛生啦⋯⋯污糟到咁真係趕客🤮🤮🤮🤮而家諗起都仲想嘔🤢

細細個唔識以為淨係飲豆漿食黐飯，到大個發現原來有好多上海嘢食今次嗌咗酸辣淨雲吞，未入口聞到酸味已經流晒口水，成碗好大，雲吞又夠大粒，配菜又多！$32真係好抵食！值得翻兜

這店可算是屯門區屹立不倒的老鋪之一。很久沒來，想起它的豆漿。就尋回老味道。豆漿依舊是滿滿的豆香，不像其他店跟水一樣或甜到漏的騙人豆漿。這個無糖豆腐要糖就自己加，很好很好。朋友點了炸菜上海雲吞麵，我點了雪菜上海排骨麵。湯麵的味道係一樣味，好味。試了一粒雲吞……肉好咸。有大碟的炸排骨看上去就開心。都不知道是炸排骨太熱氣還是味精的關係，友人和我在吃完後舌尖附近都痛了起很，久久未散去。最後要飲椰水解救。店內都有王老吉點的。如果你仍想食炸排骨，王老吉應該幫到你。最後想說的是豆漿真的真材實料。

依間鋪十幾年前已經存在， 有時突然諗起想食酸辣湯先會去屯門依個地方係無咩好味既上海店門口呀姐講野無尾音，雖然明知依d 鋪唔會有服務， 但真係有d 粗魯。基於去食既時間好尷尬， 怕食太多， 食唔落晚飯，所以只叫左雞翼同酸辣湯價錢抵， 酸辣湯入面有豬紅，木耳絲， 筍等今次味精較多， 返到屋企好口乾雞翼正

以前返工成日都會喺呢度食晏，今次就一於趁放假帶男朋友嚟試吓呢間好有傳統風味嘅上海菜啦！平時成日會見到佢哋包好一盤盤嘅餃子，所以我都介紹咗我男朋友試呢到嘅餃子 豬扒麵同埋 栥飯，餃子隻隻都皮薄餡靚，個麵再落啲豆瓣醬簡直係一流，而佢個豬扒都炸到岩岩好，唔會太老，而個重點一定係個栥飯！因為真係以前細個食到既味道，相當令人懷念！同埋好足料，入面有好多榨菜同肉鬆，真係諗番起都流晒口水呀！