上海豆漿大王

營業中

休息中

呢間喺屯門廿幾年食店，可以喺新墟呢個地方屹立不倒，絕對係有原因，就係好食又抵食。十零蚊有個大大舊粢飯，我覺得味道唔係特別好，但都唔差，勝在份量足，加埋杯豆漿做早餐，夠做。嗰度仲有菜飯同埋酸辣湯，呢兩樣唔係我杯茶，不過老婆食淨，所以我都有試過，ok嘅，我最尾都掃晒落肚。而我最推介嘅係，排骨雲吞面，加雪菜，想惹味啲，落啲豆瓣醬，一流！排骨夠酥香，唔肥唔瘦，正，至於雲吞方面，味道好特別，我唔係好識形容，總之好味，好多人會去嗰度買生雲吞，大家經過真係試試

上海豆漿大王。食品味道很好，種類很親民，可以係價廉物美。環境尚算整潔。選了一個雪菜撈菜飯加拼上海排骨，份量又大又好味！價錢又親民！讚！豬排好正，炸雲吞好味，老字號。

剛剛在呢間鋪食咗個早餐，豆漿加餈飯。先講豆漿，又熱又香，甜度自己落糖決定👌🏻輪到講一講餈飯，真係唔係好啱我心水😅炸菜冇乜味，肉鬆又唔鬆脆，而糯米飯過多，可能餡料比較少關係罷。總結仍然會幫襯，不過餈飯就應該唔會再點

係屯門長大,一定唔會對上海豆漿大王感到陌生,呢間真係由細食到大既小店雖然中間加過好多次價,但份量仍然係咁大份,味道仍然同細個食既差唔多,回憶黎架每次去大多數會叫上海雲吞麵,但可惜既係當晚雲吞賣晒(宵夜時段)唯有叫上海排骨配榨菜上海麵份量多,上海排骨油左少少,但唔會太乾身,三十幾蚊黎講其實都算抵食除左有湯麵/撈麵,仲有菜飯(份量超級多,而且可以加肉鬆!!!)提外話,我好鐘意飲佢地既豆漿,而且熱豆漿係無糖架,想要甜既就要自己落糖喇

跟朋友途經屯門新墟，看見這間應該是上海餐廳，傳來粢飯的飯香，於是入來嘗試，店內大約有二十餘個座位，雖則已經三時多，但店內人流依然非常多人。跟朋友鑽研個餐牌一次又一次，因為食物款式幾多，每款又可以有不同配搭，真係諗到頭都痛埋。於是㨂左臐魚配油豆腐雪菜麵 $37臐魚幾香口 配上清甜油豆腐 麵底都算大份 五香牛肉麵 $31，牛肉賣相不錯 再加上即叫即製粢飯 $16， 埋面有炸菜配上油條，好香口凍豆漿$8 非常抵食，滿足的一餐

酸辣上海排骨麵($37)上海排骨原來係炸豬扒(我想食既應該係糖醋排骨先岩)，豬扒都幾大塊，炸得幾靚。上海麵係幼身個隻，望落似米線，份量都好多，連埋酸辣湯一齊飲，好飽肚。酸辣湯材料有豬紅豬皮豆腐等，非常熱，味道辣＞酸， 能夠刺激食慾。不過”友人”已經話好辣，我就覺得可接受。(個人口味: 3/5) <<順帶一提，正常水準我係會俾3分。低過3分就代表感覺不太良好。上海雲吞拼五香牛肉麵($37)湯底無清湯咁淡，有少少味，但都係偏淡。上海麵就普通。上海雲吞有三粒，係菜肉餡，麻麻地好食，係勝在夠大粒。牛肉有牛肉味，但好硬，口感唔好，唔好食。(個人口味: 3.1/5) <<證明”友人”既標準線應該係3.5。就算講到咁麻麻都竟然有3.1分 →＿→蠔油西生菜($16)正常豆漿($8)正常比較少見尼款手寫單，幾有趣。整體而言，麵店既環境真係差d，但勝在價錢合理，食物又夠大份，性價比都幾高(不過”友人”就覺得味道麻麻)。

價錢便宜，味道好。雙併好足料，獅子頭（炸肉丸）和排骨，炸得好香口，另外通常配上海麵，但我揀咗粉絲，加埋炸菜，入哂味，正到爆。繁忙時間要夾枱，街坊生意，在所難免，但侍應服務算不錯，主動又快手。

呢度附近嘅戲院，出名價錢實惠，買咗飛，見仲有時間，喺附近搵食，見到呢間都幾旺，個格局睇落上菜應該好快，剛好有位，馬上坐低揀嘢食。揀咗炸獅子頭，炸雞翼，配上海麵。味道唔錯，不過講真，冇乜特別十分出色之處。

其實我住附近不過每次經過都冇意欲入去食，今次突然想食鍋貼所以就入去試下啦。叫左鍋貼同上海面。上海面普普通通，不過份量好多，我自己都食唔曬。鍋貼真係好好食！下次會再同fd黎試其他野！

叫左個上海雲呑上海麵加五香牛肉，附送雪菜，可以揀炸菜都得🙈湯底清甜，但我比較喜歡濃味d😂要讚的係好足料雲呑有四大粒，五香牛肉我諗有成7,8塊😂食極都仲有！麵都有好多，所以可以2個人share 1碗絕對無問題👍🏻

豆漿大王喺度已經開咗好多年，都依然屹立不倒，成日都好多人排隊，所以我都好少入去食，通常都係買個粢飯。今日行過冇乜人，就入去食。 我就決定呢個刺激啲嘅，酸辣湯雲吞粉絲，食辣嘢當然唔少得杯豆漿啦。 豆漿香滑，有豆味，又唔會有我最驚嘅豆渣，飲落非常舒服。之後角酸辣湯一嚟到，我已經流曬口水，非常足料。唔好以為粉絲就會畀少啲料，下面其實成大碗都係粉絲，真係多到食唔曬。菜肉雲吞有四隻，仲要大大隻，非常滿足。 朋友叫咗個上海排骨菜飯，排骨非常入味，炸到香脆而且份量非常多，菜飯亦都好香，唔會好似其他地方咁好油，簡直一流。

上海豆漿大王菜館位置在戲院旁邊，所以很多食客都是等看戲匆匆忙忙進來食完就走，其實我覺得這裡的食物都是用心製造，很有上海風味的。住在屯門的我不是看戲都會特意前來品嚐，他們的甜、咸豆漿和姿飯每天新鮮製造，還有排骨、獅子頭、五香牛肉都是推介值得一試。粉麵可免費加雪菜或炸菜，個人感覺雪菜比較香口。酸辣湯更是一絕，又酸又辣，正到痺。同埋粉麵底選擇粉絲，出面未必食到，量數都不少，好大碗的。絕對唔會孤寒成本，只是服務比較平民，不要期望伙計客氣，因為他們實在太好生意，忙到笑都沒時間。

放工同男友去食豆漿大王.去懷念一下以前中學放飯ge味道.Lee間豆漿大王成日爆場.原因係大件+抵食當然店內環境較逼挾.坐位又少及繁忙時間一定要塔枱.裝修的確難免殘舊左D.亦要小心地下較跣.又冇咩服務.但係至在價錢又抵又大碗.食物又算ok.入得黎食唔通想食五星級質素咩?大家快手插碗麵快手走人就冇咩所謂la.我食過的食物推介:餈飯豆漿/排骨/雞翼麵/炸上海雲吞/炸饅頭$8豆漿.上海排骨麵配炸菜$31D排骨寶刀未老仲係咁好食.碗麵仲有得揀配炸菜定雪菜.我鈡情配炸菜的.食lee碗麵識食就一定要加色食la.加瓣醬食仲正面質地岩岩好又大碗炸雞翼麵配炸菜$31我每次必食雞翼麵.不過食次食就有少少失望la.少雞翼不夠入味有D乾.都係排骨麵好食D la.二位食左$70.唔洗加1本地舊式小店!!抵食又飽肚!!!!

唔知道係咪太多人慕名而來，生意太好，老闆唔止在，服務態度奇差，太子爺趕客，員工只顧傾偈。外賣時間等候更嚴重，煮一碗“上海雲吞麵“試過等二十分鐘，湯底還有“叔“味（已經兩次）。今日幫襯買“粢飯“，可能已經預備了好耐，個飯唔熱。太子爺只顧收錢，收完錢即刻黑面“請“我出去等，“唔好阻住個門口“（已經）啲飯已經整好哂，基本上連落單到攞飯，兩分鐘都唔使。佢個員工已經袋好個飯，又只顧同厨房阿姐傾偈……唔攞出來比客，點嘅玩法先。大佬呀！今時今日，仲有咁的服務態度，真是祝福你“長做長有“，做多幾個世代。

越來越少地方可以食到依類型既傳統上海美食，所以久唔久都會黎屯門依間豆漿大王整返個豆漿配粢飯～粢飯d料好足，肉鬆、炸菜、油炸鬼，滿滿的，再配埋碗熱騰騰既豆漿，真係好滿足😋