上海飽餃店

營業中

休息中

終於, 终於,終於, 買到蔥油餅喇!感動中!嚟過 3~4次, 一係嚟到無開門, 一係無貨賣.今次時至黃昏, 正苦惱緊買餸煮飯定係買外賣, 還是出街食飯, 但我同女友熊熊都無咩胃口, 突然間腦海一閃, 不如碰碰運氣, 睇吓買唔買到蔥油餅, 於是乎揸車落去明安街, 結果今次好好彩! 有貨!不單只有貨, 而且好多存貨, 原本打算買兩件, 最後買咗三件! 老闆娘好好人, 送多一件! 多謝老闆娘先！抵我揸車落嚟幫襯!之前食佢地嘅蔥油餅, 總係嫌蔥花少, 但幫襯完北角果d所謂蔥油餅之后, 先發現自己福中不知福, 上海飽餃店嘅蔥油餅已經係蔥花多芝麻多餅身厚, 怪不得成日沽清!一打開紙袋, 蔥油香撲鼻, 入口重有滿滿芝麻味, 滿意! 今次重買咗牛肉煎飽, 菜肉餃同豆沙酥餅.牛肉煎飽 size 細咗D, 但內裡餡料足無偷工減料.由於唔係太肚餓, 一餐外賣分兩日食, 無放入雪櫃第二日食蔥油餅仍然滿口蔥油香, 滿意+滿分.其實..... 佢地應該攞米豬蓮囉.......

早排去家上海食蔥油餅, 完全唔對路, 心目中厚身鋪滿芝麻嘅蔥油餅變成單薄手抓餅!一路寫食評, 一路心引起, 於是一放工即刻沖落去紅磡上海飽餃店買蔥油餅!沖落去嘅原因係...... 遲一步都沽清!果然, 落到去蔥油餅已賣哂, 甚至連廚房都開始攪衛生!得翻牛肉同豬肉小籠包, 豆沙酥餅同菜肉蒸餃.正當兩難之際, 仍然不停有客欲幫襯, 於是把心一橫掃場算了!全部外賣, 反屋企慢慢嘆!小籠包經歷一個鐘, 仍然無點變形, 無穿無爛, 要大大力拍手掌! 雖然無穿無爛, 但皮仍算薄唔厚身, 哩個小籠包唔簡單! 小籠包分豬肉及牛肉, 豬肉味口感較佳, 肉質比例嫩滑.雖然買外賣會奉送兩包醋, 但我習慣齋食原味, 兩款小籠包雖然只係微暖, 但味道適中唔會過鹹.菜肉蒸餃嘅餡料不少, 可惜...... 我較欣賞底部煎得香脆嘅鍋貼.豆沙酥餅係第一次食, 外層夠酥脆, 但豆沙淡口咗少少, 矛計啦! 依家D人興淡口D要健康D.....臨走之時, 見佢好似裝修過, 比以前更光猛更白更乾淨!過兩日再嚟買蔥油餅!

黃埔隱世小籠包每次來黃埔也想來吃這裏的小籠包。特別推薦小籠包和菜肉蒸餃。小籠包：即叫即蒸，上菜的時候還是熱騰騰，脹脹的。餡料十分新鮮，湯汁也多，有肉的鮮甜味。包皮不算很薄，但是有手作感，也很新鮮。而且很大一顆，值得推薦。菜肉蒸餃：這個也是剛剛蒸熟的菜肉餃。餡料新鮮，菜是鮮綠色的。餃子皮偏厚，但是非常煙韌，有少少甜味，不是沒有味道的雪藏餃子皮。這個也非常推薦。雖然這裏座位比較簡陋，但是食物優質，價錢合理，推薦。

最近很想吃到上海小籠包🥺但又不想光顧連鎖集團🧐所以就讓小編發現了這間平民隱蔽飽餃店🤩雖然店舖裝修略微偏舊，而且不算起眼，可是食物質素真的很不錯😚#生煎包 $30@5足料生煎包😍第一口已經不會只咬到麵包，而且肉餡十分多汁，整個生煎包不會太乾🥰味道小評分：😋😋😋😋/5#菜甫豬肉包 $30@5相對生煎包，小編更喜歡菜甫豬肉包😋因為菜甫味道十分香濃，為生煎包加添了一種家鄉的味道🥰小編至今仍念念不忘這個味道🤤味道小評分：😋😋😋😋😋/5#小籠包 $25@4新鮮出爐的小籠包🥰外皮並不是很容易破的那一種，但吃起來又不會很厚，而湯汁也十分足夠😛味道濃郁～味道小評分：😋😋😋😋😋/5#生煎餃 $30@5同樣剛剛煎好的生煎餃，肉質鮮嫩多汁，不過餃皮會偏厚一點點，不過底部十分香脆🤣味道小評分：😋😋😋😋/5#豆漿 $10充滿豆的味道，而且味道不會太甜🥰味道小評分：😋😋😋😋/5🌟喜歡的話可以Like & Follow, 有你的支持是小編的動力🌟整體味道指數：👍🏻👍🏻👍🏻👍🏻/5性價比：💰💰💰💰/5環境：💕💕/5打卡指數：📸/5

紅磡老字號上海菜😍經過成日買嚟食，外賣店簡簡單單賣十多款上海包、餃、餅、豆漿，清晰易明，買多買少悉隨尊便☺️單買都得唔一定跟餐牌數量買。今日買左兩隻生煎餃($5@)一隻生煎包($5@)兩個豆沙酥餅($8@)。全部好大一隻😋煎餃煎包應該係半蒸半煎去做，係底部脆面較軟身嗰種，包皮厚身甜甜地，豬肉內餡好juicy好多肉汁㗎！仲有啲葱香果，整體調味係偏甜。豆沙酥餅出面好少見！紋理好靚好吸引，酥餅處理得乾身酥香酥脆，豆沙餡不太甜唔會膩，好好食😛。

呢度嘅點心好好食， 即叫即包，最出名嘅就係小籠包， 平時都好多時係食一兩籠當中午餐， 我最愛呢度嘅素菜餃， 裏面嘅餡料切得好幼細， 味道啱啱好， 雖然小籠包食落去佢哋嘅肉鹹就好多汁 ，其實都好好味但係我會比較喜歡吃呢度嘅素菜餃， 因為食落好似唔會好肥咁食得多都唔怕， 25蚊一龍， 小籠包素菜餃以及其他搞大概都係25蚊一籠有四隻，我覺得非常之超值！ 呢啲咁好睇都小店記得去多啲幫襯， 支持一下啦！

上海包餃店絕對係紅磡區嘅早餐不二之選👍🏻👍🏻👍🏻👍🏻上次星期日特登去，點知閂左門摸門釘🤢🤢🤢🤢所以決定今日再去，終於比我食到！真係好滿足！呢間鋪頭有着傳統懷舊嘅裝修加埋多款唔同高質素嘅餃子，食嘅時候更加有味道，真係冇得彈🤪🤪🤪今次早餐素蒸餃 生煎包 同埋蔥油餅🥟將個熱辣辣嘅包放入口，慢慢等啲熱汁喺口入邊浪尼浪去，餃子皮唔算太過厚，但都有少少煙韌感，配合埋肉汁豐富嘅餡料，口感非常之豐富🤤

呢間既小籠包 & 蒸素餃，我由$12開始食到依家$25，水準一直都保持住，每次去親紅磡就會思思念念想去食，食到老闆都問係咪一樣亦都帶過唔同既朋友，跳舞同學，同事嚟呢間幫襯，因為真係價廉物美，物超所值所有蒸餃蒸包都係即叫即蒸，有時煎好新鮮出爐，店員或老闆都會問大家要唔要~個個都好親切友善蒸素餃~賣飛佛薄皮有汁架~唔係賣到3x一籠先有汁，咁當然唔係灌湯果d咁多，個人覺得適中素菜包同豆漿都不可或缺，呢度既豆漿除左凍同熱仲有暖，有杯或支裝素餃同素菜包可以買急凍左既番屋企自己蒸

為了交收心愛的美戰，今天特意來到黃埔，而出門時，我仍未吃早餐。交收完，我放下心頭大石，可以安心吃早餐。我去了久違的上海飽餃店，上次來吃生煎包已是三年前了。今次來我想吃別的，試試不同的美食嘛，這次我品嚐生煎餃，我問店員阿姨生煎餃是不是鍋貼，她說是，所以喜歡吃鍋貼的，來這兒記住點它的生煎餃。生煎餃即點即煎，熱呼呼的，餃皮雖未去煎到超香脆，但勝在皮薄，其菜肉內餡鮮甜味美，且一咬肉汁源源不絕流出，吃時記得拿著碗子吃，免得浪費煎餃的精髓。

早前去北角，想話食件蔥油餅，點知賣哂，去到紅磡上海飽餃店又放假，終日心思思想食蔥油餅，今次終於食到啦！除咗蔥油餅，再點咗小籠包同生煎餃.蔥油餅 ： 厚度適中，唔會太薄或太厚，外表金黃色再加上芝麻鋪面好吸晴，入口隱約滲出蔥油香，如果多D蔥花更理想.小籠包 ： 睇住佢新鮮制作，即叫即蒸，所以需要D時間，當然，記然睇住佢新鮮出爐，就等一等先食啦，食小籠包我唔中意落醋等醬汁，湯汁未至於爆汁，但湯汁味道帶甜，係我中意嘅口味，小籠包皮無穿，我數過，同鼎泰豐一樣有18個褶.生煎餃 ： 餡料足夠，皮薄，可惜底部煎得唔夠脆.最大缺點係店鋪太細，但好好彩次次去到都唔洗等位，冷氣夠哂凍，加分。

肚餓又冇咩錢，經過呢到見到$8一件蔥油餅，睇落都好大塊，就買左塊食。應該整左好耐，所以都凍凍地，因為包面係有好多芝麻，所以食落去係好重好香芝麻味。雖然塊隔油紙唔洗幾秒已經吸滿油，但咬落又唔會成口油，脆脆地硬硬地，食完就滿口油味喇。整體都算唔錯嘅，又平又大件，味道都唔差。有趣嘅係，排我後面位叔叔，一口就話要14件，個姐姐笑笑口咁話：今日有嘅，準備咗好多，仲有兩塊剩添！跟住個叔叔就話：咁我要埋！哇真係估你唔到！見到呀姐都窒左窒。我就心諗：好彩排你前面姐！

店舖主要係食小籠包,餃同蒸包.今次食左4樣野食.煎餃好食 個皮唔會太乾同硬左, 食落仲好軟 個餡唔同平時戈啲韭菜餡or椰菜豬肉 係我幾中意既😛小籠包$24 4粒有湯汁 皮薄,算係唔錯仲要即叫即蒸.蔥油餅甜甜地 煎到有少少脆口但好易飽.菜肉飽就正常發揮.haha大家可以一試

唔太餓, 求其食D野。叫左籠小籠包, 新鮮蒸好, SIZE正常, 但入面基本上係無湯,  主要是肉餡多。但味道OK GE,另叫左一客2個菜肉包, 係白菜豬肉餡, 口感幾豐富, 味道OK, 係個包皮油左少少。BTW, 收錢果個男人(老闆? ) 好NICE

紅磡既小店越嚟越少 一間一間咁執 而佢地都越來越難生存 所以希望大家可以支持多啲本地小店 今次就試左呢間上海飽餃店 成日經過都見到好多人買嚟食 佢都算抵食既 啲包同啲餃子都大大隻 $25/5隻 可以任由配搭 但佢既生煎包同我想像中既唔同 唔係個種個皮好薄好脆個啲 而係似中式包個種皮 餡料就係豬肉同菜 食5個一定會好飽 佢都幾大隻架 但肉汁就無乜喇 可能我外賣 啲汁比個包吸哂？相比之下我就比較鐘意食鍋貼 皮唔粉 厚度岩岩好 有肉汁 餡料同包係一樣 味道出色 有機會要試埋其他野食！

-又係紅磡搵食啦😋依間上海飽餃店已經有十幾年歷史👍🏻 通常都係做街坊和同學的生意☺️雖然裝修比較簡樸，但食物質素很好😚-生煎包（5個）❤️（$28）生煎包肉餡好滿，皮有點厚，但唔會好油，而包底煎到好香脆👍🏻，食完都幾飽肚😍-菜甫豬肉包（5個）🤤（$28）包底同樣煎到好香脆，食落幾Juicy，十分足料，豬肉和菜甫依個配搭都唔錯☺️，菜甫好爽脆，口感豐富，幾好味😆-小籠包（4隻）👍🏻（$24）依間嘅小籠包皮薄多汁，十分Juicy❤️，熱辣辣出爐，食果陣要小心d😄，因為小籠包入面有好多汁，味道不錯👍-素菜蒸餃（4隻）☺️（$24）素菜蒸餃嘅餡料有菜，冬菇🍄，木耳絲，口感幾豐富，唔會只有菜咁單調😄-如果鍾意食，仲可以買急凍嘅返去自己整嚟食😋下次一定會再嚟食👍🏻試埋其他美食❤️-