上野酵素麵包生活館

營業中

休息中

去太子上堂，經過呢間麵包店有台式酥餅賣，而且仲有好多口味，令我想起台灣嘅小店，受唔住誘惑買咗幾件返屋企食。要買6個先有盒裝住，因為第一次幫襯唔敢買咁多，所以只買3款不同口味試吓！左起：棗泥酥、紫芋酥、栗子酥三款當中我最期待棗泥酥，因為平時都好鍾意食紅棗糕之類嘅嘢，返到去第一時間切開個棗泥酥嚟試吓！切開覺得皮唔夠香酥，棗泥帶有一點點酸味。再試吓紫芋酥，竟然冇咩芋頭味，再食埋個栗子酥，好甜好甜，完全唔知食緊栗子味嘅嘢！上網睇吓間麵包店嘅資料，原來主打天然食材，唔怪得同平時食嘅台灣酥餅有咁大分別

這間台式麵飽店其實我已經光顧好耐,當年開張還未有其他台式麵飽店,標榜用天然酵素的都不多,所以當年電視報紙都有不少介紹。這間店的麵飽不算十分便宜,但質素一直保持,而且款式都跟其他麵飽店不同,買過多次都未試過失手,加上用天然酵素,感覺十分健康。養生歐克本人母親至愛,這個飽沒有常見的甜內餡,而是有多種乾果,杞子,果仁。外層飽皮較硬,但內裡鬆軟,所以個飽整體口感豐富,感覺十分健康。五穀雜糧紅豆乳酪飽其實相比這個紅豆,我更愛另一款同系列的黑豆飽,不過今朝只有出爐紅豆,買的時候飽還是熱的飽面有點麥皮,一啖咬下去有豐富,甜甜的紅豆及乳酪內餡,再加上麥皮雜糧有點脆脆的口感,不會超甜,健康雜糧減低甜餡的罪惡感,雖然外表平凡,但絕值得推介。

嚟過呢度好多好多次啦，呢間嘅麵包有一半係好食，有另一半係伏，大部份如果係有芝士內涵嘅都唔錯，最緊要啲餡料多嘅話就可以話係好食最鍾意食佢呢個黑帝斯，個名好巴閉，好勁咁樣，其實入邊係有忌廉芝士同Oreo曲奇🍪$18.1個，唔算好平，不過睇返佢裏面有咁多了，淡淡都有餡料，咁都算唔錯， CP值正常唯獨對佢哋餐廳有一點好失望，覺得都幾恐怖，就係衛生問題。佢哋嘅每一個角落或者暗覺都相當污糟，呢點係我喺其他麵包舖未曾見過。係佢哋麵包盤上面已經係黑蚊蚊嘅塵，好恐怖😱一個咁明顯嘅位置，佢哋都處理得唔好，由此可見佢哋嘅衛生只係做喺表面，甚至連表面都做得不足🥶🥶🥶另外都想提及一下，佢哋酥餅位置完全冇遮掩，好多蚊飛入去又飛番出嚟，見到都覺得幾恐怖

我呢個麵包精自從前排搵到呢間台式麵包店唔會加穩定劑同化學劑，但會添加獨有嘅酵素之後，就定期都會專登過黎買🙈已經試過好多款，整體嚟講我覺得唔算特別出色，因為啲包口感唔係特別軟鬆，只係我腸胃唔太好容易胃脹，但係食呢度嘅麵包就好少會發生呢個問題👍1. 紅莓合桃紫薯包口感介乎法包同鬆軟麵包之間，足料，合桃夠脆， 因為本身呢個麵包唔係鬆軟款式係有啲咬口，所以覺得呢個都幾出色👍2. 肉鬆蛋王卷同樣都好足料，裏面有鹹蛋黃但係唔覺得特別香，面頭有少少美乃滋，應該係呢度少數有餡既鹹包選擇，都ok3. 紅豆包紅豆餡有少少粒粒嘅口感，但係麵包唔鬆軟，麻麻地4. 鐵板香蔥因為我通常收工先過黎買，去咗第三次先見到呢款所以都照買，但今次焗得太太太燶🙈 搞到啲燶味有少少遮蓋咗香蔥嘅香味， 之前食就覺得幾香香蔥味，不過呢款包係偏多油嘅～5. 杞子合核西梅包(少甜)(最新推出)外觀同食落去有啲似平價麵包舖果啲提子包，的確唔會太甜，一個包裏面都食到兩至三粒大大粒嘅西莓乾，同樣足料，合桃都脆，幫襯咗咁耐終於見到出新款😅 等左好耐～但係疫情之下希望呢間麵包店會將麵包轉為獨立包裝，同埋希望佢定期可以出多啲新款💪 因為我已經開始

.星期一最啱做嘅事梗係食返個爆晒餡嘅紫玉酥趕走monday blue心情🤤.🍞紫玉酥🍞芋頭迷必試🙆‍♀️酥皮鬆鬆脆脆內層麵包用天然酵素發酵麵包口感軟軟QQ芋頭餡豐富 唔係空氣麵包啖啖都食到三層口感

📍太子 上野酵素麵包生活館呢間麵包舖我想食好耐🔖 所以拎Lamlamli蛋糕之前去咗買包୧(﹒︠ ̫ ̫̊ ̫﹒︡)୨𓇠 紫玉包 $17 𓇠原本想買紫玉酥，但見到呢個大個啲就改變咗主意🙊面頭嘅酥皮鬆化，芋泥餡都差唔多有一半，但偏甜，應該落咗好多糖，無咗天然芋頭味🤔而且價錢有啲貴，建議買紫玉酥/其他包。𓇠 綠森林 $17 𓇠呢個包集合咗我鍾意嘅3樣食物：綠茶+紅豆+麻糬😍一切開個包，勁多芝麻跌曬出嚟😂烘過嘅芝麻好香！個包係偏甜個隻綠茶味，味道似東海堂嘅綠茶紅豆方包🍵另外，紅豆蓉甜度適中，但麻糬唔多，包體有啲空心，但呢個價錢都收貨👌🏻總結： 經過可以一試，下次想試玫瑰洛神/神木

上網見到呢間麵包店有好多新奇款式嘅麵包，所以就去行街前嚟買包包食🤩店內所有麵包都係先以膠袋獨立包裝，相對衛生😚由於呢度有好多唔同款嘅包，所以都揀咗好耐🥰所有包都係$10幾，一開始都覺得有啲貴，但食落足料，唔會係空心包。加上款式特別，有心思，所以其實唔貴🍽

未食素果陣最鐘意黎上野買麵包，貪佢啲款夠特別，其他麵包舖唔會有得賣。食左素之後同啲有乳酪呀蛋呀果啲成份既包講bye bye，以為以後都冇機會再食上野既出品，點知比我發現左佢有兩款冇蛋奶既酥！登凳！就係依個綠茶酥同芋頭酥。細細一個酥要12蚊，一啲都唔平，不過見佢係純素就唔理喇，食左先算！芋頭酥入面有大大舊芋蓉餡，唔會太甜，食落去好有滿足感，如果有埋麻薯喺入面就正喇。個酥皮過左一晚都仲好鬆，冇變硬到。綠茶酥同芋頭酥口感差唔多，不過綠茶味唔算特出，舊餡都唔係好食得出係乜野，都係芋頭酥啱我心水多啲！

Fatbrown 係麵包收割器，成日上網見到好食嘅麵包舖都會即刻撲過去試吓之前一路都收藏左呢間位於太子嘅麵包舖好耐，見到麵包嘅款式好多、好吸引仲要好特別，心諗經過太子一定要去買番個食入到去麵包舖，好多款式出邊就會冇得賣，幾得意不過價錢都偏貴揀咗好耐終於揀咗個黑色嘅竹炭亞麻籽乳酪麵包<竹碳亞麻籽乳酪$16>因為竹炭嘅關係所以成個麵包都係黑色嘅食落去又唔係好食得出竹炭嘅味道麵包唔算好鬆軟，中間有層淡黃色嘅餡，應該就係乳酪嚟嘅，甜甜地，都幾好食嘅不過整體來講呢個麵包其實都幾普通，食過一次就夠啦

買左個洛神花乳酪包，返屋企叮熱食更芳香，麵粉加入左洛神花汁，食落啖啖洛神花香味，中間一層有乳酪夾心，同洛神花個味道好夾。美中不足既係洛神花粒太少，由於個包好大，如果加多d洛神花粒就可以中和番乳酪既滯感，亦可以令麵包口感豐富d，而家食到後尾會覺得好滯好dry，建議加多d花粒，或者縮細麵包大小。另外服務方面，店員其實可以熱情番少少，基本上我去收銀比錢，佢一句野都無講過，連多謝都無聲，氣氛都幾odd下，好似去左千與千尋同無面人買野咁。衛生方面，麵包盤有上一手既麵包碎同埋餡料碎，比人感覺唔衛生，搞到我要好似玩越野障礙賽咁，將麵包放上個盤時，完美避開碎屑，仲要確保運送到收銀機途中，唔可以滑落碎屑上，同玩曾曾獎門人難度相若。

竹碳亞麻籽乳酪 $16  6.5/10竹碳皮帶少少苦味🤔皮較厚同乾，扣分☠️麵包體煙韌、尚算濕潤👌🏻Cream cheese🧀唔算多，唔會太漏Cream cheese味道其實更似吉士醬，偏奶🍼，唔太甜紅莓鮮奶軟歐 $18  5.5/10好大個！有紅莓🍓、芝士粒🧀同核桃麵包皮依然焗到好乾，麵包體較乾，唔夠濕潤，但尚算煙韌。雖然有紅莓，但整體味道偏鹹🤭講真，食完有少少失望麵包雖然餡料足、體積大，但麵包體較為乾身。就算係軟歐，麵包體都淨係做到少煙韌香港有做得更好既麵包店，我應該唔會再encore

途經見過呢間麵包舖又有少少肚餓就入去買個麵包食啦買咗個法國長棍麵包燶味太重然之後又唔夠脆食咗一兩口已經覺得唔好食店員嘅態度服務又差黑口黑面語氣唔好唔會再嚟光顧啦

睇過大家評論就一連兩日就走去試下d包包，琴日就試左*紅豆麻糬包*$7一啖咬落去個口充滿芝麻，正！！食落紅豆5會太甜再加埋麻糬，5錯！！可以再戰~~*黑帝斯*$18期望愈高失望愈大，咬落個包面冇味，之後咬oreo底都係冇味，但咬到中間d cream cheese就大鑊la!! 膩到爆，係好痛苦下完結佢，吾會有下次！！！今日我就買左。。。*波羅紅豆包*17好食！！咬落去好波羅包皮但就冇甘鬆化，咬落包身好較熟，咬埋紅豆正都係吾甜，但食食下5知係太大定有d膩，咬到一半已經好飽，估吾到佢吾太大都食到好飽，幾抵食！！*葱花包*13一對超good!! 食落去超驚喜，滿口聰油味 i like!!! 食食下會有陣淡淡既辣，但對吾食得辣既我又接受，真係估佢5到！！正~~下次再試埋其實包。。

《上野酵素麵包生活館》標榜除了添加酵素外，絕不會使用防腐劑及穩定劑，我已經支持了很多年，玫瑰洛神是我的大愛！可惜今日8:30pm左右才到，已經很可惜地賣完了！由於每天新鮮製造，故每日7pm後，買滿3件85折，很多支持客都已經搶光了。今日與朋友一齊買了幾款不同口味繼玫瑰洛神後，抹茶紅豆麻糬麵包都不錯！麵包很鬆軟，有少量綠茶味道。今次故意切開一半，可以看到內有足夠份量的紅豆及至愛的煙煙韌韌麻糬，絕不偷工減料。

以前幾乎日日都去上野酵素買早餐。麵包足料，好墜手，非坊間嘅空氣包。晏晝間中會有特價包，每袋兩至三個，只售$20。今日出開太子，順便去買包。呢次揀咗竹碳亞麻籽乳酪（原價$16）及森林樹果黑豆雜糧（原價$18）。第一次食竹碳包，想像中，竹碳喺甘苦味，實際喺冇乜味。外皮微硬，麵包鬆軟，搭配牛奶醬，啖啖豐富。穀物包雖然有黑豆、穀物......看似健康，反而偏油，食完滿嘴油，而且餡料偏甜，食晒都幾漏。