上野酵素麵包生活館

營業中

休息中

好中意食佢個「玫瑰洛神」，所以會想試埋其他，一出開旺角都要特登行去太子買，之前試過幾款，但有一款一直未試，就係OREO麵包！！黑帝斯   $18同友人19:00後先去買，一齊買３件有85折～平幾蚊雞，咁夜去，所以得返最後一件！好期待，不過少少失望，同樣入面既餡都係cream cheese，同「玫瑰洛神」入面係一樣，雖然面頭同包底都有oreo碎，但唔夠多，冇乜食到oreo味，只係成口cream cheese，縱使佢個cream cheese係好正，但我會想食到多啲oreo！如果加oreo碎入個餡會正好多試過幾款，好似都係得「玫瑰洛神」係我會再幫襯既一款……

在太子附近做野或者上堂既話, 隔兩三條街落大雨都一定會過黎買個包包食~~!沒錯, 呢間店係我心目中, 賣既包一定唔算平! 但我食完佢出品既包個胃一定唔會唔舒服! 而且仲會有飽既感覺!最鍾意食佢既養生歐克! 英文名叫FULL OF NOURISHING ! 哈哈，冇改錯名，因為佢個包入面真係好足料，雖然賣成17蚊一個，但我依然好樂意比錢去買! 佢有杞子、提子、夏威夷果仁、葵花籽同粟米，每次個包都真係有齊上面講既咁多種材料!! 包既口感仲好厚實，一D 都唔似出面賣既空氣包，食完唔會好似冇食咁!!之前都有買過佢既玫瑰洛神包，29蚊，但真係好鬼大個! 細食既女仔可以分兩三餐食都仲得! 因為我實在太愛佢既養生歐克，所以黎左勁多次都未試哂佢其他包!

我係一個嚴重麵包控　試過一日三餐都係食包，要講香港我會成日再幫襯既包店，就要講呢間！好耐之前係附近學野，睇過食評又知呢間店好出名，所以過黎買試下，點知一試愛上左！果時中意食既時候仲未開始寫食評，依家一定要介紹返！店舖唔係好大，款式都唔算好多，但係每款質素都一定唔差！而第一次黎買既時候都係買「玫瑰洛神」，之後每次黎都一定買呢款，都有試過「竹碳亞麻籽乳酪」、「紫玉酥」等等，但食過咁多款，我都係鍾情於「玫瑰洛神」！玫瑰洛神　$29咁岩買到岩岩出爐既麵包！價錢貴唔貴就見人見志，我自己接受到，因為個包仲大過手掌，仲可以分兩次食，入面足料，一切開洛神花瓣、忌廉芝士佔麵包三分二左右，洛神花瓣清香微甜，忌廉芝士唔會太甜，有時想試新野，但一見到玫瑰洛神，都係買返佢　我記得晚上７點後買３個仲會有85折，不過自己食唔到咁多，所以都係買一個

一直係面包控既我！其實斷斷續續都經過呢間野幾次，但就冇買到，直到同事話佢啲包超高質！的起心肝去試下啦！☺️👉🏿✨玫瑰洛神 Hkd 29 💸📌其實係會有小小貴既，不過拎上手係超聚手喔～所以都覺得值既😏味道黎講，係好好食！同大陸個啲有得揮。入面係滿滿既忌廉芝士同洛神花瓣😝食落好fresh!食一半已經好飽啦！對我黎講剛剛好，係玫瑰自然既味道，唔會甜得濟～係個包會有小小硬左啲啲，但絕對唔影響味道喎😳大家可以買黎一試呀👍🏿

適逢女友係愛包之人有時經過啲特式麵包鋪都會入去睇下前排上網睇到呢間主打台式酵素健康麵包而且無添加化學成功還掂經開太子一於入黎闖一闖先！其實呢度都有好多款包包而且唔少包包都幾有特式每一款包都會有詳細既「背景資料」夠哂細心眼花撩亂之下揀左純白方包同亞麻籽合桃吐司純白方包同外面一般麵包鋪唔同佢係無添加糖 更加健康而且口感軟度剛剛好抵讚而亞麻籽合桃吐司夠哂充料成個吐司都満佈合桃有口感之餘亦夠鬆軟女友食左都大讚！等我下次再黎買其他包包氹下女友先！

有驚喜從未試過咁足份量同咁有營養既面包！！！仲好好味添超級推薦！每個包一拎上手都好重，用料十足！食材方面更有心思，用上各種superfood, 如黑糖、麥片、亞麻籽、乳酪、杞子、合桃等等，非常養生！！

I grabbed a bun earlier in the day but waited until I was home later that night to eat it.I heated it back up in the microwave for a few seconds when I got back to my apartment.Oreo bun: Wow, I really wasn’t expecting a huge cream cheese filling but they loaded it in. Loved the added texture from the Oreo cookie crust bottom that they made. The actual bun itself was fluffy and airy. It also wasn’t very sweet at all, so it was a great contrast to the heavy, sweet cream cheese filling. The actual

🍞‼️HAPPY FRIDAY麵包控分享時間，但今次係失望的包包😭#麵包控 ，食過佢既紫玉酥之後好💓✔見到有紫玉包，滿心期望地試下，出事🤦🏻‍♀️👉🏻麵包外層造型似紫玉酥，以為都會有果種口感味道，點知無😭而且重軟淋淋無乜口感，如薄衣‼️👉🏻個包幾重手，但入面只有中間好小既芋泥餡，小得可憐，大為失望🙈‼️👉🏻見圖都知麵包係幾厚實，非空氣包，但整體味道好平淡，似咬緊白麵包，芋頭控絕對不滿足‼️👉🏻🙈試過就算，真心唔會再食呢個！🤦🏻‍♀️🤦🏻‍♀️🤦🏻‍♀️-----$17 （貴呀！）太子上野酵素麵包生活館

雖然呢個麵包聽價錢就好似好貴，不過睇返份量其實都覺得合理嘅。小編bookmark咗呢間野又係超級耐，唔知點解每次離開咗太子之後先會記得🤦🏻‍♀️雖然睇上去好似比較乾身咁但係一搣開裏面就會發現完全冇呢個問題，麵包嘅玫瑰花味真係超級香呀，而且甜甜的好有玫瑰花味，裏面有大量嘅洛神花蜜餞，同個麵包好夾。而且佢中間仲有啲Cream Cheese，夾埋個麵包一齊食又係另一種嘅味道，仲會令個麵包食落再濕潤少少。

之前試過此店的麵包，十分美味，一試難忘。晚上因事來太子區，於是來此店買麵包作為晚餐。神木($22)：這個竹炭朱古力合桃包，整個都是黑色，外表不討好，但細看外層，見有細緻的木紋，手工仔細，真的配合“神木“之名。 麵包外層帶點乾身，而包身十分軟熟，朱古力漿有香濃朱古力味但不太甜太膩，中間有少許合桃，豐富了麵包的口感，不過只有很少，如果多些合桃粒應該會口感更好。此店的麵包價錢雖然偏貴，但有質素而且有很多特別款試，因此值得光顧。註：晚上時間買三個麵包有八五折

香港首間台式麵包店，標榜天然素材，不添加化學成分的酵素麵包。^熱賣的鳳梨酥、紫玉酥和小月餅，$12一個十分小巧。^作為芋頭迷選擇了紫玉包，不含牛油、芝士、牛奶和雞蛋的動物成分，適合素食者。^融合了酥餅與麵包，外皮酥脆內裏鬆軟，餡料是香滑的芋頭蓉還帶有芋頭粒，帶有微甜。非常有誠意的手工麵包，使用天然素材和酵素，是健康首選。雖然成本較高，售價偏高。但對比其他連鎖麵包店，這家酵素麵包沒有出現「空心麵包」的情況。

一直都有留意呢間麵包鋪⋯終於記得去試🤣買左一條法包(魔杖) 無糖無油無奶無蛋的$11好長好抵食 食到味感覺淋左少少 吾知係米因為偷工減料呢🤣不過呢到真係好多款麵包 如果一日試一款的話都起碼要半至一個月先試得曬！😲除左麵包之外 呢到仲有賣雪米糍同酥餅等等如果佢可以幫客加熱麵包既腦袋就perfect池啦😃👍🏼

邊個話好食既野一定係貴架？用 $27 就可以買到全世界最好食既包！絕無誇張！$27 一個包貴？唔貴啦，超大大大個，兩隻手仔加埋都大唔過舊包呀！#玫瑰洛神包，又稱 #女神之光，外表好似平平冇奇好似塊白色大樹葉，但係內裡有乾坤，一掰開就係「超靚」、「少女粉」、「姣得過哂粉」既粉紅色包包！！！軟熟都不在話下啦，果一下女神味 (即係玫瑰味) 擁哂出黎 🤤 除左本身包入面天然不人工既玫瑰味之外，仲有邪惡到爆既忌廉芝士 🤤 巧正喔！靜雞雞話你地聽，買返屋企第二日整返熱去食更加正呀 🤤——————————————————————#玫瑰洛神包 $27——————————————————————#上野酵素麵包生活館太子彌敦道 785A 號地下 B

不嬲都鍾意食這間 麵包舖 的麵包 ，今次臨收工因為差唔多賣曬所有麵包，只有鬆餅， 所以今次就買咗一個提子鬆餅 再加4蚊 買一支 冬瓜茶 第二朝當早餐食 。第二天，鬆餅都依然 味道不錯 ，而且都多提子， 但是味道就偏淡冇味 ，感覺上牛油味唔太重。 所以就 比較硬身少少 ，冬瓜茶 有驚喜好味 冬瓜味好濃郁但係唔太甜 ，咁落去十分舒服， 而且價錢十分平， 應該下次都會再嚟買 。但係就應該下次會買麵包吾會再買鬆餅而買其他， 而這裏的酥點其實也十分好吃 ，喺香港呢嗰一係比較少有的台灣麵包鋪。

本身唔係話極鍾意食包 但已經想試呢間麵包舖好耐聽講d 好真材真料又好好味不過自己胃口細 真係食唔到佢地招牌既洛神花包揀左個比較light既花蜜檸檬($18)聽到都覺得好清新入面成份原來有龍眼蜜、檸檬乳酪同檸檬汁聞落有種好清新既香味裡面d cream cheese唔會食落好heavy 因為係細粒粒 但又好有香味 有咬口 好好味成個包咬落去真係好清新 有花蜜個種清甜雖然18蚊買個包算幾貴 但個包都唔細嫁食完都好飽 但又唔會膩下次再試埋其他包！