上野酵素麵包生活館

營業中

休息中

近來，坊間不乏主打健康麵包，用上天然酵母的款式，上野酵素天然麵包是其中一間。位於太子的這家麵包店，相當易找，而且定價不算太高，筆者也不時光顧。以台式健康麵包為模板，店家供應的麵包較合乎日系朋友的口味。是次買了原條冧酒提子裸麥包（$18），吃的時候才自行開半，保找麵包的濕度。切開麵包可見提子份量足料，吃起來同時嚐到裸麥包和提子酒漬過後的餘韻。出奇地，酒味挺濃，對喜歡冧酒提子雪糕的筆者表示愉快：）麵包亦相當軟熟，不會太乾硬的同時，保有裸麥包的挺身質感。推薦指數：5/5不論麵包的質感和味道也相當高，有機會再來試試朋友推介的洛神花包和麻糬款式。

去親太子都會去上野酵素麵包生活館買麵包佢地既麵包仲加入酵素 令身體更好消化 食完都吾滯！款款麵包都各有特色，超吸引！我就最中意依個已經昇華做甜品既麵包 — 黑帝斯 $17聽個名就知霸氣兩大邪惡既組合Oreo 與 Cream cheese = 無敵完全係Oreo Cheesecake既麵包版雖然同玫瑰洛神一樣有滿滿既忌廉芝士，但佢比玫瑰洛神更得我心！已成為我心目中no.1既麵包!!!!太正喇除左個底係由Oreo整成，入面既cream cheese 都混合左Oreo!OMG一食就不能自拔！外脆內鬆軟既口感忌廉芝士仲要少少硬身，吾係軟淋淋個種真心推薦！必買！滿足曬中意食甜品又中意食麵包既人$17食到高質素麵包 好開心ah!!上野酵素麵包生活館 (太子)地址: 太子彌敦道785A號地下B

上野酵素麵包生活館每次去太子必買之麵包玫瑰洛神 $27成分有玫瑰粉，蜜餞洛神花瓣，忌廉芝士佢真係超大個，$27一個絕對吾貴落足料比你，滿滿既cream cheese芝士控真心超滿足！而且蜜餞份量都吾少，酸酸甜甜同忌廉芝士好夾ahh外面白色既部分吾好睇小佢，勁似方塊酥既味道，感覺似食緊曲奇甘而入面粉紅色既麵包非常鬆軟，總之成個麵包都好滋味不愧係熱賣款式見大部分人都會切開兩至四份，但我每次都要成個食～因為想留都忍唔住而且麵包分左之後放耐左會變得吾好食!!(我覺得)食完成個好幸福ah同食甜品一樣甘開心上野酵素麵包生活館 (太子)地址：太子彌敦道785A號地下B

太子附近的『上野酵素麵包生活館』的麵包的價錢屬中價，比某些大型連鎖店的貴一點，但質素非常有保證，份量也很多，所以每次經過，總會忍不住進去買件麵包來作第二天的早餐。麵包的款色眾多，不是平時吃到的普通味道，全都很吸引～除了麵包，小店還有賣冬瓜茶等樽裝台式茶和大大粒雪米糍，也很值得試試看。今次選了$18的「花蜜檸檬」，主要材料有龍眼蜜、檸檬汁和檸檬乳酪，雖然外表沒什麼特別，味道卻沒有令人失望：儘管我把麵包留到第2天早上才吃，而天氣都冷冰冰的，但麵包的口感也沒有變得很硬很乾，仍然維持鬆軟的口感；除了有蜂蜜的甜味，裡頭還均勻地塗滿了檸檬乳酪，甜得來很清新，一次過吃完一整件也不會覺得膩～除了「花蜜檸檬」，記得上次吃過「洛神玫瑰」包也是十分好吃的，大家經過的話也可試試啊。------------------------------By alvahana

上野酵素是我其中一間非常喜歡的麵包店，它出名在於他們用上天然酵母製作麵包，製成品較普通酵母鬆軟，亦更健康！洛神花玫瑰麵包是我的最愛，但今次只是路過想找些零食，所以買了這個蕃薯酥。這個小小的蕃薯酥價錢不便宜，$10一粒。 它是類似台灣那款香芋酥，但size細些，酥皮面上灑有可可粉，令酥皮味道更佳。 酥皮十分鬆化，其中一粒放到明天再翻熱，也依然鬆脆。 而且，酥皮香而不膩，水準頗佳！ 至於餡料方面，店家用的是黃心蕃薯，並非大熱的紫薯，但黃心蕃薯卻比紫色的更香濃！ 蕃薯餡料非常多，佔整個酥的8成，更重要的是味道天然，又不會過甜，蕃薯味很濃郁，推介！

依間d麵包款式個個都好吸引！忍吾住一次過買左幾款養生歐克 $15一出爐熱辣辣食 真別有一番風味外面白色個層係甜甜地 脆架勁似食緊曲奇入面d材料都好豐富同健康 有夏威夷果仁，提子乾，杞子等等而且價錢ok 值得回購買埋鎮店之寶 真係超大個玫瑰洛神 $27中間滿滿的cream cheese有幾舊好大的洛神花蜜餞 甜甜的 好好味外面白色個層有好純既麵粉香 而入面粉紅色既係甜甜地既麵包食完真係好飽好滿足竹炭亞麻籽乳酪 $15外皮好酥脆 有點像葱油餅的感覺 好吃的 內裡粉紅色的麵包混合很多亞麻籽 而且亦很鬆軟 重點是它中間的牛奶醬！感覺是奶皇包的餡，味道是不錯但中間的餡實在是太油了！！未食過d餡油到出曬油不知是否因為它剛剛出爐的關係潘多拉 $30少糖少油 質感似法包食得出係新鮮芋頭餡但餡真係少得可憐，依個吾太抵食黑蒂斯 $15除左出面有oreo餅碎之外 入面都有仲有超多cream cheeseOreo芝士蛋糕的感覺超滿足整體來說，麵包款式多而且新奇，值得一試

上野酵素麵包生活館 香港只有一間分店 主打酵素麵包 強調麵包加入酵素令人體容易消化入到去款款麵包都非常吸引！有好多台灣小吃，芋頭酥，地瓜酥，鳳梨酥等等，仲有冬瓜茶買添。特別既係 店內既酥餅都係少糖少油，而且吾係用豬油做，較為健康有d仲係無蛋奶，素食人士都可以食～紫玉酥即係芋頭酥要買6個先會有個盒，散買就得紙袋紫玉酥 芋頭泥吾會太甜好好味 酥皮仲可以食到純樸既麵粉香綠茶酥 怕伏既關係 所以只係買左一件估吾到又吾錯喎 有茶香而且吾太甜值得一試仲比我見到好特別既「番茄吐司」混合番茄乾既吐司 甜甜的又帶點酸 幾特別意式鮮茄乳酪 $13麵包非常鬆軟，芝士份量都多，酸甜麵包中帶點芝士咸香，還不錯整體感覺良好，下次會再試其他

因事到太子，早已定意要來此店買麵包，因為之前試過幾次，覺得實在太好味。今次試試很多人讚的麻糬包紅豆綠茶麻糬包($16)：外層布滿很香的白芝麻，包也焗得非常漂亮。綠茶的綠色顏色很鮮明，但聞起來不算很濃。包身質地軟熟，紅豆餡甜度適中，麻糬煙靭得來不失軟糯。因為包很大個又重手，其實吃半個已包，但實在太好味，竟然吃掉了一整個呢！

平日路過居多，某天又路過，碰巧替人購買麵包，豈料結果剩餘給自己，意外地終於一嚐上野。將其放在桌旁工作，散發陣陣麵包香。然而，吃落綠茶味道其實不濃，紅豆數量不多，洞口內還有些吉士醬，惟味道其實不怎了了。質地尚算軟，不會太乾。雖說是甚麼台式酵素名店，而且索價比起舊式地道麵包店貴得多，但其實味道不特別香濃，或特別軟熟。但作為新式麵包店，它不是「只有大大的外殼，中間空空如也」，已算是較均真。極多職員，你眼望我眼般，有伯伯向職員表示將大件麵包切開，居然給她們暗串，真糟糕。

太子呢間麵包店標榜用酵素製作麵包當中亦唔會加入防腐劑 感覺較健康天然我就最中意洛神玫瑰($27)由$25食到依家$27雖然價位偏高 不過食落就知真心抵食包包呈三角形 大過個人塊面 非常墜手質感實在 唔會好似連鎖店啲空氣包咁裏面加左唔少既洛神花花瓣顏色呈淺粉紅 睇見心情都愉快啲味道就酸酸甜甜 感覺幾天然 唔人工忌廉芝士份量十足兩種材料配合得天衣無縫食完一個好飽 正餐都唔洗食😂

今晚收工如常到太子坐車回家，每次經過上野，一定要幫襯翻几十蚊先安落，加因女女同老婆好中意區D麵包！今晚買左：養生歐克（必買），沖繩黑糖吐司（新產品），鮮奶吐司！不過今晚想評論一下第一次購買的（雪媚娘，買4送1）！買左芒果×2 ，貓山王榴蓮×2 送 藍莓×1！注意：榴蓮味系16蚊，其他13，所以送果個肯定系13蚊，這是正常事吧（起碼我覺得好正常）！這種雪梅娘同一般糯米糍完全唔同，皮薄唔黏口，餡料有cream，芒果/榴蓮/藍莓等等，底部還有塊蛋糕！cream唔會太甜，又唔會太多，如照片可見底部黃色的係蛋糕，上面淺黃色的係榴蓮（非常足料）！芒果，藍莓大同小異，已經比老婆同女女食細，我只係食左一個榴蓮味！見到她們食得甘開心，下次再經過一定會再買，希望還會有買4送1優惠😏，不過冇都要買（老婆強烈要求）

以前中學時代曾在上野附近補習，就像是下午茶的首選之首，當時最愛的就是包著滿滿忌廉芝士的洛神玫瑰及裹著煙韌麻糬和香甜紅豆餡的綠森林。店內麵包款式目不暇給，款式大多都相當特別，而麵包名稱都別出心裁。難得再次光顧，首當其衝當然是要回味熟悉而陌生的最愛——洛神玫瑰。洛神玫瑰 ($27)還記得初初品嚐這款麵包時價土錢便宜一點，不過體積之大和其美味程度絕對令人覺得物有所值。心形麵包粉紅迷人，有如人臉般大。麵包底部帶點曲奇餅般的香脆質感。中間的忌廉芝士與回憶中的份量相若，屬於帶點顆粒的質感而非軟滑流質。麵包中更夾雜著不少洛神花乾，酸酸甜甜，吃畢整個亦不覺膩滯。回憶中的洛神玫瑰沒有褪色，而再次路過購買的兩款麵包又再添了兩個印記。黑蒂斯 ($17)同樣是以忌廉芝士作餡料的黑蒂斯就是OREO芝士蛋糕的化身，雖然體積較洛神玫瑰細小得多，但是膩感就相對大得多。當時恰好遇上新鮮出爐，麵包溫暖軟綿，底部有厚厚一層以OREO製成的餅底，較一般芝士蛋糕餅底鬆脆。中間滿滿的忌廉芝士與洛神玫瑰如出一轍，更再有一層濕軟的OREO，雙重OREO滋味。台式菠蘿包 ($10)個人一向喜歡菠蘿包，而菠蘿亦是我最愛的水果之一，這款台

第一次試幾乎沒有芒果的芒果糯米糍，外皮是厚厚的,但算鬆軟，勉強可以！但一直咬下去,居然接近沒有芒果，芒果份量只有薄薄一小塊如小指甲的體積, 只有餅皮和cream, 大家真要見識一下,才知何謂無言!

一直都知太子有呢間麵包舖，上網見到佢標榜係用日本韓國麵粉同比較靚嘅食材，今日特意試下見到店入面好多選擇，不過得我自己一個，所以都係試唔到好多款最尾我揀左呢個 楓糖多喜田，佢個牌寫住佢係一個以全麥麵包配楓糖大理石餡。味道甜甜地，有少少楓糖味，口感鬆軟。感覺上比平時D麵包無咁油，健康D，不過就無咩驚喜。

今次試左太子呢間幾出名既麵包店,據說他們有幾款招牌包都很飽肚,可以當一餐,所以今次就黎呢度試下今次一試就試左五款招牌包,分別是養生歐克,紫玉包,台灣神木,黃金麵包蛋糕,玫瑰洛神由細到大咁講上去,首先介紹下呢款養生歐克,呢個係全間麵包店唯一既全素麵包,由於冇落牛油既關係所以外皮有D硬,而入面既餡料有杞子,果仁,栗米,提子,食落去有種很清甜既香味,尚算不錯第二細有呢棵台灣神木,外皮跟養生歐克一樣有D硬,但係硬得黎食落每一口都能感受到恰到好處的巧克力香味,既不會太濃又不會太淡。個人認為呢個比養生歐克好吃多了,雖然內餡的種類不多,就只有一塊大大的核桃,但我覺得核桃跟外皮巧克力的配搭簡直就是絕配,在五款招牌包之中我最喜歡這一款接下來要介紹的是這款紫玉包,外面係一層層薄薄的酥皮,不太脆身有點淋,而且裡面的芋頭餡不夠多,因此包子食落去果陣覺得芋頭味有點不夠濃,但幸好皮身夠淋,口感不錯,算是不過不失跟住呢款黃金麵包蛋糕係我最唔鍾意既一款,賣相係錯,但係裡面落太多牛油同雞蛋,而且並無任何特別餡料,食落去覺得十分油膩,不太好吃最後一款就係最有名,可以一個麵包頂兩餐的玫瑰洛神了,雖說餡料係用左玫瑰粉,但我食