世界の山ちゃん

營業中

休息中

慶祝朋友生日,佢就話要黎呢度食雞翼平時行過都唔發覺呢度原來有條隊,7點左右過到黎已經有條龍,我地剛好喺舖頭嘅地面入口傾下偈一路排隊又唔覺原來已經過左半粒鐘企喺頭位等安排已經發現店內似乎得一位員工係香港人,不過唔洗擔心,佢地大部分都識聽廣東話,否則講英文都ok的(店內都有不少客人係日本人~)入座時店員話限時90分鐘,唔知係咪呢個原因,上菜速度奇快!先黎兩杯飲品,餐廳冇水提供,變左焗住叫野飲,以酒精飲品為主,我同朋友就叫左兩杯特飲兩杯都有兩款水果味,又平衡得幾好清清地一個豆腐沙律,芝麻醬配豆腐真係幾時都咁好食切碎左嘅番茄,仲有蘿白絲同青瓜,豆腐都係理所當然咁滑小插曲:食到一半嘅時候有隻烏蠅飛左落去件豆腐度...店長成碟換過俾我地,不過睇黎滅蟲方面有待加強喇熱熱嘅蛋卷,雖然唔甜,感覺一般炸竹輪冇想像中咁油,炸粉唔厚,應該係唔錯嘅下酒小食我鐘意食炒麵係鐘意到只要個menu上面有得揀就一定會食呢個炒麵最特別嘅地方係d蛋唔係切絲,係成塊蛋墊喺個炒麵底雖然食起黎有d煩,但蛋包炒麵都相當唔錯雞翼最後先出現,其實我係無視左佢張雞翼說明書畢竟每個人都有自己方式去食,總之食得乾淨就ok啦~因為夢幻雞翼係辣嘅

自從喺東京食過之後，知道香港有分店但一直未試過，但今晚太掛住 d 雞翼，所以開左咁耐先第一次黎去到已經先叫兩份雞翼，味道同東京既一樣，由於佢唔係炸而係烤，所以基本上隻雞翼冇乜油份，好乾身，上面嘅調味料非常香口惹味，十級 like另外再叫左個小食，豆腐沙律，沙律汁好惹味，蔬菜都好fresh 好新鮮，十分開胃最後叫咗個名古屋炒麵，炒麵同配菜份量算好多，木魚都好多好好食，佢用類似小丸子既汁去炒，一啲都唔油膩，好味

個一日係我嘅生日,男朋友一早就打電話預約好去依一間餐廳度食飯,因為以前去名古屋嘅時候我哋去過依一間餐廳嘅半點度食飯,我哋食完之後都對依一間餐廳嘅雞翼同埋鰻魚飯念念不忘,知道香港開咗一間餐廳就立即要去試下。估唔到依一間餐廳嘅設計同日本嘅非常之相似,而且裏面嘅老闆亦都係日本人,餐廳嘅裝修同埋擺設同名古屋嘅餐廳都一模一樣。但係餐廳比較闊落，日本嘅餐廳咁熱鬧,係同朋友或者同另一半一齊嚟撐抬腳嘅好地方。我哋分別叫咗一個鰻魚飯同埋名古屋吉列豬排,仲有招牌雞翼,鰻魚飯真係非常正宗,有兩種食法可以就咁連鰻魚汁食鰻魚飯,亦都可以練埋佢比你嘅湯你食泡鰻魚飯我覺得他鰻魚飯嘅味道比較特別冇咁甜,而且難於返嘅份量都幾多所以我哋一個鰻魚飯都可以兩個人分。另外我哋都叫咗吉列豬扒同埋雞翼,吉列豬扒嘅張係我最欣賞嘅地方因為其他咖喱豬扒都無意一直嘅味噌醬,而且豬扒非常之脆同埋唔會食到好粉。雞翼同名古屋食嘅味道都一模一樣,係醬油味嘅雞翼,雖然份量唔多但係雞翼整得好脆同埋好香,所以我真係好鍾意。不過我建議多啲人過嚟食咁就可以叫多幾款食物,而且最好就係預約定因為假期嘅時候可能都會比較多人。

之前未食過呢間餐廳已經係雜誌睇過介紹過今次嚟到梗係食佢哋個招牌菜就係炸雞翼雞翼他們會奉上雞中翼及雞翼尖的部份雞翼會沾上厚厚的麵粉漿再用高溫油炸而成所以外表香脆而內裏的肉質保持嫩滑另外在叫左一個烏冬鍋不過呢個鍋就真係平平冇奇了係好食嘅不過係冇乜特別囉另外叫咗一個煎蛋卷正正係壽司上面嗰隻玉子不過今次有厚厚的一大片平時食壽司都係只係食到一細片今次就可以俾我盡情咁食而且呢款玉子卷都係甜甜地所以我又係識咗好多件

自我們第一次的日本旅程後，男朋友和我經常都在香港尋覓日本食肆的分店。這次便來到山哥の世界晚飯時間超多人！！而且我們並不是排在隊尾不想等位的可以選擇take away等了大約半小時終於有位了原來餐廳通常都不會搭枱故此兩人進食也是坐在四人桌上所以等候時間有點長不過為了使輪候者不需等候過久，餐廳也限定了客人只有90分鐘進食時間。先看餐牌我們點了芝士蛋奄列、夢幻雞翼、名古屋炒拉麵在等候食物的期間，可以看一下桌面上的如何吃雞翼說明教你怎樣吃才不會浪費雞翼上的任何一點肉肉哈哈 很搞笑的雞翼控值得一看喔我們點了兩份雞翼，共十隻有點咸，脆脆的，不算是什麼特別的口味，但足以使你上癮必 定 要 試 ！ ！桌面上有一個罐，可以把骨頭放進去不會使桌子油油的另一小食為芝士蛋奄列芝士和蛋一向也是朋友，所以他們十分夾，而這裏的芝士不太多，而且整個份量少，如果更多芝士會更好吃最後介紹一下炒拉麵頭一二口吃下去還可以的，加了紅薑使味道酸酸咸咸的，不錯不錯。但是後來覺得愈吃愈咸，吃到最後時，會發現所有油份都集中了在底部，非常油脷！

收工後去，沒有訂枱都有位，但限時90分鐘，如果諗住傾計聚舊未必適合。地方舒服，唔會好迫！上菜快，而夠熱！服務一般，可能員工太少，整體都唔差，有機會會再去

不知道 夢幻雞翼 是否有不同款式？好像與其他人拍的有點不同。我這次叫到的雞翼是偏乾偏脆口的黑椒雞翼，沒想像中～要到拿獎的程度，就一般的雞翼，還有點過度調味而變得有點鹹。自製的 水果威士忌 卻令菜式生色不少，不太沾酒的我也蠻喜歡它的味道，值得大家點來嘗嘗。另外君上點了一個蠻貴的 鰻魚飯 ，魚肉很厚很美味，燒汁飯卻一般，味淡，可用茶配飯，應有茶香卻也偏淡無味。味噌豬肉串 蠻有趣的，想不到炸得不錯，要是肉再多一點就更好啦～汁有點濃，所以配一下他給的椰菜一起吃是蠻不錯的小吃。這裡環境裝修都挺舒服，日籍店主還親自上菜很友善。或許下次可以嚐嚐火鍋之類

有幾個女侍應態度影響食慾.一入門口就已經提過要 90分鐘還檯, 坐低唔夠 五分鐘之內有兩個西(口西面o即)人黎repeat兩次.三個人吃, 叫左:雞翼 (分量偏少, 偏乾, 有D太鹹, 用黎送啤酒會ok, 但我地冇叫啤酒...)炸牛蒡 (如上)炒拉麵鰻魚飯三食 (問其中一個西人想拿多一個碗都比人ban, 最後俾左隻豉油碟我. 大佬啊,豉油碟點吃湯飯啊.)綠茶, 果汁 x 2 (都係開糖漿, 冇乜特別)P.S. 有個日本人伯伯侍應,大友san, 好好禮貌, 可惜serve我地嗰個唔係佢.結論: 唔會再去

(成日都好想share 但無奈寫野需要花點時間所以第一次寫食評咋 thanks for reading!)一放假緊係要食好野啦 如果唔係點對得著自己星期六陪男朋友做完野 就又搭車又搭船過左黎尖東啦正當煩惱緊食咩既時候 男朋友就提議食雞翼 佢話依間佢係日本食過世界の山ちゃん本店 好好食都想試下黎到香港有冇好大分別仲有唔少朋友知我鍾意食雞翼 都介紹我黎聽到「雞翼」兩個字 對眼真係發哂光 不過一般女仔應該擔心係男朋友面前食雞翼會唔會好失儀態no worry! 依度有專門方法食架間店好細心咁照顧大家 教大家點食到一啲都唔浪費你會見依張紙 叫做「食雞翼講座」的單張仲有旁邊既銀色罐 比你用黎放雞翼骨頭既咁究竟我地叫左咩食呢首先 梗係唔少得 「夢幻雞翼」啦手羽手羽我來啦~一上桌就聞到好開既香料味 靠著雞翼既熱力散發出黎緊係要趁熱食啦香脆既雞翼 仲有孜然胡椒香外面聞落去的確好吸引但食落去個下 就覺得佢事前準備可以再做好點入面肉質味道唔錯 只係肉汁未完全鎖實係炸既過程過左位 散走左部分水份不過整體黎講 不失為一道好食既菜但作為名古屋人氣雞翼店 只能說招牌菜在香港有點兒失色不過再可以叫埋啤酒一

一睇MENU已有目標, 就係味噌豬肉串($48)同右邊的炸豬扒餐($98)炸豬扒好有驚喜, 豬扒炸得剛好, 汁連埋都好味又夠滑!味噌豬肉串都超妹味, 外脆內軟又夠豬味總括有機會會再去！Menu仲有好多野想食! 

那天我和朋友4人去這裡吃飯。從樓梯往下走，環境很不錯，加上有日本客人聊天， 感覺真像身在日本。 我們點了4份夢幻雞翼，2份燒飯團，2份山醬炸蝦，2份香煎鰻魚雞蛋卷和啤酒。下面是我對食物的評論- 夢幻雞翼炸得太乾，皮乾冇肉汁，只靠味粉調味，有點咸。- 燒飯團做得不錯，表面有飯焦香。- 山醬炸蝦, 椰菜變了主角,炸蝦火候控制不錯，鬆趣。- 香煎鰻魚雞蛋卷, 鰻魚份量少给蛋味蓋住,蛋鬆軟度不錯。建議雞翼做法需作出改善，希望下一次試到完美的雞翼。

話說有一日同朋友食飯，大家都唔知食咩好，於是我就問第二啲朋友有冇好介紹，然後我朋友就介紹左呢間👉世界の山ちゃん Sekai no Yamachan Japan Restaurant呢間係日本餐廳嚟，係日本已經有好多間分店，佢嘅菜色都係名古屋料理，入面有啲員工係日本人嚟添，可以話係正宗嘅日本餐廳！先講下啲野食，我朋友一早就叫我如果係食呢間就一定要叫雞翼，所以第一樣就係叫雞翼！啲雞翼個味好特別，用秘制椒鹽醬料醃過，臨上枱前燒起，所以有外脆內暖嘅效果，我簡直係一試愛上！所以我地食左兩碟😂不過對於唔太中意食濃味嘅人嚟講就可能會鹹左啲！我地仲有叫左泡菜火鍋、雞肉蛋飯同名古屋炒拉麵，泡菜火鍋就係湯咁，唔係太辣，不過個人覺得鹹左少少。雞肉蛋飯其實都比到幾大嘅驚喜我，因為啲雞肉好滑配埋啲蛋簡直係perfect match！而名古屋抄拉麵有蛋做底，拉麵同菜係上面，食落好有層次感！其實以店鋪咁有名氣，又位於尖東，價錢唔算貴，所以好值得一試！有樣野值得一提嘅係由於餐廳係地庫，所以其實係收唔到網絡嘅，大家去嘅時候要注意喇！1.餐廳門口2.夢幻雞翼(5隻) $483.泡菜火鍋 $684.雞肉蛋飯 $885.名古

生日飯當然由生日主腳話事啦 , 山哥成為今晚既飯聚地點 , 一到達金馬倫道 , 一支箭直衝 , 大大個黃色招牌 (別心邪, 佢真係大大個而又係黃色 XD) 跟住樓梯行落一層就係門口 , 可能因為平日關係 , 完全唔駛等位  , 平時見到D 餐廳無乜人會好驚中伏 , 希望呢間唔係啦 , 因為揀之前都有做少少功課架!!!食雞翼都需要學問.. 食之前就睇下佢點講先..學問睇完.. 就梗係睇Menu啦.. 好肚餓呀!!!order完就等食!!!大大碗.. 夠晒份量.. 有蕃茄青瓜薯蓉沙律菜.. 開胃好味.. 蛋夠滑.. 可惜份量太少.. 亦都唔平..聽聞呢個烏冬鍋係招牌菜.. 咁就要試下喇.. 送上後.. 打開蓋.. 蒸氣不斷上升.. 味噌的香氣.. 令到大家都口水直流.. 不過一試味就覺得有d..... 總之就唔知點解有少少失望既感覺.. 唔係我地想像中個回事..香脆可口.. 但4個人點分呢.. 我哋要犧牲一個人喇 XDD第一主角.. 當然係佢啦 (名古屋).. 大家都係因為佢而黎.. 睇相以為 1份有好多隻.. 但其實一切都係幻覺.. 要細心留意 D字.. 佢寫住 5份.. 即係你要點

「yama...chan」朋友讀著菜單上的羅馬音。「他姓陳!」噫, 那山ちゃん豈不是變成了「陳山」? 沒想到世界の山ちゃん落戶香港, 還要改一個在地的名字呀。數年前為了衝去白川鄉看雪景, 那急急忙忙的行程, 只在名古屋留了一晚。那天晚上當然是奉獻給名古屋最知名的鰻魚飯, 只可惜揀了又貴又不好吃的蓬萊軒, 累得我連連搖頭! 心中不甘, 不理肚子飽飽, 還是捉住朋友要去吃名古屋另一名物, 手羽先。世界の山ちゃん在名古屋的分店可多呢, 人人點杯啤酒叫大盤雞翼, 邊吃邊聊天, 麻甩得很 - 吮雞翼喎, 才不是甚麼優雅的事。但氣氛真的很好。氣氛好是好, 但我對世界の山ちゃん的雞翼也沒有著迷。主要是因為它們的雞翼的是小小的, 很不適合我那中意中啖肉的飲食習慣。而且在名古屋, 店內用餐的都是大叔, 是的, 真的都是大叔! 雖然一向都是大喇喇的我, 還是會覺得有點兒不好意思。及後知道陳山來香港開店, 驚訝之餘卻是從來沒有想過要去吃。風水轉流轉, 這一次是我被朋友要求一同去吃吃這人氣手羽先。坐下, 未揀食物先問一句, 喝酒不? 當然飲! 世界の山ちゃん是一家居酒屋, 就是讓人下班之後和朋友去喝一杯, 吹

從樓梯往下走，門口已經有店員仰頭迎接，一句簡單的日語招呼，進入店內已見日式簡約裝修，加上日本客人的高談闊論，好像進入時光隧道到了日本。 餐牌上有着炸物，鍋物，飯麵等等的選擇，不竟是黃昏六時的晚餐，就來點簡單的吧！ 當然需要點夢幻雞亦，雞亦炸得比較乾身，配上味粉，味道有點似曾相識，如果說是鎮店之寶，卻未免過譽了。 燒多春魚，燒烤程度恰如其份，沒有調味，加上夢幻雞亦，都是佐酒的佳餚。 另點了山醬青瓜，賣相清新，青瓜雖是一般的青瓜，但配以特製面豉醬，味道和諧，用來清清熱氣也不錯。