世華餐廳

營業中

休息中

世華的食物選擇多，焗飯/意粉、炒粉麵飯、扒類、煲仔菜/小菜或小食皆有，較便宜的焗飯或炒飯類約 $50-$70，以坐落在尖沙咀中心且接近大型商場和地鐵站來說，這價錢也算不錯了～可能因為是樓上舖，假日晚上來到也不算多人。餐廳以沙發椅多，適合傾計～食物方面就很一般。這個豬扒喇沙米線除了豬扒，用了喇沙一貫的食材如豆卜、魚片、芽菜。湯就令人有點失望，味道欠辣而且很稀。如果在一個人想找便宜點的可考慮，但若帶朋友來就不了～

豬手好味 我個頭咁大無乜人環境好靜點解打內容要人打80隻字咁多仲要唔包標點符號我而家先打得40隻字總知我覺得大件夾抵食啦周圍都差唔多價錢加30可以有酥皮湯同焗回鏍

态度极差！给内地人菜单和港人的不一样，而且向服务员索取给港人的菜单，还特别哼！这种态度就等着香港衰败吧，什么鸟人都是！恶心🤢恶心！可恶！太差！素质太差太差！太差！对港人太失望！

今晚去尖沙咀睇戲 ，去到isquare就肚餓啦 見到有個招牌， 要上三樓。 叫咗個海南雞飯， 例湯 。海南雞飯都有幾多雞， 有啲仲去咗骨 ，啖啖肉 ，十分滿足。 但係個油飯就爭少少 ，唔夠爽口 。值得一讚係個例湯，非常足料， 十分濃郁， 而且冇乜味精 。最重要係呢一度好多卡位， 坐得十分舒服， 去尖沙咀食飯 ，呢度係一個好好既選擇

係尖咀返工, 講到平靚正既下午茶相信呢度必定係其中之一間!!世華餐廳係尖咀有兩間, 一間係赫德道個邊, 一間係北京道。兩間分店我都有去過, 今次想介紹北京道呢間, 因為比較抵食~平日四點後黎到食下午茶會跟埋餐湯+飲品, 好似我今日食呢個鮮茄牛脷飯$34加埋一$37。味道正正常常, 唔會太差, 份量唔會好細~豬扒飯都幾好食既, 不過我見D人多數都叫炒野, 但炒野就等得比較耐。P.S 服務係麻麻地, 鬼叫自己要慳咩...唔好要求咁多喇 

今日lunch 唔知食咩好，見到呢間幾吸引咁，就叫左個外賣金邊粉，黎到一打開冇湯勁乾，大佬點食呀？啲菜又老又黃，見到都唔開胃，食左一啖已經覺得冇味好難食。食食下仲見到啲野，一了起，原來條啡色異物，同曱甴腳差唔多大細，已經唔會再食得落。以後唔會再叫呢間野，好恐怖，好難食。

因要看演唱會，所以找了一間吃得快的餐廳，最终選了這餐廳，人不多，有卡位，坐得舒服，選了豬手飯，豬手肉夠煙韌，香口，算合格，還選了一個焗肉醬意粉，肉質新鲜，意粉亦不硬，適中。

係尖沙咀行到攰，宵夜又要搵下野食！今次係一間比較唔起眼既餐廳食！今次2個人叫左一個一人餐同一個小食，個一人餐仲有一碗例湯送，幾好！魚香茄子煲佢茄子份量好多，不過味道略嫌比較淡！如果鐘意食淡淡地既魚香茄子都唔錯既，不過因為我比較重口味，如果濃味d就正啦！泰式炸蝦餅呢個蝦餅得3塊，不過都算幾厚肉！炸得唔錯，唔會好多粉， 而且食落都有少少蝦肉！

北京道食肆頗多！但係價錢比較參差！就算係茶餐廳都可能要50-60蚊！所以呢間餐廳，價錢都可以！選擇算多！坐位算唔錯！但係服務就麻麻！叫咗兩個中餐：一個係梅菜蒸鯇魚，另外一個係魷魚蒸肉餠。梅菜蒸鯇魚～賣相可以，但係梅菜同鼓油都係扁鹹！魚既分量唔錯！用來送飯一流但係魷魚蒸肉餅賣相麻麻！不過味道都可以既！算啦！中午飯不能太高要求！

因一朝早便要往尖沙咀聽talk，聽完talk已經成1點幾，餓到肚仔都凹晒在某一商業大廈門口，左右兩邊各有1位姐姐落力叫人上去食嘢，心唸日本嘢果間食過幾次，而且得定食冇飲品，時近月尾又想慳少少....結果就揀了 世華，見個餐牌選擇都多上到去，意外地星期日的中午也沒有太多人望望餐牌先西餐類意外的幾平~~~連焗飯都係$44，仲要有湯+餐包+熱飲餐牌還有一系列的中式炒粉麵飯類是日因為太肚餓，結果選了 牛肋骨肉眼扒拼深海魚柳 配意粉先上來餐湯+餐包餐包唔熱 (預左)牛油室溫，所以很容易塗抹至於個餐湯....嗯，我真係未試過這種質感的羅宋湯入口杰杰地，像薯仔湯的質感主菜上來了~~~先說意粉，很明顯是預先浸發，所以麵身呈發漲的狀態左: 所謂的深海魚柳右: 所謂的牛肋骨肉眼扒魚柳肉質太散牛扒入口鬆肉粉味重，所以有明顯的鹼味所以 選擇黑椒汁是穩陣及明智的選擇，起碼可用黑椒汁的辣味掩蓋了任何奇怪的味道重申，尖沙咀 60蚊有找的餐廳 還能強求甚麼

世華餐廳對於我來說是有種說不出意義, 雖然不是甚麼貴價高級餐廳, 但是是由我跟男朋友曖昧到發展都有來過這裡的餐廳。 不過餐廳就如男人一樣, 相識的時侯總是怎樣看都是最好的, 久了就開始變質, 不過我男朋友當然是越變越好, 越來越疼我的人 ,而世華就相反了, 質素很像越變越差。   我們是大概3-4:00來吃下午茶的, 由於不是旺場的時間, 因此有很多空位, 世華的門口是由升降機直出, 我和男朋友一出升降機門左顧右盼都沒有一位員工上前招待, 站了一會兒終於有一位員工從遠處發現我們, 不過依然是沒有上前招待 只是從遠處大叫過來"有位就坐啦!"    我和男朋友就不客氣的坐了一張長檯了 世華雖然是一間普通餐廳, 環境稱不上是舒適, 但總算整齊企理。不論獨自一人或是一大檯客人, 都有分別不同大小的卡位提供, 而且不會迫澀。 由於我肚子不太餓, 只想吃些少份量的下午茶, 而下午茶的餐牌大致有粉面飯類及下午茶小食類。不太餓的我,就選了芝士火腿飛碟, 一來到的時間講得面包有點乾身, 不像烘過的一樣, 但咬下去就有軟心的芝士慢慢流出來, 暖暖的芝士加上火腿, 配合外脆內軟交替的方包,

同同事食晏，去咗世華餐廳。間中我哋都會去既，餐廳套餐，唔算貴！係尖沙咀呢講，食個午餐都要50幾或以上，有 D 仲係要60幾！70幾！！食晏時候，人山人海！食肆唔休做，所以質素麻麻！講返今日個套餐，羅宋湯水準向來飄忽，有時好好味，有時難飲！午餐既星洲炒米，一樣飄忽！無乜咖喱味！鮮茄焗牛舌飯，都一般！不過，最離譜就係叫了一杯餐飲，第一次等20分鐘，原來無落單，再等…第二次足知有啦，加埋飲料要等40分鐘！！？？？完全無管理！！餐廳應該用電子化，又不需要請咁多人手！又有質素。最奇怪就係，午餐時候用兩鐘餐牌，1) 香港人…有套餐(平 d),國內人無套餐，只可以散餐叫！！真離譜呀！雖然，有些國內人都無乜禮貌！令我想起如果我去外國旅行被人不公平對待！我會投訴架！

尖沙咀有好多美食, 但人亦多, 間間都要等位, 有時唔知食咩好就會嚟世華, 除咗因為呢度多嘢食揀, 主要係因為呢度多數都唔洗等位.是晚嚟到, 都係因為唔知食乜, 所以揀咗兩個小菜套餐先嚟一大湯碗例湯, 好似係粉葛排骨湯之類的有味湯嘞生炒骨甜酸味適中, 份量夠, '送'飯唔錯; 西蘭花唔會煮到太硬or太林, 鮮魷亦不錯, 係個'獻'咸咗啲啲.簡簡單單又唔想煮又唔想等又唔想迫, 價錢又唔貴(以呢區嚟講), 算係咁啦.

是日下午有朋友在佐敦結婚，觀禮後我和男朋友步行來這裏享受下午茶。然後步行去搭船。　　我特別喜愛靠窗的座位，最好是能夠居高臨下，看到窗外的街景，細細享受美食。於是我就想起了這裏。　　我曾在尖沙咀上班，我曾在這裏和不少朋友共晉午餐，因為這裏地方寬敞、食物選擇多、價錢合理，所以一想到這裏，就想起了和不同的朋友的回憶。世華也可算是我的老朋友。　　和男朋友倒是第一次來，恰好只有一組靠窗的卡位還空著，彷彿是在等候我們，為我們預備似地。由於不久之後便吃晚飯了，因此我不想吃太多，就點了客蛋牛治配熱奶茶；男朋友就點了蕃茄通粉配煙鴨胸沙律。　　我的蛋牛治頗為叫我失望，因為牛肉只有丁點兒，蛋倒是夠厚吧，但牛肉真的太少了，幸好它夠熱，熱奶茶也夠熱，但稍為有點濃澀；蕃茄通粉也很一般，不夠蕃茄味，蕃茄太淡了，湯底好像蠻多油的。沙律還好吧。　　希望這位老朋友記得要自我增值，保持一貫水準吧。希望我再有機會一嚐它的午餐吧。

和同事到世華吃午飯聽說這家餐廳經常全院滿座於是訂了枱從海港城步行過去12:35左右到達雖說訂了枱但看見有吉枱+侍應生都十分忙碌没有人理我們於是見枱就坐下了叫了幾次阿姐才給我們餐單其實已在openrice看過了餐單但仍想看多一次我點了一客龍利柳意粉 (另可選飯/薯菜)配牛油餐包+西湯(忌廉/羅宋)+餐飲很大的份量! 龍利柳雖然很平價的食材但要煮得好食是須要一些技巧而世華是做得不錯的有心思龍利柳是有沾上蛋漿的好入味而且有4大件讓我感時光倒流回到中學時期$18一份午餐大大份當然這份龍利柳意粉不是$18但它給我的感覺就是如此這般懷念我同事點了聲稱是鎮店之寶的海南雞飯配中湯+餐飲同事說不錯若下次有機會我試試再告訴大家吧感覺不錯的一餐