世華餐廳

營業中

休息中

今日跟朋友到尖沙咀行街睇戲，正剛好撞正午膳時間，每一間食店都大排長龍，因為趕時間關係就選擇了這間不用排隊茶餐廳，在門口已被侍應用呼喝態度叫我們坐邊到，我們二人坐低立即點了一碟炒貴刁和海南雞叉燒飯。 炒貴刁沒有味，不夠火喉，上菜速度奇慢。海南雞與叉燒應該另上，海南雞完全係白切雞，全部都是骨，叉燒有如石頭一樣，蘿蔔又大件又生硬，飯更加是難食到不能形容，一碟飯沒有一樣食物能夠稱讚實在難得。總結：本人很少寫負評，但這間餐廳不論食物及服務都是我寫食評以來最差，垃圾指數爆燈，影衰香港。

朋友黎搵我食lunch,心大心細左好耐應唔應該黎呢度食，因為之前有朋友同我講過呢度好伏，千叮萬囑叫我唔好黎...但另一邊又有朋友話呢度ok，最終抱住一個，我不入地獄 誰入地獄 既心態上左黎。餐廳係商業大廈既3樓，平時午飯時段周圍都會好多人，但同朋友一點鬆D上到黎都仲有好多位，而且兩個人竟然俾張四人檯我地。稀過粥既忌廉湯睇個色水就知係一杯淡而無味既凍檸茶仲聲稱自己係馬來亞餐廳，點左個炒貴刁，唔明點解D粉可以咁硬身，除左食到有微辣之外，我都唔太知自己食緊乜。叉燒海南雞大碗飯，但我點睇都似白切雞囉...而且朋友話舊叉燒硬到點咬都唔爛。總結：冇下次

今日同老公豬豬去尖沙咀，點知行咗半日乜嘢收穫都冇，冇所謂啦，今日買唔到野，始終有一日會買到的。但係食嘢就唔同啦，肚餓就要搵嘢食㗎啦，既然來到尖沙咀呢一邊，梗係要試吓啲新嘢啦，行吓行吓，就捐左上嚟呢間餐廳，都算係一種緣份啦，就俾個機會佢！講真佢個餐廳名就好似有啲落伍，不過食嘢冇所謂啦，首先叫咗個炸蝦餅，都叫做合格之上啦，不過就比較油膩少少，應該值65分左右。再來串燒雞肉半打，不過不失，雞肉食落唔覺得佢好新鮮，可以話又係梗梗合格。星洲炒米，就真係令人感覺失望了，好細隻嘅蝦，又冇乜其他配料，食落好似食草咁樣，乾爭爭，一句講晒唔掂，整體對呢間餐廳有啲失望，話晒都尖沙咀遊客區，呢個水平應該唔合格了！

0服務11點上到 ，冇人帶位，遠距離大叫自己坐嘢飲好快到但勁難飲，超澀，好多茶渣，飲過最難飲嘅奶茶嘢食等足一粒鐘，淨係識叫你等下廚房未開工的話可以講聲，唔好落單勁耐但冇嘢食到冇服務但要收加一以後唔會再黎， Backlist 從未打過食評，今次差到忍唔住要打出黎

難食的龍蝦，扁平怪味磨菇，油漬硬薯條，濕濕淋淋的油炸魚柳。 難食等得奈服務極品哈哈。只有這家沒有更差但都可以笑足十年。如果不是搞錯，真是電視好離譜，令我誤會原來有甘大分別。

去重慶大廈想食咖哩，又覺得熱氣於是就走上世華食個便飯餐廳是八十年代紅木色設計，但無舊式冰室的感覺。環境粒星主餐牌有點字典的殘舊感覺，好多選擇，有小菜套餐，扒餐，單點，神奇的是那張新印的又高又長餐牌實在跟原有餐牌格格不入餐牌設計粒星選擇粒星本來想要海南雞飯，湯轉冬陰公，佢唔俾轉。。。實在太唔靈活了餐來了，嘩部餐車比三哥送餐車更難看，銀色的廚房放菜車個餐睇落唔錯，飯份量足，油飯不是油飯，水多米粒短。。。主角可能因為無轉肶，半個雞胸連胸骨，是近骨隆起那個三角位置，肉不厚，肉質近骨位滑，但雞皮有雪味最後個湯，例湯是例牌味精湯 老黃瓜雞腳南北杏湯，夠大碗，但明明係中餐湯，點解要用西式湯碗？用湯匙飲湯彈到件衫心口位一星星是油漬點！中湯要用高身碗是餐飲業常識吧？否則請給食客一支熱飲管總結食物雞有粒星胸做到滑唔易，但肉太少，飯同肉不成比例，湯0粒星，隻湯碗直頭要扣分！飯粒星係俾份量最後叫左凍檸茶少冰走甜來到面前的是常溫檸茶走冰走甜題外話是，俾錢櫃台燈光由下到上，真係好鬼恐怖

Sogo感謝際，銅鑼灣插針都插唔入，唯有黎尖沙咀行完街朋友介紹黎依到食豬手上到黎都幾大，起碼坐到幾十人，但成晚計埋我地只有3台客，心諗會唔會好伏，朋友話佢都幾年無黎。算啦，叫野食先啦窗口位環境唔錯！望住 isquare ＋重慶大廈西式晚餐套餐牛扒，中式晚飯小菜樣樣齊，今次黎就係朋友話豬手正，就試試豬手再叫多份牛扒2個餐都有跟餐包＋湯（羅宋湯）脆皮德國咸豬手$98 omg真係超脆皮，除左乳豬真係未食過咁脆皮既豬手，咬落去啖啖脆卜卜，肉質幼滑但入口唔會好肥膩，雖然望落乾身但肉汁豐富，一個女仔食1隻都無問題😁黑椒西冷牛扒$98 個汁好香，塊扒都幾厚但欠缺牛味，豬手已經搶哂風頭😁

今日十二點幾到尖沙咀。想食下扒類，樓下既酒吧要$120-$180 午餐。所以揾下有無平平地既。諗諗下之前黎過世華食晚飯，不如今日就試下佢地既午餐啦。午餐牌既種類超多。朋友叫左乾炒牛河。我叫左雞扒司華力腸。每樣午餐都有配餐湯。四五十蚊個午餐，響尖沙咀，有湯、主菜同埋茶。我覺得抵食。唯一壞處係要加一。乾炒牛河落足料，牛肉唔算小，最緊要係唔多油。食完隻碟都無話成碟油。呢度有牙菜、韭黃同蔥，但就好似無洋蔥。珍寶腸得半條，唔太好味！雞扒外脆內juicy, 有肉汁。薯菜同上粗薯條，感覺高級一點。

大年初一，小公主嚷著要看花車巡遊，人越大、要求越多 ⋯⋯ 要睇現場，並非電視直播。沒有辦法，唯有出去尖沙咀彌敦道同人迫。提早去到尖沙咀，先在附近隨便搵個地方開餐。在彌敦道及北京道交界（花車巡遊路線的終點）、i Square 對面，有一間開設在樓上的「世華餐廳」，一直知道她的存在，但也一直沒有嘗試或想過去幫襯，今晚終於可以俾個機會自己了。餐廳的裝修風格停留在上世紀 70、80 年代，真的那一個年代的風格，並非加入了摩登室內設計技巧的懷舊風。細心留意一下，所有室內裝飾又未至於非常殘舊，如果期間曾經做過翻新裝修工程，但竟然仍停留於這一種裝修風格，就會很懷疑餐廳老闆到底是是否有心辦好這一間餐廳。餐牌及墊枱餐紙設計同樣非常老土，無論用色及圖案皆是真真正正的老土。墊枱餐紙寫上「since 1936」，是代表了餐廳始創於 1936年？但實在唔係好似，皆因從未聽過這間餐廳的大名。抑或老闆在 1936年出世？隨着香港經濟越來越繁榮，對飲飲食食的要求也講究了，講求正宗口味或本土港式口味，所以，今時今日在香港已經很少這種 mix & match 風格的港式馬來餐廳了！餐牌內的選擇仍然停留在開業初期的多元化口

世華係呢樹已經好耐，每次去尖沙咀唔知食什麼，都會去，因為有位。（呢個唔係好現象，但咁多年都係一樣)一間乜都有的港式西餐廳：海南雞飯，鐵板餐，沙爹串燒。。。連廣東小炒什麼麻辣水煮魚什麼都有了。有種不倫不類感覺。太多選擇雜亂無章，不如俾心機煮好d精d,會更多人欣賞。今餐Order 了泰式鳳爪，吉列豬扒餐（跟沙爹汁）同海鮮喇沙米線。鳳瓜用越南魚露醃製喇沙個湯底有點怪，好似我的沙嗲汁咁，冇椰味。吉列豬扒冇乜味道，唔夠熱似番炸。薯條稍為 煙靭左（格夜🤔🤔）。餐包 羅宋湯都尚算保持水準。（炸豬手，以前食過，得個大字。）服務員是一班重鄉音的同胞，服務態度友善，但絕不專心工作。舉手 示意叫餐茶，女待應收到：“係。“， 正朝方向我枱。。。當經過一枱鄉里（說鄉下話的），即停步傾計，足有四五分鐘，仲開始擺一個舒適姿勢托埋手㬹。直至同枱鄉里提示（有人叫嘢），個女侍應才醒覺要同我落order.唉!究竟佢係走係大眾化路線，定冇要求路線呢？。。算把啦!都只係因為有位至嚟呢樹食，食物同服務係其次。 相信這裏是自置物業🤔，不然的話。。。

服務态度极差！服務員冇一個有礼貌。我感觉我攞钱食饭同受气一樣！要睇服務員面色！係因為唔憂做所以才教D服務員咁冇礼貌吗？今日去到呢间餐厅。初初冇位就坐左个唔好坐的位！就刚刚落完单，有张卡位枱的人就买单走左。跟住我就同一个操大陆口音的服务员讲我要调去果张卡座枱。佢居然唔比我调枱仲玩嘢！把我点嘅嘢放我原本坐张台上面，也都唔帮我执好后来我调过去果张枱上之前果D客留底的野，叫左几次先去执返好張枱比我，佢仲恶过我，都唔明白如今香港D人服務員质素可以咁差！ 究竟佢係客还是我还客?

今天出到尖咀，本想去世華，滿心記住佢的酥皮湯。係到樓下，亞姐用普通話推銷已知可能做遊客生意。上到去，冇招待不突止，仲要我向個侍應問“我想問”，都未講完，個亞姐即話“係呢D啦！”，我只係想問有冇酥皮湯加錢啫，吾係咁冇禮貌呀？當食客係乜呀？我知比幾十元冇服務係正常，但連做人既基本態度都冇，就算做自由行生意，都吾該咁對D客。冇食到，一肚氣走了！總之，吾會再幫襯

今日早早就出咗嚟尖沙嘴，處理完公事發現肚仔開始叫，朦仔決定約返個朋友食返個午餐，行左幾條街後發現原來iq對面有好多樓上食肆，大大玻璃，感覺好舒服，一去到樓下，見到有間世華茶餐廳，上到三樓，一出電梯已經感到十分舒服，冷氣適中，香氣十足，人流唔多，環境好舒服，侍應引領我地入座，係窗邊卡位，玻璃下方就係iq大街，人來人往，係個甘舒服的環境望住下方的煩囂，有另外一種滋味！同友人分別叫左芝士肉醬意粉同海南雞叉燒大碗飯，不夠15分鐘已經來齊，一陣撲鼻的芝士香味令我胃口大開，一嚐更加覺得十分好味！絕對係尖沙嘴區域值得一推的好食店，平靚正

The food is good and comes on time. But to grab the attention of the waiters, you must do a ballet dance and they still will ignore you. Is it because they have a huge clientele and can afford to lose some? Even to ask for water, you must have your hands raised for 5 minutes and they cross you to go to the next table with more number of patrons but turn a blind eye to you. Food is good. But there are much better places in HK which will serve good food with a smile!I made a choice of three dishes

🔸🔹德國豬手🔹🔸脆香外皮肉質鬆嫩稔身夠香好夾🖒成個權頭甘大轟炸 🤜[$108]套餐價錢包白湯/羅宋湯、跟牛油餐包、可選配飯/意粉/薯菜+餐飲x1趁熱食配黑椒汁是另類選擇💕❎薯菜❎係炸火喉不理想*劣油淋淋但✔成隻豬手✔味道確系特出惹味嘅💯