世華餐廳 (已結業)

今天和男友來世華餐廳吃飯，試了他們的精選二人世間套餐。套餐內容十分豪華，又有鮑魚又有花膠，但價錢只是498, 性價比十分高。生炸妙齡乳鴿乳鴿雖然細，但挺有肉的，表皮炸得香脆可口，油脂甘甜，肉質仍然保持鮮嫩多汁淮杞螺頭燉雞湯裡有雞腳、雞肉、螺頭碎和杞子等，湯有雞的鮮甜味道，很滋補，喝了很暖身。原隻鮮鮑魚扣靈芝菇鵝掌想不到這餐廳可以吃到鮑魚，雖然細細隻，但肉質彈牙很新鮮，鵝掌很肥厚軟滑，充滿骨膠原。竹笙瑤柱扒西蘭花爽脆的竹笙卷著瑤柱，口感很有層次感，又爽脆又煙韌彈牙。西蘭花很大棵，很新鮮。玉環百花蒸釀蟹鉗賣相很漂亮，蟹肉很肥厚彈牙，沾著蛋花吃，很滑溜，蛋香令蟹肉味道更出色。花膠燉鮮奶女士們的最愛，花膠大大片，絕無欺場。鮮奶清甜，還有甜甜的桂圓肉，令人想encore

來到月尾，又是山窮水盡的日子，在這個時候與好友吃飯，我都偏向選擇茶餐廳。 這次來到尖沙咀，就帶著好友來到嚇德道的世華餐廳吃飯。不說不知，世華晚市推出了小 炒，小菜選擇非常多，就連海鮮亦有供應。 鹽酥鮮魷魚很久沒有吃椒鹽魷魚鬚了，心血來潮就點一個來吃，魷魚酥炸至金黃色，入口超級香脆，不乾不硬，，帶有淡淡的鹹味，而內層魷魚口感爽口，很好吃。 陳皮話梅骨話梅骨的味道酸酸甜甜，非常醒胃，而大部分的排骨內都有軟骨，非常有咬口，不過，肉質就是偏肥了點，即使以話梅作調味，仍不能減去膩滯感。 香茜皮蛋海鮮豆腐湯 整個豆腐湯都帶有濃郁的香茜味道，而湯內放了豆腐、雜菌、帶子粒及蝦，湯底的味道鮮甜，但湯內的海鮮材料較少，若能慷慨一點，相信整個湯會更吸引。

when we walk along Hart Avenue I suddenly find the upper level See Wah (since 1936)Has changed so much Newly decorated Selling a great deal of good quality dishes the onions fried dragonfly pieces The fish is fresh and delicious 😋 half of a deep fried chicken Red and Crispy Colour 95%white rice One grain by one grain 🌾 👍☺️

呢間幾十年老字嘅嘅小菜，賣相實而不華，等我可以集中品嚐每道餸嘅味道。兩個人叫咗四道菜，三餸一湯，先嚟椰皇佛跳牆 $68，有上湯豬潤枸杞 $88，茶餐廳必叫嘅小菜魚香茄子 $78，再嚟個臘味煲仔飯 $108，份量品細，細食嘅可以略減。先嚟介紹吓上湯豬潤杞枸 $88，豬潤清得好乾淨，一啲異味都無，食落又有鮮味，呢個應該係上湯嘅功勞，爽彈唔會過老，枸杞亦非常翠綠，整道菜表演出色。臘味煲仔飯$108 臘味大晒冷，臘腸，潤腸，臘肉，臘鴨齊晒，再加幾條菜心，煲仔飯再淋上豉油，香氣四溢。魚香茄子煲 $78 最欣賞佢有放馬蹄碎，加啲咬口，咸魚量較多，適合鍾意香口惹味嘢嘅人，送飯首選！ 椰皇佛跳牆$68 材料有花膠，鮑粒，雞腳等，料同湯夠兩個人飲。

餐廳喺尖沙咀赫德道，門口上樓梯就到，地方都幾大，乾淨企理。食物種類都唔少，有小食、湯羹、海鮮、小菜、素食、炒粉麵飯、煲仔飯、煲仔菜等等。不過我地只得兩個人，食唔到咁多種類。【椰皇佛跳牆(位) $78】用椰殻裝嘅湯，材料有鳳爪、瘦肉、鮑魚仔同花膠。椰殻入面冇椰肉，不過啖啖湯都有椰香味，個湯都燉得幾清唔油膩，健康美味。【金磚炸豆腐 $38】炸到金黃色嘅豆腐四四方方好工整，真係似一舊舊金磚。一夾起就feel到件豆腐好軟身。豆腐係啱啱炸氣所以熱辣辣，口感極軟滑，面頭嘅椒鹽鹹度適中，豆腐亦不失豆香，非常不錯。【陳皮話梅骨 $98】都好大碟吓，多肉多汁。陳皮話梅汁甜中帶啲微酸，都幾開胃可口，肉質算軟腍，食到唔停口。【紅酒牛尾煲 $168】呢煲真係大煲，牛尾有十幾件，軟腍且肉味濃郁。紅酒汁加咗青椒同洋蔥，啲青椒味搶咗紅酒汁本身嘅味道，我個人就覺得唔落青椒仲好。煎米粉都算香脆，蘸咗紅酒汁幾好食。整體嚟講食物水準都唔錯，而且份量幾足，如果每人叫碗飯三個人都夠食。食客之中仲有外國人，可能係因為見到係老字號(since 1936)而嚟幫襯，試吓地道菜。見佢哋食到津津有味又影相留念，應該都相當滿意吧。

今日同屋企人去開尖沙咀諗住食位於赫徳道開左廿幾三十年舊式既据扒餐廳。點知去到門口，咦？！裝修左啵，再望真啲，餐牌轉左中式既😱細問下原來老闆想轉下口味，所以夜晚變左中式，反正都泥到，食下中餐亦無所謂，上到去，依然地方寬敞，坐位好多舒服光猛左。有幾張大圓形既中式餐桌，方便客人人多食飯夠位坐，好快服務員就俾餐牌我地睇，款式花多眼亂，淋羅滿目，井井有條分門別類好哂，肉類，菜類，海鮮各樣，仲有一張精選小菜單供俾客人揀，心大心細既朋友岩哂！我地最後左揀右揀又望下格離枱食咩之後，分別點左白飯魚煎旦，鐵板黑椒一口牛，沙嗲鮮蝦粉絲煲，霸王辣子雞，魚香茄子煲同世華小炒王。份量正常，賣相討好，味道亦原來相當不錯，以為佢做中餐好，原來中餐都可以。白飯魚煎旦魚勁多煎到香噴噴，啖啖白飯魚仔，牛柳粒鐵板上枱熱辣辣，相當惹味，我鐘意辣子雞，埋枱已經聞到好香麻辣味，不算太辣，適合所有人食，我地人全部都好鐘意食呢個，入面伴有花生過口引😂沙嗲鮮蝦煲蝦有十幾隻左右，粉絲吸哂沙嗲汁，精華所在，清哂個煲，最後小炒王非常出色，份量多，蝦干魚仔尤魚so仔九菜等等炒成，送飯一流❤❤❤整體來說，估不到會咁正，鐘意佢款式多樣化價錢亦不貴且

行了一整日街，與朋友都想找個地方食點東西。在附近有很多不同的餐廳， 最後我們決定了這間世華餐廳，因為價錢在尖沙咀來說，較合理，而且環境開明， 座位之間都十分闊落。咖哩牛腩飯$48牛腩激多! 真的有超多超多牛腩，而且每件牛腩也是大大件，很有滿足感。而且，飯也很大份。牛腩的肉質十分嫩滑，咬開的時候，一點也沒有起鋸齒 。而咖哩很重香料的辛味，而且不會辣，不能吃辣的我們吃得津津有味。瑞士雞翼撈公仔麵 $48與咖哩牛腩的價錢一樣，不過份量比 咖哩牛腩小。雞翼有三隻，可見色水不深。一咬開很juicy, 雞肉也是很鮮嫩的，不會鞋或乾身。味道上，若果雞翼能更加入味，會更好吃。而公仔麵不會太鹹，我覺得不錯!沙爹金菇牛肉煲$88當中有金菇、青椒、洋蔥、芽菜等等的配料， 而主角牛肉和粉絲也有很多! 一點也不寒酸。他的粉絲煙韌，而且索盡了沙嗲汁的味道。沙嗲汁帶甜，令人很開胃。另外下午茶餐還有兩杯熱飲附送，我們點了好立克和朱古力，吃完小菜，喝點甜的，馬上解鹹。個人十分推介這裡的咖哩牛腩飯，很抵吃，又好味! 而沙爹金菇肥牛也不差! 經過尖沙咀，餓起來的時候，可以在這找點食物醫醫肚呢。

很久之前來過這間位於尖沙咀的＂世華餐廳＂印象中是類似西式茶餐廳的，原來現在轉了形式變了中式小炒，當一上到餐廳侍應馬上問我們要開什麼茶😅小炒款式多，門口餐牌寫著現做乳鴿特價＄28 一隻，好似幾抵食，一定不會錯過！是日煲靚湯 $38是日靚湯材料豐富有：蓮藕，紅蘿蔔，豬骨等等味道濃厚，湯料和湯分開上，絕不馬虎👍🏻生炸BB鴿 $28BB鴿較細隻，鴿肉鮮嫩無比，鴿脾一口咬落馬上爆汁，可惜翼位炸得過火有點乾😏金磚豆腐＄38金磚豆腐外脆內嫩，豆腐入口即溶化👍🏻👍🏻鐵板黑椒一口牛柳＄98鐵板牛柳一口一粒煙煙韌韌牛味濃郁，加上洋蔥黑椒青椒非常惹味。魚香茄子煲＄68鹹香的鹹魚炒在肉碎和茄子中，鑊氣夠惹味又可囗，色香味濃，送多多飯也不覺飽😋京都焗肉排＄88肉排切得大小適中方便易吃，甜甜酸酸很醒胃。

以前經開尖沙咀都會食下世華餐廳嘅扒餐，今日經過發現原來佢已經變咗做中餐小菜。我們一家就決定上去試一試。呢度地方舒適，地方闊落又較大。紙巾、濕紙巾等等一應俱全讚。呢度小菜嘅款式算幾多，我哋四個人一共叫咗六個餸。熱辣辣嘅牛柳配上鐵板保存着溫度，黑椒味濃，配菜都勁好食，牛肉肉質嫩滑白飯魚煎蛋依家唔係間間餐廳都會有，見到有梗係立即叫黎食下啦，蛋煎得剛剛好，白飯魚配蛋真係絕配，送飯一流。沙嗲汁配上粉絲勁入味，勁好味，加上蝦肉爽口，呢個餸菜我老婆最愛。茄子魚香味濃，肉碎送飯超正，茄子非常好食夠晒淋，食到停唔到口。小炒王食落又脆又軟嘅口感，非常嘢味。送飯送酒一流。全晚最愛呢未餸，辣子雞辣味剛剛好，雞肉鮮嫩，小小麻，真係食完一粒又一粒，好快就俾我哋清哂，有諗過再叫多次，但我哋已經好飽。 總結：呢度嘅小菜出色、好味、鑊氣十足。加上價錢又唔係貴，值得推介。

又到午飯時間，今日想清清靜靜自己一個人去食一個午餐，呢間位於赫德道樓上店舖上一層後見到餐廳環境都幾大坐得好鬆動，所以坐得幾舒服，餐牌上午餐款式種類都幾多，睇咗一陣就揀好心水我點了海南雞飯套餐 $64，仲包中湯或西湯同一杯咖啡或茶羅宋湯好重番茄味，肉味唔多但好多蔬菜感覺好健康，飲落唔會過鹹到海南雞上檯了，雞飯份量都幾多差不多成碗半飯份量，飯都算軟熟帶雞油香，而雞件都幾嫩滑，仲有3款醬汁比你點來食最後要埋杯熱檸檬茶

上星期嚟左世華食lunch, 經理推薦呢到夜晚啲中菜都唔錯, 所以前兩日放工經過尖咀就過嚟試下。首先叫左兩個湯好足料呢個雲南氣鍋雞, 所以味道都好濃香。而且有好濃郁嘅椰奶味, 係幾唔錯。我比較中意呢個椰皇佛跳牆,雖然都係椰味, 但呢個同岩岩嗰個唔同, 係好香嘅好香椰青味。同樣好足料, 但係就清甜啲😂脆脆豬脾🐷是晚最愛。外香脆, 連埋半肥瘦嘅豬脾咁樣食, 口感多層次, 有口但係又唔會韌。最正係佢個汁😳應該係佢地自己調, 有少少燒汁味但又好似唔係, 配呢隻脆脆豬脾真係一流。叫左個瑤柱蛋白炒飯, 呢個就不過不失啦。呢個係xo醬龍鬚芥蘭炒大蝦球。每個係一人份量。芥蘭好似雕花咁😂好精緻都幾有心機。總括而言呢個晚餐係幾有驚喜。食物質素令人滿意。應該會再過嚟幫襯。

星期三去開尖咀見客, 帶左個客嚟食呢間世華餐廳。呢間世華我以前喺尖咀返工成日食, 但一排冇嚟發現裝修唔同左, menu都好似有啲更改😗我食左呢個咖喱魚柳套餐, 配飯同湯:雖然轉左裝修, 得知換左師傅, 招牌咖哩同以前味道不相伯仲。印象中以前比較偏甜😛今次呢個比較野味😂帶小小辣。而魚柳都食得出唔係一般雪藏魚柳梅梅爛爛咁, 味道屬於中上啦😂餐湯:唯一係呢到嘅份量比較大, 平時比較細食嘅話可以叫少飯☺廢事食唔哂嘥嘢啦~~另外個客叫左黑松露牛柳粒🎉雖然佢切得比較大粒, 但勝在肉身夠淋😂啲黑椒汁好醒胃, 淡淡咁發出黑松露嘅香味😛又fusion得幾好味😂個客都話唔錯。呢個牛柳絕對會一試上癮😍以喺尖沙咀食個lunch嚟講真係算係大碟夾抵食😛總括而言可以再戰。

世華裝修後，還是第一次去吃早餐。以往間中也走上二樓幫趁，自從試過附近佳記的早餐後，價錢相同($32)，但質素好得多，於是便轉移了陣地。見到世華完成改裝，便再去試試。上到二樓，新裝後格局相同，但環境煥然一新，不似以往那樣殘舊。可惜的是，早餐的價錢增加了，食物卻沒有改善。我同樣點了沙嗲牛肉米粉來試師傅手勢，結果與以前一樣，有沙嗲牛肉模樣，而沒有沙嗲牛肉的味道。不單是湯底不夠味，牛肉的肉質亦「鞋口」，且完全沒有肉味。牛油多士只有半片，烘後已放了一段時間，多士已經冷卻和乾硬。火腿奄列看似一大件捲蛋，但蛋煎得過火，惟一可取的是有不少火腿絲。至於那杯奶茶，我叫了茶走，同樣地有茶色但茶味不濃郁，幸好還算夠熱。整體而言，這裏的早餐只是一般，真要幫趁的話，不選擇沙嗲牛肉應該較好。

朋友們約在赫德道1號世華餐廳聚會，地點確是就腳，之前見了負評，抱著沒有期待的心情一試，但卻出乎意料之外，環境裝修舒適，服務態度佳，食物具質素，經了解，原來餐廳剛剛完成裝修，管理層及侍應全新換班，服務好，食物美味，價錢合理，日後會再來幫襯。個人最愛脆脆咸豬肶，自家手打魚旦，南乳炸金菇，迷你椰皇佛跳牆，臘味煲仔飯及北海道牛乳炸鮮奶甜品。看出廚師的用心外，廚藝了得煑出的誠意食物，直得支持，物超所值，令我有了一個開心的小飯局。

出開尖沙嘴下午茶時間不用等位,兩年無來番茄豬扒焗意粉無加價！還是很便宜，下午茶三十六元有飯有飲品,經濟實惠又好味,去邊到揾!蕃茄豬扒焗意粉意粉很乾身,不太淋,好合用來做焗而且蕃茄配豬扒好夾,汁都做得好好。豐富而濃厚,個汁正常茄汁味,又是不欺場之作。豬扒係炸過的又唔會韌,肉質OK,咸味剛好,而且很新鮮,熱烘烘的,焗得好食,更有口感, 夠味而且用料十足,等上大約 10分鐘！奶茶夠香又夠濃亦吾錯環境夠大坐得舒服，服務就差D但是整睇嚟講焗意粉同奶茶都好味！令人一試回味!