中村藤吉香港店 (已結業)

食完金妹記，就到甜品時間。懶惰的我們去咗美麗華邊嘆冷氣邊覓食！10:00關門，9:00就截人龍同last order，幸好我們趕得切入去，不過要分開坐～入面好大、好優雅！精緻的茶具。茶錢每人收$10，但免收加一。同埋每人都要點一個餐～焙茶芭菲：入口層次多，唔會口乾，非常好食！MIX軟雪糕：一啖雪糕一啖餅咁食，好正！熱白玉：海藻😂同埋記得要趁熱食，一凍咗就唔太好味。但抹菜味超濃！輪到我個京之精選，其實同朋友的MIX軟雪糕啲combination好似😂不過我係有蛋糕仔而佢係脆餅。蛋糕仔有2舊抹茶同2舊焙茶味，唔好以為咁大舊會好飽，其實佢好軟綿綿，空氣感足，食晒一啲都唔濟。我係一啖蛋糕一啖其他配料咁食，令到口感好豐富～不過紅莓就太酸啦......最後係每人$100幾蚊就埋單，係好食既！

中村藤吉係香港開咗好耐，之前只試過美麗華地鋪的雪糕，今次終於有時間一試其他。晚上8點半去到，唔洗排隊。因為目標係抹茶啫喱，但每日數量有限，所以係門口問咗仲有先入座。坐低咗佢會提你，每人收$10茶錢 + 每人都要叫一樣食品/飲品。我地叫咗2個都係抹茶啫喱，分別一個係軟雪糕，另一個係雪糕球。食物到，2個的內容其實一樣，都有抹茶啫喱、紅豆蓉、丸子。抹茶啫喱滑溜溜，帶有一絲絲抹茶香味，唔錯。紅豆蓉則太甜，蓋過咗其他食物味道，所以食咗一啖我就放棄了，專心品嚐其他。抹茶軟雪糕同抹茶雪糕球相比，前者比較淡，後者香濃好多！一啖入面同時放雪糕+啫喱，好好味，好快就清晒。軟雪糕配的啫喱比較少，唔夠喉，下次再黎會再叫抹茶啫喱雪糕球！

今日係放假諗住要排好耐，點知一到已經大把位。。係尖沙咀旺區咁嘅鐘數都唔滿。。。已經覺得好奇怪。最後終於謎底解開啦。。。食物質素都ok, 至少個冷麵都有正常水準。。只係今時今日嘅服務態度。。。希望以後會有改善，唔係好快又要執笠。

我應該係全世界最理性嘅一位綠茶控，去京都四次，每次因為同行朋友不好綠茶，無去中村朝聖，又因為兩年前每次去香港中村都大排長龍，我一直等到人氣降温先朝聖，一等等左三年! 今日終於唔洗等，直入中村藤吉叫返杯芭菲降暑，仲可以慢慢坐無人趕。厚厚鮮忌廉，綠茶青澀味濃重，超甜紅豆同我最愛丸子，大大杯好滿足!食完一大杯芭菲有衝動想再叫多份甜品，但理性嘅我都係留返下次

天氣熱辣辣，係美麗華行行下，經過見到中村滕吉，本來打算坐底食個甜品，但見到餐牌個冷蕎麥麵，即刻轉軚，叫左個蕎麵定食。定食包括 一碗飯+醃蘿白+蕎麥冷麵+甜品飯上面微暖，上面有d咸咸地既紫菜咁既碎，配埋醃蘿白又幾好味跟住到吃蕎麥麵，碟仔上有d蔥花和wasabi，撈落冷面汁，由於唔想wasabi味太重，唔敢落曬，只落左大半，但我覺得岩岩好，一夾一住麵啜入口，正呀好冰涼，爽好味最後食埋甜品，有幾舊凍抹茶味果凍之類既物體，食落幾清，1粒湯丸，一pat紅豆，紅豆唔算十分甜剛剛好，配埋一齊好夾飯和麵都極速食曬無影到相個人認為冷蕎麥麵最好食，食多兜都得

繼上次食呢間綠茶🍵product專屬店已經係上上年既事 之前一次既印象係好貴同埋份量好少 唔抵食今次朋友興起再訪 一心想一試綠茶麵 🇯🇵於是叫左個綠茶麵定食同埋叫左個甜品大雜燴share 😝入座前waitress已告知食野時間只有90分鐘 我地拿拿淋落order 但明明整場都仲有不少空位😵綠茶定食上左 賣相算討好 日本麵食通常會跟碗飯😂心諗啲日本女仔真係食得落咁多咩🙈🙈講番個定食 一心以為會有些許綠茶味 點知仲淡過蕎麥麵本身啲味🤦🏻‍♀️ 個飯飯粒尚算分明 但整體無特別之處啲梅菜同普通罐頭味道相若 呢個賣相都正常 綠茶味稍為突出 培茶味則沒有一絲然🤔食完成餐都無咩特別覺得會再番黎食既感覺 而且價錢真係相對較高好在匯豐仲有少少discount 個心都舒服少少

悠閒吹水好地方！中村藤吉沒有了開業的人龍，反而成了一個我想跟朋友聊聊、又不容易被人趕走、又能享受到不錯食物的地方。重點是，人不多，可以享受頗寬闊的空間哈哈😛😛😛 （賺錢惡耗，顧客福音）抹茶冷烏冬。幾乎每次都必點，因為雖然烏冬完全嚐不出抹茶味，但醬汁出色，鰹魚汁鮮味，而我又特別欣賞芥末的激刺！甜品我每次都點焙茶😂 雪糕濃郁甘醇，焙茶味濃，而且配啫喱又比較口感豐富，清爽非常。中村雖然沒有起初的人龍，但仍然是我會定期encore的好地方。

之前去日本都有去過中村藤吉，但係香港嗰個都係第一次去，味道同日本好接近，應該大部分原材料都係日本運黎，但係價錢就比日本貴啲，選擇也好似少啲。呢間中村藤吉座落於美麗華，一啲都唔難搵，環境舒適，喺室內排隊亦都唔會出曬汗，等咗差唔多四個字先入得去。我哋叫咗個抹茶芭菲同埋京之精選，賣相真係好豐富，有10層材料：焙茶軟雪糕、果凍、白玉丸子、脆脆玄米、雪糕、海綿蛋糕和鮮忌廉…配料有誠意，真‧真材實料！抹茶茶味濃厚獨特且甘苦，同日本個味道一樣。另外京之精選蛋糕都好好味！但係價位有點兒貴，短時間唔會再食。

如果本身你係抹茶迷加上唔想淨係食抹茶甜品既話, 中村藤吉絕對啱你心意佢個腐皮抹茶蕎麥麵定食, 有飯啦有抹茶味既綠色蕎麥麵啦, 仲有個抹茶紅豆丸子既甜品添而且兩塊腐皮都好好食架, 不過價錢好似有d 貴🤔盛惠 $118

估唔到唔使排隊都可以食到中村藤吉嘅抹茶產品！今次喺便利店度，見到中村藤吉嘅綠茶雪糕，當然唔會放過啦。雖然係杯裝，size較細小，但係綠茶控係絕對唔會介意！抹茶雪糕味道相當濃郁，入口已經係陣陣嘅綠茶香，甜度適中，仲做到有回甘嘅效果。同中村藤吉一貫嘅綠茶產品一樣，綠茶同奶嘅比例會係茶味較重，奶味較輕，係相當之適合鍾意綠茶味偏重嘅朋友。雪糕嘅質感比較厚重，係我比較鍾意嘅口感，即使細細杯都已經令人好滿足，夏天食一杯簡直係透心涼啊！

6點幾見冇人等位就入去試試佢既綠茶麵同甜品。1. 綠茶蕎麥麵 (凍食)$78 個麵太硬太凍, 雖說是凍食, 但食落口好似食雪糕咁凍, 個人認為凍過頭! 麵條太硬欠缺煙韌! 冷麵汁也只是普通日式冷麵配的那種, 比不上之前在京林屋吃過的綠茶蕎麥麵! 很失望呢!2. 綠茶烏冬 (凍食)$78烏冬口感比蕎麥麵好, 可惜都是完全沒有綠茶味!3. 焙茶芭菲 $98 芭菲材料很多: 忌廉、丸子、焙茶雪糕、紅豆、脆米; 可惜就是有種太雜亂的感覺。寧願它多一球雪糕, 少一些紅豆/丸子! 丸子也太大粒, 芭菲吃起來很不方便味道也沒有驚喜!注意: 每位客人另收$10茶芥整體而言是失望的一餐, 食物質素跟價錢不成正比呢! 

差唔多九點鐘先黎到,都要等位,不過好快,等左十分鐘左右,入到去就會明白點解要等,因為枱唔係放得好密,得好少枱,地方靜靜地,侍應步伐唔會好似茶餐廳咁急速,入去坐到個人都安靜落黎。坐低先飲啖茶,茶味香濃但唔苦澀,一日GE辛勞好似暫時放下。其實我唔記得叫左個餐叫咩名,但就有一個綠茶冷面,另外仲有個飯,加埋個甜品, 一個SET來的。綠茶涼面有種獨特GE清幽,飯上面有少少梅子粉作調味,成個主菜都好清淡,食左唔會滯,最後食一個稍味濃味D GE甜品,成個鋪排岩岩好,正!!!!其實另外仲叫左個鮭魚茶漬飯,不過好可惜,張相好似DEL左,茶漬飯有個重點GE,就係可以自己揀要咩茶!我地就揀左玉露,玉露係種好淡但好清香GE綠茶,仲有少少海苔味,好得意,鐘意飲清GE可以試下,係一個好好GE選擇!

抹茶味濃郁，好正宗，非常對版不愧為抹茶老字號出品.細細杯，份量合理，一個人食啱啱好平日中村藤吉軟雪糕大杯左少少，食到一半就會進入聖人模式 🙂.7仔$28有交易，極力推薦

說話行完美麗華商場的小丸子店就去搵嘢食，友人買到佢想買嘢好開心話要請我食嘢🤣🤣🤣🤣一入座職員跟我們說一人要叫一樣嘢食，不過就冇心太軟同蕨餅，其實見到個心太軟都幾吸引，可惜冇。這間沒有10%服務費，但有每次10蚊茶芥。草莓芭菲：草莓🍓大大粒，酸酸地好開胃，第一次慕絲好香好滑，然後食到下一層抺茶，抹茶味濃度比雪糕濃，回甘味不太重，估唔到好食過抺茶雪糕，而啫哩就淡淡的，中和返兩者味道，正冷蕎麥麵定食：果面又真係幾令人回味，食黎清清感覺，而白飯都勁好，而甜品係紅豆丸子啫哩，紅豆味唔太甜，好喜歡。整體兩樣食物都俾我好fresh的清新感，加上環境都幾岩傾計。注意⚠️：last order是晚上九點，想不到都幾早。

聽就聽得多 試就第一次試 感恩好友帶我去 收工後就去食甜品 完全唔洗等位 直入 入到去感覺係好寧靜好舒服 成陣日本味出晒黎 即刻講野都唔敢太大聲加上又有我好鍾意既焙茶 俾左個茶壺你自己添 🍵茶又保到暖 岩晒食冷野 限左人人都要消費 咁唯有大食小小叫多點 個軟雪糕真係好得 抹茶味濃 又滑 培茶又夠苦 呢個match 超正 勁鍾意拼盤既栗子 完全唔明點解可以整到咁甜 但真心勁甜 好好食 。 相反個軟蛋糕就失色左小小 平平無奇不過不失無咩特別。 紅豆既出現同樣都加左唔小分 呢間店難怪咁多人讚 真係唔錯