串燒堂 (已結業)

天氣開始涼涼地, 朋友仔話想食串燒， 佢話屋企附近開左間新嘅串燒小店， 我地一向都係鍾意揾小店食嘅， 咁就一於去馬。餐廳位於堅尼地城荷蘭街太康大廈地下。2個人叫左:燒絕味雞軟骨, 外脆內軟, 味道超級野味。燒頂級多春魚， 多春魚燒到乾身， 入口魚油甘香， 魚皮香脆， 魚肉實淨。燒雞泡魚乾， 燒得乾身， 硬硬地， 非常入味。燒脆脆香燒賣, 簡單食材, 燒得精彩, 香氣撲鼻，外皮燒得脆卜卜， 魚肉燒賣香滑軟綿綿。 燒賣真係女士們最愛。正

今個星期同同事趕工晚晚收八九點，做到晚晚都無飯食😵‍💫。難得今日係星期五。OT完同事問我有無興趣一齊去食下串燒🍢🍢。咁就去放鬆下啦。炸雞軟骨，食落夠脆卜卜，表面呈現金黃色，望落去夠晒吸引，咬落脆身，而且每一粒有香酥嘅口感。蒜蓉燒原條魷魚🦑，蒜蓉燒原條魷魚🦑夠晒大條，平日最怕魷魚太過韌，蒜蓉夾雜在彈牙鮮甜嘅魷魚上面，為味道添加左一份層次。燒肥牛金菇卷🐮🐮，肥牛帶有濃郁牛香，金菇仍可保留爽嫩口感。特色燒土豆片🥔🥔，土豆片夠晒酥脆，未食就已經聞到香味。

今日去咗堅尼地城搵個好耐冇見嘅朋友食飯，佢帶咗我去一間新開張嘅串燒店舖，叫串燒堂，聽講開到凌晨，所以住附近嘅人都好鍾意嚟呢度食宵夜。店舖係小本經營，性價比都好高，食物好抵食，老闆同服務員都好用心經營，好有耐性，真係好難得，值得支持。牆上有個必食推介，如果有選擇困難症可以直接嗌佢既推介，因為朋友話全部都好食夾抵食。我自己食串燒一定要食雞腎，口感夠爽口。平時食開蒸燒賣，朋友就推薦我食佢個串燒燒賣，又幾特別。

堅尼地城好多小店，好鍾意係串燒店同朋友詳談飲啤酒，今次捉咗個朋友仔去試呢間串燒堂。麻辣小龍蝦小龍蝦味道好惹味同好入味，小龍蝦啲肉好實在，食完一碟，真係有種意猶未盡嘅感覺。法式鵝肝多士多士焗到脆卜卜，配上入口即溶嘅鵝肝，簡直係人間美食，個鵝肝都幾大個添㗎。燒特色土豆片好似長洲嗰啲特色小食咁，將薯仔切到一片片，用長簽串起，好似食緊薯片咁，小朋友至愛。蒜蓉燒原條魷魚蒜蓉味好重同好入味，一啲都唔韌，如果份量多啲就更加好。

好耐冇出動去覓食喇😋！！趁住今日放假，同屋企人出動去搵食先🤤。.係西環搵左間叫串燒堂試下，串燒款式都多，肉類🐮🐷🐥、海鮮類🐙🦐都有20幾款，價錢又合理。.叫咗啲平時比較少見串燒🍢～ 燒雞泡魚乾，燒脆香雞皮，雞泡魚乾外層香脆入口有嚼勁，而脆香雞皮脆卜卜好好食ar！！！.另外點可以少得我的最愛❤️燒賣，燒賣外層金黃香脆，入面軟腍腍😋。.好味指數：😋😋😋😋4/5推介指數：😋😋😋😋😋5/5抵食指數：😋😋😋😋4/5.🍽 串燒堂 📍西環堅尼地城荷蘭街1A-1G號太康大廈地下D號舖

係高先戲院睇完戲 一班人口癢但又唔係好餓 想揾啲野黎食下😋 食串燒就最岩！☆花甲粉粉絲吸曬花甲啲鮮味～ 超入味～ 而且辣辣地 食到停唔到口☺️ 花甲既份量都好充足～每隻都好飽滿又鮮甜😋！☆炸雞軟骨入口香脆酥軟😆 好香口～嫰滑既肉質同爽口軟骨～ 口感豐富 ～ 配埋沙律醬一桶齊食真係一流～☆燒脆香雞皮油脂豐富😆 食落口脆卜卜咁 又係一塊接一塊😛☆燒惹味雞腎串肉質鮮味，質韌脆嫩，爽脆既口感，仲要好juicy😆 超級惹味

串燒堂 (西環)西環堅尼地城荷蘭街1A-1G號太康大廈地下D號舖冬天嘅來臨特別想去食熱辣辣嘅串燒，即燒即食好溫暖。麻辣小龍蝦🦞龍蝦色紅得好新鮮，蝦肉🦐鮮嫩彈牙爽口，肉質厚身，咬落索索聲，食唔停口。牛油🧈燒粟米🌽 最鍾意食燒粟米，牛油嘅香滑，粟米粒粒鮮甜，粟米嘅口感係得意嘅，燒烤必食。蒜蓉燒大生蠔🦪蒜蓉味勁香濃，好鍾意，不過都唔會遮蓋到生蠔嘅海水🌊鮮味，蠔大隻🥳食得夠爽。肥牛燒金菇肉質鮮嫩，燒汁惹味，金菇爽口諗滑，絕配。

附近睇完戲都好夜，諗住食d宵夜先返歸。呢間串燒堂就係堅尼地城地鐵站附近，地點非常易搵。最緊要佢開到好夜，啱晒食宵夜！！！餐廳裝修簡簡單單，夠地道，唔拘束，價錢尚算相宜。🥢法式鵝肝多士（2件 ）$75夜麻麻宵夜食呢個，真係既邪惡又十個正！鵝肝外層燒得焦香脆口，入面口感細嫩又油香豐腴。🥢錫紙燒南非大鮑魚 入味！新鮮！彈牙！爽呀！🥢燒頂級多春魚燒多春魚真係好好食，d春卜卜聲好味。🥢燒脆脆香燒賣脆香燒賣唔係度度有，燒賣外皮燒到脆卜卜，忍唔住一粒又一粒，好想encore。🥢燒韮菜食左咁多heavy食物，都要食返d蔬菜！串燒既菜類，韮菜絕對係不了之選，配上孜然粉辣粉調味，夠惹味！除左串燒和飲品，仲有冰粉或者綿綿冰！食完串燒歎番個冰，都幾爽！

位於西環堅尼地城的串燒店，主要是港式川菜串燒燒物，有肉類、海鮮類、蔬菜類、特色類等。所有食物即點即燒，所以上枱時還是熱烘烘的，而且燒製的時候會添加孜然粉及辣椒粉。串燒是每一份下單，另外還推出了半打份量的優惠。蔬菜類：燒特色土豆片薄切的土豆，灑上大量調味料，燒得很香脆，感覺在吃薯片般。炙燒特色類：超美味玉子燒玉子外表厚實，咬下去鬆軟，上面有一層薄薄的焦糖，再放上燒爐上面燒，炙燒後倍加一份焦香甜味。肉類：燒原切牛舌心片牛舌心片口感爽彈，有嚼勁。牛味蠻濃郁。海鮮類：蒜蓉燒南非大鮑魚原隻鮑魚，肉質鮮甜，彈牙；鋪上大量的蒜蓉，蒜香味重。

今晚冇煮飯落樓下新開既串燒店試下，營業時間去到3點，食宵夜既好地方👍🏻串燒肉類、丸類、菜類、海鮮等，店員推介花甲粉同燒茄子，就信佢叫幾款try下🤣蒜蓉燒大大茄子真係大大條茄子！好香孜然味，仲有辣椒粉調味😍茄子燒到好腍，仲有蔥花好正燒脆香雞皮男朋友勁鍾意食，所以一次過叫左半打☺️好脆口好邪惡，配啤酒一齊食真係好享受炸雞軟骨份量都有好多，而且雞軟骨都好大件，好有口感😋炸得唔會好乾好油花甲粉花甲超過10多隻，味道鮮甜而且無沙🤤粉吸滿湯汁精華，超惹味

平時西環最多都係Cafe，但有間串燒店喺依度都幾特別。你諗到想食嘅食物，依度都有，蔬菜、丸類、炸物、海鮮都有齊。仲有埋甜品沙冰嗰啲，食完麻辣都可以解下辣。🐚錫紙燒蒜蓉花甲每隻都有肉，蒜蓉係人手做嘅，蒜味夠重。🦞麻辣小龍蝦嚟到呢度，一定要試依個。麻辣味重得來，又唔會太刺激到蓋過小龍蝦嘅鮮味，而且每隻小龍蝦都啖啖肉。值得一試。🐥燒絕味雞軟骨上面有啲麻辣、孜然粉，又係夠晒惹味。🐠燒雞泡魚乾最鍾意食雞泡魚乾甜甜地嘅味道。

宵夜時間喺西環搵食，地膽話去串燒堂就啱晒。炸雞軟骨份量相當多，炸得香脆之餘又冇油膩感，真係食唔停口。月頭出咗糧，梗係要豪啲叫返客法式鵝肝多士，鵝肝大大件又夠厚身，多士烘得香脆，夾住一齊趁熱食真係正。三重芝士撈丁嘅芝士味道又有層次，最正嘅就係佢用火槍燒過，芝士醬可以包住每一條麵，係我食過最好味嘅撈麵。最後就食個甜品，平時自己燒嘢食，啲棉花糖成日燒到着火，嚟呢度食佢哋嘅朱古力棉花糖串，又方便又好味。呢度嘅串燒仲有好多款，下次有機會再嚟試吓其他。

平時好少去西環，趁今日比平時早放工，所以過嗰邊探親戚，探完之後同朋友一齊食串燒😋店舖開咗唔係好耐，見佢既價錢合理，所以我地決定入去食。我地叫到成枱野，自己比較鍾意呢幾樣：玉子燒超級好味，食落散發出濃郁蛋香！流心芝士年糕咬落煙煙韌韌，而且中間既芝士份量唔少。雞軟骨粒粒都炸到金黃色，食落香脆可口，點埋個醬食就冇咁熱氣。花甲粉味道微辣，食落幾開胃。欣賞佢d花甲好乾淨，全部都唔會有沙。法式鵝肝多士塊多士烤過，兩面有少少燶邊，而鵝肝都頗肥美。

🍖 #西環 #串燒堂今日難得同朋友一齊放假, 就去咗西環行吓, 去吓西環泳棚打卡XD 放假當然要食吓好西喇, 最近天氣轉涼, 我哋都想BBQ好耐喇! 但因為得兩個人, 我哋就決定去附近嘅「串燒堂」食串燒~ 一樣咁正咁有風味咖~🐚 鍚紙燒蒜蓉花甲身為蒜蓉fans嘅我一定會叫呢個! 用鍚紙包住花甲嚟燒, 鎖住花甲流出嘅水份, 絕對唔會燒到乾咖! 蒜蓉超香, 同海鮮好match! 花甲都算大粒, 而且份量都好夠😋🥒 燒翠肉瓜燒過嘅翠肉瓜係特別好味! 燒到少少淋淋哋, 又有種燒烤嘅惹味, 最緊要係唔會吸到好多油😋! 讚!🐥 燒惹味雞腎串我同朋友鍾意食雞, 今次佢揀咗雞腎, 估唔到份量咁多XD 雞腎爽脆又香口, 我鍾意加少少辣粉更昇華!😋🍆 蒜蓉燒大大茄子呢份茄子真係MVP呀~ 佢大大份, 超多茄子肉, 仲有我至愛嘅蒜蓉醬, 香到爆🤤

天氣涼涼地，我地兩個無所事事搵野食，都想食啲熱辣辣嘅嘢，係堅尼地城見到呢間新開串燒店，好想食串燒啊！好，坐低睇下有咩好食先。蒜蓉燒大大茄子，放低係枱已經好香蒜蓉味，蒜蓉同茄子係邪惡配搭，燒香左又juicy，食完口臭都要食。燒韭菜，韭菜好爽，食落清甜冇乜草青味，仲有大量孜然粉、辣椒粉，正！燒脆脆香燒賣，燒到外面脆卜卜，裡面仲係軟綿綿，好喜歡食燒賣。燒雞泡魚乾，表面果種焦焦地嘅輕甜，咬落乾身唔黐牙，唔錯！