串燒妹

營業中

休息中

食肆唔係執笠就轉手，香港慘不忍睹！此串妹不同彼串妹，完全未達標，以前的串燒妹已成歷史。牛柏葉豬紅娃娃菜豆卜麻辣湯粉絲⭐️白烚粉絲再撞湯，粉絲完全滾水味，不是用麻辣湯煮成，沒有吸收麻辣的惹味！粉絲爽，趙落有咬口，但麻辣只在外不在內，完全唔好食！首次遇上迷你種豆卜，無浸泡硬掘掘重油益，完全不索湯，難食！牛柏葉完全白烚沒味道，爽爽唔知食緊乜。豬紅韌韌帶腥沒落味，馬虎。失敗娃娃菜清水烚，爽脆微菜甜。蒜蓉燒扇貝⭐️燒到過熟柴韌縮水，新鮮度低下，落味單調偏淡。燒鱔柳⭐️⭐️本來滿心歡喜有鱔柳，燒得過熟偏乾，雖爽但無肉汁兼微腥。蒜蓉辣椒燒原條茄子⭐️⭐️油浸茄肉滿口油，蒜味微弱而辣味不出，寡寡的味道，茄肉半爽半綿不夠肥美！燒雞全翼⭐️乾爭爭沒半點肉汁，瘦猛猛鞋烚烚廿十成熟！燒雞心⭐️超迷你肉粒仔，半硬半爽乾乾的，十分討厭！其實去街市雞檔買新鮮本地雞心一點都不困難，鮮爽雞甜經濟大大粒！燒秋葵⭐️⭐️外層濕濕的、裡面黏黏的，大至可接受。燒蘆筍⭐️⭐️少少渣少少爽甜，試試無妨。錫紙焗蒜蓉辣椒粉絲大蜆⭐️完全過火燒太耐，縮水兼鮮味流失，過熟使得蜆肉韌韌。

突然想食串燒就叫左外賣想試下呢間，買左6樣野，大概100蚊左右，味道都還可以既，叫做正常、唔難食，但真係又貴又少又一般食完個肚仲好空虛，應該唔會再買。例如個牛肉丸，見到以為佢有4粒啦，點知打開係半粒黎，姐係其實得2粒，仲有個餃子雞翼，細細一隻20蚊都算，入面仲要唔多熟，入面d肉仲紅紅地色，我個人比較鍾意食熟d既雞，只好自己再焗爐翻熱下⋯其他都算過得去啦，但真係少少失望，其實貴d唔緊要，但都要真係好食d先得架

全城大媽壟斷市場，全部職員轉晒？就連廚房師傅都要用普通話溝通？已經轉手？完全唔忙好冷清有位坐，夏天炎熱天氣係淡季？見無洛神花茶本身咩都唔想飲。見隔離枱兩條友飲可樂，最終食完都忍唔住飲半罐。可口可樂唔夠凍，只可以叫涼，唔係凍嘥氣！大媽問我要紅色定白色，我呆左幾秒接唔住。白色？有最新透明可樂那麼利害？再諗諗諗無可能，大媽您想講健怡無糖嗎？巨形貴妃蚌大辣，如果 OpenRice 可以有 10 粒星比，我比夠 10 粒！新出品貴妃蚌非凡脫俗，新鮮出爐熱到出煙，連蚌汁辣椒蒜蓉孜然粉絲掃落嘴！脹卜卜嫩滑爽彈鮮甜，燒得剛剛好，蒜蓉辣椒非常開胃惹味，好想叫多打食呢！還以為厚厚大舊肉，原來有半係蒜蓉，完全唔吝嗇，大大篤隊落去，勁惹味辛辣可口！少少甜少少孜然粉少少辣椒粉，跟蚌汁撞得精彩出色。滾燙地掃入口，熱都唔理喇，實在太好味，唔捨得攤凍去而影響味道。必須一滴不漏吸啜所有汁液落肚，精華所在美味到想行出門口大叫呢，好好味呀！珍寶扇貝中辣，都有段時間無搵串燒妹，當年串燒妹依家變成串燒姐。有位就留低，無位就有緣再見，路過有位，好啦好啦。識食一定要辣蒜蓉辣椒連蒜油全部掃入，滾燙的溫度使味道提昇至極。帶子甜撞香辣，

連續第三晚到訪，今晚仲唔比我食到您！不幸地要坐街邊，寒風凜凜，短頭髮好那凍留晒鼻水啊！四位制服嬸嬸浩浩蕩蕩著住恤衫西褲放工，講著半咸淡廣通話嘈嘈吵吵地話要黎串燒妹試食。隔離枱學生妹們廣東話夾雜普通話，侍應阿姐同樣操港通話，到底有無香港民呢？您們那裡去了？妹妹又係您呀？真有緣又係您搭枱同我撐枱腳。隔離兩位妹妹一個食 BB 辣、一個食少辣，食到鬼殺咁嘈好辣好辣，笑死朕我咩！兩位妹妹始終覺得太辣，最後要倒晒辣湯走再加唔辣清湯。肥牛魚片頭韮菜重慶酸辣湯紅薯粉大辣，肥牛鬆軟羶香亦帶甜，片頭極彈咸鮮點點魚味，圓圓紅薯粉嚥韌彈彈滑溜溜，跟大量辣湯齊齊享用，刺激醒神！金菇蘿蔔韮菜豬紅麻辣湯紅薯粉大辣，點解要落錯單迫我食紅薯粉呢？我要淨韮菜豬紅金菇蘿蔔，操完拳唔食澱粉質唔食粥粉麵飯，已經唔係第一次好鬼衰架！蘿蔔優質爽甜，不過蘿蔔皮太厚有渣。金菇同樣爽甜，吸汁吸湯麻辣非凡。辣能給您點點開心愉快感覺！墨魚丸豬膶韮菜煙鴨胸蘿蔔麻辣湯粉絲大辣，普通廉價火鍋級墨魚丸粉多硬實無鮮味，煙鴨胸片咸咸油油鞋烚烚，蘿蔔爽硬未入味帶少少酸有少少渣。配菜不是重點，粉絲索盡麻辣湯才是主角！綿滑粉絲配大大啖湯，辣到滿頭大汗非常舒服

✏️味道：✏️之前一直用外賣app買買開酸辣粉覺得比同區某雲南酸辣粉好食無試過漏單、食物都ok啱我口味串燒就係普通孜然粉味基本上食咩肉/菜都唔會有太大分別但上水無同類串燒店✏️服務態度：✏️親自去買先發現原來係要咁受氣個女人真係好無禮貌、態度極差好似唔想做你生意咁嗰陣得我一個客，問兩句都好唔耐煩呼呼喝喝咁究竟我係客定佢係客？當時得我一個客都可以咁惡頂多客起上嚟佢咪仲衰？就算我第時想再食酸辣粉同串燒都唔會再幫襯呢間俾錢買難受

利申：本人係無辣不歡人士個個都黎主要食佢既串燒 但我就話佢d麻辣燙先係我既真愛 香氣十足 次次都係叫粉絲底 同個麻辣湯底真係好match 次次黎都係食佢！同埋響鈴都係必叫 索晒d湯食落真係好有快感！話晒人地叫串燒妹 我諗點都要講下人d串燒既！推介佢既燒羊架 燒菠蘿同埋燒原條茄子 條茄子好味到我有時連皮都食埋 正！環境方面 尚算乾淨衛生 間舖細細間 得2，3檯 出面成日有人等位 所以都食得幾有壓力 次次都係快快手手食完耐唔時都會去食下 都算keep到水準既

一個美好清涼既晚上..........第一次幫襯.. 串燒妹 首先我係帶住開心跳脫既心情去消費.. 雖然上菜好快 意外驚喜....可惜賣相味道令人嚇一跳 快！原來因為預產.. 味道！得個鹹字.. 賣相乾過鹹魚... 魷魚鬚簡直係鹹脆添！ 識食既朋友一定明白串燒做預產有幾驚喜.. 埋單仲要計錯錢夾大聲夾惡添 果然串妹另外一提 雖然串燒係垃圾中既垃圾不過湯粉麵都還能夠接受.......服務就不得了啦 衰過無服務絕對唔會再幫襯！

很生氣！昨晚去買外賣拎番屋企食 買左兩份茄子一份粟米 雞軟骨三串 雞肉兩串 點知番到屋企睇 佢無比兩串雞肉😡😡😡😡 好過份 點會漏咁多！欺負啲拎走食既人唔check你裏面既食物齊唔齊！大家去食若然外賣！記得點齊數量先走😤😤😤記得點齊數先走人！第一次幫襯 亦都係最後一次 店員禮貌差 食物孜然味重 本身食材差劣！唉 唔會再幫襯highly not recommend!!!!!!!!!!!!!!!!!!!!!!!!!!!

未試過食店服務如此極差。忽然好想食麻辣燙，上水四川小店少之又少，只好焗住試呢間。點知貼錢買難受。預咗食飯時間，又係串燒店製作需時，所以比平時預早致電外賣自取。（預早了一小時，本住方便店主自己就時間）一致電，我先確認係未有得外賣自取，店主已經態度麻麻答：自己黎拎。當時心諗，當然係自己拎啦，唔係咩叫外賣「自取」？心想可能佢地忙，燥少少，咁我繼續落單。落完單，佢就訓示形式咁話，洗唔洗咁早打黎呀，一陣有其他單，就甩咗你張單呀。吓？我點知你點樣安排d單呀？咁易甩單？當初我一劈頭就講咗我係果個鐘數拎，咁唔洗咁早打黎，你可以一早講定囉，或者你自己貼notice 囉，而唔係咁嘅態度話人。咁去到拎外賣，我就講電話號碼加名，咁我見到個架都係得網上外賣平台同一兜野，但個店員就一面疑惑咁望住我。咁我再講多次，佢先畀到我。臨走個店主仲要串多次，你講你拎果個時間呀嘛。吓？拎外賣唔係講電話同名，係講時間嘅？真係長知識啦。呢一間真係態度差到要人特登登記去打負評，為嘅都係唔想再有人咁貼錢買難受。後尾再睇翻d食評，先知原來態度一直都咁差嘅，仲要有人食過有曱甴。真係後悔無睇清楚先買。希望大家都唔好再上當！

我每次買親外賣都漏好多野，懷疑係專登嘅因為正常人買完外賣唔會即刻睇，返到屋企先知有漏野，又懶得落去追番。嗰個戴眼鏡懷疑係老闆娘態度非常差，我唔會再幫襯佢，希望大家三思。真係無品到一個點！服務態度差到不能容忍。我實在忍唔住要比評論！今次我外賣左2份，包括重慶酸辣粉響鈴卷豬紅、響鈴卷魚皮餃。買完拎到返屋企，兩份都無響鈴卷！有無搞錯！好無品到一個點。上次買外賣又無豬紅，今次又無響鈴卷仲要2份都無！大佬你擺明貪我唔會落返去拎返，好無品囉有無搞錯！態度已經差，仲要騙人！我唔係幫人買我一定唔會幫襯你！忍無可忍了。大家上水人幫襯呢間無品小店前要三思。

上水水貨客多到食店都執得7788，難得夜晚仲有呢啲小店開。幫襯左好幾年，冬天宵夜黎個酸辣粉真係一流，果種明知係酸粉開出黎嘅酸味，真係好上癮最近辣味有啲浮動，BB辣同小辣一樣味，大辣只係面頭層油多左，實質唔覺辣左。所以想食辣嘅不妨放開一試叫到做辣🙈痈時同朋友會再叫少少串燒。燒蔬菜會安全啲，燒茄子一流！燒肉就小心少少，有時可能未完全熟透。同朋友係店門口開張枱仔食住串燒飲下啤酒，望住條街吹下風，都幾寫意

10月1日晚上時間 只有我一個人等外賣 ，堂食也沒有人 。 照道理我是第一張訂單 ，我不介意等時間 ，因為我知道製作食品須要時間。之後我落了2個酸辣粉 2碗+串燒 ，我再三叮囑幫我包好一點。 等左15-20分鐘 大約時間。之後我問佢邊一碗是比較辣 這位女士很不滿意地說 ，你自己睇下邊碗沒蘿蔔 咪知邊碗 。其實兩碗都有蘿蔔 我都算。點知佢連紙皮都沒 回到家以經散哂 湯水又出哂膠袋。連個膠蓋都爛埋 。我打返去問佢點解連紙皮都沒 。佢仲話係咁 沒人投訴 。其實佢只要講句對唔住我沒咩問題 。我不介意你怎樣敷衍我。呢種服務態度我以後都唔會再回購。請看圖片

串燒妹開咗好幾年， 久唔久都去食下，都可以話係keep到水準，之前去左食佢既麻辣燙自選粉麵叫左一款小辣都係食到出哂汗，建議第一次去食叫bb辣試下先，仲有粉麵最低消費要$30。 串燒方面都有啲特別既燒魚（燒海馬友，燒黃花魚），我鍾意食佢既羊架同雞翼，仲有燒番茄仔，我會叫俾小朋友食。燒年糕就煙煙靭靭都幾特別。位置堂食就得少少位，周末晚就經常要搭枱，都幾旺。但就係路邊，係小店。即叫即燒所以都要有啲等候時間既。

已經嚟串燒妹食過好多次，因為上水宵夜選擇不多，基本上宵夜時間都係好多人。今次嚟叫咗酸辣粉（$24）、燒羊架（$33）、燒韮菜（$10），本身仲想食燒蠔，但姐姐話賣晒，推介我食餃子雞翼（$16）。其實佢啲調味真係幾好食，係正宗大陸燒烤風味，上菜速度都算快。但正當我滿心期待試吓姐姐介紹嘅餃子雞翼，咬完一啖，一望，竟然係生肉！我即刻將我咬咗個啖吐返出嚟，可惜我吞得太快，只吐返一半出嚟同裡面負責燒烤、無口音嘅姐姐講，佢只係話燒過隻俾我，反而另一位負責樓面（？）、口音唔正嘅姐姐同我講咗幾次唔好意思。其實嘢食真係唔差，不過真係提提大家唔好一路食一路玩手機，唔係食咗啲咩落肚都唔知

對薯粉上左癮，好想好想食，即刻上OpenRice 睇下附近邊度有得食，原來食薯粉既地方真係好少雖然呢間野擺明係食串燒，但我係俾佢啲粉面吸引左黎😂鋪頭好細，只有一張四人枱同二人枱，所以個日都幾多人黎買外賣。其實都係車仔麵甘上下，不過有薯粉揀同有酸辣粉食。小妹唔太食得辣，都係叫左走辣算個湯底好惹味，叫左豬潤，豬大腸同金錢肚不過個麵底就好似少左啲，幾啖就食哂，唔夠喉呀😩肥仔男友就叫左啲串燒食墨魚咀，雞肉串，多春魚，雞腎，金菇肥牛即叫即燒？ 上枱熱辣辣，又惹味👍🏻