串燒王 (登龍街)

營業中

休息中

繼續留港消費～ 試咗間銅鑼灣鬧市下的串燒小店，餐廳位於登龍街，喺附近行完街過嚟非常之方便，坐低唞一唞醫醫肚！🤭叫咗一堆串燒全部都燒得非常用心，調味適中好惹味：⭐️⭐️⭐️⭐️即開新鮮蒜蓉大生蠔 35 ⭐️⭐️⭐️⭐️⭐️蒜蓉粉絲大蟶子王 50 ～ 燒得非常香口，配上大量蒜蓉粉絲，完全係另一個Level⭐️⭐️⭐️⭐️牛板腱 28 ～牛味好香好淋身⭐️⭐️⭐️⭐️日本一口和牛粒 34⭐️⭐️⭐️肥牛金菇卷 28 ⭐️⭐️⭐️⭐️⭐️豬大腸 25 ～外皮非常之香脆，中間帶有少少油脂，一啲都唔騷，推薦⭐️⭐️⭐️雞中翼 36⭐️⭐️⭐️⭐️脆香雞皮26⭐️⭐️⭐️⭐️椒鹽牛筋丸 22⭐️⭐️⭐️⭐️⭐️鹽燒鯖花魚 40⭐️⭐️⭐️⭐️⭐️豆卜 15 x 2 ～真係好出色，所以encore，外脆內軟，鋪滿調味粉又唔會死鹹 ⭐️⭐️⭐️秋葵 16食串燒當然唔少得啤酒，呢度啤酒樽裝選擇都非常多，最開心係生啤都有三款選擇 stella / Hoegaarden / Suntory 啤啤佢🍻🍻！$48生啤買一送一，飲啖啤酒爽晒。環境始終係小店，座位唔多，都勝在坐得舒服，好有風味！服務員唔太夠，串燒用心製作，所以嚟到記得耐心等候～

提前book位，星期六晚放工後串燒，寫全單88折優惠。visa埋單後發現正價，詢問點解冇discount ，店主話你埋單時冇講，我話咁book位時顯示晚餐優惠，我以為自動，咁可否取消重新比錢，店主話，冇了，買左就冇。其實信用卡支付可以取消重新搞，只係店主唔想咋，我唔可以話欺騙，只可以提醒下其他人記得埋單時講。另外，餐廳環境的確好逼，不過試串燒都可以理解。但服務可以話完全冇，得店主同一個夥計，非常忙碌，入來冇人招呼，問野又唔答。有人入座後等十分鐘冇辦法落單，走左。食物質素來講，公道一句，唔錯，雞軟骨好香，唔會太重調料。花甲、金菇等份量都好足。

成日經過都好想食嘅串燒店，今次終於有時間可以食到😛舖頭細細，不過嘢食幾正宗又惹味😤大墨魚咀（串） $28好新鮮嘅大墨魚，保留了海鮮的鮮美😋大大粒，每粒味道好爽口蒜蓉原條茄子（條）$38經典串燒必嗌🥰整條茄子好大🍆搭配香濃嘅蒜蓉粒，一絲一絲😋口感滑嫩，正虎皮青椒（串） $13新鮮青椒，都幾辣下😝外皮微焦，內部保持脆嫩，搭配調味料，清新可口鹽燒鯖花魚 $40有醃製過再加上燒烤，魚味鮮香，口感鮮嫩日本一口和牛粒（串） $34細細粒，肉質一般，口感有啲韌阿拉伯羊肉串（串） $30羊肉串使用香料調味，香味十足，口感一般📍串燒王銅鑼灣登龍街36-48號登輝大廈地下D2鋪

正垃圾。。食過咁多間花甲粉呢間係最難食，辣到冇辦法接受，朋友好食得辣都覺得太辣，辣得黎仲要苦，個味又難食。個Menu仲要冇寫係辣，就咁錫紙花甲粉。隔籬枱見我話好辣，問個店員可唔可以小辣，佢話冇喎得一種辣冇得轉，態度十分差。黎到個賣相已經係好核突，個碗側邊有啲汁都冇抹，好似比狗食咁，諗住賣相差都算啦，點知咁難食！淨係食咗兩粒花甲，一啖粉已經食唔到落去。。。叫咗碟娃娃菜同埋金菇好似白烚完加蒜蓉咁，唔好食。牛舌又太乾，但係最難食係個花甲粉，從來食嘢都唔會投訴，今次真係好過分忍唔住😃

串燒王😘😘😘一起串串配銅鑼灣登龍街、美食街、門外掛起，紅紅燈籠🏮夠吸引🤩、以港式、川菜調味的串燒🔥店！內以石灰牆系列！✨蒜蓉北海道粉絲活元貝$50/隻原隻活元貝、鋪🈵️蒜蓉、幼滑粉絲、🔥燒烤至熟、元貝和蒜蓉、溶和濃濃醬汁、被粉絲吸納、吃不停口、舔舔脷👅✨紐西蘭羊架$45/隻紐西蘭羊架、份量十足、不肥不腻、肉質鮮嫩幼滑軟綿綿、肉汁豐富、陣陣濃香羊味撲鼻、冇羶味、又夠厚身、灑上孜然粉、提升味蕾口感！✨法國焦糖鵝肝多士$70/4塊鵝肝微烤香金黃、擺放塗上蜜糖脆口多士、－啖－口、溶化口腔、滋味無窮！✨脆香魚腐$15/串外脆金黃魚腐、沾上孜然籽粉、啖啖魚香肉味、滋味又惹味！✨翠玉瓜$15 /串微🔥外層、至肉軟、腍甜爽脆、清新✨菠蘿$22/3塊帶甜微酸菠蘿、外烤金香、開胃菜✨特色小饅頭$18/3塊雪白饅頭切片燒烤、烤烘微金黃、蘸點孜然粉、又幾夾、幾惹味！串燒王（登龍街）銅鑼灣登龍街36-48號登輝大廈地下D2號舖港鐵銅鑼灣站B出口，步行約2分鐘

呢間串燒舖喺銅鑼灣登龍街，一入到去就聞到啲香味，令我口水直流。佢哋嘅串燒種類好多，有豬肉、牛肉、雞翼，仲有海鮮，真係應有盡有。我試咗佢哋嘅招牌牛舌串，肉質鮮嫩，醃得剛好，唔會太鹹！而且燒得啱啱好，外邊微微焦香，入面卻保持住肉汁，食落去超級滿足。另外，雞翼就更加好味，皮香脆，肉質嫩滑，搭配佢哋自家調製嘅醬汁，真係一啖接一啖停唔到！仲試咗一份蒜香燒茄子，真係好正！一開碟就聞到一陣濃濃嘅蒜香味，令人食指大動。呢道菜嘅茄子燒得啱啱好，外面軟滑，入面仲保持住啲汁，真係好好味。佢哋用嘅蒜蓉味道夠濃，但唔會太蓋過茄子本身嘅味道，兩者搭配得好好。再加上少少辣椒，令整道菜多咗一啲層次感，食落去一啖接一啖，根本停唔到手！唔好小看佢，真係可以打敗好多肉類菜式！

同朋友係銅鑼灣時代廣場對面行完英皇EGG就去醫肚啦！去咗後面登龍街既「串燒王」 ，雖然舖位細細，大約坐到20人，但坐低都唔會覺得空間感窄，可能係因為張凳夠大，而且都坐得舒服。飲品：竹蔗茅根食物：豬頸肉、肥牛金菇卷、雞皮、雞全翼、韭菜、秋葵、芝士原條茄子、蒜蓉雜菇、饅頭片、錫紙花甲粉、鐵板炒魷魚鬚。我哋叫咗唔辣，各樣串燒嘅調味都係同一個味道「孜然粉」，但係我哋都食得津津有味，因為食材用料不錯。芝士茄子是第一次食呢種食法，芝士係拉絲嘅，茄子夠熟唔夠淋，下次都係食返蒜蓉味啦。錫紙花甲粉係好辣嘅，不過都食到。雞皮好脆香口。雞全翼都好大隻，幾抵食。鐵板炒魷魚雖然唔係鐵板上，不過唔影響我品嘗佢嘅味道，甜甜地既醬汁，忍唔住食完又食。

賣相差 冇味。叫咗幾款(雞軟骨&雞腎&雞皮全部都冇味嘅即係好似白烚咗之後再返熱佢咁十分失望😅本身見評價幾好 結果一樣咁難食😅叫咗雞心一串得三粒，全部串燒一啲調味都冇唔會再有下一次😅😅

銅鑼灣食街登龍街有好多食店，朋友約我去登龍街食晚飯。去左「串燒王」食串燒。🍡🍢❤️蒜蓉鮑魚(2隻)鮑魚肉質挺實鮮美～❤️日本一口和牛粒(串)保留到肉汁，肉腍易咬有口感。❤️紐西蘭羊架(隻)半肥瘦，滿口脂香冇羶味❤️秋葵(串)脆口，夠嫩冇渣。❤️蒜蓉西蘭花🥦(份)滿口蒜香🧄～份量足👍🏻。食完野想飲野，嗌左包紙包菊花茶。串燒全部即叫即製，所以需要耐心等候，上枱時重熱辣辣，夠晒鑊氣！👏🏻👍🏻確保食客食到嘅串燒都新鮮！

今日同朋友去咗 BBQ King入到去環境比起平時嘅串燒店帶點新潮，我哋一坐低就 睇menu ，我哋叫咗一大碟串燒 ，包括 ：大墨魚咀 鹽燒多春魚 牛肉串 肥牛 金菇串 阿拉伯羊肉串 雞軟骨兩串 雞腎兩串 仲有免治雞肉棒 再叫咗個川北炒粉絲！ 見到廚房得一兩個職員，都預咗要啲時間燒㗎啦，呢段時間就欣賞下呢度嘅環境！ 環境頗有氣氛，生啤仲買一送一添！因為7點幾客人都比較多，簡直係座無虛席！15分鐘後 ，我哋叫既串燒終於有啦！首先食大墨魚咀！入囗非常彈牙鮮甜 唔會太韌！ 鹽燒多春魚，香脆唔會太腥唔會太鹹！ 一份$48有6串，超級抵食？牛肉串好好食 搽咗浸似bbq醬嘅調味，都仲好食 ！ 肥牛金菇串燒得啱啱好！ 好有bbq風味！ 阿拉伯羊肉串 完全冇騷味 ，肉亦都唔會太韌，好新鮮！ 雞軟骨同雞腎都好好食，口感非常之好！ 最後就講咗免治雞肉棒呀！ 雞肉都成肉餅 ，再整成一條串燒！ 食路去口感非常特別，內裏仲有啲脆卜卜嘅雞軟骨添！最後就食川北炒粉絲！超有鑊氣， 上枱仲係香噴噴熱辣辣！ 粉絲唔會太淋唔會太乾！ 炒得啱啱好！ 配埋啲腸仔粒 ，更加豐富，埋單都只係337蚊！ 真係好抵食呀！鐘意食串燒既大

港岛下班之后，好处就是可以去铜锣湾逛一圈，逛逛街，又是一个平凡的周五，下班后开启了溜达🚶模式，和深哥看到了这家串烧店，我只能说我俩已经是串烧鲨手🤌，这间店很好找🗺️：銅鑼灣登龍街36-48號登輝大廈地下D2號舖，营业到凌晨4:00，纯深夜食堂，推荐那个肥牛方便面，超级好吃😋

這家位於銅鑼灣的串燒店，地理位置便利，讓人輕鬆抵達。這天晚上我獨自前來，心中充滿了對串燒的期待，尤其是店內的買一送一生啤優惠，更讓我興奮不已。食物方面，我點選了燒台灣雞泡魚乾。這道串燒的雞肉外焦內嫩，帶有微微的煙燻香味，搭配魚乾的鹹香，互相襯托，令人一口接一口。接下來是燒蒜蓉原條茄子，茄子燒得恰到好處，外皮微脆，內裡軟滑，蒜蓉的香氣，令人食指大動，口感十分出色。燒豆卜，豆卜的質地細膩，經過炭火燒烤後，散發出誘人的香氣，搭配特製醬汁，簡直讓人欲罷不能。燒翠玉瓜則是一道清新的選擇，翠玉瓜清脆可口，炭火的香味讓它更加美味。燒安格斯牛仔骨真的讓我驚喜，肉質鮮嫩多汁，油脂均勻，燒烤後的香氣撲鼻而來，讓我不禁多點了幾口。燒牛舌心是必點的，牛舌心滑嫩的口感與香料的搭配。搭配的生啤在這炎熱的夏日更是消暑利器，買一送一的優惠讓我可以盡情享用，清爽的啤酒與串燒的完美結合，升級致極致。

今日去咗銅鑼灣返兼職晚上約老婆收工拍拖順便去SOGO嗰邊行吓街睇吓有冇咩化妝品夜晚勁肚餓我哋就去咗登龍街搵嘢食我同老婆搵到一間好多人排隊嘅串燒店等咗一陣間有位餐廳店面唔算大但都係滿坐呢間係第六分店跟住同我老婆睇吓餐單價錢唔貴🦐大海蝦六隻🦑原條火箭魷魚🍢肥牛金菇串🍆韮菜同蒜蓉原條茄子、菠蘿特級肥牛烏冬、麻辣海蜇大海蝦真係性價比超高$88蚊6隻味道超級正😋辣度有大中小辣選擇同朋友聚會飲酒係唔錯嘅選擇📍 串燒王 (登龍街) (銅鑼灣)銅鑼灣登龍街36-48號登輝大廈地下D2號舖

😍😍經過登龍街，見到呢間新開串燒店「串燒王」，主打燒烤串燒外，另有麻辣燙、酸辣粉、麻辣香鍋、涼菜等，啱晒嗜辣嘅我🌶️🌶️⋄⋄====—====—====—====—✦ 麻辣香鍋 ✦🐷配肥腸（$97）麻辣香鍋係店內的明星菜，搭配新鮮的肥腸，麻辣香鍋香氣四溢，辣而不燥，鍋內有各種配料，如翠玉瓜、土豆、蓮藕、豆角等，吸收麻辣精華，香味滲透食物中，滋味滿滿😛⋄✦ 海鮮 ✦🐙大墨魚咀（$28/串）墨魚咀經過精心烤製，外焦內嫩，搭配特製的醬汁，讓人忍不住一口接一口😍⋄✦ 新鮮推介 ✦🐚麻辣煮花螺（$65/份）花螺肥美大隻，肉質鮮嫩，與麻辣湯底完美融合，每一口充滿了麻辣的刺激感，配上黃紅綠椒，色彩繽紛，令人回味無窮🤩⋄✦ 肉類 ✦🐥雞腎串（$28/2串）雞腎串火候掌握得恰到好處，外焦內嫩，保留了肉質的鮮美，搭配特製醬料，層次分明👍🏻👍🏻⋄✦ 蔬菜類 ✦☘️娃娃菜（$13/串）娃娃菜烤至微焦，保持了蔬菜的鮮脆口感。搭配簡單的調味，原汁原味😍⋄✦ 粉麵飯類 ✦🍝巴蜀炒米粉（$68/份）米粉炒得香氣撲鼻，米粉彈牙，配上各種新鮮的蔬菜和肉類，色彩繽紛之餘口感亦非常豐富😋====—====—====—====—.📌

話說今日早食晚飯，又想返屋企之前買啲串燒返去食吓，經過銅鑼灣呢頭即刻諗起串燒王，之前食過佢哋紅磡嘅分店都唔錯椒鹽鮑魚選用新鮮的鮑魚，鮑魚的鮮甜與椒鹽的香辣相得益彰，每一口都充滿了海鮮的鮮美和香氣非常開胃串燒司華力腸大啖大啖肉，我覺得好食過七仔，每一口都充滿驚喜，香腸的味道與炭火的煙熏香氣完美融合，送啤酒一流新疆羊肉串這道新疆羊肉串選用了新鮮的羊肉，經過香料醃製後串燒而成，肉質鮮嫩。香料的獨特風味與羊肉的鮮香相互交融，燒烤的過程中散發出的香氣令人垂涎，是喜愛燒烤的人士必試的美味。串燒田雞肉質滑嫩，經過烤製後外皮微焦，保持了內裡的鮮美。搭配香料和醬汁，讓整道菜的風味更加豐富，田雞的獨特口感令人驚喜串燒白鱔白鱔外焦香脆，內裡鮮嫩，搭配特製的醬汁，味道極佳。白鱔的肉質滑順，我覺得比起喺日本居酒屋$100一串嘅來得好食🤝🤝