串 (已結業)

$168 任食鐵板燒+串燒，好似幾吸引...之前響雜誌見到介紹，一直都想試下，今日...終於圓夢嚕!! 之前都有打電話黎 book 位，聽電話既員工態度好好...因為驚人多，所以準時 6 點半就到左...入到去.....咦!!! 一個人都無既!? 真係有少少驚...但係一場黎到，無理由唔試下o者，應該係我地太早到啦~雖然舖仔細細，但係環境唔差架~成間店大概坐到 20-30 人左右啦，燈光暗黃，只有對住鐵板師傅既 bar 枱最光猛!!唔理咁多，睇下紙仔有咩食先...好似都幾多選擇咁喎~鐵板燒有 15 種，串燒就比較多，有 22 種...其他就有炸物，沙律，鳥冬，小火煱....etc~先黎一隻 "溫泉蛋" 試試...噢!!! 原來係冷盤...不過真係好滑，唔錯~小小一提:+ $20 (任飲啤酒汽水)+ $30 (任飲啤酒汽水 + 清酒)如果散叫，汽水 $5/支，啤酒 $10/罐另外每位可以有一款小甜品要讚既係，呢度既店長同員工都好 nice 架~仲有最緊要一樣野係....用料新鮮!! 男友仔想試下呢度既清酒，但係我唔飲酒既，竟然可以分開計.. 即係男友仔加 $30 ，我就可以加 $20，

1 月份朋友提議想食串燒 + 日本野，所以揀左油麻地呢間「串」一試~$168 蚊任食 100分鐘 ( 100分鐘後截單，但可以繼續坐 )，另再加一收費~我地 7:15pm 去到，但可能太早，入面仲未有其他客人。不過因為怕冇位，都已經一早 book 左留定 8 位架喇~入到去坐底就即刻點野食 我地差唔多樣樣都有叫黎試，總體上大部份食物都好食，但當中有少部份真係不建議一試.........碟燒牛肉粒比較老同韌，可能個師傳整得太耐喇....而隻溫泉蛋係凍既，感覺怪怪的~另外有個乜乜奄列，又係唔好食的，朋友試過都話咪制 雖然有某 d 唔好食，但好食既野都有唔少， d 刺身好正！朋友話︰「同金水既一樣」個蟹子沙律同刺身沙律作為前菜真係 100 分！個蟹子沙律食落好新鮮同粒粒蟹子，而個刺身沙律就因為酸酸地，所以食完好開胃！絕對冇叫錯！海老天婦羅就夠哂熱！咁先至唔怕食落口有油膩感。而炸粉都唔算多，都可以好明顯咁咬到隻蝦肉，但隻蝦個 size 就唔算好大，可以食多一兩隻~~個炸生蠔就一般，一人一隻都夠喇，但都係親熱食好 d ~~d 串燒雞肉、雞翼、墨魚咀、牛舌都係預期之內，比較特別既係串燒溫室蕃茄，

為左呢間餐廳，我決定開個 account，幫佢地打打氣 .......今日諗住趁 weekend 食餐喪既，咁一心諗住去食buffet 啦，咁呢排我有中左韓國毒，咁就諗住去旺角食漢陽苑啦 ........點知我地受到不公平既對待，我上去既時候一個人都無，但係佢地就要我地等，等無所謂，點知，眼見後黎既四人、八人、再四人，到最後既十一人都入得去，咁點解容納唔到我地兩個呢 ? 我地咪走去同佢地理論啦，答案係：人地訂左枱架，有既盡快比你地入啦 ........ 下 ? 我明明聽住個十一個人問：十一個，要唔要等，有無位架喎 ....... 既然係咁，算啦，旺角你慌無野好食呀 .......咁正當我地兩個係度研究食咩好之際，我地兩個不約而同諗起頭先泊完車，路過果間鐵板燒啦，就係咁就比我地無意中發現左呢間超正既餐廳........講個秘密比大家知啦，不過講出黎唔好笑喎，我咁大個女都未食過鐵板燒架，唔知會唔會食到成身味 ? 同埋會有好多油煙架呢 ?(答案係：絕對唔會，有無留意個鐵板有抽煙系統架!)入到去，佢地本身安排我地坐普通枱，但係黎得食鐵板燒，睇電視都係左 bar 枱架啦，所以我地就選擇左坐 ba

星期一至四$168, 五至日就$198. 如果就到梗係weekday去抵d. 加20元還可以任飲啤酒及汽水.食品款式不太多, 魚生只有三文魚,吞拿魚,鯛魚及魷魚推介係燒牛脷, 炸蠔, 炸雞軟骨.

我和朋友二人到旺角揾野食,俾我發現一間新開之鉄板燒,看看門口餐牌,其實覺得少少貴(以旺角區計),但又想試試新野,便推門進入 。一入去有點怕,好靜好少人(可能係新店),但都入到去便坐到鉄板燒吧枱前,侍應俾了餐牌我們後,便有位師博為我們介紹餐牌,我們便點了兩個餐,其中一個係和牛餐。和牛餐主菜有銀雪魚、a5和牛及铁板餐一定有的炒菜炒飯好快師博便為我們準備一切開始煮,一開始師博便在鉄板上即席炸蒜片,蒜片炸得非常金黃,之後師博炒左Ｄ小蝦(櫻花蝦)俾我們試試.超正!!師博手勢非常熟練,一邊欣賞師博煮食物,一邊飲啤酒,好快便食到最期待之a5和牛。到了此時以對這位師博很有信心,看師博細心地煮這件和牛,到最後真的無令我們失望,五成熟煮得剛剛好,和剛才早就準備好的蒜片一齊食,太好食了!!到最後炒飯,用剛オ和牛切出來的根、櫻花蝦及蟹子一齊炒,好香唔太乾。但該晚只得一位師博,要煮全店之鉄板燒食物,有點忙,還好唔太影響食物嘅質素,但亦有侍改善。師博煮完後同我們傾談オ知,他在日航酒店學廚及在多間出名的餐廳任職,唔怪得他煮鉄板燒的手勢和感覺,絕對同之前食過之平價鉄板燒有所唔同,值得一試!!