丸目背脂煮干

營業中

休息中

🍗 チキン自家製南蛮炸雞（$28）炸雞即叫即整，上到枱熱辣辣，大大嚿之餘炸到外脆內juicy，食落去完全唔油膩唔嚡口，加埋滿滿嘅他他醬一齊食就更惹味🍜 特製背脂煮干-湯拉麵（$88）湯底係用左大量特選豚骨，豬背脂同沙丁魚乾同指定日本醬油熬足3日而成，湯頭鋪滿背脂油，有助鎖住拉麵嘅溫度，所以食到尾仲係暖笠笠，雖然表面鋪滿背脂油但湯底入口好鮮味而不油膩；麵條用上極太麵，帶有小麥香味，彈牙有嚼勁又掛汁，而且配料豐富，有溏心蛋、木耳、紫菜、生洋蔥，慢煮豚肩同炙燒豚腩，豚肩肉質鮮嫩脂肪分布平均，豚腩肉味香濃，口感肥美柔嫩🌶️ 海老辛醬背脂煮干-沾麵（$98）除左背脂，有蛋、叉燒角、紫菜、蔥，生洋蔥同筍，仲加左海老辛醬，湯底香濃醇厚；辣度方面有小辣，標準同大辣可以選擇，今次我地揀左小辣，欣賞佢嘅辣係香得嚟有層次，筍同叉燒索哂湯汁，非常好味，而且叉燒好腍同入味，麵條帶有小麥香味，彈牙有嚼勁又掛汁💛 富士山柚子梳打（$24）一開蓋已經聞到好香嘅柚子味，而且好夠氣，飲落口好冰爽💚 靜崗綠茶可樂（$24）綠茶味道唔算好突出，相比普通可樂亦無咁甜但好解膩

收工約左朋友過黎旺角搵食。女人街成條街都係食肆，我地行過見到有間日本拉麵店好得意，d拉麵名未聽過，但見餐牌d相又幾吸引，入面仲滿晒座，於是就決定入去試一試。我地平日19：00左右，大約等左5分鐘左右就有位啦。一入到去，不得不提，餐廳好窩心地有冰水提供，仲要個水壺係冰水分離，超正。見餐牌呢度平時lunch 同 tea time 仲有特價，58蚊起，好抵食。黎到當然係要點呢度既主打背脂煮干啦～沾麵同拉麵，我地都點左。上網查左，原來湯底用左大量豚骨、豬背脂同大量沙丁魚乾熬成既，再加指定既日本醬油，熬足三日，怪不得咁香濃啦。❤️特盛海老辛醬背脂煮干沾麵 $108沾麵彈牙，醬汁香濃，充滿鮮味，雖然係有大量豬背脂，但入口一d都唔油膩，仲好惹味。日本豚肉叉燒夠薄身，入水即溶，加上流心蛋，非常美味。❤️海老辛醬背脂煮湯拉麵 $98湯底比一般既拉麵湯底鮮香味濃，一d都唔油膩，同樣係有入口即溶既豚肉叉燒同流心蛋，麵條粗身，彈牙有口感。🍹靜岡線茶可樂 $20🍹靜岡蜜柑梳打 $20丸目背脂煮干拉麵 (旺角)旺角通菜街74號地舖拉麵專門店 #沾麵 #油麵 #秘製湯底 #日本過江龍 #東京 #日本料理 #丸目 #旺角

2025.1.30某日見到同事睇有關美食既youtube 頻道，見到有一碗好似粥既物體，後來先知個啲係背脂，多到嚇死人！但好奇心驅使之下，今日放假做完健身就走來試下啦。我點左特制背脂煮干拉麵🍜🍜🍜麵形見到有啲粗，睇落似自制曲麵，食落煙韌彈牙，因為唔知麵身係哩種，揀左硬麵我覺得食普通硬度既會好食啲。🍲🍲🍲湯底係小魚干制成既湯底，有干物鮮味+醬油味，背脂睇落係比其他店多啲，所以油分會偏多。但飲落鮮甜，鹹度適中，我自己幾鐘意。🍥🍥🍥配菜有叉燒+味玉+木茸+京蔥+紫菜+紫洋蔥粒。叉燒分別係梅頭+腩肉，梅頭肉質彈牙有肉味，腩肉表面有燒過，食落有焦香，有肉既鮮甜味。味玉有淡淡既醬油香，味道鹹香適中，蛋黃半熟，口感柔軟，蛋黃係口腔中漫漫溶化，加上醬油香真係好好味☺☺木茸非常爽口，京蔥切得好細，食落清甜冇辛辣味，夾埋麵+木茸+京蔥一齊食真係絕啦☺👍店內係長形店，大細目測約300尺，裝潢以淺色系為主， 光線充足，枱面乾淨，枱櫈以木材為主，枱面除左飲用水同餐具外，仲有調味料，餐紙，仲有搓手液，好細心😊😊店內仲有平面電視播住流行日系歌呢，客人偏向年輕人較多，氣氛唔錯😊😊😊💸💸💸價錢方面，我點哩碗麵加一只係$

星期五晚都要OT嘅兩個🧟‍♀️🧟‍♀️相約於拉麵店，好在拉麵店收得晏。🐤南蠻炸雞炸雞即叫即炸，唔會話炸到好乾身，入邊仲好Juicy。用炸雞上面嘅他他醬撈炸雞下面嘅生菜絲好味👍🏻🍜特盛背脂煮干沾麵空虛嘅心靈需要被肉肉填滿，所以我叫咗特盛，除咗本身沾麵湯已經有嘅叉燒角之外，仲多咗慢煮豚肩同炙燒豚腩，一碗麵有三款肉。最鍾意炙燒豚腩，部分脂肪入口即溶。最開心係拉麵嘅糖心蛋🥚竟然係兩個半邊！湯底都偏鹹，所以冇飲晒成碗湯🤣不過用嚟點菜食就一流🍜特製背脂煮干拉麵朋友話佢個湯底唔會太鹹，下次再嚟嘅時候我應該會試拉麵是周工作以一杯啤酒同滿滿嘅卡路里作為句號

聽過這間拉麵、沾麵店在旺角區頗人氣，開業的那段時間往往需要排隊等位，現開業一年了想起這店終於來一試。在QR code餐牌裡見到這裡的食物琳瑯滿目，讓人不知道該怎麼選擇。留意到餐廳推出了每天特惠的麵食，是日星期六剛巧特價的是她們的招牌背脂煮，第一次來就要試一試。(特盛)特質背脂煮干沾麵($78)樣子幾吸引，碗不大放得滿滿的，食物的色澤也讓人很想一嚐。我把熱麵沾到醬汁裡，醬汁果然非常濃郁，單吃太鹹但是掛在麵上味道剛好。醬汁裡面都有不少叉燒角粒，個人特別欣賞店家在這碗比一般吃到的沾麵汁多了一層背脂醬汁裡加入柚子絲，有效地減低醬汁的油膩感並為此增添一股清新的味道 薄叉燒方面有慢煮豚肩和炙燒豚腩各一片，前者軟嫰，後者有炙燒的焦香，各有各好吃，而蛋方面則普通。雖然沾麵汁的表面明顯有層油脂，但裡面的柚子卻發揮著不少的作用啊。這裡的食物水準不錯，環境光猛乾淨，店員態度亦有禮友善，相信很快又會再來嚐嚐其他食物

唔值，有種做水魚既感覺特製背脂煮干湯拉麵個湯簡直係無層次一上桌見到水汪汪已經心知不妙試完味到我對眼水汪汪😭重醬油味，無油香，無豬骨味好彩加左$9 麻辣肉碎叫做係咁易加返啲色水同味道豚肉唔好食，醃得唔夠味而且調味麻麻，隱約有陣似南乳既味海老辛醬背脂煮干拉麵簡單嚟講，一鑊杰湯底係濃稠，但無質感無密度，令人感覺似生粉水薯粉水，總之就唔似係湯頭煲到濃，真係寧願佢落多啲蝦殼粉加味最後扣分位係個侍應問都唔問你用完調味料未就收走碗嘢又唔夠味雖然接近收工時間但都唔係咁做嘢眼見另一台客都自己出去拎返嚟用我已經懶得拎返嚟用 因為無所謂了一句到尾，大伏無下次

餐廳主打以大量特選豚骨、豬背脂及沙丁魚乾熬出煮干湯底，每口都有濃滑脂香和甘香魚鮮味，湯底表面因覆蓋著濃厚的背脂，故能保持拉麵的熱度，即使寒冷天氣下吃，拉麵也不易冷卻。背脂煮干味道比一般拉麵濃厚，「背脂增量」更有2至4倍選擇，以切合個人對濃厚湯底的喜好。麵條選用手製粗身麵，不但彈牙有嚼勁，掛湯也是一流。特製背脂煮干湯-拉麺入口不算太油膩，湯底香口，材料亦非常豐富，有溏心蛋、紫菜、木耳絲等，當然也有豚肉2塊，肉與脂肪比例平均。海老辛醬背脂煮干-沾麺湯頭加入蝦頭及海老辛醬，蝦味突出，味道又甜又辣，非常重口味。富士山柚子梳打味道清香帶微微柚子的苦澀香氣。完熟桃子梳打味道甜美而清新，帶有濃鬱的桃子香氣。

• 特製背脂煮干拉麵• 特製背脂煮干沾麵特盛• 口福餃子 HKD28• 南蠻炸雞 HKD28天氣轉凍就好想食碗熱辣辣嘅拉麵，係旺角鬧市中搵到間來自東京嘅過江龍，專門食背脂煮干嘅拉麵小店🍜「背脂煮干」湯底係由豬背脂同沙丁魚乾熬出的「煮干」加上大量豚骨同日本醬油調製而成，非常濃郁。湯頭覆蓋住濃厚嘅豬背脂油，可以保住拉麵溫度，食到最後仲係熱🔥 碗邊雖然油脂超多，但入口唔會太油膩。另外麵底係用左燕三条系嘅手製粗身麵，入口煙韌有口感，掛湯一流。個人比較鍾意沾麵，湯底會更有濃滑脂香同甘香魚鮮味🐟除左拉麵，仲點左兩款小食，質素都有驚喜，推介口福餃子，$28有6隻。餡料豐富，焦香外皮咬落去足滿肉汁！🥟

食過一次覺得哩間拉麵幾正湯底好濃厚, 係通菜街唔太起眼但晚飯時候都幾多人, 店面唔大乾淨企理, 仲有一排面壁既坐位~特製背脂煮干湯拉麺哩個就係佢既signature湯底, 真係好rich油香滿滿入口感覺係會好滿足。麵條彈牙仲有隻溏心蛋入味又流心!海老辛醬背脂煮干沾麺無辣不歡的我好中意哩個, 辣勁充足得黎豚骨味重, 麵條輕易沾滿湯汁, 仲有好多豚肉粒係入面, 口感又腍又厚身仲好入味添。佢地仲有D特別D既日本產soda, 日本信州蘋果梳打同埋山梨紅葡萄梳打又靚又好飲~

去左旺角搵朋友，佢推薦去通菜街覓食，在那橫街小巷中發現不少大廈都外牆裝修，就連朋友大推的【丸目背脂煮干拉麵】都搭上棚架。不過都無阻我飲飲食食的心❤。  ⦁特製背脂煮干湯拉麺 $88⦁丸め油麺（拌麵）$98兩款麵質煙韌彈牙，口感不錯！湯麵🍜的湯底醬油味濃，而不粘稠。而拌油麵配料很多就連泡菜、竹筍、菠菜等，有種韓國拌飯的感覺，整體味道帶點辣🌶，非常惹味！肉量大滿足$180g🥩，只需加$5，而且肉質香嫩，油脂分布不錯。  ⦁晴王麝香葡萄梳打 $24⦁富士山柚子梳打 $24兩款梳打都有濃濃的果香🍇，個人覺得柚子味道為清新，有種解膩感，好岩搭配拌麵。  

經過幾次都想試嘅拉麵店～好有日式風味嘅舖仔座位唔多～店裏面一邊播住日文歌特製背脂煮干湯拉麵～賣相幾好嘅～不過湯底偏淡冇咩味～炙燒叉燒片、叉燒片各一塊～仲有：木耳絲、一開二糖心蛋、紫菜一片、蔥花同大量生洋蔥粒～糖心蛋入味幾好味～薄切炭燒叉燒片味道一般～早知揀豬骨濃湯～對呢碗嘢個湯底有D失望～另外一碗加拉麵底～大大碗大滿足～可惜唔夠湯～早知走洋蔥粒～成碗麵淨係食到生洋蔥味辣辣地～嚴重影響湯底嘅味道有D怪

同老公去旺角買波鞋，老公話想食拉麵，就去咗旺角嘅呢間丸目背脂煮干拉麵到用餐。間餐廳唔算好大，但佈置得幾靚，而且都坐得舒服👍海老辛醬背脂煮干-湯麵 $98老公食辣，叫咗呢碗海老辛醬背脂煮干湯麵，呢碗拉麵個湯底好濃厚，好有豚骨味，而且帶有辛辣味，上面舊叉燒油輕輕煎過，好香好惹味👍特盛背脂煮干沾麵 $98我呢碗特盛背脂煮干沾麵都好正，湯入面有好多豬貝脂，我上網查，原來豬貝脂係一種好特別嘅票配料，佢係豬背部嘅脂肪，佢口感嫩滑，入口即溶，加添咗成碗麵嘅濃厚味😋佢嘅麵都好厚實，好彈牙，沾埋啲湯一齊食，正正正👍另外，叫左1支山梨紅葡萄梳打同埋完熟桃子梳打，全部都係日本直送👍

今日黎到旺角探店 食間日本東京過江龍嘅日本拉麵😍 未黎之前已經好期待 因為仲有沾麵選擇麻辣肉碎拌麵🍜呢間麵底比平時嘅拉麵更粗更寛 食落好有口感 但係又唔會因為粗左而影響湯汁掛麵嘅效果👍 呢個拌麵口感好得意 有少少fusion菜嘅感覺 保留日式拉麵嘅同時亦有四川拌麵嘅感覺 肉碎加粗麵帶嚟嘅感覺好震撼 衝擊我味蕾 但係始終係日本口味 所以麻辣都唔會太辣 係有麻香味 特製背脂煮干沾麵🍜食拉麵有得揀我都會揀沾麵 因為我覺得咁樣就可以真正試到師傅嘅手勢 面底會唔會煮得太腍身 或者個沾麵湯底會會唔會太濃味 將所有食材分開各自品嚐 而沾麵更加可以根據自己口味去品嘗 一舉兩得🤞🏻如果驚麵量唔夠 只要加$10就可以加底做特盛😋 餐廳位於旺角中心地帶 非常易揾 但係餐廳座位唔算多 繁忙時間可能要等位

今日行開旺角，突然想食拉麵，見到通菜街開咗呢一間新嘅拉麵，坐滿晒人，就入去試吓啦佢嘅湯底主要係豬骨湯，辛海老醬豬骨湯，同埋出面好少見既黑椒湯我哋叫咗個黑椒湯拉麵，另外一個辛海老醬沾麵拉麵好足料，有一塊厚切豚肉同兩塊薄切豬肉，輕輕燒過，油脂好香，湯底超濃厚，仲有少少油脂粒另口感昇華，我自己好鍾意辛海老醬，辣辣地好醒胃！黑椒湯底有蒜蓉，黑椒唔會太辣太嗆，湯底好特別，鍾意黑椒味嘅，不妨試一試另外我哋仲叫咗兩支梳打，分別係桃味同蜜瓜味，食完拉麵梗係要爽一爽

日本拉麵湯底有好多種，最常見豚骨湯、鹽味等口味，今次來試未吃過的口味。丸目背脂煮干是一間以背脂煮干秘方製成拉麵湯底的店。位於旺角的街巷中，水泥牆門面加上木系的日式裝修。因為出面搭了棚的關係，可能有些難發現，不過門面頗明亮的。店內有一排面牆的高桌椅，也有四人座位，用餐環境比起一般的拉麵店闊落。特製背脂煮干湯拉麵 (HKD 88) 泛著油花的湯底有油脂香但喝起來並不油膩，而且還保持著湯的溫度。如果覺得標準的背脂不夠豐富，可以加錢增量 (約2、3、4倍)。「背脂煮干」其實就是豬隻的脂肪粒加上小魚乾，熬出來的湯意外地有種清爽感。較粗身的麵條可選軟硬度，我的是標準也很有嚼勁。而且一碗能吃到兩款豚肉叉燒，不論是軟嫩的豚肩，還是灸燒過的豚腩也不錯。海老辛醬背脂煮干沾麵 (HKD 98)加了海老辛醬讓整體更為濃郁且非常惹味，這個辣度是可以選擇的。麵條也能夠選擇冷/熱，掛湯力亦不錯。我自己最喜歡那溏心蛋，不需要加錢便吃到味道香濃滑順的半熟蛋。飲品方面，這裡還有日本直送的果汁梳打。靜岡蜜瓜梳打 (HKD 20) & 富士山柚除梳打 (HKD 20)