丸目背脂煮干

營業中

休息中

女人街向來多拉麵店，見對面個間成日都禁多人又迫，咪入嚟呢間食。一入門口，樓底又高又光猛，坐位空間都可以，最勁係店員哥哥一個人做晒全場樓面工作。🌟🌟🌟煎餃 $28 6隻正正常常🌟🌟🌟🌟🌟特製背脂豚肉拉麵 $88 佢湯㡳明顯見到小小的脂肪粒，加上我最鍾意嘅粗拉麵彈彈牙又掛汁，好味。👍🏻🌟🌟🌟🌟🌟 丸目BLACK $98 發現佢哋最近出了隻黑胡椒拉麵，黑胡椒超超超多，飲了一淡～差啲濁親，係小小辣但黑胡椒粒又好多，多到墨汁咁樣，我不食得辣嘅都接受到👍🏻

係旺角行街，到晚飯時間真係唔知食咩好，旺角太多選擇，想食嘅又要排晒長龍，最後我哋決定揀呢間拉麵，本身都無乜期望，但估唔到真係好有驚喜🤩🤩🍜特製背脂煮干-沾麵（$96）QR code落單，好方便，沾麵狂熱者點可以唔揀沾麵，等咗大概15分鐘就有得食，見到濃厚嘅油脂，就知無揀錯😋湯底鹹香，鍾意個湯底夠熱，配上沾麵真係一流🤤🍜海老辛醬豚骨-湯拉麵（$98）朋友揀咗湯拉麵，唔係太辣，有叉燒，溏心蛋，木耳等材料，湯底濃濃的豚骨香～🍗自家製南蠻炸雞（$28）炸雞香脆而不油膩，雞肉juicy值得一讚係呢到任加麵，揀嘅麵可以自行再選擇係幼麵定粗麵等等，一碗湯可以食到兩種口感，男仔黎食都飽肚，所以見到呢間餐廳嘅顧客八成都係男😂呢間餐廳真心推介～

呢間店，我諗十個有九個都會食煮干拉麵或沾麵，而我都食過，咁今次刻意試試另一款非招牌拉麵。濃厚豚骨拉麵🍜香味 (3/5) - 豚骨味係算有嘅，但未至於好濃烈。湯頭 (2.5/5) - 講真，佢個豚骨味只屬於普通水平，唔夠鮮唔夠香唔夠濃，唔係話一啖飲落口會嘩一聲嗰隻。我唔肯定店家係自己煲定買現成，但比到我嘅感覺係一款冇乜誠意，冇乜特別，普普通通，算係有豚骨味嘅湯。麵條 (2.5/5) - 我認為配得豚骨湯，應該用細麵，甚至乎用極細麵，低加水，咁先最好。呢款麵我估係夾個煮干湯而配，配豚骨就太粗左D，唔吸湯亦唔掛湯。配料 (3.5/5) - 呢款麵用嘅料，同佢煮干拉麵用嘅都係大同小異，唔多講。唯一少扣分係，豚骨湯應該要配較瘦嘅豬肉部位，佢照配塊腩肉叉燒就唔係咁夾。整體 - 不推薦。絕對唔係難食，不過就普普通通。

之前見過社交平台拉麵群組推薦來自東京的「丸目背脂煮干」，所以今次就收工過黎試下啦～😜「丸目背脂煮干」拉麵主要有三種食法：分別是湯麵、沾麵和油麵，湯底除了背脂煮干外，還有海老辛醬和黑椒湯。📌適逢8月做緊「澱粉質月」活動，全個月嘅夜晚仲可以免費替玉/加飯～😳超正！👍🏻「丸目背脂煮干」嘅招牌拉麵一定係非背脂煮干湯莫屬～😏🔸特製背脂煮干湯拉麵（$88）豬背脂油「背脂」及大量沙丁魚乾熬出「煮干」做湯底，再加入日本醬油，經過足足三天熬製而成。湯底望落去似「蛋花湯」，背脂像雪花般四散在湯的表面，飲落甘香鮮味～☺️拉麵配料豐富，有味玉、慢煮豚肩、炙燒豚腩、洋葱、木耳、紫菜、青葱等，麵質都算有咬口，不過麵條唔係好掛湯。慢煮豚肩好嫩滑；炙燒豚腩半肥瘦，不油不膩；溏心蛋蛋黃呈流心狀，正！☺️👍🏻🔹海老辛醬豚骨湯拉麵（$98）湯底是濃郁的豚骨湯，加左由海老頭、胡椒等製成的辛醬汁，表面有厚厚的油脂覆蓋。嗜辣嘅小編仲試左鬼辣！超重口！🌶️😈不過辣度對於食開譚仔小辣嘅就唔算太辣！🤪😂第一啖飲落去有濃郁的海老香，慢慢會滲出辛辣味～📌個人覺得海老辛醬豚骨湯味道濃厚過背脂煮干湯，背脂煮干湯相對地比較清香，鍾意重口嘅一定要試下！

呢間店我係第二次黎食。第一次，我食嘅係沾麵，而我嘅食評主要話："呢個沾麵萬事俱備，只係過鹹"，結尾我亦話："正因為味道相常唔錯，我下次會再試下湯麵類"好喇，今日又有機會出擊 👊背脂煮干拉麵🍜香味 (4.5/5) - 非常香，我用力聞左幾吓，每次都係咁強烈！麵條 (4.5/5) - 太麵，即係粗麵，小捲曲，我選擇左較硬。呢個麵相當有咬口，煙韌，而有麵香。湯頭 (5/5) - 呢個湯令人眼前一亮，料頭夠晒濃味而唔會過鹹，蔬菜甜味亦充足。背脂方面，其實我唔係太感覺到，可能背脂嘅存在意義就係增加香氣吧了。原先我係衝住煮干湯而來，因為打正旗號做煮干湯嘅店非常少。背脂呢，我就本身係唔太好嘅，反而仲有少少抗拒，怕會太油膩，點知飲左啖湯之後，以上擔心一掃而空。特別想話，煮干嘅味道非常好，就算撞埋醬油同背脂都好，煮干仍然係個主角。配料 (5/5) - 有兩種叉燒，一係用左五花腩肉嘅切片叉燒，算高質，明顯燒過提升香味，稔！二係用豬肩肉，口味較扎實嘅切片叉燒，高質之餘，仲有驚喜！佢應該加左柚子，食落有一陣清新嘅味道！溏心蛋亦相當出色，夠味而唔會太鹹，蛋黃部份生熟程度無懈可擊！之點解我話呢碗麵高潮一浪接一浪，

餐廳裝潢以日本和風為主, 座位安排有舒適距離, 坐得幾舒服。𓆹 特盛特製背脂煮干沾麵 $𝟿𝟾𓆹 海老辛醬背脂煮干湯拉麵 $𝟷𝟶𝟽𓆹 完熟桃子梳打 $𝟸𝟶𓆹 晴王麝香葡萄梳打 $𝟸𝟶來自東京東久留米嘅過江龍拉麵, 主打背脂煮干, 以豬背油脂熬製而成嘅湯底, 喺香港比較少見, 湯底味道較濃郁, 甘香味突出, 麵條比較粗身, 彈牙而且有嚼勁, 非常掛汁, 有一片慢煮豚肉同炙燒豚腩肉, 2 塊都好軟腍, 糖心蛋好入味, 半流心狀態好好食! 海老辛醬背脂煮干湯底味道濃郁而且真係幾辣, 湯底仲加咗洋蔥粒同木耳絲, 好有口感, 配搭嘅麵條再粗身d, 更有嚼勁!

咪以為「旺角 通菜街」只係做遊客生意，曾經MK過嘅大家應該都會知道街道兩旁臥虎藏龍，唔少 #隱世食堂 都喺呢區選址😉 呢日我哋就揀咗間由 #日本 #東京 引入嘅 #過江龍 #人氣拉麵店 丸目背脂煮干 香港店 朝聖🤤由先達過對面馬路直入通菜街，再行過兩三個鋪位就到達呢晚我哋嘅目的地。餐廳裝飾都已日系為主，雖然地方唔算太大，但係擺設同枱凳都相當骨子，整體感覺都幾舒服🍃 一場嚟到，#小秘書 梗係要試吓佢哋馳名嘅 #豬背脂油湯底 同用小麥🌾搓成嘅 #手工麵條 啦😉 不過為咗可以試多啲唔同嘅口味，我哋點咗 #湯拉麵、#沾麵 各一做主食🤤 當然日式小食同飲品都係唔少得啦😉-主食-🍜（特盛）海老辛醬背脂煮干沾麺師傅將 #海老辛醬 拌入濃厚嘅 #豬背脂油湯底，沾麵條掛滿湯汁，入口少少辣仲帶有 #海老 🦐嘅鮮味🤤 而佢哋嘅配料亦唔少，#流心蛋、#豚肩、#豚腩 當然唔少得，最後居然仲比我發現 #叉燒角 喺湯底度出現👀 味道層次感非常豐富🤤🍜（濃厚）海老辛醬豚骨湯拉麵湯拉麵嘅湯底以豚骨熬製，味道比沾麵稍為清新，不過就可以更清楚食到食物本身嘅味道🤤 同樣師傅將海老辛醬放入湯底，再夾埋啲配料，入口非常惹味🤤-日

為咗揾拉麵，我同老細真係會捐窿捐罅週圍貢～～好耐冇行過女人街，其實響啲檔口背後，都有啲深藏不露嘅正舖頭，今日就畀我搵到間專食拉麵嘅！因為大廈樓上裝修緊，門面有啲隱秘，但係內裏寄寬敞～餐單好簡單，有湯麵有沾麵。今日叫咗兩款湯麵，主打煮干背脂湯底叉燒拉麵，個湯底好清甜，背脂仲可以揀唔同嘅濃度，麵又可以揀硬度。我呢碗係極粗麵，啱曬我鍾意彈牙嘅口感！！🥰👍🏻老細要咗豚骨醬油拉麵，用嘅係幼麵，但係個湯估唔到好濃郁，啱曬佢！塊叉燒做到有少少炭燒嘅香味，煮得好好味好淋，要讚一讚隻溏心蛋！！果然有水準！！晶瑩剔透…仲要好入味！仲有好多唔同嘅配菜可以加：紫菜、木耳絲、筍、溏心蛋、連叉燒都可以～飲品有啲日本直送嘅果汁梳打，價錢仲要非常合理～對呢間拉麵店十分有好感！！🥰❤️佢原來仲有lunch同下午茶，價格經濟實惠～下次離開旺角就唔好錯過啦！！

旺角背脂拉麵男朋友好鐘意食拉麵，上網見到推薦丸目背鰭煮干拉麵好出名，就帶咗佢去食😝特製背脂煮干-湯拉麵($88)拉麵湯底濃厚，飲落唔會太Heavy，叉燒煮到肥瘦適中，食落入口即溶，糖心蛋個流心好入味，推薦一定要食🤪特性海老辛醬沾麵 ($108)餐廳第二個signature dish 就係呢款沾麵，沾麵個湯底濃厚，辣到雖然適中但好惹味，會越食越開胃 ，除此之外，材料都非常豐富，有慢煮豚肩，灸燒豬豚，生洋蔥，叉燒，糖心蛋，好多朋友仔都會食🥳Sapporo 生啤 ($39)靜岡蘋果梳打($20)男朋友話食拉麵一定要配啤酒，飲落會特別爽，所以佢就叫咗Sapporo ,我就推介靜岡蘋果梳打，呢隻梳打好特別，飲落勁重蘋果味，但係唔會太甜😛丸目背脂煮干旺角通菜街74號地下

特製背脂煮干沾麵 🍜香味 (4/5) - 非常充足，香氣摸鼻麵條 (4/5) - 中細麵，方型，麥味頗夠，係好食嘅沾湯 (3/5) - 味道相當好，只係過鹹。我明白沾湯比拉麵湯係會濃d鹹d，我判斷佢過鹹係因為即使臨尾我加左湯，湯嘅濃度同鹹度去唔返拉麵湯嘅程度，好可惜地成碗湯我只消耗左少少。配料 (4/5) - 有三種叉燒，沾麵湯入面嘅切粒豬叉燒非常好食，夠味夠腍，其餘兩款叉燒都係平均以上，唔錯。蛋亦相當好，夠味夠蛋香。整體 - 可以一試，如果你唔係話一定要飲晒d湯嘅話，係幾ok嘅。

旺角多嘢食就係人都知😌放工即刻約妹妹喺旺角搵好嘢食😋呢間拉麵店喺旺角已經有一定嘅歷史，但依然吸引我哋嚟食👻🍜🍽️ 特製背脂煮干湯拉麵呢間拉麵店可以喺旺角屹立咁多年，當然要試吓佢哋嘅招牌背脂煮干湯拉麵🍜一般食拉麵，我都好鍾意叫硬啲嘅幼拉麵底，唔夠喉，仲要加多隻出名嘅溫泉蛋同埋灸燒腩肉🐷灸燒腩肉火喉啱啱好，係日本燒豬肉同少少炭火味道😋🍽️ 特盛海老辛醬沾麵依家限時推出海老辛醬口味😍妹妹就叫咗個熱沾麵食，因太餓跟就加兩塊灸燒腩肉🤣湯頭有少少辣但湯嘅材料真係好豐富呀！個湯底好濃郁，有濃濃嘅海蝦味同大量嘅腩肉，就算唔加兩塊灸燒腩肉😍都一定啱晒啲大胃王食😋🍽️ 日本三得利生啤 & 靜岡蜜瓜梳打妹妹叫咗大大杯日本生啤🍺真係超解渴，唔知點解生啤配拉麵，真係絕配😋而我就叫咗杯靜岡蜜瓜梳打🥤好多氣，食完拉麵再飲埋個蜜瓜梳打即刻gurrrr晒😂

好久沒吃拉麵了，找到一間來自東京的拉麵過江龍🔥使用的湯底和拉麵配方都是香港不常見的🌟滿滿的日式風味♥️晚餐時段需要排隊等入座，幸好我們比較早到，不用排太久🤣這裡主打的是用「背脂煮干」湯底和燕三条系拉麵製作而成的各款拉麵🔥今晚點了一沾一湯，真的各有特色🌟沾麵的湯底夠濃郁，用的海老辛醬夠香夠辣🔥還能吃到蝦頭的香氣👍🏻湯底裡還有角切的豚肉塊，吸飽湯汁軟爛香濃🌟拉麵可選冷熱和軟硬，我選了冷硬的拉麵，可以很好的保留拉麵的彈性口感，也能中和沾麵湯的溫度，更好入口♥️糖心蛋流心入味，值得一讚🔥朋友點的是湯拉麵也同樣不錯🌟豚骨湯底脂香濃厚但不會油膩🔥選了幼拉麵更掛湯🌟用的兩款叉燒也同樣好吃♥️

🐻👨🏽心血來潮想食滿滿油份既食野，醒起旺角有間背脂拉麵，二話不說就飛奔去呢間丸目背脂煮干拉麵飽吃一餐。🐻👨🏽餐牌都唔使望就叫左特製背脂煮干沾麵 ，仲要兩倍背脂，🐻👩🏻我就揀左海老辛醬背脂煮干湯拉麵，辣一辣佢。🐻雙倍背脂既沾麵一上枱，見到湯底滿佈背脂，但係入口完全唔油膩，背脂仲好有口感，温度熱辣辣，配上冷拉麵食，絕對係一種享受。配料有兩種叉燒，慢煮豬肩嫩滑肉香，炙燒豚腩肥瘦均衡，肉味濃之仲好重火炙香，流心蛋都係有水準既出品。🐻海老辛醬背脂煮干湯底入口一股濃厚海老味，混上辛醬增添層次，就算叫左小辣都有啲辣度，喜好辣味既朋友可以挑戰大辣。最喜愛既係店家用粗麵作為拉麵，口感彈牙有嚼口，好啱🐻👨🏽心意，同場仲加左杯700ML既Premium三得利生啤，價錢都係58蚊，🐻👨🏽飲完開心咁抱住個肥肚咁走。

今日係旺角嚟咗試呢間日本過江龍 鋪頭環境好光猛而且仲播埋日文歌 感覺好似置身係日本咁特製背脂煮干-湯拉麵我諗唔少人都同我一樣唔係好知咩係背脂煮干 原來係指以豬背脂油「背脂」同沙甸魚乾熬出「煮干」去做湯底 難怪湯底係好濃厚 飲落有陣油脂香味但唔會覺得肥膩 呢款嘅麵條會較粗身 麵質比較有嚼勁 仲有溏心蛋 慢煮豚肩 炙燒豚腩 生洋蔥 木耳 紫菜同青蔥海老辛醬背脂煮干-湯拉麵 (小辛)朋友想食辣就叫咗呢款海老辛醬 入口有蝦嘅鮮味同時帶點辛辣 兩碗嘅配料都係一樣 豚肩肉質較嫩 豚腩就會肥美d 有入口即溶嘅感覺飲品方面叫咗烏龍茶同靜岡蜜瓜梳打 本身好驚係好假嘅藥水味 但飲落去係香甜嘅蜜瓜味 梳打夠哂氣!

🙋🏻‍♂️餓底探員去咗旺角調查呢間拉麵店，餐廳係日本過江龍，香港係首間海外分店，採用「燕三条」拉麵，麵條扁平極寬闊，口感有嚼勁，發源地係新潟縣嘅燕市同三条市，所以名為「燕三条」，由於新潟天氣好寒冷，為咗令拉麵無咁快冷卻，湯頭用上「背脂煮干」，即係濃厚嘅豬背脂油配上沙甸魚乾熬製成嘅湯，用厚厚嘅油脂層去保持拉麵嘅溫度，「燕三条背脂煮干」拉麵就咁樣誕生咗，亦成為新潟其中一大拉麵派系🍜丸目BLACK $98🙋🏻‍♂️表示個拉麵較一般拉麵寬闊同扁平，口感爽彈有嚼勁，掛湯力強，配上黑椒味湯頭，味道超濃厚，每啖都充滿香濃黑椒，豚腩肉口感鬆軟，味道脂香，加上乾蒜，芽菜，蔥花等配料，成碗拉麵口感層次豐富🦐海老辛醬背脂煮干沾麺 (特盛) $108🙋🏻‍♂️表示個沾麵麵質彈牙，配上海老辛醬同背脂煮干整成嘅沾麵湯，食落充滿濃厚蝦嘅鮮味又帶辛辣嘅香味，沾麵湯入面有好多叉燒角，食落好軟腍，加上軟綿嘅慢煮豚肩，香濃嘅炙燒豚腩，洋蔥，溏心蛋等豐富配料，真係要追加個替玉慢慢品嚐🍵靜岡綠茶可樂 $24🍈靜岡蜜瓜梳打 $24🙋🏻‍♂️表示樽可樂成樽綠色，飲落可樂味香濃，又帶有少少綠茶味，好特別，樽蜜瓜梳打味道香甜，好多氣泡飲落口感