丼丼亭 (翡翠明珠廣場)

營業中

休息中

少有的良心日本食店，點解話佢良心？係因為佢可以令到客人付出幾多嘅金錢就可以食足幾多嘅嘢。我哋四個人食咗天婦羅，壽司，刺身，當然佢呢啲全部都係套餐嚟嘅，但係樣樣都做得好精緻。刺身好新鮮，壽司都握得好好，特別要一讚就係佢嘅天婦羅，炸得外脆內嫩，加上食材又新鮮嘅關係，真係每一啖都好正，一啲都唔夸張，料又够足，唔似出邊啲日本料理咁，百幾蚊淨係俾你個少少嘢食，唔飽之餘仲要捱貴，甚至乎係有啲餐廳係唔好食嘅。總體來講真係唔錯值得推介。

覓食途中見到地鐵站出口對出大大個廣告牌午餐就咁決定咗唔係好熟方向誤以為翡翠明珠廣場就係個一座尋尋覓覓終於係維園方向搵到😅疫情關係 午市3點last order4點暫停營業Set lunch 2個迷你丼 $16x跟沙律🥗麵鼓湯咁就點左個雜錦刺身 配滑蛋牛肉丼刺身 新鮮 正一份錢一份貨滑蛋牛肉睇落賣相麻麻 但食落有驚喜香滑蛋醬 同埋牛肉好正呀😌另外叫左個燒牛肉配飯&烏冬/蕎麥麵（凍/熱）麵鼓湯 沙律及配菜份量十足 軟滑可口🥰另可以優惠價加小食叫左3件壽司🍣同野飲（做緊買一送一）整體來講。食物水準高環境舒適唔會太迫 同鬆動服務有待改進餐巾同應有醬汁 有甩漏要問佢先有而且明明到4點但未夠鐘就熄咗燈唔知係唔小心定點 雖然係食飽左 唔係好趕但未等顧客離場 咁既體驗扣左分

收工已經冇乜咩嘢可以食走咗入去呢度丼丼屋就聽得多丼丼亭都係第一次食叫左兩個定食 每個大概係110起個定食上咗嘅時候真係有啲呆咗初頭我以為係飯同蕎麥麵二選一我仲同個侍應講話要蕎麥麵點知嚟到原來飯同面都有嘅😂難怪我同佢講話蕎麥麵嘅時候佢唔睬我我哋揀左熱嘅平時通常都係食凍嘅蕎麥麵但其實熱嘅都幾好食喎可能係佢個湯好出色雞扒煎得勁靚呢個係雞扒配薯仔沙律但係都仲有飯同面 確實係有少少後悔叫咗兩個餐😂好彩男朋友都幾肚餓另外一個肉餅定食嘅真沙律係蟹肉沙律都好開胃 蟹肉亦都唔少肉餅都好大舊！上面有啲類似蘿蔔蓉個味都幾好用嚟撈飯ichiban冇錯係仲叫多咗個餃子餃子都炸得幾真係超級飽百零蚊一個定食但係個份量非常非常之足夠而且味道賣相都有水準比起丼丼屋嘅性價比我覺得係完全超越

今日去咗丼丼亭食午餐，其實都幫襯過好幾次，不過今次的起心肝去寫下評論。今天叫咗過壽司定食餐，餐內包括有11件壽司，沙律，麵鼓湯，一件蘿蔔，再加一個橋麥麵或烏冬。這個餐份量非常大，最後我都無法完成，不過我覺得非常適合大食一族，十分飽肚，而且食材非常新鮮，價錢係$268。我都覺得物有所值，加上服務員態度友善，我本人就十分滿意。如果要彈劾的地方，就係要叫大家十二點半之前去，如果唔係就要等位，因為午餐都好多人幫襯嫁。

之前試左丼丼屋嘅午間迷你丼定食，今日經過試埋佢個下午茶定食先下午茶好抵食，$83就有一碗魚生迷你丼， 一碗蕎麥麵同沙律。 個魚生飯好有誠意， 每塊魚生都超大塊同厚切， 仲好新鮮添，再配埋煙韌彈牙嘅珍珠米， 真係令人有好幸福嘅感覺 。😍 蕎麥麵麵質好煙韌好有咬口，暖笠笠啱曬涼浸浸嘅天氣食。另外， $ 95就可以享用到壽司定食。個壽司定食包六件壽司， 每件嘅魚生都肥大肉厚同擺放得好靚， 未食望到都已經好興奮。 之後仲包埋一碗天婦羅魚塊蕎麥麵同沙律。 個炸魚天婦羅，炸都好鬆脆， 塊魚柳有啖啖肉， 去埋暖笠笠嘅蕎麥麵簡直一流。今次嘅下午茶定食, 同佢個午餐一樣都有驚喜。 食完會有想再食嘅感覺。

經朋友介紹，今日去左丼丼屋我下佢個午間迷你丼定食。個迷你丼定食$152就可以叫一個魚生飯，加一個熟食飯，再配埋沙律同麵豉湯，真係好豐富呀啱曬心大心細，鍾意多重享受味覺嘅朋友。我今次叫左個火炙丼，同鳥唐揚丼。火炙丼每塊魚生都肥大肉厚，非常足料。配埋煙韌彈牙嘅珍珠米， 果然係絕配。另外，個鳥唐揚丼每件炸雞外脆內嫩， 一咬落去，炸雞嘅肉汁立即流出嚟， 令人停唔到口。呢間係絕對係會令人再encore嘅餐廳👍👍👍

去開銅鑼灣返工，中午唔知食咩好🤨諗住食健康少少，又咁啱經過，就揀咗呢間，點知好有驚喜✨先講吓環境，座位之間好闊落，坐得舒服，侍應仲會自己過嚟幫你斟茶🍵果陣係下午茶時間(~2:00)，佢啲定食好大份，質素都幾好👍🏻-💖壽司定食 $93佢嘅前菜有沙律同埋啲漬物，有牛蒡同蓮藕，食落多汁爽脆至於壽司有六件🍣入面有五件都係刺身壽司！每件都係厚切，咬落去啖啖肉，上面舊魚生好新鮮，夠晒足料！！仲有一件係鰹魚飯素飯團🍙佢係啲壽司飯外面點咗啲鰹魚飯素，食落都幾特別幾好食🤤至於個烏冬係稻庭烏冬（可以揀蕎麥麵的🍜）跟一塊沙錐魚天婦羅但係因為個天婦羅浸左係湯汁度太耐，個皮腍晒，食落就唔脆😕-見佢都有好多下午茶定食揀，都好大份！有啲定食仲要係兩個丼飯😯覺得兩個女仔食一個餐加啲小食都夠食👭有一點美中不足，就係張枱有啲細🤣兩人枱擺兩set定食就會好迫，因為真係太大份啦🙈

今日突然好想食日式料理，就去左丼丼亭到食，其實係比佢門面裝修吸引左入去，一次過可以食到兩個迷你丼定食，岩哂我尼啲心大心細既人🙋🏻‍♀️。-👅：火炙丼+滑蛋雞柳丼 $68+78（沙律🥗+麵豉湯）分別有三文魚🍣、蟹柳、劍魚，飯都偏暖嘅，魚生油潤肥美。雞柳飯都係不過不失。-👅：炸天婦羅🍤分別有炸蝦🍤、青椒🫑、南瓜🎃。粉稍為有啲厚。

到銅鑼灣辦點事，即使午飯繁忙時間，在這家日式料理餐廳找個座位也很容易。午餐定食選擇不少，刺身飯或熟食的丼飯種類有很多。我選了漢堡扒定食（$118加一）。不一會兒，整個定食送來了，包括漬物、沙律、面豉湯、白飯、烏冬及主菜，相當豐富。漬物是一片醃製過的蓮藕，酸酸甜甜。沙律有車厘茄、青瓜和生菜，配了芝麻醬，蔬菜新鮮、清新。面豉湯熱騰騰而暖胃，鏗魚味濃郁。烏冬麵條煮得軟硬適中，滑不溜口，湯底清澈，亦灑了一些天婦羅碎。主菜的漢堡扒厚身，入口肉質鬆化，濃濃的肉味相當迷人，肉汁亦豐富。配軟熟的珍珠米飯吃，簡直是最高享受。同行朋友點了網燒牛肉定食（$138加一），主菜用一塊像陶瓷質感的方形碟子盛載，顯得有藝術品味。牛肉燒得表面熟透，內裡半熟呈粉紅色，肉質入口細嫰，肉味香濃。定食份量極多，味道方面不俗，以這個價錢來說，已十分不錯。

吞拿魚苦瓜冷麵定食 $130因為呢排天氣太熱🥵🥵🥵所以我哋兩款都揀咗冷麵，呢個蕎麥麵定食幾好食😋😋個蕎麥麵麵質唔錯，沖繩苦瓜用咗檸檬汁調味，令到個苦瓜食落唔覺得好苦，而個吞拿魚就冇乜特別，整體個味道都幾清新😳😳😳-網燒牛肉定食-冷烏冬 $138略嫌等得太耐，朋友個吞拿魚苦瓜冷麵食完，我都未到😣😣😣見佢整咗咁耐，都滿心期待，但係個牛肉食落好硬，咀嚼咗勁耐都吞唔到，咬到牙鉸都甩，有少少失望🥲🥲-明太子雞翼 +$26明太子雞翼炸得啱啱好，外脆內軟，食落辣辣地嘅明太子味，同個雞翼都幾襯☺️☺️🤣🤣

銅鑼灣揾食有平有貴， 今日就揀左間中價位的日本餐廳， 餐廳位於翡翠明珠廣場，餐廳環境算大， 座位都夠多， 亦有吧枱，高腳枱坐， 我地就被安排到高腳枱。是日晚餐鳥唐揚丼雜錦刺身丼配天婦羅滑蛋豬扒丼鳥唐揚丼，炸雞炸得外脆內軟， 雞皮似薯片， 雞肉勁多肉汁， 好食。雜錦刺身丼， 刺身大塊，厚切， 新鮮， 有魚油香味。 天婦羅炸粉用得適中， 炸粉剛剛包住南瓜， 蝦， 廚師功力好。滑蛋豬扒丼， 滑蛋豬扒就正正常常， 不過不失。不過埋單方便有待改進， 等左一陣先簽到卡，但都算少問題。

今日同朋友想食日本野，經過見倒丼丼亭下午茶有迷你丼定食，一個迷你丼飯再配迷你烏冬或蕎麥麵，再配沙律同漬物我地叫左兩款迷你井茶定食💰6️⃣8️⃣迷你照燒豚肉丼➕熱湯烏冬即叫即燒嘅豚肉，肉質鮮嫩半肥瘦可口😋好juicy熱湯烏冬係用咗幼烏冬，雖然係咁都好彈牙仲好滑身👍迷你醬燒牛肉滑蛋丼➕熱湯烏冬滑蛋煮得岩岩好加埋啲牛肉汁撈埋落啲飯食，吸哂所有精華，牛肉不過不失感覺幾抵錢，咁嘅價錢有咁嘅質素，物有所值😆回再試埋其他丼

今天約了朋友到銅鑼灣行街，行街前先吃個午餐，就在明珠廣場內選了丼丼亭。 點了 “網燒牛肉定食”、”雜錦天婦羅蕎麥麵定食”、一份追加小食“四色刺身盛”及買一送一的飲品 “荔枝梳打”及“香桃梳打”。網燒牛肉定食 ($138) – 配有麵豉湯、沙律、醃菜、番薯仔、白飯及冷蕎麥麵，燒牛肉份量不少，燒得外脆內軟，應該有6-7成熟，入口有濃濃的牛肉味，估不到吃午餐也吃到這水準的牛肉，真是有驚喜，而定食配有白飯及蕎麥麵，所以這定食是飽肚之選。雜錦天婦羅蕎麥麵定食($98) - 配有沙律及醃菜，天婦羅炸皮很薄，口感酥酥脆脆，一點多餘的油份也沒有，天婦羅有蝦、魚、青椒、茄子、南瓜、魷魚，我都是第一次吃到魷魚天婦羅，魷魚不會好硬，每樣材料都很新鮮，這個天婦羅炸得很出色，相比之下冷蕎麥麵就比較一般。四色刺身盛 ($48) - 有三文魚、吞拿魚、鯛魚及螺片類的刺身，三款魚類的刺身都切得很厚身，溫度有些微凍的感覺，吃落口感很滿足，刺身很新鮮，吃出本身魚的味道，很久沒有吃過這麼好味的刺身了。這一餐吃得很滿足，食物質素高，服務很好，價錢亦不算貴，一定會再嚟幫襯。

今次就我、Miss L、Miss N 一齊食Miss K 嘅Farewell飯，唔係好遠就去咗公司樓下嘅丼丼亭😍😍丼丼亭嘅菜式其實好出色，但得壹個鐘放飯時間，都等咗四個字先上枱，好食只係冇時間享受啫🙁🙁我就叫咗😌😌～～～天盛迷你豬扒丼定食～～～首先沙律🥗嘅蔬菜新鮮，每口都食到‘習習’聲！🥰🥰雖然話迷你豬扒丼飯，但一啲都唔迷你，豬扒香脆多汁，用嘅日本米粒粒分明！😙😙炸天婦羅🍤熱辣辣，好香口唔會油膩，炸衣唔會好厚，呢個加好多分😘😘～～～日式餃子🥟～～～另外叫咗日式餃子🥟share一齊食，外皮香脆內裏肉質多汁，仲要係爆汁嗰隻🥳🥳上枱後個個都急住食飯冇乜點傾過計，有啲可惜😅😅最後Miss L硬要請食飯，講佢唔過就約定下次請返佢！多謝Miss L😆😆Miss K 調左鋪，都要多d出嚟食飯呀😊😊

今日去 銅鑼灣 去了 翡翠明珠廣場 杵屋 丼丼屋 吃飯：刺身/さしみ + 天ぷら、美味しい ⛲️⛩- 天婦羅味道不錯、不過做得比較油膩- 刺身方面、非常好- 個麵豉湯有點凍、如果熱一點會比較好吃going to CausewayBay and enjoying JapaneseCuisine in DonDonTei (JPplaza): sashimi + tempura 🤴🏻 - tempura is of quality but it’s made in such a way too oily- re the sashimi, it’s generally good- the miso soup is a bit cold