丼家 (已結業)

想食日本野總會想起呢度星期六1點左右來到唔使等位入得😄星期日都有lunch set 仲好多選擇添我地叫左一個c 一個e 餐 我叫既set e 刺身全部都好新鮮而且份量足特係油甘魚同海膽 好甜同有鮮味櫻花蝦飯團都好味好特別跟餐仲有2蕭卷物 小食 湯 同飲品 性格比好高員工態度友善 值得再來 👍🏻👍🏻

之前見過已經想試 今日趁放假試下😋三文魚海膽親子丼 $78三文魚夠晒肥美😋海膽都幾甘香啲餅加左芝麻 好香 唔係太食飯既我都忍唔住食多左幾啖灸燒三文魚腩 $20呢個算係我既大愛🤤燒到岩岩好食完二舊忍唔住又加碼芝士軟殻蟹卷 $78蟹柳上面有蟹籽同蟹膏 幾特別而且蟹膏都幾鮮不過敗筆係芝士粉太多 搶曬啲味下次叫呢個應該要走芝士粉🤔🤔

週六下午兩時左右，行經元朗，肚子餓了，看見這家，直接進去吃了，這時段沒什麼人，不用排隊，只有兩三台客人，點了兩份午巿套餐，午巿套餐價錢大概65-100左右的價位，但週末要另加8蚊服務費。分別點了的是一個滑蛋鰻魚飯和燒牛舌定食，滑蛋鰻魚飯一般般，水份太多，飯粒都是濕的，而且鰻魚腥味有點重；不過牛舌定食卻令人喜出望外，牛舌燒到剛剛好，外皮有少少脆，內部嫩滑，一咬下去有油脂爆出來，口感令人回味，值得推薦一下。

今次去咗一間食日式海鮮丼嘅小店，舖頭唔算好大，得十張枱左右。可能時間尚早，我哋入去果陣6點左右，只有兩枱客，之後就陸陸續續有客人，絕大部分都係一個人來。除咗丼之外，其實仲有小食、壽司、拉麵、烏冬...等。店名講到明叫丼家，我哋當然要叫丼食啦！呢度嘅丼同其他舖頭嘅唔同之處就一定係個器皿，通常都係用碗裝住，而佢係用方形木盒裝住，賣相都唔錯，成個盒面鋪滿晒餸，唔好以為個盒深度唔太高d飯就好少，其實已經有成碗幾飯，對唔係飯筒嘅我已經夠有突。蟹皇丼身為蟹妹嘅我，一見到呢個蟹皇丼就發青光。有齊蟹肉、蟹籽、蟹膏、蟹腳同蟹鉗，真係好似叫一個丼可以食齊一隻蟹咁！但老實講，味道唔算突出，始終$128都係罐頭/冰鮮貨，鮮味欠奉。甘蝦三文魚香蔥吞拿魚另外叫咗個以刺身為主嘅丼，三文魚同甘蝦各3隻再加一小球香蔥吞拿魚蓉，呢個反而唔錯，剌身都幾新鮮。蟹籽沙律我哋食日本嘢都係有個情意結，就係每次都要叫蟹籽沙律，但呢度個份量都幾少，味道極普通，如果唔係好似我哋咁有情意結，可以唔試。

6點幾黎到 人唔多 見到網上啲人推介蟹皇丼 於是叫左個蟹皇丼同慢煮鹽燒牛舌 地方餐具都幾精緻 師傅都好認真制作 蟹皇丼味道都ok 但就貴左小小 最好食係牛舌 好香好有肉味 整體都不錯 可以翻食

突然想食魚生飯，係雞地附近行行下就見到呢間don家，見入面無乜人裝修又幾好，又想舒舒服安靜咁食晚餐，所以就入左去。 點餐係有點餐紙，魚生飯係大約$60至$130，有好多款，好有選擇困難症嘅感覺。另外仲叫左大蝦天婦羅(無影相)，不過係炸得出其地好食，唯一不足嘅係天婦羅醬汁係無羅白蓉附送嘅，咁樣食天婦羅感覺係熱氣左d。整體黎講呢間小店呢個價錢係超級唔錯喇，推！

今天入元朗探朋友同食晚飯，記得年多前和女友入去食此食店食過蟹皇丼幾好味，諗住再去回味一下，7:00多去到，不用等位，坐下來，一個蟹皇丼，朋友要了一個三色丼，再加一個吉列炸蠔和凡立貝刺身。蟹皇丼依舊好味，但比以前食就退步左少少，蟹肉冇之前咁鮮味，但蟹膏依舊香濃！味噌湯就淡左少少，但沙律疏菜新鮮爽硊，定食份量對於大食的我有些不夠，所以多叫了少食，吉列炸蠔，但朋友怕熱氣不食，我掃曬，香脆蠔鮮，非常美味；凡立貝鮮甜好味！朋友話三色丼幾好食～！

網上好多評價都話呢一間係本地推薦的食店，由於冇其他選擇，又想食日本嘢，又唔想去返以前去過嗰間，咁就唯有試下呢間新㗎啦!入到去鋪面好細，冇乜幾多枱，六人座位都係要拍多幾張枱先至有位。齋睇張菜單紙冇乜吸引，都唔知想叫啲咩。 但係睇完佢嗰份好似係介紹的菜單都冇乜特別想食。以下兩款都係一般，飯好黏，唔夠熱海膽唔新鮮冇鮮味，蟹肉好乾冇味壽司拼盤唔夠新鮮，分量又少三文魚腩欠油份，唔夠鮮味牛舌尚算可以，起碼唔會太過硬身 三文魚骨炸得太過火，變得好乾燒青魚味道不錯炸蝦天婦羅係最好食，夠熱，脆漿唔會太厚又唔會太油膩

週日二點幾同屋企人去丼家食我地嘅午餐😂 平時夜晚經過都見到好多人等位，懶得排隊嘅我見下午無咩人，同埋見佢星期日有lunch set，而且價錢唔太貴，就去試下！我叫咗個極上特盛海鮮丼$78 有小食(中華沙律同兩隻加洲卷) , miso soup 仲有一盒茶。成個丼我覺得最好食就真係得三文魚同珠寶蝦同油甘魚！三文魚非常肥美，油脂好正，珠寶蝦肉質彈牙，同油甘魚都唔錯！不過其他刺身就一般般，好似呑拿魚，一望就好乾咁，食落有少少鞋口。左口魚係有好香油脂味，但係有根。而且壽司飯有點太乾身！有少少失望，不過好彩有三文魚搭救！

放左工喺元朗搵野食，就決定黎到丼家食飯。餐廳會提供點餐紙客人落單，亦有大細size之分。我叫左個火炙三文魚丼飯，三文魚燒至半生熟，表面油脂溶化，但吃落亦不會太熟太淋，十分美味。下次可以試更高級的丼飯🤓

呢日同女友黎到元朗，經過見到呢間日本餐廳，見個menu價錢唔貴啱曬我地呢d平民女友叫左個丼飯，我返而無乜胃口要左個壽司拼盤一共有6款壽司，分別係有三文魚、油甘魚、帆立貝、火炙左口魚、海膽、火炙蟹棒其實近年都少食三文魚，不過見個拼盤有我最愛嘅海膽同左口魚先叫佢所有刺身都好新鮮，味道同口感均屬中上質素，壽司飯溫度適中，整體感覺唔錯

地方細細～唔算闊落，但服務態度OK的。火炙三文魚丼$68（賣相吸引，呢個價錢嚟講，份量充足，三文魚都鋪滿整個飯，讚！😍😍）究極丼$198（呢個相對而言比較一般，蟹較乾身，冇蟹的鮮甜味，但海膽及其他刺身OK的，算新鮮！）2個女仔夠食嘅，但另外再散叫咗三文魚刺身 + 松葉蟹膏壽司（同平時食開嘅差唔多，不過不失！）

一心諗住入元朗掃街，但兩個唔識路嘅人唔知盪左去邊🤦‍♀喺好肚餓嘅情況下發現左呢間餐廳，門面其實唔算太顯眼，係俾個全木嘅趟門吸引左餐廳地方唔大，得5張枱左右，同埋全部4人枱，我地逼住要同人搭枱好想食吞拿魚所以要左個美人丼，男友就要左個壽司盛B🍣美人丼：好多配料，有中拖羅、吞拿魚他他、吞拿魚蓉、三文魚、蟹棒、玉子，仲有謎之天婦羅；吞拿魚好新鮮好香油脂味，入口即溶🤤個飯加入芝麻粒成件事昇華左壽司盛：唔記得影相，有三文魚、油甘魚、火炙左口魚、帆立貝、海膽、火炙蟹棒；呢個set堅有驚喜，首先佢嘅食材全部都好新鮮，每款壽司都配左獨特嘅醬汁，同塊刺身好夾，最重要係每款壽司個味都好突出好唔同，完全冇重疊，感覺個拼盤有用心配搭過👍老老豆豆環境絕對唔係舒服，坐得唔耐，不過食物堅高質，如果有機會入元朗我應該會再encore😋

以前經常入元朗食飯，但好耐冇入來元朗，今天冇乜嘢做，走入來行吓，朋友介紹呢間日本嘢，雖說沒有太大驚喜，但亦可以說好食，價錢算中等啦，首先7點多去到，竟然不用等位，先看看餐牌，之前起日本一漁市場食過蟹皇丼勁好味，加上朋友介紹，所以叫了蟹皇丼，女友選了五色丼，兩個丼都叫了set,有一小食（中華海蜇），沙律，麵豉湯。蟹皇丼有蟹肉，蟹膏，蟹子，兩件蟹身，份量不算多，但味道尚算不錯，五色丼有三種魚生，蟹柳蟹子。大致ok,但元朗太多選擇，日本嘢亦不少。希望佢可以做耐D啦！

本身系睇到網上面食評先專登去食 嗰日落大雨 所以冇咩人結果去到 店員話冇哂海膽丼 連主打嘅海膽丼都冇 叫左廣島蠔同赤貝刺身 仲有兩個丼 個蠔食落去唔系太新鮮 蟹皇丼還可以 如果真系要去食嘅 可以試下個蟹皇丼其他食物都一般 坐位又好逼冇需要專登去食。。兩個人食左四百幾蚊唯一可取之處系店員會成日行埋尼加茶