丼家 (已結業)

行開天水圍，本身諗住搵另一間嘢食，因為搵唔到，而且好肚餓，所以就喺附近是但搵一間嘢食，點知竟然係幾驚喜。我揀咗豬骨湯烏冬配牛肉。佢仲有面鼓湯同小食，卷物同飲品。其實都幾抵食，因為食完真係好飽。本身我揀豬骨湯嘅時候都有少少猶豫，因為我唔係太鍾意太油嘅湯底，但係呢個湯底好香麻油味，而且佢望落去好似好油，但係食落去就一啲都唔油膩，而且佢啲牛肉煮得非常之淋。佢仲有啲日式魚蛋，海帶，粟米等，個烏冬都煮得好味，面鼓湯鹹淡適中。

專登貢入元朗食日本菜己經係N咁耐之前嘅大大塊魚生壽司店。今次有好友試過新店日式丼飯相約返尋味，當然唔擔心會中伏。餐廳位處鳳攸北街，附近一帶人流近年因Yoho 多期入伙及商場相通後日見興旺，食肆與日俱增。鄰近一帶餐店大多為小店，約可容納廿人，大門外放置餐廳是日推介菜式黑版同時樹立人氣5位食品，見首位蟹皇丼加老友食過都覺唔錯，即時晚餐目標清晰。等候廿多分鐘走進餐廳，環顧多一次兩傍及水吧頂主打菜式後末有動搖品嚐蟹王丼嘅慾念， 另加三貝丼及生豪刺身拼盤。三貝丼 上枱見赤貝、帆立貝、北極貝隻隻新鮮，友人大啖入口後表示鮮甜美味。當睇到流晒口水既時候就來自己嗰份 蟹皇丼定食，蟹肉及蟹子載滿丼飯之上，睇見啖啖蟹肉唔洗自己拆蟹殼就不其然生出一份滿足感；丼飯跟蟹肉蟹膏入口後鮮甜味不斷經由咀嚼絲絲滲出，醋飯較淋身可能著意特出蟹肉咬感百零蛟有咁嘅享受認真唔錯。生豪刺身拼盤 同樣新鮮，雖然生豪被老友食晒，但係甜蝦、三文魚生、東風螺樣樣滋味。如果依餐市區食又有咁嘅質素睇怕埋單分分鐘要俾多一倍。所以好食又抵食元朗一樣會返尋味。

估唔到元朗日式料理小店都帶到驚喜俾我地，午飯時間要等位都知呢間餐廳唔可以睇小。我同朋友嗌左個鰻魚飯同壽司嘅set，因為本人係鰻魚飯嘅fans，所以唔洗多諗就決定嗌佢喇鰻魚燒得好香，汁亦好好味，魚嘅份量比一般餐廳嘅慷慨，值略嫌太少汁，唔夠送飯。朋友嗌左呢個壽司set，試左佢隻蝦，都相當新鮮。跟set嘅小食同麵鼓湯都好好味，值得一試

元朗小店擺放數張枱，可以招呼客人數量有限菜單都幾多款壽司可以揀，亦有唔同款式丼選擇最後我地揀左三點刺身，刺身好新鮮另外叫左一個美人丼，好有驚喜拖羅好新鮮之餘，仲要啲肉好肥美，入口即溶除左拖羅，仲有三文魚、蟹棒、玉子飯嘅份量唔算太多，而且啲飯唔會太林或者太硬身最後仲叫左份雞軟骨小食炸得好脆，而且有兩款醬點雞軟骨，唔錯唔錯

由隊員W帶隊遠征大西北🐶食呢間俘虜❤️❤️的丼家「蟹王飯」🦀🦀🦀🦀🦀～全碗丼都係由蟹蟹組成🤤有蟹柳、蟹子、蟹肉、蟹腳同蟹膏😳聽到都知犀利架呢～食落仲犀利😋淨食一啖蟹膏飯⋯好滾動😭😭再撈埋啲蟹子蟹肉，仲要份量超多的，係愛呀哈利😱愛上蟹蟹的瞬間～唯一不足的是蟹柳唔係真蟹柳，蟹腳鮮味亦唔太夠🤔但$128性價比已經很不錯～加$18可以要埋定食🍱多個麵豉湯、魚生沙律同海藻前菜🌝～隊員W記一功啦！-------------------------好味指數😋：8/10翻啅指數🙆🏻：8/10人均消費💰：101-200服務態度👨🏼‍🍳：7/10乾淨指數🌝：7/10------------------------------

朋友到了元朗,我們決定光顧小店,一行三人點了多款美食◦煙三文魚沙律的三文魚和蔬菜擺放得整齊,賣相吸引,蔬菜有青瓜,生菜和車厘茄,加上橙色的三文魚,顏色豐富◦蔬菜清新爽口,三文魚肉質嫰滑◦點了鰻魚飯定食,包括沙律和面豉湯,這客沙律以菠蘿和生菜為主,面豉湯味道不算鹹◦鰻魚燒得入味,肉質細嫰◦米飯軟熟,口感佳◦點了一款生蝦刺身飯定食,有四隻生蝦,用料充足,很有誠意,蝦肉巨型,新鮮彈牙◦我們還點了一客六件的壽司拼盤,有三文魚,油甘魚,帶子,蟹柳,海膽和池魚◦壽司擺放得像藝術品一樣,每一件都可口美味,魚生冰冷,鮮味十足◦食物種類豐富,價錢不昂貴,值得一試◦

蝦皇丼(大$138 標準$78)-蝦，全部都係蝦，總共有4款，刺身蝦食落口尚算鮮甜彈牙，櫻花蝦夠香，至終沙律蝦就普普通通，不過成個丼飯粉紅色，好鬼靚。-小店仲有好多款丼飯(蟹皇，三文魚，鰻魚...)，仲有刺身卷物沙律，芝心鰻魚卷大推，鰻魚燒得香口，配埋熱溶芝士，簡直冇得輸！其實元朗真係有好多高質小店，真係試極都試唔完。-好味指數: 7/10店鋪: 丼家地址: 元朗鳳攸北街2-6號永富閣地下14B號舖(H出口)

星期六下午入到元朗，出閘行左幾分鐘就到！一直想試下呢間，但佢晚餐太貴啦，今日見到下午套餐不太貴，只比平日午餐貴$8。間鋪裝修好靚，播住音樂令人好放鬆男友叫左套餐三色丼，三文魚立魚油甘魚都好肥美，正啊！配菜份量都好多，個烏冬特別正，個湯底鮮甜我就單點左三文魚海膽丼，加左$18轉套餐，小食八爪魚竟然有5隻咁多，個沙律汁酸酸地配上甜甜芒果同蟹子，幾秒就比我清晒 三文魚好肥美，魚子份量好多好鮮甜，海膽相比下遜色，不夠鮮甜有點苦但也可接受。個丼飯份量都幾多，女仔黎講我算大食，但都食唔晒，因為個餐真係太豐富啦！加$18都值得架！ 全餐最唔得係個面鼓湯，只有海帶，如果有菇/豆腐會好d!下次一定要再食佢嘅午餐

🔹鰻魚丼 $78 🔹三文魚海膽丼 $78加定食$18 有麵豉湯 小食 沙律-🔺鰻魚都幾肥美 份量都足夠 鰻魚汁都絕不吝嗇😋旁邊配菜就無乜特別 就真係配菜 不要有任何期望加左$18定食但無咩特別 沙律普通 小食普通 麵豉湯唔得🔺三文魚較厚身 幾好味😋 海膽1d都唔腥幾十蚊食到都算係咁

新開的食店，環境好舒服，成日行過都好有衝動想食。有日塭元朗有乜好西食，甘岩又係新假期見到佢，所以就驅使我去試下佢~1.價錢價錢尚可，食左一個三文魚海膽魚生飯加叉燒拉麵，$約160，食刺身泥講$78價錢算幾掋(如果好食的話。。。但個麵完全係唔值2.貌相個丼飯貌相不錯，整體排得幾靚整齊，但海膽有點出水，好似浸左係水甘，有點失色3.味道丼飯(轉左定食)整體不行首先加錢轉定食係十級錯選擇！個湯有色但個味同清水冇分別，絕對係沖出泥然後落多左水嘅成品。定食另有一個雜果沙律一個中華沙律，中華沙律一般買翻泥冇問題，但個雜果沙律竟然出然係定食度真係無言，個味仲要好奇怪，好心生菜就生菜落幾滴麻醬都冇甘嬲到個主角，起初睇佢賣相以為好正，點知一食落口即刻想走，個飯係尖米加珍珠米泥嘅喂！口感怪仲要偏凍冇醋味，食落每啖飯都好硬。三文魚大塊但個味同口感偏膠，不是滑質，入口舒服的口感。海膽味道淡，沒什麼鮮味。配菜有蛋，蟹柳，味道尚可，正正常常。旁邊的天婦羅用麵條炸成，食落去奇怪，只拎了一條吃，但係十級懷疑佢唔食得，如果食得，我會俾多個嬲佢~總括而言包裝個樣勝於真實味度！唔值得再食！而個麵我只試了友人嘅湯同叉燒，叉燒質

同朋友二人去左食，懷住期待既心情不停點野食盛惠 617 但不值呢個價首先 廣島蠔昆布酢啖啖肉，個酢 都唔錯，不過愈食愈覺得唔鮮甜，有啲苦芝士年糕 超普通 42蚊不值手打烏冬 都唔錯 不要期望叉燒好食海膽帶子卷 還可以 不要期望很鮮甜個飯好普通 冇醋味 同唔似 珍珠飯一板海膽 還可以，唔腥囉啲飯好普通 冇醋味 同唔似 珍珠飯火炙鰻魚壽司 okkk~~甜囉 中拖羅壽司 超級無敵 差又乾冇魚油又冇魚味又有筋 即刻吐出黎 擺唔落口火炙三文魚and火炙三文魚腩壽司 都係冇味同乾黑松露油甘魚壽司，煙三文魚壽司，花之戀 都冇食 唔評論btw 所有飯都好普通 冇醋味 同唔似 壽司飯好彩冇叫丼飯最後 真心講 呢個價錢 我去過 鮨一 鮨文 食都 平過佢 同好味過佢多多聲真係可以有更好既選擇真心希望 呢間啲 質素 會有進步但係我應該唔會再黎食

我會記住8月15號 呢一日本身同男朋友想食另一間日本菜 但去到門口竟然冇開 。又熱又餓情況下 去試左食呢間成日有人排隊既丼家。可能已經差唔多9點 唔洗等 我同男友係好鍾意食蟹同海膽 所以諗都唔諗就叫左蟹皇丼同海膽丼 （加左18蚊有一個做定食） 仲叫左火炙三文魚腩壽司 燒左口魚裙邊壽司 中拖羅壽司 燒玉子壽司同珍寶帶子壽司 。係滿心期待底下最先黎係個蟹黃丼 賣相吸引上面佈滿蟹子同蟹肉 蟹腳都唔算細隻 下面佈了一層蟹膏 有啲蟹柳 玉子得伴菜 *但呢一切都只係得個樣*首先一黎就食個蟹腳 唔好見佢燒到燶燶地以為係熱 食落去冇蟹味得雪味 仲要未完全解凍 面上層薄冰 入口即融 。旁邊既蟹肉更加唔洗講 當你諗住食到啖啖肉個陣 只係食到啖啖既雪味 蟹膏個層 都叫做有啲蟹味 啲蟹子係腥味極濃 真係唔知想點 擺就擺得咁靚 但啲味道係超級市場賣到既質素 心諗算啦 百零蚊 都唔係貴 。但到我個個海膽丼定食真係呆左 首先定食多左一碗沖劑既麵使湯 一小碗什果沙律 同一兜仔凍縲肉 如果menu 有寫定食係有以上既野食 我一定唔會加 睇得出完全係hea 。講返個海膽丼 以呢個價錢 一定係可以食到更好 海膽未算難食臭

丼家在元朗已經開了好一段時間，晚上經過總會見到小小的人龍在外等候。光顧那天是星期六，大概晚上8時，前面大概有兩至三組客人等候。是日推介等了大概15分鐘就有位，餐廳裝修十分和風，店面不大。友人點了三文魚海膽親子丼($78)加$18轉了定食，包括麵豉湯、小食(中華沙律)和沙律。沙律有罐頭雜果和一些沙律菜。主角三文魚海膽親子丼。份量不算多，但味道不錯。這是我點的壽司盛 B ($88) 加定食($18)。壽司有6件，比想像中細件，大概跟爭鮮的手握飯差不多大。可是驚喜之處是每款壽司都加了不同配料。包括加了金箔的三文魚、加了一點黑松露的油甘魚、加了沙律醬的火灸蟹棒、火灸左口魚、海膽軍艦以及帆立貝壽司。當中最令我難忘的居然是黑松露油甘魚壽司，味道是想不到地配合呢!當然其餘的味道也很好，味道夠濃，魚生也新鮮。可是份量實在不夠，吃完感覺不夠滿足呢，下次未必會再叫壽司盛了。

黎開元朗又想食下壽司，openrice到丼家就黎試下！行yogo mall1，係habitu果到落扶手電梯，再過條小馬路就到小店一間，大約只有廿個坐位，但係環境都唔錯，坐位都唔會太細同男朋友嗌左A火炙鰻魚丼配稻庭烏冬同埋E特選壽司盛配稻庭烏冬A至G餐都配麵豉湯、吞拿魚小卷、中華沙律A餐$68，鰻魚有手掌咁大入口會溶，飯上灑左芝麻，好香！吞拿魚小卷出面好附芝麻，同樣好香烏冬略嚴林左少少麵豉湯就真係鹹左dE餐$78，三文魚同吞拿魚好厚火炙芝士蟹樓暖暖地好好食！黎開元朗不防黎試下😋不過lunch set係星期一至六先有，我係星期六去 每個餐貴平時$8

元朗搵食唔難 但真係好食...就要俾下心機先搵到呢間都算近排係元朗最Value for Money既Top3收藏左呢間丼家都成個月 終於有機會去試下Weekend晚餐時間7:30 好好彩早一步到 唔洗等位(過10分鐘開始見到人排隊)2個人 1個丼 + 1個丼set外加一個壽司拼盤D魚生整體幾新鮮個人最鍾意食火焰三文魚丼 ($68)以呢個價位有90分有燒到d三文魚油出左落d飯到再配佢個有三文魚味既汁 好滿足丼同壽司拼盤大部份under $100食飽飽埋單2百幾蚊完全超值唯獨係個丼既飯比例上少左d 男仔食1個可能唔夠飽真心抵食下次會午餐時段去試下蟹丼同小食