丼家 (已結業)

心大心細💕想食吞拿魚。又想食甜蝦？😛超足料的刺身丼幫到你！😍樓盤有複式。刺身丼都有複式2層架😂一次過食勻12款刺身💃🏻夠哂澎湃呀‼️究極丼🍤🍱🌟 ($198)一上枱超吸睛❗️👁👁連隔離枱都忍唔住望過黎呀！😂小小木盤盛載住滿滿的刺身☺️賣相精緻。好colorful呀！👻靚靚刺身2段丼係有2層架！😳刺身多到一層都裝唔哂😆究極丼入面有d咩？🍱😏▫️海膽▫️三文魚▫️吞拿魚▫️油甘魚▫️劍魚腩▫️帶子▫️左口魚裙邊▫️魷魚▫️甜蝦▫️蟹鉗▫️三文魚籽▫️甜蛋刺身軍隊陣容強大💪🏻💪🏻💪🏻多到數都數唔哂呀🙊果然份量十足！💯🤘🏻上層圓碟盛滿7款刺身😍甜蝦味道甘嫩鮮甜🍤食落係會gel住個口果種架😍帶子口感超軟滑👏🏻左口魚油脂豐富👄散發岀獨有的甘甜鮮味☺️每一啖都大滿足呀！🙌🏻驚喜黎喇❗️拎開上層圓碟🍱原來下面仲有冷蕎麥麵架😳味道清新甘甜🍜醋飯粒粒飽滿濕潤🍚加埋鋪到密密麻麻的刺身bb😍啱哂各位餓底們啦！😂元朗的刺身控有福了😍最hit刺身丼殺入元朗！💪🏻元朗新舖開完又開～🙆🏻雞脾啦。雞蛋仔啦。刺身丼啦😂吃貨元朗一日遊？矛問題啦！😏三文魚海膽親子丼 🍱 (標準$78)用小木盤盛載住新鮮刺身😛精緻賣相都加左唔少分呀！💯入面仲有林林總總的sas

平日喺九龍返工但今日要入元朗開會因為時間唔多已鎖定喺雞地食天氣熱成咁就食日本餐啦試左呢個松葉蟹腳三文魚丼個飯都唔少女仔可叫少飯又有湯同前菜味道一般水準 可接受服務唔錯 會主動添茶

1,外賣份量極小2,爛珍珠米溝白米,味道差,無口感,無醋味 3,火炙三文魚都整得唔好食,仲要"鞋口",4,丼內配菜味道全不相配,味道越食越怪.5,唯一可取,刺身SIZE 對辦,甜蝦夠大隻,可惜夠鮮唔夠甜.個飯難食到要扔低突登寫第一篇食評"歌頌"佢,頂唔緊...無下次.P.S. 堂食真係好靚好有台型,好無食唔知,不過唔會試.

今日忽然想食日本野，友人就上網睇下有咩日本餐廳吸引咁岩就睇到呢家「丼家」，但元朗同區有第二間叫「丼家和食」我地都差d搞錯左去錯第二家呢家店同店名一樣，主力係sell丼飯由於本人係鰻魚愛好者，所以今次係嗌左個鰻魚飯(普通size)等左大約10分鐘個丼就上枱喇，一見到「哇」左一聲因為個飯係用好傳統既飯兜裝住，而且鰻魚既size算係L size大到可以遮住下面d飯！！！加上廚師好擺心機落d伴碟度，成個飯賣相係100分味道方面：鰻魚既汁好好味，唔會太「流」，同鰻魚好match，送飯一流d飯都好鬆軟，唔會張住個口，不過份量我就覺得少睇佢個飯盒好高咁，其實入面d飯得一層，男士就可能唔夠食賣相：★★★★☆味道：★★★★☆份量：★★☆☆☆性價比：★★★☆☆會否再幫襯：✓

雞地又有新食肆開..又係日本野..無問題因為岩我...舖頭細細門面比較特別,,一道大木門趟門另一邊是一塊大玻璃..可以睇通睇透.等左大約五分鐘左右因為時間尚早只係約七點..所以人流不不算多~~不過坐位就好迫個袋都唔知放邊好同埋冷氣都幾大.同相公每人點左一個丼我既蟹丼...本身以為好少但食落都幾多...有蟹腳一隻係燒過既...另有蟹肉同少少蟹膏..加埋魚子都還可以...但食到咁上下已經冇蟹送飯三文魚新鮮..海膽比想像中少加上唔算甘甜...其實真係覺得飯太多..我知道唔可以飯同刺身成正比..但刺身份量真係太少...好彩係三文魚同魚子夠新鮮..都還可以.蟹膏香味不足...我係好鐘意食蟹膏但食得出唔係好貨...係中至下等貨...感覺有d失望...18蚊細細件~~~~~~~冇記錯應該係$4x...當然得一隻...好爽甜好新鮮..貴就貴d但勝在鮮甜..比起其他日式店佢隻赤貝真係數一數二~~食左$23x...貴唔貴呢??我覺得貴...仲要係元朗食..好老實講我出去尖咀食個刺身飯都唔洗咁既價錢...不過而家元朗食肆越開越多越開越貴...有時真係貴都唔緊要最緊係貴得黎要好食!!

最近元朗區食店執左好多，又開返咁多! 光係日本菜都有兩間，一間位於鳳攸北街的「丼家」，另一間係教育路的「丼家和食」，兩間餐廳都不約而同改做「丼家」，又會咁相似，但據聞係不同老闆開的。剛好在元朗群組度見到鳳攸北街的「丼家」主要供應賣相精緻的刺身丼、刺物和手握壽司等，仲有小妹近來至愛既吞拿魚腩蓉丼啊!! 當然要試下!.當晚係星期日，小店坐位不多，晚上8點幾入座率都有約九成，相信生意都相當不錯。餐廳裝潢都係簡單的木系為主，還有小小的擺設，簡約舒適。.餐牌上主要有丼、手握壽司、刺身、壽司、麵食、卷物、沙律和小食等。仲有一個份量十足的究極丼，裡面有十款刺身，仲有兩層的，都只係 $198，好似滿吸引!.他選擇了三文魚海膽親子丼 （標準）$78，如果大食既可以揀要（大盛）$138，+$18轉套餐包沙律、漬物同麵豉湯。.用小木盤盛載的丼家還滿精美的，裡頭有有三片三文魚、少少魚子同海膽，仲跟左兩小片蟹柳同玉子，還有青瓜絲、葉子和紫菜等作裝飾，賣相是可以的。.不過味道只屬正常，三文魚紋理清晰，海膽也沒有苦臭味，刺身無疑是新鮮的，但沒有特別讓人驚艷的感覺。因小妹沒有食，味道只是從他口中聽到，而且男人食標準份

近期Yoho Mall附近新開了一間裝潢頗似西式Cafe的日本料理店，主打海鮮丼。除了海鮮丼，仲有刺身、壽司、小食同麵食，都算幾多選擇。井類都有10款選擇。我最後選擇左有十幾款刺身的究極丼，配料有三文魚、吞拿魚、油金魚、劍魚腩、帶子、左口魚裙邊、甜蝦、吞拿魚腩碎、八爪魚粒、三文魚籽、蟹籽、蟹柳同甜蛋。真係寫完我手都攰埋。個究極丼一上檯，真係好靚好澎湃。我隔離檯都睇到眼都突埋，仲好驚訝我一個女仔叫咁大個飯。佢仲即刻問侍應呢個係咪究極丼，哈哈～真係令人又妒忌又羨慕。個飯一共有兩層，上層係圓碟放左7款刺身加吞拿魚腩碎。三文魚、帶子、油金魚同甜蝦味道鮮甜而且肉質新鮮。松葉蟹鉗及劍魚腩就沒甚麼鮮味似是急凍貨，而左口魚裙邊如果用火灸處理，增加魚油香氣就更好，現在就有點膩口。而吞拿魚腩碎口感有點乾，我放左落下層的散壽司一齊食。下層是散壽司混合著三文魚粒、八爪魚粒、帶子碎、三文魚籽、蟹籽同甜蛋。雖然是碎粒，但依然鮮味十足。而且醋飯處理得不錯加上每一口都能食到海鮮，口感很滿足。原來移開上層的刺身盤就見到一小杯蕎麥麵，味道頗清新，但太遲發現，麵條有點軟掉。整體而言，究極丼是值得一試，可以一次食到十多款刺身