丼造

營業中

休息中

今晚同同事喺公司OT，喺上環Office附近行吓睇吓買咩返公司食，醫飽個肚先繼續搏殺！經過禧利街「丼造」，藍色嘅門面招牌好吸睛👀 入到去原來係一間日式小店，有牛肉飯、烏冬、丼飯、壽司等等！今次我哋試咗「丼造特選丼$268」 厚厚嘅刺身，仲有海膽，好新鮮👅 雖然係外賣，開箱個下已經填補咗我嘅心靈😆 「丼造牛$98」 牛肉飯再加多隻溫泉蛋，無論係牛肉定係飯份量都好足夠。再叫多個「龍蝦沙律」 share😗 龍蝦好鮮甜，啲菜都好新鮮！最後要講吓佢哋嘅「鯛魚湯」，雖然係跟餐附送，但係飲落去係超足料，好濃郁😍😍 推薦大家試吓🙌🏻 📍 丼造 📍地址: 上環禧利街27號富輝商業中心地下D號舖

餐廳：丼造地點：上環禧利街菜式：丼飯餐牌：是日之選，火炙之選，和風丼，刺身丼，特選壽司，特選刺身盛，壽司，手卷，卷物，串燒，燒物，小食，沙律等。飯用大大個紙盒裝好，賣相不馬虎。是日之選 $158是日之選材料包括拖羅蓉，赤身兩件，帆立貝兩隻，油甘魚兩件，三文魚子，玉子四件。特別值得一提係拖羅蓉好滑溜，加有蔥花同白芝麻粒，鹹香十足。帆立貝大大隻，新鮮肉厚。赤身好新鮮又大片。三文魚子一咬就爆汁，鹹香十足，餸飯一流。火炙之選 $158火炙之選材料包括火焰蟹膏，火炙三文魚兩件，鯛魚兩件，左口魚裙邊兩件，蟹子，牛油果。火焰蟹膏夠香又滑溜，撈有好多蟹肉，餸飯一流。左口魚裙邊入口即化，炙燒味香，食落覺得好肥美。火炙三文魚都好香。配有少見既牛油果，令口感更滑溜。兩碗飯都有印有餐廳名既甜甜淋軟玉子一件。飯底味道口感都唔錯，酸度同濕潤度都夠，份量好足。面頭加上少少紫菜絲同白芝麻粒，加添味道。總括而言，兩盒飯質素唔錯，魚生質素不俗，材料豐富，包裝衛生，配有獨立包裝日式芥末同豉油。

昨天晚上，放工後買了外賣回家。聽同事說這家專賣丼飯的小店很高質，他們經常在那裏吃午飯。丼飯的分量很大，根本不怕吃不飽。我跟店員說需要保冷因為回家的路程需要點時間，欣賞他們幫我包得很好，給了我冰袋和乾冰，值得讚👍🏻🍣 牛油果燒三文魚帶子丼Roasted Salmon Scallop Avocado $138這個飯有蟹籽、三粒帶子、半個牛油果、四片厚切燒三文魚，還有一塊刻了餐廳名稱的玉子燒，十分有心思。這個丼好吃又健康，我個人很喜歡！🐠 拖羅蓉三文魚子丼 Minced Tuna Belly Salmon Roe $158拖羅蓉磨得很滑，配上大大粒的魚子和青瓜，味道很清新，適合追求健康而又不想捱餓的朋友！🥣 鰹魚湯這個湯是跟餐的，本來沒有期望，但是這個湯才是整個套餐的精髓！鰹魚的味道很濃，喝得出用料很足，單是這碗鰹魚湯也會令我再次光顧！

約左朋友食lunch，係上環覓食嘅時候誤打誤撞搵到呢一間唔起眼嘅日式小店。小店嘅座位唔多，大概只有六至八個位置。好彩我哋嗰日比較早，唔使等位就可以入去。Daily Special Rice:我叫既係當日精選，師傅會按照當日嘅新鮮食材而預備。果日咁啱就有我最鍾意嘅帶子同埋海膽，所以我諗都唔駛諗就簡左尼個。唔好睇佢係一間小店，佢地一啲都唔求其，會用唔同既配菜將啲食材隔開，唔係話就咁放埋一堆比你。刺身新鮮鮮甜，壽司飯酸度恰到好處，set lunch配埋沙律同麵豉湯都係百幾蚊，性價比好高。

🍱喺街角撞到一間細細間嘅日本食堂，無預咁踩單車過去試下，真係意外發現求其食都可以咁滿足。我叫咗個三文魚腩丼，嗰切三文魚厚實惹味，魚肉滑溜溜真係入口即溶，呢個層次，食落有咬口得嚟又唔會太生硬，好balanced咁。我朋友就嗌咗碟炒烏冬，睇落普通，但炒得火候啱啱好，烏冬Q彈不過又保持咗啲咸香，你話得唔得？👍服務員小姐嘅服務又好貼心，見我哋三兩下就嗌完咗茶水，即刻幫我哋加水，仲一臉笑容，令呢次食飯體驗加咗分。而間店面雖然細細間，但感覺好親民，唔洗拘謹，簡直係街坊嘅小確幸，你話全晚都落大雨，躲進嚟食碗熱辣辣嘅食物，咁嘅享受真係平淡中見真章。簡單嘅食堂，食物卻一d都唔馬虎，下次路過，一定仲要再黎轉轉！🥢🍜

從未食過咁硬嘅豬扒！？這是什麼製造？假嘅肉？難食到一個點！平日中午食飯時間外賣自取打電話去投訴，完全冇悔意！唔會再幫光顧！超級冇質素嘅一間餐廳，真係好難食！投訴

第一次尝试在这家店点外卖，鱼生饭没吃过。串烧也没吃过，就那点了一份鳗鱼饭外卖。吃下去鳗鱼大海时半条左右分量不多。同时酱汁比较少，饭因为没有酱汁的问题，而且鳗鱼的分量也不多的问题吃下有点干和寡淡。

百幾蚊嚟講不過不失，有湯有沙律。就咁睇落好似好細碗，心諗今次係咪伏伏伏呢😨食落還好，其實有好多料，份量係滿足嘅！如果座位寬敞啲我會多啲黎食🤓另外，要讚佢哋好留意社交媒體，我喺fb分享食評無幾耐，佢哋好快有回應。今時今日係香港做間餐廳不容易，要環顧四週任何動態。不論顧客讚定係彈，都要睇住🥸

每次在上環lunch 都不知道食什麼好，今日同事介紹我試試這間日式魚生飯，這裡店舖雖細一點，位子不多, 只有10個位子左右，但出餐很快，而且魚生份量很多，也很新鮮，餐配上湯或飲品。

呢間其實黎過好多次，而家先諗起要寫食評😅我最常叫的係呢度嘅極上粒粒魚生丼，其實我向來都不太鍾意食角切魚生飯，但呢度嘅就好唔同，因為佢啲魚生雖然係角切但就切得比較大粒所以都好有口感，有吞拿魚蓉、海胆、蟹籽同角切三文魚，每樣都好新鮮之餘份量亦都好多，食完真係會超滿足😋 價錢亦唔貴只係一百蚊鬆啲，真係超推介！我仲食過呢度的七色魚生飯同火炙魚生飯，都好好味！呢度服務都好好，如果成日黎店員都會記得你鍾意叫咩，上菜亦都好快！午餐跟沙律同埋麵豉湯，份量都大，女仔如果細食的話可以叫少飯😀

話說今日路經，又落大雨。是但搵一間野食，入到去座位好有限，即管食完快啲走啦。見到得一個廚師一個女侍應。叫咗佢哋丼飯，不過不失。食嘢途中我聽到有客冇帶遮，waitress 同佢講我俾把遮你。唔需要還放心拎返屋企😳我心諗幾好服務bor.🤩waitress不停自己讚自己老細抵請佢，可以拉到好多客入嚟😓作為顧客聽到不是味道。但係女士應同個男顧客講一句，有客留低咗把遮，你拎去用啦🤨所以大家食嘢千祈唔好留低野喺呢一間餐廳，客人物品攞嚟當人情🙄我諗唔會再去。

差唔多每日返工放工都會經過呢間舖頭，所以都可以話係見證住呢間小店嘅穩定發展通常一個月總會嚟幫襯一兩次，每當覺得自己做嘢做到好攰、需要叉叉電嘅時候，我就會想食返碗don jo 魚生飯！質素好當然係一個賣點，但另一個鍾意幫襯佢嘅原因係，佢嘅服務質素真係超級好！店主好好人，乜嘢都係落手落腳親力親為，所以食物質素咁多年都keep到。我最鍾意食七色魚生飯，貪佢有七款魚生，感覺都幾抵食㗎 ！另外仲有個吞拿魚腩蓉+魚子都好正不得不提，仲有佢嘅魚湯店主話佢啲魚湯係用好多魚仔嚟新鮮煲，唔怪得飲落咁有住家味道啦

呢間舖我係睇個Youtuber介紹嘅！我見個Youtuber係咁讚話好食，我就一於搵日試下😺...👉🏻間鋪唔多座位👉🏻有好多款式俾你揀嘅👉🏻我就揀左👇🏻P.S 食完呢間之後覺得口渴，飲左一樽鳥龍茶，都仲覺得口渴，呢間嘢落嘅味精頗重！扣哂分😫（好食都冇用！）P.S喺我臨走嗰陣，我見到個侍應拎杯茶俾個客，我先知道呢度有茶飲！（由我入到去到差唔多走都冇俾杯茶俾我！）咁樣嘅服務態度得咩？！-整體味道方麵，我係俾3⭐️（味精扣分）

炎炎的夏天，最好便是食壽司,十分清涼的感覺。今次試外賣，點了一些壽司回家吃，油甘魚腩壽司，海膽軍艦，三文魚子壽司，墨魚卷及大吞拿魚腩壽司，合共$427。魚生的質量不錯，壽司飯是調了味的飯，好味。唯一可惜的，就是他們在這個炎熱的夏天，送外賣的時候，竟然沒有放一些冰，就算幾高質嘅材料，35度的天氣下，點會唔會變壞？希望他們會窩心一點，像一般的日本料理，可以放一些冰在壽司盒上面，保持溫度。

🍽丼造 (上環)📍上環禧利街27號富輝商業中心地下D號舖.🍣壽司盛（23件） $369嗱，睇住師傅逐件整，即叫即整，又係幾新鮮嘅，每件都好肥美。不過呢個價錢就真係少貴啦我覺得。好就好在乜嘢都有，而且即整嚟講15分鐘就有都算快手，行個圈就拎得，店員仲好nice🤤 呢條街嚟講佢都算受歡迎，我地買完出嚟已經幾張單等緊～.不過值得一提嘅係，最近附近開咗兩間Regal Hotel，之前同Fd 去Staycation 就係去咗禧利街買嘢翻去食～ 都幾多選擇～.#利利仁飲食雜誌港島區 #魚生飯 #sushi #sushilover #sushirestaurant #sushihk #hksushi #hkjapanesefood #japanesefood #日式料理 #日本美食 #香港壽司 #尖沙咀美食 #壽司 #おすし #丼飯 #丼弁当 #丼 #Hongkonger #hkfoodie #foodie #foodiehk #852food #hkfood #HongKongfoodie #Hongkongfood #相機先食