乜嘜雞蛋仔

營業中

休息中

行過見到乜咁多人喺度等，原來賣雞蛋仔、格仔餅、魚蛋燒賣腸粉呀呢啲地道香港小食。既然咁多人買，咁我又買啲嚟試吓囉~竹炭芝士雞蛋仔 ($33)老實講我就真係少叫鹹嘅雞蛋仔，不過見阿姐推介，試吓~ 外脆內軟，而且入口芝味濃郁宇治抹茶紅豆格仔餅 ($25)真係好多好多年冇食過格仔餅，仲停留喺當年嘅味道，即係原味加花生醬！原來而家係有咁多味道㗎喇？今次叫咗個抹茶試吓，一拎上手好重手呀超開心！口感軟綿綿，先係紅豆味道後係抹茶味，總之成口都係配料，好滿足！魚蓉燒賣拼魚蛋 ($10)加自家製沙嗲醬，好輕微嘅辣度，好惹味又真係幾抵食，怪不得咁多人排隊

竹炭熔心芝士乜嘜雞蛋仔，即叫即製，口感挺身、外脆內軟，每一粒雞蛋仔內包裹有一粒原粒芝士，表面有乾芝士，雙重芝士味道，芝士味道咸香，雞蛋仔蛋味濃香。新派宇治抹茶紅豆乜嘜格仔餅，口感厚身、軟熟，2層厚度為5.3cm；宇治抹茶味道濃厚，茶香味濃；紅豆口感軟硬適中，味道香甜；內裏包裹有粗粒花生醬、鹽味牛油、煉奶、砂糖，口感好豐富，味道甜而不膩。噹噹烏冬餐，包括有噹噹烏冬、4粒魚蛋、4粒燒賣；噹噹烏冬口感煙韌，容易掛汁，自家製沙嗲汁口感濃稠，食落辣帶椰香、淡淡花生味道；魚蓉燒賣、白魚蛋，食落有魚肉鮮味。咖喱魚蛋，魚蛋口感彈牙、厚實，好入味，配以自家製咖喱汁食用，味道香辣、惹味。

有日去完葵涌做完嘢之後好肚餓😩估唔到石籬商場入面會有間小食店😱就喺乜嘜雞蛋仔外賣咗幾款小食試下😜.竹炭熔心芝士雞蛋仔🧀外表係竹炭黑色🖤仲有啲紅色係燒到脆卜卜嘅芝士😯雞蛋仔食落外脆內軟綿😙每粒入面都有完整一粒嘅芝士😬令充滿蛋香嘅雞蛋仔多咗浸芝士嘅鹹香😋.新派宇治抹茶紅豆格仔餅🧇拎上手聞到勁香抹茶味🍵喺側面已經睇到內餡有大量嘅紅豆❤️格仔餅外層略脆，内層鬆軟👍🏻中間亦搽滿砂糖、煉奶、牛油🧈同花生醬🥜呢個配搭邪惡又 yummy🤤.腸粉餐🥡🥢有 5 條腸粉配 3 粒魚蛋同 3 粒燒賣😍腸粉有沙嗲汁、甜醬🤗味道唔辣偏甜☺️腸粉滑溜溜😉仲有其他配料，食完非常滿足😄.咖哩魚蛋(11 粒)🍢魚蛋有少少魚味🐟但略為唔夠彈牙🥺自家製咖哩•沙爹汁🧑🏻‍🍳又香又辣🌶魚蛋沾滿醬汁，味道好惹味又過癮🤪.牛肉燒賣(7 粒)🐄牛肉味幾濃，質地比較結實😆加咗喼汁🤭食落真係似茶樓食嗰種

放假晏左起身，就落街買啲嘢食。依間小食店係新開嫁，今日就食佢啦！新開張有優惠。因為太肚餓既關係，所以叫左好幾樣野食。店員好親切甘介紹左個竹炭雞蛋仔同宇治抹茶格仔餅。兩款一啲都吾馬虎，每粒雞蛋仔入面都係full既，吾似有啲店入面係空心甘。竹炭好特別，雖然吾係話會有啲咩竹炭味，芝士依款有啲咸香味，仲有雞蛋香味，吾太甜吾會膩。格仔餅既抹茶味好岀，仲有滿滿嘅紅豆粒。另外我仲叫左咖哩魚蛋，比較辣。腸粉拼魚蛋燒賣，個沙爹醬係佢地自家製，好濃郁，有少少辣，但好上癮。個腸粉份量好多，抵食！

今天去葵涌石籬邨探朋友，經過石籬商場一期見到有些新開的店。突然聞到陣陣香味，原來由一間賣格仔餅雞蛋仔和小食的新開張小店傳來。小店名叫乜嘜雞蛋仔。格仔餅，雞旦仔，腸粉，魚旦和燒賣都是我童年愛吃的小食。抵受不了引誘，便買些和朋友分享。店長極力推介我試竹炭熔心芝士雞蛋仔和新派宇治抹茶紅豆格仔餅。它們都是即叫即做好新鮮。這兩款雞蛋仔和格仔餅果然好吃，亦有特色。竹炭熔心芝士雞蛋仔甜中有芝士的咸香，令我吃完一粒又一粒停不了口。宇治抹茶格仔餅內有香甜的花生醬，红豆及甜奶等，味道香甜有口感，雖然熱量不少但也值得稍為放縱，滿足口腹之欲。我也吃了咖喱魚蛋，咖喱醬是此店自己秘製，香辣惹味。腸粉餐大大盒，有滑滑的豬粉，魚旦及燒賣，加上店自己製的醬和甜醬芝蔴，很好味。吃完這些有特色，价廉物美的comfort food, 人也開心起來! 下次有機會要試其他款式的雞蛋仔，格仔餅和小食。

乜Q雞蛋仔🤪🧇個名夠哂特別一去到嘅時候發覺呢個雞蛋仔店好大間😳以為喺細細間個D，原來呢間雞蛋仔店原店喺佐敦，今次由細舖搬大舖！環境光猛之餘仲有少少堂食位置，有唔同口味嘅香脆雞蛋仔同邪惡格仔餅🤪仲有魚蛋燒賣腸粉等等小食類提供🍳竹炭芝士雞蛋仔🧀$33即叫即整嘅雞蛋仔！呢個熱辣辣雞蛋仔好重料😳好聚手，雞蛋仔外脆內軟，每粒粒都有好Full有芝士唔係空心咖🧀食下一粒又一粒，食到一半Feel到有少少飽😂另一半拎咗返屋企，第2朝早餐焗返熱嚟食都好好味😋另外有抹茶紅豆、榛子朱古力、黑白芝麻、熔心芝士等等唔同款式😆🧇宇治抹茶紅豆格仔餅🍵$25即叫即整嘅格仔餅！邪惡類小食😈聞落去有香濃嘅抹茶味，慢慢食先有抹茶味格仔餅好厚，紅豆喺抹茶層裡面咖🍵最外層略脆口感軟綿，個口要大少少先可以一啖咬到。中間喺滿滿花生醬😝花生醬味道好突出，砂糖同煉奶比例相對少Ｄ同埋無咁甜😌🌯腸粉餐 $18腸粉5條配3粒魚蛋3粒燒賣呢份做早餐超滿足啊！腸條都有麻醬、甜醬同豉油，睇返menu足足有成5條咁多🤩3粒咖哩魚蛋同埋3粒燒賣豐富返成個腸粉嘅口感，成件事無咁Dry😛🧆咖哩魚蛋 $10 7粒⭐️呢個咖哩魚蛋嘅辣度十足🌶食完成身都會好刺激好

葵涌一向都多小食店😋而最近新開張既乜嘜雞蛋仔更有多款創新雞蛋仔格仔餅任你選擇🥰真係有選擇困難症ar🤣最後揀左雞蛋仔同格仔餅再加小食，係屋企睇住電視食宵夜，食得好開心🤤為食餐單: 新派宇治抹茶紅豆格仔餅🧇 $25抹茶味支持者梗係要揀依個抹茶配紅豆既perfect match❤香香抹茶外皮夾住紅豆同花生醬牛油等，一咬溢曬出黎好滿足😋榛子朱古力雞蛋仔🧇 $25雞蛋仔好香脆，濃郁朱古力外皮，每一粒雞蛋仔入面都有滿滿既榛子😋腸粉餐🍢 $18一個套餐有5條腸粉同6粒燒賣魚蛋，配上甜醬同自家製沙爹醬，好惹味😝咖哩魚蛋🍡 $15自家製咖哩好香，魚蛋混上咖哩醬汁，香辣得黎食上癮🤤

呢間小店係2015年佐敦開業，由3個80後男仔開設，幕後軍師係雞蛋仔老師傅👨🏻‍🍳最近搬咗新舖，依然主打即叫即做雞蛋仔同格仔餅，亦有輕量熟食例如燒賣、魚蛋、撈麵等🍜💗竹炭熔心芝士雞蛋仔($33)雞蛋仔特別加咗竹炭增加香味🌋外層烘得完整挻身，不過未夠香脆，內層煙韌，但較紮實唔夠軟糯。食落雖然蛋味不足，好彩中間唔會空心都算足料，平均放滿鹹香嘅芝士粒，奶香味十足，失望係未熱至半溶，冇流心同拉絲🧀💗榛子咖啡格仔餅($25)格仔餅接近2cm厚，外層烘至金黃香脆，內餡濕潤有彈性，鬆軟唔死實🧇粉漿加入特濃咖啡粉同自家烘香去衣嘅榛子，咖啡帶輕微苦澀味☕️堅果碎口感十足🌰中間嘅醬料係爆餡程度，有粗粒花生醬、香甜煉奶同鹽味牛油，味道好有層次。💗咖哩魚蛋($10/7粒)炸魚蛋細細粒，肉質結實 ，食落爽口彈牙🍢再沾滿自家製咖喱汁，悲傷小姐從未食過咁香濃惹味嘅咖喱，辣勁亦好強，但個種辣係好過癮，食到停唔到口🌶💗腸粉配6粒魚蛋燒賣($18)利用大同油製作嘅腸粉，皮薄滑溜，爽彈唔軟爛👍🏼；魚蓉燒賣比較麵粉質感；白魚蛋略嫌有少少雪味。除咗淋上甜醬同麻醬外，必定要求加「袐製沙嗲醬」，食落濃稠惹味，微辣中帶花生香🥜所有材料

屋企附近嘅小商場前排轉手加大翻新，除咗引入幾間連鎖快餐店之外，仲有呢間小食店，放工見到有唔少人等外賣，好奇之下我都加入趁下墟。小食店原來同旁邊嘅清玉相連，一邊賣小食一邊賣飲品，雙劍合璧。除咗香噴噴嘅雞蛋仔同格仔餅之外，仲有燒賣、魚蛋、腸粉同撈麵等港式小食，價錢合理。竹炭雞蛋仔概念新鮮，夾心加入帶有鹹味嘅芝士粒，蛋味亦算香濃，但如果外皮可以香脆啲就更好。抹茶格仔餅加入紅豆、練奶同花生醬，紅豆保留少少口感，格仔餅外皮微脆，內裡香軟，咬落透住淡淡嘅抹茶味同蛋香，成個配搭非常夾，絕對唔能夠錯過。腸粉餐有五條腸粉配燒賣同魚蛋各三粒，份量唔少，相當抵食。熱辣辣嘅腸粉夠哂滑嫩，伴上大量甜醬、麻醬同白芝麻，係久違嘅滋味。咖哩魚蛋亦同樣抵食，口感彈牙，配上香辣嘅醬汁非常惹味，屋企人都大讚。牛肉燒賣比起平日食到嘅結實些少，牛肉味濃，但同其他幾款小食比較就冇咁出色。難得小商場亦吸引到優質小店進駐，小食質素唔錯，而且價錢合理，難怪人氣咁旺，相信自己亦會成為常客，希望小店保持水準，造福街坊。

石籬商場終於翻新，仲新開左間小食雞蛋仔舖，太好啦！小食種類都幾多，魚蛋燒賣雞蛋仔格仔餅乜都有。🧀熔心芝士雞蛋仔 - $28新鮮熱辣既雞蛋仔，加埋芝士，熔左既芝士配上脆卜卜既雞蛋仔，真係令人愛不釋手，仲有少少拉絲既效果添。🧇新派宇治抹茶紅豆格仔餅 - $25依個大推，依個價錢依個份量！紅豆餡一啲都吾馬虎，個餅底抹茶味又十足，仲有濃濃既花生香。😋🍡咖哩魚蛋 - $10/7粒魚蛋少少辣，彈牙入味。🧆牛肉燒賣 - $12/7粒抵食，口感鬆軟，冇咩肥肉同吾會太重粉。🐮牛肉球 - $13/3粒拍得住茶樓水準，大大粒而且新鮮。吾係吾支持下呀嘛！😏😏

喺石籬商場新開嘅雞蛋仔舖頭，每次經過都聞到一陣好香好香嘅雞蛋仔味😍原來呢間舖頭同清玉係同一個集團開嘅，所以都係黃店👍🏻買清玉嘅飲品，跟住攞單據嚟買雞蛋仔或者其他小食仲有折扣添👏🏻主要係外賣小食店～焙心朱古力雞蛋仔($22)好濃好香嘅朱古力味😍脆卜卜嘅雞蛋仔，煙煙韌😍甜度適中，仲有流心嘅感覺😋值得推介👍🏻焙心芝士雞蛋仔($28)雞蛋仔入邊夾咗芝士粒😆鹹鹹地🤣第一次試呢隻味，係幾特別嘅感覺👍🏻仲有芝士流心，幾好味😋咖啡榛子格仔餅($25)榛子味好突出😍配有淡淡嘅咖啡香味😋格仔餅中間夾左花生醬，甜甜地,好rich,好creamy😋新派宇治抹茶紅豆格仔餅($25)清淡嘅抹茶香味🥰仲有粒粒紅豆，香甜😋仲有格仔餅嘅脆脆😍中間嘅夾心都係花生醬～咖喱魚蛋($25/20粒)係自家製嘅咖喱醬，鹹鹹地同辣辣地🤣魚蛋幾彈牙～同咖喱醬好夾👍🏻牛肉燒賣($25/16粒)除咗牛肉燒賣，仲有大大粒嘅牛肉球😍咬落有濃嘅牛肉味😋仲配有喼汁，酸酸美味👍🏻腸粉配六粒魚蛋燒賣($18)腸粉配左甜醬同芝麻醬😋甜甜地，腸粉爽滑👍🏻燒賣爽口彈牙💕舖頭嘅裝修設計都係好新潮😍雞蛋仔格仔餅嘅款式有新式嘅口味，幾特別😋佢哋嘅雞蛋仔仲會用風筒