九份•十分 (河畔花園) (已結業)

同同學放左學係沙田覓食，但新城市既食肆好多都食過曬，加上當時都差不多九點，好多都關曬，於是就行去沙田河畔，發掘下新野食。發現依間台灣野仲開緊，D野幾岩食，就入左去。九份十分同沙田站十五分鐘距離左右，但附近就有巴士站，食完可以直接搭車走。雖然打正名號係賣台灣菜，但菜式又唔止普通牛肉麵呀肉燥飯果d，火鍋、米子卷、芝士雞翼果d都有，單單飲品、小食都各有五六頁選擇。價錢都尚算親民，小食或者麵線廿幾蚊就有交易，為左試多幾款野，我同同學就叫左唔同小食share。麵線、擔仔麵同魚丸湯依d傳統台灣菜既水準都正常，有正宗台灣風味，廿幾蚊黎講算係幾足料。值得提提既係忌廉芝士蘑菇雞翼同芭樂鳳梨鹽水雞，相當有新意，雞肉同芝士蘑菇既份量把握得幾好，Creamy得黎唔會太膩。芭樂同鳳梨就酸酸地幾開胃，同雞肉配合有幾清新既感覺。口

住喺呢區嘅朋友今日放假，於是約左我黎河畔呢邊食lunch。我地1點黎到，門口已經企左好多人，好彩自己禁飛夠方便，等左一陣就有得入。Lunch set價錢幾抵，嘅選擇都好吸引，我地叫左C4同C14兩款、兩杯小食同兩杯野飲。先講小食，麻醬粉皮好香麻醬味，唔會過稀，粉皮幾滑。鴨舌份量比想像中多，醃得幾入味，下次黎會再叫🤓我個滷水雞脾肉燥飯賣相好正！大大隻滷水雞脾真係睇到都流哂口水🤤🤤🤤 雞脾肉質嫩滑，滷水醃到入哂味，又唔會過咸，好食！配料仲有滷水豆腐、咸菜同半隻蛋，我一個人係食唔哂😂我朋友個撈麵都好誇張！麵堆到好高，份量好大，有少少新年食「撈起」嘅感覺🍝醬料撈得好均勻，每啖都層次豐富，好refreshing!兩杯野飲都唔錯。個芝士奶蓋又香濃又滑，下邊嘅紅茶亦唔會過甜，可以balance番奶蓋嘅濃味。

之前行過河畔見到有很多新餐廳其中經過這間台灣菜裝修不錯，今次同朋友兩個人去食，平日晚飯時間人流不算多有位置坐我哋坐嘅二人枱影啲逼，放咗兩碟野已經無位😅叫咗個粟米湯有啲失望完全係罐頭粟米開出黎感覺之後叫咗個炸雞腿肉燥飯，肉燥份量都幾好之後叫咗滷水雞翼有啲咸，不過可以俾你選擇三隻定5隻，5隻就$55，下面放滿鹹菜由於本人喜歡食所以覺得友人不太喜歡覺得奇怪我見到很多枱都叫軟殼蟹手抓餅卷，有興趣可以嘗試吓！

今日去咗沙田 想食台灣菜 上網搵到呢間九份十分嘅餐廳 就去咗試下 一入到去覺得佢嘅裝修都好有台灣味道 見到佢嘅餐牌有好多選擇 無論係前菜主食小食飲品定係甜品 而且全部價錢都唔算貴 飲品方面今次就想試有珍珠咬口嘅 所以就叫咗杯oreo珍珠曲奇奶茶 佢係珍珠奶茶上面有一層oreo碎 我個人唔特別鍾意好甜嘅嘢飲 所以我覺得呢一杯嘢飲幾唔錯 而且啲珍珠都幾煙韌 前菜方面叫咗 山葵雞絲粉皮 忌廉芝士磨菇雞翼 同埋台式芝士肉鬆蛋捲 個雞絲粉皮真係好好食 佢除咗加咗麻醬之外 頌有少少Wasabi味 好夾！而且個粉皮質地都好好 而個雞翼入邊嘅配搭都好好味 加咗芝士但係都唔會好漏 個台式芝士蛋捲入邊嘅肉鬆好足料 超級厚嘅肉鬆係入面主食方面叫左兩個麵 分別係紅燒牛肉麵 同埋 鹽酥排骨拉麵 佢既紅燒牛肉真係好入味 好好食 而個鹽酥排骨就唔同一般既排骨 佢係一粒粒既 外皮炸得好脆 兩碗既麵底係一樣既 一定要講下個麵既質地 個人真係好鐘意 好食！

今日去左一間台式餐廳食飯，估唔到呢間餐廳同普通台式餐廳唔同，野食種類好多元化，有芝士炸雞，台灣既小食同埋其他他主食，最正係呢度既野飲同有廿幾款，全部都好吸引！黎到呢間餐廳， 一定要叫呢到既招牌菜溶岩芝士雞！佢係用個麵包裝住流心既芝士將炸雞點落芝士到食，簡直係最邪惡既配搭啊！溶岩芝士雞要$128，我覺得呢個價錢都算抵，就去韓國餐廳食芝士炸雞閒閒地都要200蚊。仲好甜心咁比埋手套！另外，我地亦都點左醉雞，真係食左好多雞啊😂呢個雞又係另一種風味，雞好滑，亦都好香酒味！我地仲點左一個台式肉鬆芝士蛋餅，佢既肉鬆係超多，好足料！同埋蛋餅亦都好大份！野飲方面，我就叫左芒果芝士奶蓋綠茶，入面係有新鮮既芒果粒架，真係好有誠意！

香港大部分嘅台式餐廳都係標榜台式食品但係有幾多間原原本本帶住台灣風味嚟到香港?呢間台式餐廳九份十分鐘內於人口稠密嘅大圍 競爭對手可謂十分之多 喺東沖要生存到嘅餐廳除咗食物本身仲要講求品味最簡單嘅菜式，可能就係最難嘅菜式 !最考嘅係師傅嘅手藝。 一碗平平無奇嘅粥。 又係師傅表演嘅時候祝你爆西從來都係 美食嘅大道理!除咗一般嘅台灣菜之外呢度嘅甜品飲品 都係 足夠 同五星級酒店buffet 匹敵!講求品味嘅食物除咗要好味賣相絕對係加分嘅 重要選擇。

今日黎呢附近搵朋友食野，佢介紹咗間台式野食完又覺得幾高質綜合水果茶飲品叫一大榨兩份分，一路飲一路可以不啲水果粒上黎咬幾新鮮解渴，伴住炸雞之類食好爽紅燒牛肉麵(微辣)呢個麵犀利，聽聞最少用八個鐘熬制，用料都係上等牛肉話微辣實質真係微到試唔到但個湯好夠濃好好飲，麵質似拉麵咁Q彈唔會過淋牛肉都真係好高質，又腍又入曬啲湯味鹽酥雞雞件新鮮炸起熱辣辣，肉嫩油香，嗚呀仲有鹽酥雞間間台式野都有得食，但好似呢間咁齊調味粉嘅真係少見紫菜同芝士味都幾出，個人幾鍾意醉小三(鴨舌，雞，豬手)想食酒醃野，呢款真係中曬胃口瘋狂妹下妹下同損下損下陣酒香真係好惹味，尤其中間款鴨舌88蚊真係好抵食!!飽到嘔但好想食甜品呢個係芋圓珍珠雙色雪糕鬆餅其實兩樣野好似同鬆餅唔啦間但就會想食又係可以趙下趙下嘅野，芋圓Q彈又無蓋過芋頭，蕃薯嗰陣原味雪糕又不到圓碌碌好冰好雪咁嘅款好靚餐單仲有好多野想試但胃量有限絕對推介下次再黎

沙田圍地鐵站行到河畔花園，專登嚟到呢間台式料理餐廳食晏，因為實在太掛念台灣美食，之前嚟過食，發現佢啲嘢食真的好接近台灣的味道，所以嚟舒緩一下掛住台灣美食的思念。叫左個午餐-紅燒牛肉麵($58)，上枱時熱辣辣，湯底味道濃郁，牛腩牛肋夠淋夠入味，麵條我揀左粗麵條，好味道。餐味我就加左$18要左杯綠茶沙冰，台灣飲料一向出名好飲，因為真材實料，而家呢杯綠茶沙冰絶不欺場，綠茶味十足之餘，呢杯沙冰仲有smoothie 嘅質感，好正。當然，我仲叫左個老皮嫩肉(即係鹵水豆腐)$32，呢味豆腐上枱時外表不怎麼起眼，就像是普通餐廳嘅鹵水豆腐一樣，點知放入口之後先至驚覺佢口感味道都一流，豆腐質感不硬不太軟，非常滑流，而且鹵水味道完全入左豆腐入面，好過隱👍。

呢日又嚟到沙田食晏，今次上網做過下功課，見河畔呢頭有間唔錯嘅台灣嘢，專誠過嚟試下。餐廳走台灣風，裝修得幾靚，有好多台灣特色小擺設，睇得出花咗唔小心思。menu有大量選擇，仲要有哂相，每款睇落都好吸引😍太多嘢都好想試🤤但胃就得一個🤷🏻‍♀️最後都係叫咗以下💁🏻⭐️芒果軟殼蟹米紙卷 HKD68酸酸甜甜嘅芒果，配上大量清新嘅沙律菜，軟殼蟹脆卜卜，食落清新爽脆，好足料，係一個好開胃嘅前菜。⭐️紅燒牛筋牛肉麵 HKD65湯底清甜濃郁，麵條仲可以揀粗麵幼麵，照顧到唔同需要嘅食客。牛筋炆得鬆化入味，軟腍之餘仍然有少少煙韌😋紅燒牛肉大大嚿，啖啖肉，夠濃味，好正👍🏻⭐️滷味鴨舌 HKD48好掛住台灣嘅鴨舌，估唔到呢度都有得食，好入味嘅滷水，香濃得嚟帶啲甘香😋⭐️綜合水果茶 HKD52甜度啱啱好，個杯仲有粒檸檬冰，飲落好有生果嘅清甜味。📝呢到座位舒適，值得一讚嘅係，各侍應都臉帶微笑，親切有禮👍🏻睇menu甜品選擇多又吸引，下次想再嚟試埋佢地嘅甜品🙆🏻

住上水朋友book咗樓下商場九份十分試吓,入到去間鋪先知咁大!裝修好有特色,環境舒服,士應都係年青人多,我們坐卡位,先點2份冷盤,一份雲耳青瓜及柚子青菜沙律！味道新鮮!再order一款 熔岩芝士雞,麵線,同滷肉飯,加埋一份蜜糖芒果雪糕多吐司,份量夠晒3個人食,好似去咗台灣食一樣!再叫埋3杯不同色彩飲品!令人十分滿足!

初三同家人到九份十分晚餐，由於大部份餐廳未開，河畔區兩大食店特別多人。等左約25分鐘有位，已經早30分鐘攞位（用APP），入座後有張8人大枱，好鬆動。叫左牛肉麵同豬手麵，豬手一向都好易食，煮得好淋，配搭粗麵都好夾，惟份量較少，都分吳到3個人食。牛肉麵沒有清湯，但家人話味道可接受，小朋友都合食。醉雞味道OK，如果酒味再多少少更好，今晚出菜都好快，所以都吳使一個鐘食完。最後一定推介芝士大包，芝士味好濃，但吳會好漏，小朋友食完再食，配埋炸雞，感覺無甘熱氣。餐飲飲左幾杯珍珠飲品，可選小冰、小糖，都幾繼細心。埋單每家人 $250，抵食。 

台灣菜雖然未必係香港人心目中既No.1 但總係香港人既心底裡緊佔一席位 猶其是鹽酥雞同珍珠奶茶 更係缺一不可上星期小胖男友既鹽酥雞癮又起 又拉埋我去左河畔鹽酥一番最鐘意呢度既鹽酥雞有得自己揀味落味粉 我鐘意落芝士同原味 小胖男友就最鍾意咖哩味未食過擔仔麵 見$28咁抵食就一人叫左一碗擔仔麵同擔仔米有肉躁同蝦 湯底味道都幾濃郁 $28值得一試淨係一份鹽酥雞又點滿足到小胖男友既鹽酥癮瘋狂既佢仲叫左鹽酥雞扒肉躁飯 有雞皮既雞扒咬落更邪惡呢杯紅心皇后真係好好味 濃厚既士多啤梨味 酸酸甜甜 口感幼滑偷飲左啖小胖男友杯巧克力珍珠 意想唔到幾好味 超濃郁既朱古力味 珍珠亦相當軟熟煙韌 睇黎九份十分既飲品全部都有返咁上下質素飽到上心口 仍然要 啟動個甜品胃食呢個什果冰淇淋鬆餅勁多新鮮生果 加埋鬆軟既鬆餅 好肥但好滿足

新年流流，到到都唔開，發現樓下原來有間台灣野。話說今日行到去九份10分食嘢，裏面嘅裝修己有格調，都坐得幾舒服。在我來講下啲食物，帶咗個柯仔麵， 豬手飯，價錢唔算太貴，值得一試。

每每喺河畔附近間酒店吃過自助餐總會經過九份十份(十分)呢間舖，成白想試但無奈已經太飽而未能實現，今日機會終於來了，大大字嘅九份十分展現眼前最最鍾意門口有大餐牌嘅食肆，可以心中有數想吃D咩。中午時分，座無虛席，犀利，受歡迎程度可見一斑。第一次來，嗌咗2份套餐，紅燒牛肉麵跟特飲，加18蚊就可試到原價52蚊嘅海綿寳寶(鮮芒果沙冰)首先送上枱時是一幅美麗的雪山，但唔係白色而係黄色嘅雪山，嗒落芒果味勁濃，吃到最後化晒飲冰時仍然有濃郁的芒果味。另一個餐係綜合滷水肉燥飯配珍珠奶茶材料勁豐盛，滷水有豬大腸，雞全翼，鴨舌，腎片，半個蛋，仲有青菜，鹹酸菜，好味又大份。珍珠奶茶飲到最後剩低D珍珠都被我嗒哂，Q彈Q彈的。還有靚靚名嘅甜品『花美男遇見』同埋萬巒豬手以及台式肉鬆芝士蛋卷都係不可多得嘅台灣美食。

河畔附近原來好多野食第一次同朋友黎哩度見到哩間都幾多人幫襯就入左去啲位都坐得幾舒服 啲職員又幾nice芒果軟殼蟹米紙卷: 有4小卷之餘，仲有個沙律伴碟！涼拌三小碟：麻醬粉皮、海蜇青瓜絲、四季豆台式肉鬆芝士蛋卷: 好大份同好足料，入面仲有肉鬆，食完真係會好飽。滷味雞腎角 份量挺多的，兩個人差一點就吃不完。不會太鹹，滷味味道充足。鹽酥雞第一次見到有這麼不同的味粉可以選擇，原味的粉其實就想一般的鹽酥雞味道。紫菜的沒有太大味道，梅粉挺好吃的。機件的大小剛剛好，不會太大很難分。紅燒半筋半肉拉麵牛筋跟牛肉也夠入味跟軟唸。麵身也挺有咬口。蜂蜜菊花薑蜜足料好飲！蚵仔煎: 挺好吃，沒有很多粉漿的感覺有點叫得太多，不過每道菜都很好吃呢！必定會再回去。性價比很高的台灣菜