九份•十分 (河畔花園) (已結業)

今日嚟到呢一間隱世嘅台灣菜鋪頭食午餐，一開始見到佢個餐牌都幾吸引，而且見到價錢唔貴，就有啲擔心唔知會唔會好細分，點知一上菜就見到好大份，而且賣相好吸引，呢個價錢食到呢個質素絕對係超值。我哋叫咗一份辣味醬牛扒三文治配凱撒蛋沙律同埋特濃芝士焗雞扒飯，個牛扒三文治一上菜就見到個賣相真係超靚，而且好大份，食落味道又唔差，有少少辣味，但同個三文治同牛扒好夾，個牛扒又唔太晏，一咬就咬得開，配埋凱撒蛋沙律同沙律菜，感覺好清新，而且好開胃。至於個特濃芝士焗雞扒飯，雖然芝士冇我想像中咁特濃，但都做到拉絲效果，但係我哋食到一半先發現個雞扒原來係豬扒，不過都食到一半，所以就冇同店員講，唔知係唔係比錯咗我地，所以見到芝士冇想像中咁特濃都情有可原。另外，間餐廳嘅環境好舒適，冇太多人嘅時候環境清靜，加埋餐廳本身有嘅裝飾，成個感覺就真係好似去咗台灣嘅Cafe一樣，呢個價錢食到呢一個質素嘅餐廳絕對係超值，下次一定會再去。👍

今天，難得與老公行沙田，來到九份、十份一嘗台灣菜。在門外，已看到排隊的人十分多，非常熱鬧。 一入到店內，我們安排坐在內邊位置，座位都還可以！ 進去後，我們先看menu,我們選了萬巒豬手麵、鹽酥雞排肉燥飯、忌廉芝士磨菇雞翅三道菜及兩杯飲品：珍珠奶茶及原味奶蓋紅茶。 首先，呈上的是萬巒豬手麵。豬手咬下去嗒嗒肉，而且帶有甜味，口感特別！另外，麵也很彈牙，整體來說，很好味！其後，呈上的是鹽酥雞排肉燥飯。雞排大大塊，咬下去香脆可口，好味！接著，呈上的是忌廉芝士蘑菇雞翅。雞翼內有豐富的材料，如：芝士、蘑菇等。咬下去肉質鮮美,外脆內軟，yummy!最後，呈上的是兩杯飲品，分別是熱的珍珠奶茶及原味奶蓋紅茶。兩杯飲品味道還可以，如果再濃味一點上更好了！總括來說，幾道菜份量多，味道不錯！此外，價錢也很合理，值得推介！

🥢醉鴿米 $68米粉湯底味道淡而香，米粉又相當滑身。醉鴿的酒味好濃郁，啖啖的鴿肉都夠嫩滑😋😋。🥢萬巒豬手 $48份量比想像中多好多，而豬手好入味，味道帶點甜，質感入口即溶般。🥢老虎醬鴨舌 $48鴨舌大隻厚肉，夠入味，幾辣又惹味，而且愈食愈辣，幸好有酸菜解辣。🥢軟殻蟹🦀手抓餅配咖哩汁 $68除了滷味、擔仔麵、滷肉飯等台灣菜式外，也有fusion菜，鬆脆的手抓餅配香脆軟殻蟹，再點微辣的咖哩汁，味道原來又幾夾😮。

今日尼到九份十分食台灣野（沙田圍站行去都唔算好耐，慢慢行十分鐘內都可以）入面好多decorations都好有台灣特色，特別係啲木牌仔，七點幾去到，可能係閒日都有位，不過都接近full哂～staff都好醒目，會即刻遞水咁樣（有啲後悔無叫到廚師推介嘅芒果軟殻蟹米紙卷，見到隔離叫左，超級靚，下次會試下！）叫左個黑糖珍珠奶茶，啲珍珠口感非常好👍🏻，我叫左半糖，就覺得岩岩好，唔算好甜但又會飲到茶味！又叫左個醉雞，本身雞肉已經好滑，有啲油香就更加正喇！鹽酥雞扒肉燥飯，份量夠食（我估如果自己一個單叫尼個都未必食得哂，所以$70幾蚊好抵食）最驚喜係尼個溶岩芝士雞（$128）！ 一上個陣已經好surprise 入面芝士忌廉味都好重，但係一啲都唔漏，最後個包仲可以慢慢食！非常推介愛芝士嘅人去試下呀！

上次同朋友黎呢間位於沙田圍台灣餐廳食下午茶印象好好，食物抵食得黎台灣風味頗正宗，所以今次就黎試下佢地嘅晚市食物！😋首先叫左一個自選風味鹽酥雞，配有六種唔同嘅味粉比食客自由加落炸雞享用，我自己最鐘意梅子同埋紫菜粉，比較特別亦唔會太咸。雞件方面亦炸得啱啱好，唔會柴身，保留到肉汁👍🏻👍🏻蚵仔煎用料豐富，啖啖都食到蠔仔肉，蛋餅口感粉漿感唔會過重，加埋特制醬汁好惹味👍🏻鹵水雞腎角鹵得入味，口感爽脆唔會過腍，值得一試涼拌三小碟分別有雞絲粉皮，蒜泥豆角同麻辣蘿蔔絲，個人最中意雞絲粉皮，作為開胃菜一流👍🏻之後我地叫左個廚師推介嘅芒果軟殼蟹米紙卷，我同朋友食落都覺得好有驚喜，米紙薄身，入面芒果同軟殼蟹嘅配撘令到成件事好清新開胃，冇咁油膩，非常推介！主菜方面叫左個台灣半筋半腩牛肉麵，湯底濃厚帶點微辣，筋腩比例大概係一半，牛筋軟腍唔會太韌，牛腩肉質亦啱啱好，配上菜甫同幼身麵，正👍🏻👍🏻整體黎講，呢間餐廳嘅菜色水準表現平均，保留到台灣特色，價格親民，同朋友叫到成枱餸都係大概每人二百，係位置偏左少少，但住沙田區附近嘅朋友好推薦你地黎試！

老實說，自從去過台灣旅行之後，個人對於台灣美食的興趣是有增無減,之前已發覺這店的水準不錯，就趁這晚人在沙田, 再來試試。坐下來, 先看看餐牌, 飲品有多款選擇，點了蘋果紅茶, 甜度適中，茶夠滑, 蘋果味濃。紅燒牛肉麵是其中一道招牌菜, 先喝一口牛湯，湯頭夠熱, 味道濃郁，牛肉炆得鬆化而不韌，牛筋食落爽口, 也不會炆得過腍, 麵條選了寬身的, 有咬口之餘, 索滿牛湯同吃, 就更加滋味。以這個食物水準和價格, 已算不錯, 有興趣的話, 可以一試。

一入到去九份十分 入面啲裝修已經散發著古色古香嘅台灣味道 黃色的牆壁再掛上一個又一個嘅年輪 就連餐枱上嘅擺設到一絲不拘 牙籤筒上亦都刻上九份十分店舖的名字 令到我哋啲食客深深地融入在環境入面主食我就嗌咗 忌廉芝士蘑菇雞翼肉燥飯 ($68 - 8/10) 呢一道菜係好有台灣味道嘅肉燥飯 肉燥鹹味同甜味配合得天衣無縫 個忌廉芝士雞翼真係食到舐舐脷 好creamy 雞肉好嫩 得三隻真係唔夠喉 哈哈旁邊的朋友就叫咗一碗紅燒三寶麵 粗麵 ($65 - 8.5/10) 湯底味道濃郁 麵質彈牙 三寶麵嘅料又夠多 令人一試再試另外再嗌咗兩份小食一份就係 鎮店之寶百味鹽酥雞($48 10/10😍) 同埋八隻老媽煎餃子 ($48 8/10) 呢一道百味鹽酥雞 簡直係技驚四座 完美地還原咗台灣鹽酥雞嘅風味 在喺唔影響呢一種風味下混入自己嘅特色 點解仲特登為咗呢一份炸雞八重口味嘅調味粉 分別有芝士 咖哩 海苔 香辣 梅子等等嘅味道 非常貼心。 老媽煎餃子 這隻都煎到個底脆卜卜 肉汁喺個口度爆出嚟 真係好正飲品方便就叫咗 黑武士之劍($38 - 7.5/10) 暗黑系甜心($48 - 8/10) 暗黑系甜心 就

朋友住係沙田，佢話呢間食台灣菜好出名，今日就跟佢黎搵食😋😋招牌好醒目我地都幾肚餓，所以都叫左幾多野食。叫左佢既招牌菜溶岩芝士雞（ $128）賣相同餐牌張相一模一樣😍 好欣賞佢既製作用心，首先雞肉炸得好香脆，同埋吾會只食到炸粉，入面係啖啖香嫩雞肉。麵包入面裝滿芝士醬，個芝士醬好香好濃郁，點炸雞一流！另外麵包都整得吾馬虎，「麵包蓋」另一邊塗左牛油焗，食落都幾香脆！整體味道非常滿意，唔怪得係招牌菜👍🏻👍🏻餐廳仲好貼心咁放埋即棄手套係碟既側邊，方便食客。我地仲叫左櫻花櫻焗高麗菜煎蛋餅（$58）同蚵仔煎 （$38）兩樣野食賣相都好吸引，本身怕煎蛋餅會油膩，但配埋高麗菜同櫻花蝦之後，口感豐富之餘，食落幾fresh！個煎蛋餅好足料，入面有好多櫻花蝦同高麗菜。個蚵仔煎都好好食呀😋😋個餅底煎得岩岩好，同埋蚵仔好鮮甜，令我諗起台灣夜市呀😭😭我地仲叫埋什果雪糕鬆餅（$65）好多什果😍窩夫香脆同甜度適中，配埋芒果雪糕係超滿足😋😋順帶一提，有好多吾同款既飲品簡，仲俾食客自選冰既數量同甜度，非常貼心👍🏻我朋友叫左珍珠紅豆奶茶少冰（ $26）我叫左熱胚芽珍珠奶茶走糖（ $28）好滿意既一餐！佢仲有好多吾同選擇，例如

平時去河畔都食叉燒大王,今次同事想食其他,就去左九份十份試下,12點半未到,人比較少唔洗等位.裝修都幾靚乾淨選擇亦算多,午餐反轉仲有一頁但我唔記得影🤣一行五人叫左4個c1, 1個c4鹽酥雞扒個味道好好炸得夠脆,但可惜雞扒超薄而且有雞皮,食落成口油…鍾意炸野既我都覺得唔ok, 肉燥飯正常跟湯同飲品,紫菜湯有2粒小豬肉丸,最搞笑係飲品,熱珍珠奶茶,侍應居然同我地講部機打出黎所以唔熱…只有微暖…希望下次可以好d!

河畔花園呢邊好多餐廳，係沙田唔想又逼又貴一般都會行過呢邊食。呢間台式餐廳都幾出名，又有分店，裝修又幾靚，坐得舒服，食物仲要幾好味！今次我地點左牛三寶麵、醉鴿麵、肉燥娃娃菜、芋圓、蛋捲和鹵水拼盤，味道都唔錯～紅燒三寶麵 $65三寶麵可以揀粗麵或者幼麵，我地揀左幼麵，三寶有牛肚、牛肉、牛筋。 雖說係幼麵，但其實都唔幼，麵質彈牙，掛汁力強，配合微辣香濃湯底好夾～ 牛三寶都煮得入味，軟硬適中，鍾意花枝八角等香料嘅調味，令味道層次更豐富。滷水拼盤（細）$68呢份滷水拼盤有滷水蛋、豬腸、雞翼、雞腎、鴨舌同甜甜地嘅醃菜。細細一碟乜都有都幾抵食，而且每樣都滷得入味，調味適中，唔錯。醉鴿米粉 $68醉鴿份量唔多，但係酒香味十足，醃得入味，鴿肉都唔會柴，有咬口，味道不錯。佢嘅米粉好特別，係超級幼細好似線咁幼嘅米粉，食落有d 孩口，而且碗米粉係完全冇調味，個人本身不喜好米粉就覺得一般。湯浸肉燥娃娃菜 $48娃娃菜都幾腍甜，肉燥份量都ok，大大粒肉碎，配合食幾好。台式肉鬆芝士卷 $38呢個菜式係常溫，唔係熱辣辣嘅日式蛋捲嗰種，芝士係凍嘅卷入蛋皮內，加上大量肉鬆，面頭有沙律醬同木魚。整體口感偏乾d，因為肉鬆比較

一聽呢間餐廳就知係食台灣菜呢！下午茶餐5:30pm停止供應，去到啱啱過咗幾分鐘，於是食正餐。餐廳內仍有小量人在座食下午茶，入座時職員善意地提醒我地已經無下午茶食。睇下餐牌，都有唔少選擇，不過套餐就只有4個選擇。最後叫咗set SP3 夜市豬排流心蛋配黑椒汁（有餐湯，另外加$10有本台式飲品）及一個萬巒豬手飯。湯望落白色一片，有幾粒粟米同一D切片嘅磨菇。食落先知味道香濃，好有磨菇味!豬扒係鐵板上嘅，上面放咗隻半生熟嘅太陽蛋，另外配有鏍絲粉同薯角。望落無乜特別，食落先發現D豬扒唔錯！質感軟林，味道適中。有4塊扒，份量都唔少。豬手飯－飯餸分開上，豬手伴有甜酸菜。望落都係一個普通菜式，但食落又發現不是如外觀咁平凡。炆煮嘅程度適中，咬落唔會韌，又唔會太林，啱啱好!

今日揾食去到沙田區一間較多人讚的台灣菜食店，九份十份。這餐廳是位於河畔花園。餐廳很特別，以台灣車站裝飾。假日下午茶時間，客人不多，不用等位。下午茶時間是由2:30-5:30pm。和朋友點了兩個下午茶餐。鹽酥雞粒配迷你肉燥蛋飯($38)肉燥飯味道不錯，不太咸和油膩。蛋味道比較淡。 鹽酥雞粒很鬆脆，亦不是太咸，非常好。鹽酥魷魚羹配麻辣肉燥拌麵($38)鹽酥魷魚羹是讚的， 魷魚很彈牙，味道很鮮。麻辣肉燥麵超級辣（點餐時店員說只是微辣。。><..）幸好朋友能吃辣的，否則就浪費了。不吃辣的朋友最多不要點這個。跟餐飲品，熱柑桔檸檬和凍珍珠奶茶（不用加錢）。今日天氣凍，熱柑桔檸檬很暖胃，酸酸甜甜好醒神。 珍珠奶茶好正， 很重茶味，珍珠不是很黏口。總結，下午茶餐份量不少，食物味道也不錯，而且價錢合理，值得推介。

平日夜晚唔需要等位，入到去，餐廳都差唔多坐滿。我地試左：涼伴貓耳（$28）-啲貓耳太soft,唔夠爽口紅燒半根半肉麵（$65）-普普通通，但肉唔會太硬，麵質都ok嘉義麻油土雞絲泡飯（$72）-食落啖啖麻油味，份量多，幾好味，但好少雞肉芝麻奶酥吐司（$18）-點解無芝麻味？個包唔脆，同有啲乾紅心皇后（$52）-即係草莓沙冰，好大杯，味道ok

<與女朋友吃飯系列•十四>拆禮物日拆完禮物，當然要大吃一頓。想著愛麗詩，但口裡掛著的是台灣菜。結果女朋友挑選了九份·十份此店，評價像是很高的。從新城市走過來，路途也很遙遠，但反而令我倆吃得更多。山長水遠來到，結果不用等位，很快就可以入去大吃一頓。甫進去，餐廳有台灣簡約風格，淋浪滿目的菜式(包括7頁飲品)令我選擇困難症發作了。折騰了一會兒，點了柯仔肉碎湯飯，醉鴿，紅燒牛肉和點了一杯熱飲。先來了柯仔肉碎湯飯，哇！好多粒蠔仔，好足料，$58，是一個值得點的價錢！之後來了醉鴿，濃濃的花鵰酒味，令鴿味更容易入口。而且，乳鴿很多肉，吃了多口後，更有醉醉地的感覺。紅燒牛肉，濃濃的紅燒汁，令一片片牛肉更有感覺，而且有十塊，很想再叫！最後來了熱柑桔檸蜜，但太酸，想要砂糖，所以詢問店員有沒砂糖提供。起初也說沒有，但十分鐘後店員突然提供砂糖，卻令我女朋友滿心歡喜。此店除了食物好吃，服務態度也好，值得去！

今晚同朋友慶祝生日，去九份·十份吃台灣小食，平時星期五六日都很多人，幸好今日是平日，不用擔心無位裡面的設計以黃色為主，有些新年的裝飾，入到去令人很有朝氣。餐牌內選擇豐富，珍珠奶茶系列有許多口味，而且甜度可自選，最適合怕肥又想飲甜品的朋友們最開心有超多台灣小食選擇，而且價錢合宜，可以點很多來吃我們點了細的擔仔麵，只須$28，勁多肉碎又有蝦仔，超抵食！！另外點了台式烤腸，味道甜甜又清新，咬感軟化，很好吃忍不住狂吃，沒怎樣分給朋友另外有蚵仔煎，上面的醬很有心思，寫了九份·十份。蚵仔大大隻，餅煎得剛剛好，加上醬汁微辣，很開胃另外點了小的滷水併盤，有雞奕、雞腎、鴨舌、豬大腸、酸菜、滷水蛋⋯⋯很豐富，味道不會太咸，很喜歡！不過份量小些不夠喉，下次要叫大的還有老媽餃子，煎得剛好，不會熱氣，吃多無妨肉質鮮美加埋皮薄，愛吃下次再來，要點其他美食來吃呢到選擇好多，令人興奮