九份•十分 (河畔花園) (已結業)

叫左雞扒肉燥飯、酥炸排骨粒麵、熔岩芝士雞、蠔仔泡飯、蚵仔煎。肉燥好味，但雞扒比較薄。蠔仔泡飯比較淡。芝士好味同幅圖差唔多蚵仔煎一般。不過冷氣好大，啲嘢食好快凍。會再黎食過

一早同老公逛完一田大減價，然後在附近吃午餐，突然間我想飲珍珠奶茶，於是就選了這間食店。在門外已經有很多人等候，等了約十五分鐘就可入座。這間食店是吃台灣菜，內裡是用木做的桌子和椅子，佈置亦覺得很台灣風，如果人多，可能會覺得比較狹窄，只能說坐得還可以。打開餐牌，有午市套餐包一杯台式飲品及湯，選擇都頗多，我們點了鹽酥雞粒烤台式香腸肉燥飯跟凍珍珠奶茶。五分鐘左右，紫菜貢丸湯先送上。紫菜湯上鋪滿蔥及莞茜，喜歡這種味就會覺得好好飲。這裡的珍珠奶茶，茶味香濃，珍珠煙韌，甜度剛好。有時在外面飲的珍珠奶茶，如果不是點微甜的就會好甜，像飲糖水一樣，這裡不用說就可以做到。當主菜送上，就已經覺得非常有份量，一看就知道吃不完。有一點咸咸的配菜，有半隻鹵水蛋，還有一些香腸。鹽酥雞是剛炸起的，很脆很熱，非常香口。台式香腸很脆，鹵水蛋亦很夠味，肉燥是咸咸的，鋪在飯上，送飯一流。飯的份量也很多，我吃剩兩口。價錢非常抵，只需48蚊，就有這樣豐富的午餐及珍珠奶茶，在外面買一杯珍珠奶茶都要20蚊，真的非常抵食，下次一定會再去。

河畔，花園城一帶不嬲都多野食，而且時不時就有新餐廳進駐，呢間台灣野開左有一段時間，人龍依然係咁長，好彩有Gulu App預先攞位！食台灣野，一定要食鹽酥雞！呢度最特別既就係有6種味粉俾你選擇，可以一次過食哂6種口味，唔使獨孤一味咁dry，而且你中意落幾重手都無問題，雞件亦都炸得岩岩好，肉質唔會好乾，仲係好juicy，而且食落脆卜卜好惹味👍🏻👍🏻醉雞我就聽得多，醉乳鴿都係第一次見，好奇心驅使下就點左一份。umm..食完係覺得酒味同乳鴿好似唔係太夾，建議大家食乳鴿都係食番紅燒隱陣d😅紅燒牛肉麵係食台灣野既必食item！有2大條牛𦟌，肥瘦適中，所以咬落去好林！蘿蔔好清甜，亦都吸左牛肉湯既味道👍🏻香菜亦增加左麵既層次！見到張張枱都有杯特飲，我地都唔執輸，叫番杯野莓沙冰！不過飲落好似無乜味咁🙈

有一日去完沙田第一城探個朋友，之後又到食lunch既時間，又唔想出沙田食連鎖店。於是，朋友介紹我行去河畔花園果邊食野，行過去都係15-20分鐘，見到呢間餐廳「九份，十分」，lunch set價位唔太貴，所以即刻入去試下。我地叫左2個手作麵，一個係炸雞配焗芝士手作麵。炸雞外脆內嫩，配上特濃芝士，十分滋味。另外，我地叫左個燒汁野菌豬焗手作麵，呢個略嫌太咸，味道一般。兩個lunch set加埋太約$120左右，其實都算抵食。

呢間餐廳日日都爆滿，lunch time通常都一大堆人喺門口排隊。今日早左放lunch，11點50分衝左黎，唔洗排隊就入到去✌🏻✌🏻✌🏻Lunch set價錢唔貴，仲包飲品，唔錯。紅燒牛肉麵超級香濃，牛肉好腍好入味，好食！蚵仔肉碎泡飯好大碗，泡飯唔會煮得太淋，蚵仔數量都幾多。肉燥飯配上雜錦滷水，一次過滿足幾個願望😌 滷水雞翼同鴨舌都醃得好入味，肉燥亦做得唔錯，唔會過咸，份量亦好大！咖哩吉列魚柳同樣大份到不得了。吉列魚柳炸得好脆，魚柳入面好滑。咖哩如果辣啲會更好！鹽酥雞好脆好好食！仲有一枝枝調味粉，最好食係芝士同原味！今日食完鹽酥雞先發現有呢個溶岩芝士雞🤦🏻‍♀️ 下次要試！！

Headed here for tea with my friends today and we left with a 200% full stomach!😍😂We got this MASSIVE strawberry toast box 🍓🍓🍓 which was so evil and delicious! The toasts were very crispy on the crust and soft on the inside. The strawberry ice cream wasn’t too icy and it tasted very nice. The entire toast box was covered in cream as well as the melting ice cream, giving it a very diverse and rich flavour👍🏻We also ordered a drink each and I particularly loved the bubble tea and ‘Victoria Secret’.T

呢間嘢行過門口好幾次，但次次都比較夜所以都食唔到。今次早咗啲過去試下，本身諗住個名叫做"九份‧十分"都應該有少少台灣食品的風味。但點知係中伏的開始...入去時間約九點幾差不多到十點，問服務員今晚幾點閂門，佢語帶死死氣咁講：未就好似平日咁囉！十一點呀！..嗰下打咗個突，做乜嘢呀? 門口無寫服務時間，我又過晒正餐時間，問問都好正常姐，我都唔想太晏阻大家收工。好！算數，因為場內約有9 成滿座，都覺得呢間嘢有返咁上下水準。坐低後係餐牌搵咗好耐有無Set Dinner，又或者咁上下的套餐組合，搵晒成本餐牌同問埋服務員都話無Set 。呢下又再一次感覺好怪！因為好少會無套餐組合，而且啲嘢都算貴，按返地區和食品的檔次去計算。咁無套餐都要食架，但睇晒啲價位心中有啲覺得唔價咁貴的價錢，所以叫咗個無死錯人的飯(鹵水雞翼肉燥飯) 嚟食，再加多杯胚芽珍珠奶茶嚟飲，因為唔係好多地方仲有胚芽呢樣嘢...但點知到咗伏位....見到張order紙係落咗杯香芋珍珠，同返同一個服務員講返話落錯咗，但佢就一口回返嚟話: 無落錯！你係叫呢杯喎！跟住就走咗去。真係，呢啲人邊度搵！幾有性格！唔緊要我晒飲，但杯嘢只有啲啲香芋香氣，而

呢晚happy friday 我一早約左朋友去沙田果邊食飯，帶佢去食一間之前已經食過既台灣餐廳，主要係因為我呢個朋友好鍾意食台灣野，咁佢問開我有咩好推介，我就帶左佢去九份十分。我都係帶佢係沙田圍站出，行過去就10分鍾之內，我個人覺得都係幾方便，食完慢慢散步過埋城門河就返到沙田站，成件事係享受得黎又可以幫助消化。餐廳餐牌:九份十分既食物種類其實算好多，我覺得九份十分就真係甜品同野飲最吸引，好多款係你一睇餐牌就會想試下，朋友都係有呢種感覺，好多野佢都想試。除左甜品同野飲吸引之外，我覺得有d小食都係幾吸引，例如下文會講下我地叫陣d咩小食。鹽酥雞 $48鹽酥雞黎得好快呀，一份既份量都唔小，價錢尚算合理，九份十分鹽酥雞既特色係佢會附上埋好多唔同既味粉比你自己配搭，我個人緊係最鍾意梅子粉，原味、芝士呢d我地都覺得唔錯，可以因應返你口味而決定落咩。忌廉芝士磨菇雞翅 $28忌廉芝士磨菇雞翅係我覺得全晚最好食既小食，高度推介大家試下，雞翼入面有香濃cheese味，再配上忌廉同磨菇，真係好好味呀，前半部分係已經起左骨，所以可以大啖大啖咬落去，係得返雞翼尖有d軟骨。醉唐心蛋 $15一份一隻既醉唐心蛋超正，其

沙田圍其實都好多好野食，今次行過見到有間睇個名就知道是台灣菜的餐廳，心血來潮想食台灣野就入去試下~估唔到佢個DRINK MENU咁誘惑，我掛住揀野飲多過揀野添~~揭揭下覺得呢間店有點超乎我預期~~居然有啲咁正嘅野食!! 見到呢頁一定要叫啦!!!!重點真係呢份只係128的溶岩芝士雞，勁勁勁大兜溶岩芝士，芝士控覺得好似夢想成真咁，有食之不盡的濃香半溶芝士，人生最幸福的時刻就係咁喇!!!一打開個焗到脆卜卜的農夫包，就係我最爰的芝士了~~超級多呀! 4個人都夠食呀!個蓋仲搽左牛油蒜蓉，超香口，冇得彈呀!EEEE~~~咩黎~~?原來係手套!!炸雞醃得夠味~~皮不厚~~好香脆, 如果有增量裝就好了，例如加68可以多3件咁~~太好食~~想食都幾件呀!!!食完D雞，切D包黎點芝士食都超級正~~完美的!!!!然後我第2最愛，就是穀誘人的VICTORIA SECRET，係講緊呢杯女生大愛我BERRIES YOGURT SMOOTHIE呀!!!新鮮BERRIES混YOGURT，酸酸甜甜好開胃~另外的食物都幾好架~~呢隻醉溏心蛋好入味，入面是流心的，真的做得好巧手，我都想自己在家可以將咁簡單的食材整到咁好食呀

上星期去咗沙田圍食飯見到呢間野食好似幾好食 所以今日特登入咗嚟食飯😗見到餐廳叫九份十分都估到係食台灣野㗎啦 餐廳裝修都幾特別 有啲台灣風啦 餐牌都幾多選擇 尤其係野飲 真係花多眼亂呀🤧我地叫咗綜合夜市雜排流心蛋配螺絲粉 鹽酥雞 自選味道 阿春麵線同兩杯飲品 海綿寶寶同鮮柑桔蜂蜜綜合夜市雜排流心蛋配螺絲粉 我見呢個係期間限定 咁就決定試吓佢🙊 呢個餐配咗一個忌廉磨菇湯 餐湯都幾大碗 有幾多餸 忌廉味仲幾重添 而雜扒係用鐵板上嘅 好熱辣辣 仲有三大塊扒 有豬 牛 雞 真係幾抵食 下面仲有螺絲粉墊底 好飽肚👍🏻鹽酥雞 自選味道嘅意思原來係佢會俾六款粉我地落 有原味 梅子 香辣 紫菜 咖哩 芝士 鍾意食咩味就可以落咩味 我就鍾意原味多啲 雞肉都好嫩滑 都算炸得幾酥😻阿春麵線 因為今日唔算太肚餓 所以嗌左呢碗細細碗既麵線 雖然唔係好大碗 但都幾飽肚 入面有啲切碎左既豬大腸同丸 而且都幾夠味 好有台灣既味道😋海綿寶寶 見個名好特別 所以嗌左黎試下 原來係鮮芒果沙冰 個賣相我比一百分😻 有啲芒果粒係上面 味道都幾fresh💛鮮柑桔蜂蜜 係跟雜排餐叫嘅 酸酸甜甜幾開胃👍🏻

探完朋友，落到街看見有間餐廳佢個名叫做九份十分，覺得佢個名好有台灣嘅感覺，以前去台灣時好喜歡去九份吃當地的食物，九份嗰度嘅風景和風土人情好有特色，於是就入去重温一下，台灣嘅美食。這裏地方唔算大，所以有很多人會選擇外賣，免得等位。很不容易才得到位子，看看餐牌，餐牌裏面有美食，有好多有鹵水食物:鴨舌、雞腎、豆腐、牛展…… 等等，有台灣嘅美食牛腩米線喇、 阿仔肉碎泡飯、醉雞、醉鴿，鹽酥雞同埋好出名嘅麵包芝士雞， 雜果明卡凱薩沙拉 ，非常吸引第一次食鹽酥雞，佢有好多調味品可以根據自己的口味，自己加上去，如:紫菜味、芝士味、椒鹽……等。 鹽酥雞炸得很好吃，好酥好鬆脆，唔會油膩非常之好味。蚵仔肉碎泡飯，很有台灣嘅感覺，用料亦都好足，好適合香港人嘅口味。最後，記得品嚐甜品才算完美。我最愛就是香芒蜜糖磚塊

去台灣必去嘅地方就係九份十分,而我無意中見到有間喺沙田圍寫住九份十份嘅台灣餐廳,入去食下會否有反舊年去台灣食的美食！餐廳裝潢好古色古香！我同個朋友分別叫左湯浸肉躁娃娃菜$48，娃娃菜好鮮甜，肉躁好香麻油味，一d也不咸，同娃娃菜好夾！萬巒豬手$48，豬手炆得好淋好入味，啖啖骨膠原，本人一次過自私食左三個，正！滷水拼盤（細）$58，抵食之選，有雞翼，雞腎，鴨舌，豬大腸，豆腐，蛋加味菜！估唔到呢個滷水拼盤都有鴨舌，誠意之作，食出有台灣滷水味道！鹽酥骨粒肉躁飯$68 鹽酥骨炸到好香脆，而且份量也不少，加上躁肉一齊食，好餸飯！滷水/老虎醬雞腎角$42，個mean 上图片吸引左再叫多碟滷水雞腎，呢個食上去好爽口！最後叫左杯熱薑母茶同凍薄荷朱古力飲料！價錢不太貴，每人埋單百五蚊，抵食！

本身諗住台灣野一定好熱氣同埋油膩，但係呢間就同一般連鎖式的台灣野好吾同。我地一入到去，裝修都好台灣，menu 上面有好多野選擇。吾單單有珍珠奶茶，仲有呢d特式既。叫左oreo 沙冰一齊share，大滿足，由其是放工之後飲，治療性好高。吾中意飲凍野，一定要試這個推介的柑桔檸檬，配合台灣鹽酥雞，中和番。呢間餐廳都有好多菜類選擇，我地叫四季豆同埋娃娃菜，見到其他食客就叫沙律。小食方面，必叫的是鹽酥雞，搞搞新意思係會比好多調味粉，有芝士，紫菜，咖哩等。鹵水食少少就好，太多會有時怕太燥。台式香腸好香，肥美過連鎖式台灣野好多。必叫的重點，即叫即製，所以要等耐少少，不過真係值回票價，真係好好食。1）有真芒果肉2）有topping 的石頭朱古力和棉花糖3）非一般的芒果cream4）芒果雪糕5）每一層中間竟然有cream 包圍，證明好有心機每層整

同朋友係沙田行完新城市，諗返起以前讀中大果陣間唔中都會去沙田圍河畔果邊食野取水，就決定懷念一下行去河畔果邊搵野食!!經過呢間台式餐廳，其實之前係天水圍果邊都食過一次，果次係晚市食，印象都幾好，正宗得黎又唔算貴，所以就入去試下佢嘅lunch 同tea set😋因為我地太肚餓嘅關係，我地兩個男人叫左三個餐，兩個lunch set 一個tea set 👍第一個lunch set 係台南咖喱半筋半牛腩飯，個咖哩比較唔似日式咖喱，有少少香料味道，但唔知台南咖喱嘅特點係邊🤔 至於筋同腩表現唔錯，牛筋夠軟糯煙韌，牛腩唔會過韌同柴，夠入味👍 配菜方面都有驚喜，係醃過嘅酸菜，好醒胃第二個餐就係慢煮杜克豬三文治內容非常豐富，除左兩大舊主角三文治，仲有一大堆配菜。先講主角慢煮杜克豬三文治，麵包烘得脆身，包住新鮮生菜，番茄，芝士，沙律醬(蛋黃醬)同埋豬肉片，口感好豐富，豬肉片俾本身想像中薄，但肉味好突出，切成薄片易handle 👍配角方面有兩種沙律，一種係蛋沙律，另一種係青瓜粟米車厘茄雜菜沙律伴酸醋汁，開胃清爽除此之外仲有薯角，炸得啱啱好，唔會過腍。最後一個餐就係阿春麵線配奶酥吐司同烤香腸首先個麵線口味易入口

話說呢度既甜品好好味。想食好耐，終於搵到鍾意甜品既朋友一齊食。草莓蜜糖磚塊見到都流曬口水。一黎真係嚇親，同menu一樣樣。好大好靚。咁靚自己一個都食得曬。cream都充滿住草莓味道。鬆脆多士同雪糕擺落口既感覺好美妙。多士香，蜜糖味重。成個甜品好好食。雖然好多但完全唔覺得飽，而且佢唔會漏，所有野都配合得啱啱好。食完甜品，再食牛肉麵。湯底少辣，辣味唔算刺激，所以開胃。好傳統既牛肉粗麵，口感彈牙。牛肉煮到質感軟又順滑。入口係有好香濃既牛肉味，霖得黎又有口感。整得好之餘，牛筋都keep到好爽口。真係好一碗牛肉麵。鹽酥雞得意之處，係有六種唔同口味既粉任自己添加。一次過食左好多唔同味既鹽酥雞，滿足曬大胃既我。鹽酥雞香脆多汁，俾8分。鹵水雞腎爽口。鹵水完全入曬雞腎度。味道好夠。彈牙既雞腎，令人諗起係台北既旅程。豆腐皮蛋幾新穎。呢個菜色有創意。凍豆腐同皮蛋俾人清新既感覺。肉鬆既味道同豆腐加埋一齊，香得黎又有皮蛋既粉粉又濃郁既感覺。好fresh。兩個人飲一杯水果茶。清清地，味道清甜，茶味濃。清下口，又夠凍，感覺好舒服。餐廳野食好好味，好掛住台灣！