影片
港鐵深水埗站 D2 出口, 步行約4分鐘
繼續閱讀
營業時間
星期一至日
11:00 - 00:00
以上資料只供參考, 請與餐廳確認詳情
九江街最近新開咗一間九江燒味飯店，今日就約埋同事一齊試吓。斬料位置乾淨企理，而且窗口向着大街，燒味一目了然。餐單圖文並茂，非常清晰。是日中湯係青紅蘿蔔湯，完全冇味精。見佢嘅燒鵝都幾靚，所以就揀咗九江燒鵝皇雙拼飯。九江燒鵝皇果然皮脆肉嫩，好耐未食過咁新鮮嘅脆皮燒鵝。而佢嘅黑毛豬豚肉蜜汁叉燒亦都好出色，所揀嘅部位做出嚟嘅叉燒肥瘦適中，又夠腍身，加埋佢嘅叉燒汁送飯一流。脆皮燒腩仔仍帶餘溫，個皮仲卜卜脆，同樣肥瘦適中，令我想加多碗白飯。除咗燒味，呢度仲有提供簡單碟頭飯，試咗佢嘅蘿蔔炆牛腩飯。呢個飯非常足料，蘿蔔夠入味，汁比較清，感覺冇咁油膩。奶茶鴛鴦夠香滑，絕對有香港茶記嘅水準。
繼續閱讀
前幾日搭車經開九江街，見到新開咗間燒味店，今晚諗住去買少少斬料，但原來夜晚仲有小菜食㗎，最後即場堂食。 坐低叫完茶之後，老闆娘先送上兩碗例湯比我哋，呢度嘅湯係完全無味精，非常健康。 彩虹花姿珊瑚蚌色彩鮮豔，賣相吸引，XO醬加辣椒非常惹味，花姿片同珊瑚蚌新鮮爽口。 炸乳鴿即叫即炸，上檯時熱辣辣，店員好細心送上手套比我哋，估唔到小店都有咁好嘅服務。個乳鴿皮酥肉嫩，味感豐富，色澤紅亮，令人回味無窮。 黑毛豬豚肉蜜汁叉燒肉質柔嫩，真心好耐無食過咁嫩口嘅叉燒，蜜汁甜度啱啱好，帶點燶邊，送白飯一流。
繼續閱讀
今日午飯想食飽d燒味就係一個好選擇而見到呢間新間既店就決定入去試吓！餐牌好多選擇，價錢都好經濟係街坊價！有多款招牌燒味黑毛豬豚肉叉燒，燒腩仔叉燒做到表皮焦脆，係濃邊既效果平時係出面都食唔到，今日終於有機會！口感好豐富，外脆內軟推薦！而燒腩仔都毫不遜色表皮好香脆豬肉軟淋食落好香口貴紀雞髀飯雞肉好嫩滑，火喉剛好加上薑蓉食好惹味撈飯食到完全停唔到！燒鵝髀飯賣相好吸引其他枱既客人都望哂過嚟燒鵝皮脆肉嫩，肉味好重好高質！
繼續閱讀
當日經過深水埗留意到這間小店。現在嚴寒當中想食一些真正的中國菜式。餐牌顯示有很多唔同嘅午餐或小菜可以選。例如傳統嘅雙拼燒臘，燒乳豬。我自己就比較喜歡勝瓜炒鮮魷魚飯。首先因為他們食材比較新鮮，例如他們的勝瓜是非常新鮮，魷魚也是非常彈牙，配搭他們的凍飲真係冇得彈唔錯。我自己選擇了例湯。而且廚師非常有經驗，保留有鑊氣，保留了食物的色香味俱全。這間餐廳位置適中非常近地鐵站。即使是假日都可以帶親朋戚友過來，絕對方便。而且服務唔錯。😊
繼續閱讀