九重鮮 (已結業)

港式的海鮮蒸鍋就食得多啦，韓式蒸鍋好似未食過，今次就由我某位鍾意食海鮮嘅好朋友帶路，黎到位於黃埔聚寶坊的「九重鮮」食晚餐。餐廳燈光明亮，裝修簡潔舒適，牆上更設有多款韓國服飾，甚具韓國風味每位$288起就可以享用不同價錢的海鮮套餐，而我同朋友就揀左呢個每位$398的首爾塔點餐後侍應先會送上四款韓式前菜，我個人最喜愛嘅係青瓜同大豆芽菜，醃得入味又有蒜香，清新開胃又健康粥底有幾款可以揀，韓式風味甚濃，我地就揀咗比較清淡的素菜鮮魚湯底。店員會即席在你面前放入各款素菜、鮮魚等等，係真材實料等左冇幾耐，店員便端上五層塔，塔頂附有溫度計，店員解釋溫度計達至95度便可食用了再等左大約10分鐘，就可以開始進食第一層了！有紅糟蘇格蘭蟶子同貴妃蚌，蚌肉已經貼心地剪成細片，好爽口有嚼勁！蘇格蘭蟶子配上特別的紅糟醬，有淡淡酒香，亦有提鮮作用然後第二層係日本元貝同海蝦好厚肉的日本元貝頗鮮嫩。海蝦大大隻，好爽口彈牙，入口鮮甜第三層係新鮮花尾龍躉、八爪魚、同蠔。清蒸方法更能帶出海鮮食材的鮮味道，花尾龍躉魚脂豐富，魚皮富有膠質，肉質軟滑中帶有嚼勁，好鮮味！蠔肉脹卜卜都好肥美第四層係沙巴肉蟹、大花蛤、同爆濃芝士丸。大花蛤

今日又有食神~~好少去黃埔，一到步就食中好嘢！YEAHHH！ 九重鮮我一直也有聽聞，只是沒有特別要求朋友和我去食~~這次一行4人，可以吃到全部9層！正！(如果2個人只會得6層) 我早左少少到，係門口見到有韓服，原來客人可以穿上身拍照哦！好細心的安排！可惜小M我一心見想去吃！下之必會穿！！ 這裡是 人頭收費， 主要都是品嚐海鮮。我們這一次享受了首爾塔， 基本上的名貴海鮮已經有~ 粥底有4 款可以選擇：魚湯、泡菜、豬手、人參雞，我們選了清清地的魚湯~~~當見到職員捧著九層鐵架過來的時候， 我和朋友都話一聲， 除了敬佩職員的氣力外， 還讓我們知道原來九層塔在眼前，是看不見對面的朋友 (/^▽^)/ 。 職員告訴我們要到達指定95度才可以打開第一層， 這個時間真的很難捱， 因為肚子已在打鼓.ヽ(^Д^*)/. 。層數由上而下吧！第一層：聖子+象拔蚌 ---好鮮好爽口啊！打開已經好有驚喜！ 第二層：日本元貝---元貝的湯很鮮甜哦！滿有幸福的感覺！ 第三層：海蝦 ---- 有金菇配埋一起！蝦好好味！ 第四層：廣島蠔 ---- 這個是比較細心，有娃娃菜做底。 第五層：花尾龍躉 ----

港式的海鮮蒸鍋食得多，韓式的就真係第一次食!這間餐廳位於黃埔，餐廳的入口不是位於商場內，所以去的時候要留意。餐廳環境寬敞而且幾大，有卡位亦有長枱。坐低後店員介紹了一下他們的menu，這裡主要有幾款不同的海鮮蒸鍋套餐，因為都算是第一次食，店員介紹了我們吃「首爾塔」($398/位)。這個首爾塔包括了多款不同的海鮮，包括鮑魚、蟶子、元貝、貴妃蚌、蝦、蟹等，還有一些丸類和蔬菜。另外粥底的湯可以有幾款選擇，而我們就揀選了豬手湯。韓式前菜，點單後店員為我們送上幾款韓式前菜，包括芽菜、蓮藕、泡菜和醃過的白菜仔。韓式豬手湯粥底，店員會先把湯和米放入鍋中，然後再送上海鮮蒸鍋。海鮮塔有5層高，食完一層會有店員幫忙拿起，服務貼心。每層的海鮮都非常鮮甜而且爽口，連蔬菜也很鮮甜，估唔到的好吃!粥看上去雖然好多湯，但是很鮮甜，豬手亦好好吃!看見很多枱也打包了個粥回家吃!總括黎講，餐廳服務貼心，食物質素又高，值得再次光顧!

今日同老公黎到黃埔食海鮮，為左今日既晚餐真係連lunch都唔食，就為左呢餐海鮮大餐我地二人叫左呢個「首爾塔」$398一個食到飽飽有3款粥底選擇，我一定揀韓國最出名既「人蔘雞湯」啦！點可以唔食呢個呢！職員會先將粥底放好，再放上5層既海鮮！好期待呀！終於有得食啦！大約5分鐘左右就可以打開第一層，先黎睇睇第一層係咩啦！紅槽蘇格蘭蟶子同大象拔蚌時間蒸得剛剛好，蟶子同象拔蚌都啖啖肉超爽口！第二層：海蝦、日本元貝：兩款都係大大隻，好鮮美，蝦肉好有口感，元貝好鮮甜第三層：大花蛤、新鮮花尾龍躉龍躉真的不能不讚，肉質超嫩滑超鮮甜超入味，魚皮部份更超有口感，好想好想再食！第四層：沙巴肉蟹超大隻超多肉蟹鉗啖啖肉，蟹殼易碎好方便！第五層：鮑魚及蔬菜類白蘿蔔超淋超入味，南瓜同番薯好粉好好食！終於黎到精華部份啦！雞肉嫩清粥底吸收了幾層既海鮮精華，整個粥底真係超甜超鮮味！

我是很喜歡海鮮的! 朋友請食飯, 重臨九重鮮! 幾年前曾經光顧位於大坑的九重鮮 (已結業), 身邊多有朋友都常客, 而家紅磡呢間應該係同一間吧!$498/位, 好多嘢食! 龍蝦, 蟶子, 海蝦, 元貝, 龍躉, 象拔蚌, 鮑魚, 蜆, 蔬菜盤, 日本南瓜, 蕃薯…等等! 仲有幾碟前菜小食! 粥底有幾個選擇, 因為咁海鮮, 所以我哋揀人蔘雞! 有別於其他一面食一面蒸, 呢度係幾層一齊蒸, 唔駛等咁耐! 每枱附上小砂漏方便計時, 仲有溫度計, 只要達95度就可以起筷, 方便快捷! 海鮮鮮甜, 唔需要沾任何醬料都好鮮味! 蔬菜瓜果連海鮮一齊蒸, 所以全部都好甜! 粥底亦煲得好好, 吸收到海鮮精華甜味, 明明超飽都食左2碗! 店員不時換碟, 解釋得好清楚, 超讚! 

海鮮有很多煮法，蒸煮實是不錯的煮法，這樣能食出鮮味。九重鮮能做到這讓客人吃到海鮮鮮味這一點。吃出鮮味除了煮法重要外，選材也要考量，該店用料不錯，才能相得益彰。再者該店標榜無味精，令人吃得放心，也吃得開心。今次兩人來，點了個景福塔，吃到最底層已開始飽了。不過最底的粥底相當吸引，不得不捧著肚子也吃了兩碗。點的是素菜鮮魚湯粥底，很鮮甜。值得一讚是服務，全程逐層招待，最後吃不完還建議帶走，很窩心呢!最美味是龍躉，見相片。

前排好興食海鮮塔，連這間韓國餐廳都加入。餐廳地方很大，裝修得很骨子，座位舒服，連個廁所裝修都要讚，又靚又乾淨，細心得連漱口水都有。門口放置了一些韓國服裝，相信客人是可以借來影相的。入座後員工會細心介紹餐牌上的食物，夜晚主打3 款海鮮塔，我地選了每位$398的首爾塔，已經很豐富。粥底有4 款(魚湯/泡菜/豬手/人參雞),我們選了清清地的魚湯。員工們先將湯料放入窩中，再放上5 層的海鮮塔，等到温度計95度就可以起筷。等候的同時，會有四小碟前菜(年藕/苦瓜/芽菜/泡菜), 好開胃。第一層是酒糟聖子同象拔蚌，好大隻，好鮮甜，連醬油都不用點，直接食到鮮味。第二層是日本元貝同海蝦，元貝上的湯很清甜，海蝦 肉很爽。第三層是貴妃蚌同花尾龍躉，可能我地食得太慢，龍躉蒸得有點過龍。第四層是沙巴肉蟹，大花蛤，爆濃芝士丸。肉蟹都頗大隻，雖然蟹膏不算多，但厚肉鮮甜。芝士丸爆濃芝士，岩晒芝士控。第五層是鮑魚同日本南瓜，蕃薯同蘿白，鮑魚大大隻，但蒸得有點硬身。南瓜蕃薯同蘿白都很甜。食完五層已經好飽，但再飽都要試個粥，海鮮的精華就落在粥底中，我地揀的是魚湯，魚湯的清甜，加入海鮮的鮮甜，正，粥内仲有菜，木耳，韓國年糕等

最近好多人去韓國，身在香港的我，都要韓一下，見到九重鮮的韓式粥底蒸氣鍋，就覺得好吸引，就去食下，睇下咩環境~一入到去，已經見到一些韓服既裝飾和一個韓鼓~間唔中都會聽到有人擊鼓既聲音環境十分寬敞，而且光亮整潔一坐低，店員已送上4碟前菜有泡菜、苦瓜、野菜和年藕片~我最喜歡的還是泡菜跟野菜，泡菜不會太辣，而且十分爽口椰菜都食到好香既麻油味~我地揀左每位$398既套餐，Total有5層既海鮮，套餐入面有鮑魚、紅槽蘇格蘭蟶子、海蝦、日本元貝、象拔蚌、貴妃蚌、大花蛤、沙巴肉蟹、八爪魚、花尾龍躉、爆濃芝士丸、黑汁豚肉丸、野菜百頁豆腐、日本南瓜和日本蕃薯配粥底有素菜鮮魚湯、韓式豬手湯、韓式泡菜湯和人參雞湯半隻(+50),如1隻雞就(+100)~我地就揀左人參雞湯半隻放鍋底，雞入面釀左d糯米,外面就放左d韓式年糕和蜆~蒸氣鍋上高有個溫度計，店員說要95度才能吃跟住就逐層吃，每層相隔5分鐘就可以了~係呢個時候，我們都叫了一支1500ml的濟洲橙汁，這夠我們2人慢慢飲用夠95度嗱店員幫我們打開個蓋可以開餐了先來個象拔蚌加紅槽蘇格蘭蟶子象拔蚌同蟶子都好鮮好爽口口感十足再來係日本元貝、海蝦和野菜百頁豆腐店員話元

黃埔花園從來是美食集中地我經常前往，今天我又來到聚寶坊試一試近期人氣餐廳九重鮮韓式蒸氣鍋， 餐廳位於聚寶坊近德民街方向，港鐵站a出口橫過馬路就到，都算幾方便 ，餐廳主打韓式蒸氣鍋 ，以韓國城市名命名，十分有特色 ，今晚我選擇咗其中一款首爾塔店員先送上四款前菜分別是麻油椰菜，泡菜，薯仔和鮮果沙律，鮮果沙律用上新鮮蘋果 ，味道十分清新，麻油野菜 ，很香麻油味多款韓式飲品可供選擇，我們點算了韓國檸七和蘋果七喜店員十分殷勤在蒸氣鍋上放上計時器，並告知到達八十五度即可開始食用蒸氣鍋共有五層分別擺放多款海鮮和其他食物，最底是粥底火鍋亦有多款口味可選擇，我們點選了人蔘雞粥底第一層是蟶子和貴妃蚌，蟶子很鮮甜肉質爽，貴妃蚌仍保留很多汁在貝殼內， 同樣鮮甜第二層是日本元貝和鮮蝦，鮮蝦夠鮮甜大大隻，日本元貝肉質很厚很大，時間掌握得很好，元貝極鮮甜第三層同樣是貝殼類，象拔蚌很新鮮很多汁，龍躉肉很多油份，魚肉很厚，質爽滑第四層主角絕對是超大肉蟹，肉蟹很大隻蟹肉很多蟹膏 ，鮮甜到不得了，大蜆味道亦不錯 ，蜆肉雖不算太大，但肉質鮮甜最後一層是鮑魚和其他蔬菜，鮑魚質素很高 ，高溫蒸煮之後仍保留濃濃的鮑魚味而且完全唔韌

今晚奉獻咗我人生嘅第一次…… 食蒸氣火鍋鮮首爾塔 $398 / 位紅糟蘇格蘭蟶子紅糟自身獨特的酒香和微酸，配合爽口蟶子 ，非常想 Encore… 海蝦兩個字: 彈牙日本元貝元貝肉非常厚身。蒸煮時間剛剛好，沒有過老。鮑魚、象拔蚌、貴妃蚌、大花蛤全部都極新鮮，建議完全不用點任何醬汁。LESS IS MORE… 沙巴肉蟹 同街市一般青蟹、奄仔蟹… 不能相提並論。肉質非常厚實，蟹膏極多。絕對不用任何醬汁，直接享用鮮味。新鮮花尾龍躉清蒸的確係最適合嘅煮法。魚油非常香濃，加上已經去骨，啖啖肉。爆龍之士丸真係會口內爆發。小心燙親。黑汁豚肉丸都係兩個字: 彈牙日本南瓜、日本番薯真係好想知道點解日本蔬菜可以咁鮮甜…素菜鮮魚湯粥其實已經食到大半飽。但 “索” 盡海鮮汁液嘅粥底，再飽都要食。

自從黃埔有地下鐵之後第一次來，真係超級方便，地鐵站行過來都唔洗5分鐘不嬲都有食開蒸海鮮，但韓式同埋幾層一齊蒸既就第一次等食之際，店員羅左4款前菜來，右上角既係好少有既番石榴枱面都放左3款醬油，有柚子醬油，蒜味辣醬，同海鹽店員推介呢款豬手粥底，要等最尾先可以食到5層海鮮塔，仲加左個温度計？店員解釋，原來温度計去到95度，就可以舉手，會有人來幫助我地架喇…紅糟蘇格蘭蟶子好大隻丫紅糟醬有點似海鮮醬味道象拔蚌預先一開四條，食落岩岩好，唔會蒸過龍日本元貝超多汁，店員提議可以飲或者倒反落粥底到，我自已好期待個粥底，所以選擇倒反落去海蝦好彈牙，仲有野菜百頁豆腐貴妃蚌都有好多水份花尾龍躉，魚肉好嫩滑，最喜歡魚皮，好有膠質沙巴肉蟹，有膏架，店員會主動過來幫手拆蟹殼特別一提個粒爆濃芝士丸，甜甜地，芝士味真係超濃郁，芝士控一定要試最後就係鮑魚，同一些配菜，其實食到呢層已經開始飽肚，日本南瓜同蕃薯，蒸完食到原汁原味，好甜丫，又可以留反來加落粥到都得等左成晚既粥終於食得喇，豬手好淋，店員推介落d白胡椒來食，真係香好多入面仲有蜆肉，韓式腸粉，蘿蔔，加埋海鮮既鮮味，我地2個就算好飽都食左6碗好鐘意呢度每層都會加一d

黃埔站開通左之後，真係多左嚟呢頭搵食。 朋友極力推介我嚟打塔 -海鮮塔，最終我被鮮味攻陷了，真係好正呀！先嚟係前菜，四小碟，可以無限refill。有幾款套餐揀，我地揀左首爾塔餐，一共五層塔，每人$398。 而湯底又有幾款選擇，今日唔想食辣，就揀左人蔘雞湯，半隻雞加$50。 雞入面釀左好多糯米，仲有幾隻蜆提升鮮味。 一齊準備就緒，層塔好高，未食先興奮！ 溫度計去到95度就可以食喇~~第一層：蘇格蘭蟶子加左紅糟醬，甜甜的，帶出蟶子鮮味，又養生。 象拔蚌洗得好乾淨，仲切成一條條，超彈牙！第二層：日本元貝、海蝦、魚腐、勝瓜、金菇。元貝蒸完嘅汁真係好甜，店員建議只飲一啖，其他再倒返入去煮粥，不過都係忍唔住飲晒佢，好正！第三層係新鮮花尾龍躉同貴妃蚌。 貴妃蚌好大隻，又係裝左好多汁，當然唔可以放過。 花尾龍躉睇啲紋理就知條魚真係好大條，魚肉厚身，認真啖啖肉。第四層係沙巴肉蟹、木瓜、大花甲、爆濃芝士丸。 好少蒸鍋會食到木瓜，又幾特色喎。沙巴肉蟹除左好多肉，仲有唔少膏架。 最窩心係店員會過嚟幫手將蟹鉗拆殼，冇得頂呀！ 墨汁豚肉丸、鮑魚、日本南瓜、日本番薯、粟米、蘿白，好多種類。  蔬菜類原件蒸，保持原有

韓國九層海鮮塔早早就聽過了，原來唔洗飛韓國都有得食，仲要唔洗去好遠只係黃埔，黃埔自從有左地鐵站係非常方便，而餐廳更係地鐵站對面就見到🤣🤣🤣🤣餐廳門面很韓國， 光猛環境闊落，坐位之間有空間，比想像中更大，非常舒服。經侍應帶位後，先上幾道前菜，有大豆芽、椰菜等😁最緊要有泡菜，泡菜不太辣但很夠味🤤侍應推介我地食$398首爾塔套餐。粥底就四選一，有泡菜、魚湯、豬腳同人參。落單後～侍應搬咗個塔出黎😱😱😱現場見更有震撼感，比坐係度既我更高🤣🤣打卡打卡一流👍🏼👍🏼👍🏼而上面有支溫度計🌡️當佢95度左右就可以開餐喇！ 侍應建議我哋五分鐘就要Ko一層，應該係怕下層海鮮過老，仲提供左漏沙斗作提醒⏰非常有心思💕最頂層：蒸嘅時間啱啱好😋😋聖子皇，厚肉爽彈，表面有紅糟醬，非常開胃🤣更加提鮮～而象拔蚌唔算大隻，但同樣彈牙，食得出新鮮～第二層：元貝，非常大隻好厚肉，而貝殼🐚上既係魚湯，侍應有提醒小心拎可以飲埋，真係鮮甜無比。蝦🦐新鮮彈牙，每人有兩隻🤤第三層：龍躉肉質有口感，皮厚勁多骨膠🤤而貴花蚌同樣加有魚湯，非常好味。八爪魚🐙仔～雖然細隻但有咀嚼。第四層：嘩：全隻肉蟹，雖然沒有膏，肉蟹就是要吃肉，肉質扎實，很鮮甜。而

男友勁愛食原汁原味海鮮, 所以他約我來韓式蒸海鮮食晚飯 ~九重鮮。  店裝潢以白色為主,地方舒適寬敞。* 我們不約而同選擇~【首爾塔】 *首先來了韓式三款不同前菜, 有泡菜､小白菜等, 可以無限添食。**蒸約八十五度溫度左右,才可打開開始來食。 **打開第一層 聖子及象拔蚌 啖啖肉的聖子皇,嚐到爽彈的肉質;細形的象拔蚌,彈牙非常,鮮甜無。** 第二層 元貝及蝦 元貝好鮮甜,有滑嫩口感; 蝦入口好彈牙新鮮,十分美味。**第三層 龍躉 及貴花蚌 龍躉入口滑溜感,具多骨膠,鮮味非常; 厚肉的貴花蚌有咀嚼有口感,鮮甜無比。** 第三層 肉蟹､花蛤及爆濃芝士丸 肉蟹肉質扎實肥美鮮甜,想不到好多膏蟹呢! 細細的花蛤厚肉鮮甜味沒沙。**第四層鮑魚､日本南瓜､日本蕃薯､墨汁豚肉丸及野菜百頁豆腐 鮑魚入口彈牙鮮味可口新鮮。**最尾那層 選擇人參雞湯粥  底層的人參雞湯粥,雞內有燸米 ,配有蚌及年糕等配料, 米粥在蒸煮過程中吸盡海鮮精華,所以非常鮮甜可口, 令人一試難忘。