二家姐正宗原味麻辣火鍋

營業中

休息中

食過返尋味指數：🌕🌕🌕🌗🌑又到食街搵食，一入舖頭就見到餐廳掛有2017、2018同2019嘅美食獎項。餐廳裝修好有中國風，連店員姐姐都著住古裝，幾得意嘅。餐牌同個火鍋煲都寫住冇添加，唔會口乾，食完之後都覺得冇伏wor，真係唔會口乾。鴛鴦煲好特別，中間係清湯煲，外面包圍麻辣湯底。中間清湯部分高起唔少，唔驚麻辣湯底會滾到清湯串味。清湯都好有當歸香味，用黎陸蔬菜類真係一流。麻辣湯底都唔錯。山楂水超讚調味配料值得稱讚，芝麻醬同芝麻油都非常香，而且D蒜蓉、芫茜同蔥都好新鮮，冇D黃黃黑黑嘅。牛胸雙、牛肉、鮮蝦春卷、鯪魚球都好抵讚！

我都幾鐘意食辣野🌶，不過朋友就相反唔係太好食辣。於是我事前就上網先搵一搵有啲咩食，咁岩就搵到依一間火鍋店有麻辣鴛鴦鍋仲發現原來呢一間二家姐都出晒名，佢標榜係冇味精，冇老油。咁我地就去試吓！去到佐敦文英街會見到左右有兩間分店嘅，咁我哋就去咗比較大啲嗰一間。一入到去見到啲裝修好有心思同古式中國風味，而且店員仲會着住類似唐裝，好match 個裝修！另外佢仲好細心有個籃係張台下面，比客人放衫🧥同手袋👜避免阻住食野同吸味！🙊我哋坐低左就叫咗一個鴛鴦鍋，鍋外邊係麻辣而中間有個藥膳湯。至於配菜，我哋就叫咗瀨尿蝦墨丸🦐，呢個真係幾特別，因為佢係將啲墨魚滑🦑包住成隻賴尿蝦，爽口彈牙，仲好鮮味！仲估唔到佢有個懷舊陳皮魚蛋，就係我哋以前細個係街邊食嗰啲細細粒魚蛋，放係個火鍋淥淥下又幾好食！👍🏻仲有叫咗肥牛🐮，烏冬，同小湯包。小湯包相對就要淥得耐少少，佢唔係平時嗰啲薄皮小籠包，因為佢要放喺火鍋度，所以個皮比較厚先唔會爆開。🙊大約我哋兩個人食咗五百蚊已經勁飽！最後仲去左個廁所參觀下，因為先前上網睇過話佢有個黃金廁所，雖然我哋唔使去廁所，但忍唔住都入去𥄫𥄫！又真係裝修得幾華麗喎！

一年前食過二家姐之後覺得係目前為止排第一既麻煩火鍋店，湯底夠辣夠麻。食料新鮮，仲有唔小自家製丸類。不過係有d貴🥺今次叫左麻辣鴛鴦鍋，麻辣湯加藥膳湯。因為有啲食材會適合藥膳湯底，所以鴛鴦鍋會方便d，價錢一樣都係$118第一樣食左聖子皇先，店員建議落鍋15秒就可以了。兩款湯都有試過，藥膳湯會比較清淡鮮甜不過麻辣湯都唔錯。每次必點既鹹蛋黃墨丸$88🥰墨丸有粒粒墨魚中間夾住鹹蛋黃，正！要注意落鍋時間，太生太熟味道都差dd😟第一次試小湯包$48樣住小籠包，食落皮比較厚。入面既湯就如其名。隔左一排食返，一樣辣得過癮！

麻辣火鍋控又出動了，帶著期望來，果然沒有失望！說的是位於佐敦的二家姐正宗麻辣火鍋。在同一街道上有兩間分店，空間十足。裝修奢華有氣派之餘不失幾分古風。另有包廂設於走廊中，位置隱蔽，私隱度高。最叫我們驚歎的竟是貴店的洗手間！由外至內、四壁、大小配件設施都是金色的，金碧輝煌，霸氣十足！真是大開眼界呢！回到正題— 吃。客人可到自助醬料區自取醬汁香料，然後可選擇穿上餐廳貼心提供的圍裙準備開餐嘍～湯底選了重慶麻辣鴛鴦鍋，辣度還可接受，夠刺激之餘不會掩蓋了食物的味道。小食是鎮店豬頭肉，豬頭肉軟腍中間帶脆骨位，滿嘴辣油香加上白芝麻，開胃醒神。很快地各款火鍋配料均來到了😍分別有安格斯牛頸脊，肉味濃口感好、淡黃色的是牛胸爽，新鮮爽口👍🏻、黑色的是新鮮牛柏葉，水滾煮三秒便好了！還有啡色那盤是...牛鞭！難得在這裏看見牛波子、牛脆骨這類特別的配料，當然要試一試！其實撇除它是牛的那個部位外，口感有點像偏硬的牛筋，餐廳亦處理得很乾淨，沒有異味，可以一試。這個外型像小籠包的據說必吃，小湯包內有豬肉，煮熟後餡料帶豐富肉汁，出色👍🏻海鮮類有新鮮桂花蚌、脆鯇腩，讓我們大有驚喜的是賴尿蝦墨丸，以墨魚滑包裹著賴尿蝦肉，兩種鮮

近期有好多麻辣火鍋，但正宗的真係要上網search多幾間啦。同朋友點左個麻辣加芫茜皮蛋鴛鴦湯底，四邊的是麻辣湯底，中間的是芫茜皮蛋鴛鴦湯底。😳😳由於2個人黎食，又想食最多種類，叫左三寶手打丸，叫了大份的安格斯牛頸脊，油麥菜及烏冬。😀湯底方面：麻辣得過癮，油麥菜同烏冬索埋d辣油真係好正，食唔停口。🤤🤤🤤🤤肉方面：安格斯牛頸脊(大)$228，抵食。 牛頸脊較重牛味，入口香濃。成晚至愛😍😍總體來說，食物都很新鮮，麻辣火鍋來說，這間真的不錯！👍🏻

佐敦📍食 #麻辣火鍋 湯底都好重要！其次就係食物要新鮮！哩間二家姐連熟食都兼顧得好好💯 ~*~*~*~*~*~*~*~*~*~*~*🌟不得不提碟雜錦拼盤 (豬頭肉、豬耳、豬肚） 同 #炸魚皮 都好出色🈵 好似話係新鮮炸起㗎！~*~*~*~*~*~*~*~*~*~*~*~🌟安格斯牛頸脊👍🏻好有牛肉味，厚度得剛剛好！最怕嗰啲牛肉切得太多，食完好似冇食過咁🐄~*~*~*~*~*~*~*~*~*~*~*~*🌟鵝肝潤腸蝦丸🦐 未見過咁特別嘅配搭💡身為 #鵝肝 fans 點可以唔試吓😍呢個樣要成15分鐘先熟，味道好特別，估唔到呢三樣嘅配搭係夾嘅，但係就略嫌有少少太肥膩，不過味道係一百分☝🏻~*~*~*~*~*~*~*~*~*~*~*🌟牛胸爽👍🏻而家好少打邊爐嘅地方有得叫呢個！仲要係好食好爽。不過太好食唔記得影相！我認為呢個係必點🉐~*~*~*~*~*~*~*~*~*~*~*~*Overall scores: 8.5/10🌟

話說上網搵食時👀見到二家姐話自己間鋪頭個重慶麻辣湯底好掂，重點係「無味精」、「無老油」、「無添加劑」，仲要係七小時全人手煉製而成⋯⋯講到好似好堅咁🤔，鐘意食辣嘢嘅我，冇理由唔去會一會二家姐啊👅👅同一條街原來有二間鋪，我地選擇左去新鋪，入到去地方唔算好大，裝修行古代風幾得意👀醬油配料可自行出去廳面選擇，但種類不算多重慶麻辣鴛鴦鍋拼藥膳清湯底，選擇左中辣，但辣度一般🌶😏聖子皇@好大隻好新鮮👍🏻👍🏻仲要食完再encore多一次🤣😋瀨尿蝦墨丸@完隻去左殼嘅瀨尿蝦再加埋有啖啖墨魚粒肉嘅墨魚滑，真係冇得輸🤤😋魚皮餃@普普通通可以一試西班牙黑豚肉@肥瘦均勻，岩晒不喜歡食肥肉嘅朋友喜歡這個湯殼可以兩用⋯不用左轉右轉，一個搞掂晒😬🌟總結當晚食完之後真係唔覺得好口渴，而且朋友同我都好滿意，應該下次都好快再來啦！！！

今晚約咗個好耐無見嘅friend出嚟食餐飯傾吓偈，佢喺佐敦呢頭做嘢，又收得晏，就近近哋搵返間都收得晏嘅餐廳食啦。食個麻辣火鍋先呢度嘅裝修好古色古香，冷氣好夠！所以話邊個話夏天唔打得邊爐嘅先！咁晏嚟到都仲好多人食丫。打開餐牌見到標明宗旨係無老油、無味精、無添加，心諗係真唔係啊哈哈，就試一試個重慶麻辣鴛鴦鍋！望落又真係無咁油膩喎！中間係藥膳湯底，勁香濃！兩個人唔算好食得，叫咗六個餸。重點係呢度好多特別菜式！朋友話想試唔係好多地方有得食嘅牛波子、鵝血再加個鮮牛肉，鵝血同鮮牛肉都用咗特別嘅餣料餣過，鵝血係唔會散開，出面一定食唔到。而牛波子個口感有少少似食緊雞腎咁，加埋麻辣湯底食係幾正！餐牌上有一個寫住必食嘅回味豬肉腸，一咬落去有少少肉汁，口感好豐富，呢個都好推介！仲叫咗娃娃菜、滑豆腐同埋小湯包。小湯包係有少少似小籠包，有肉汁之餘唔會多到辣親條脷。最後不得不提個湯底，真係完全唔口渴！叫咗兩罐加多寶都係啲嘢食到7788先開嚟飲

因為之前聽聞有間麻辣火鍋有個金光閃閃的黃金廁所，真的好想見識一下，上網Search原來是在佐敦出名食靚野的文英街附近，所以同朋友就去左食哩間二家姐正宗原味麻辣火鍋啦，一去到，當然要試招牌嘅重慶麻辣鴛鴦鍋啦，選擇左小辣同埋芫茜皮蛋湯，一上到湯，已經給血紅紅的湯底吸引~~另外芫茜皮蛋都好足料另外會有埋不同的醬料可以在出面拿，我們點了鬼馬油炸鬼，鵝血 ，小湯包，萵筍，四川粉皮，紅薯粉，油香肥鯇腩鬼馬油炸鬼食到一粒一粒的墨魚，口感豐富，外層炸脆到一個點，真的好邪惡~~油香肥鯇腩，萵筍油香肥鯇腩真的好甘香，食到停唔到口，萵筍爽口無比，真的愈食愈想食，小湯包，餡料好鮮味，食下有埋湯汁，雙重享受~~四川粉皮，紅薯粉四川粉皮，紅薯粉真的麻辣當中不可少的，吸曬麻辣湯的味道，真的滿足，鵝血鵝血真的好特別，食落口感有點煙UN，少少鵝血的味~吸湯真的一流，終於最後，看左他們的黃金廁所，真的好金好閃，呢間餐廳用料新鮮，用心製作特別的料，就算去唔到大陸，都可以一來解愁。

反左一日工，早已餓到前胸貼後背。上網Search到呢間鋪好似唔錯，而且收凌晨三點。鋪頭因為唔在鬧市區，所以位置並不好穩，我地係Google都搞唔掂既情況底下，打左電話去二家姐問。人地都好熱情咁同我地指路。然後好快咁穩到左。門口全部都係肉既相，望落便好有食慾。鋪頭宗旨:7小時全人手炒製。一直覺得現時科技越來越進步，好多時候都替代左人手。但始終機器係冷冰冰沒有感受既。只會按照固定既步驟去做相應既工作。而人唔同。會有思想會去考慮去改進，這樣或那樣是否真的合適人們追求的食得健康既生活。無味精，無老油，無添加劑。睇落都好安心滿滿兩面食材。選擇豐富。提示:鋪頭會有需要提前預定既菜式，譬如原隻生蠔，我地今次就未食到。下次黎試。我地叫左一個鴛鴦鍋。因為fd並不十分食得辣。所以呢個藥膳湯岩晒佢。麻辣我選左中辣，but可能我太食得辣，所以並不覺得辣。店家仲好貼心咁準備左圍裙。咁樣，就算着白色衫都可以放肆咁食啦。哈哈😄超級新鮮既蟶子一啖都未必食得晒。而且就算在麻辣鍋內滚過既，佢依然保持住佢既爽脆口感與鮮甜，真係忍唔住叫多一隻。黑豚豬肉，大大塊，肥瘦適中。我既食法比較唔淑女，我喜歡一啖塞落口，便會覺得好滿足。

對於我呢個港島人來講，過親九龍新界都會盪失路，所以如果唔係朋友帶路，真心會搵唔到間舖。朋友講到我一定會鍾意，所以趁今晚喺附近睇完show就跟咗佢過來滾滾佢～聽說不遠處仲有間，不過呢邊新，禮拜日晚嘅人都應該為全新禮拜一補眠緊嘅時間，我哋來到嘅時候冇乜客，只聞隔離Vip房內載歌載舞，似乎係有人慶祝緊生日。佢哋呢到應該有兩間Vip房，未有緣參觀一下。既然係朋友介紹得，梗係要佢order埋比我試試佢啦～打邊爐最緊要係個湯底，不過食物唔食辣呢家嘢真係蝦仁炒蛋㗎，為迎合眾人要求，二家姐都比人揀，有得鴛鴦鍋，外圍係麻辣湯底，內鍋係藥膳清湯鍋。二家姐的細心⋯⋯款式新穎，實用性超高，用完即棄嘅圍裙呀，為各位姐妹照顧周到。然後上菜了～唔知睇相大家有冇睇清楚，件豬扒成個巴掌咁大，紋理清晰可見，肥瘦均勻，滾完之後入口唔會韌，仲有好濃郁嘅肉味。如果睇過我之前嘅食評都知道，小女好喜歡食魚皮餃，來到呢到都一樣唔例外，雖然朋友好似十萬個唔願意就我咁，但我都堅持叫咗。原來佢真係咁熟悉啲味道，唔知點解總覺得個魚皮餃爭啲啲，又可能其他嘢太好食，蓋過晒魚皮餃嘅魅力。瀨尿蝦都係我至愛，估唔到二家姐嘅呢味咁特別，朋友說一定要試。

好朋友嗰日突然話想食呢間二家姐，因為之前食過好懷念，雖然我唔食得辣，不過我都捨命陪君子😂😂裡面既裝修有D古色古香， 牆身有幅畫落單前店員就遞上醬油俾我地， 每樣都清楚列明係咩，感覺衛生👍我地叫咗個麻辣鴛鴦鍋係拼藥膳湯底(另外有芫茜皮蛋可以揀)，朋友叫咗小辣照顧我既需要🙈佢嘅小辣我都食得到，唔算好辣但係好香， 好難得咁重口味竟然可以唔落味精😱 而個藥膳湯底唔算好重藥膳味不過就偏甜， 要黎烚菜好好味😋我地叫左一份鵝血 (因為太特別， 平時打邊爐頂籠有鴨血)， 雜菜籃， 鮮淮山， 芋絲， 瀨尿蝦墨丸，同埋朋友話唔可以唔食既鬼馬油炸鬼😂食材既份量算多，鵝血質地偏實(比起豬紅)，不過算幾滑鮮淮山好靚好新鮮!! 仲有好多黏液，我估似係即點廚房即切，唔係一早切定然後浸住鹽水👍瀨尿蝦墨丸係將成隻瀨尿蝦起晒肉，食起上黎勁方便，墨丸有粒粒既墨魚，真材實料!! 鬼馬油炸鬼係油炸鬼裡面包住D墨魚滑(應該係)，同樣食到粒粒既墨魚，口感好豐富，而外層炸得好脆!! 👍👍👏👏 好好食~呢間餐廳用料靚，製作仲好有誠意，食完終於明白點解我呢個咁嘴刁既朋友都肯ENCORE，哈哈😂😂

香港人越嚟越鍾意麻辣，而且麻辣火鍋開到成行成市；想食到好味而又正宗嘅麻辣，又唔一定要食大名氣或者明星捧場嘅火鍋店。喺啲唔起眼嘅地方，都會發掘到一啲隱世嘅地道麻辣風味。愛好麻辣鍋嘅朋友一定要嚟"二家姐"呢度試吓，雖然店舖地址比較"格攝"，但係質素絕對值回票價。嚟到當然要試招牌嘅重慶麻辣鴛鴦鍋，主打嘅麻辣有大中小辣選擇。由於同行友人食唔到太辣，於是我地就叫咗小辣試下，但係對於食到辣嘅朋友嚟講我就會建議中辣嘅。不過唔夠辣又唔駛失望，鍋內嘅花椒份量多，夠晒麻香味，正!配料嘅重點推介就係安格斯牛頸脊，牛肉雖然有啲厚度，但係口感柔嫩，牛肉味十足 ! 呢度仲有我至愛嘅冰豆腐!場內嘅店員就推介咗我地點招牌鵝血同埋蟶子皇。鵝血夠嫩滑，而蟶子皇就大大隻，肉質鮮甜。另外呢度仲有自家製嘅山楂甘草茶，酸酸甜甜，解渴醒胃，不過我覺得個份量可以再大支啲雖然店面細細，但係睇得出呢度嘅裝修花咗好多心思，水墨壁畫配襯金色嘅裝飾主題，感覺別緻。

同屋企人去到近柯士甸站嘅「二家姐正宗原味麻辣火鍋」試新嘢。訂咗枱食六點半，早咗二十分鐘都俾入👍🏻。唔敢食辣嘢，叫咗個藥膳清湯鍋（$88）。呢度標榜無添加，唔口渴，食完就信佢係真材實料😻！兩個人試唔到好多料，叫咗雪花牛肉（$68 ）、小湯包（$48）、油麥菜（$28）、四川粉皮 （$28）、鬼馬油炸鬼（$68）。最好味係鬼馬油炸鬼😋，油炸鬼入面釀咗蝦膠，仲見到原隻蝦。新鮮炸起，唔浸湯都好好味，有驚喜！絕對推介👍🏻！小湯包個皮唔算厚，但淥得耐都唔會穿，咬落去啲湯爆晒出嚟，合乎期望😬。雪花牛肉份量極多，質素亦比想像中好🥰。油麥菜、四川粉皮都份量足。美中不足係醬料偏少，如果有埋炸蒜、沙茶醬就更好😆。餐廳資料：二家姐正宗原味麻辣火鍋佐敦文英街16號地舖

紅色既世界😍🌶🥩 淥牛肉最正安格斯牛頸脊🐂 紋路清楚似雪花黑牛百葉🐃 只淥5秒就夠 爽到一個點瀨尿蝦墨丸🦐🐙 有創意 給你一個唔洗自己剝殼都有得食賴尿蝦嘅機會!油香脆鯇腩 真心厚肉但保持堅爽脆二家姐正宗麻辣火鍋 專食啲特別「Liu Lun」既食材!! 正!😋最正係 我唔食得太辣 嗌左鴛鴦湯底中間有個藥材清湯有淮山紅棗 用黎淥菜就最岩 唔會吸哂d油🧐🤪 ——————————————————————————. #二家姐正宗原味重慶麻辣火鍋 #二家姐 #二家姐正宗原味麻辣火鍋 #麻辣烫 #麻辣 #麻辣火鍋 #重慶麻辣火鍋 #火鍋 #火锅 #肥牛 #牛百葉 #瀨尿蝦 #打邊爐 #熱辣辣 #香港美食 #佐敦 #柯士甸 #食左先講 #暖笠笠 #beef