五月燒 (已結業)

今日黎既呢間串燒店都好細間，位置亦都係住宅區，住呢到附近既先會行過黎食。裝修都係好舊式同簡陋。坐低左之後，叫落單叫左3次先有人過黎。等野食都有少少耐，不過因為即叫即燒，所以都無所謂。石鍋牛肉飯，燒得夠熱，有飯焦，非常香口！好食！魚肉豆腐：燒得幾脆，加埋醬汁調味，唔錯燒墨魚丸：比想像中細粒..有少少驚訝..$16蚊一串開半但好細粒燒牛舌，燒墨魚咀都幾好食，牛舌加左孜然粉同香草燒蜜糖雞翼：必點！雖然等得耐但燒得非常脆，入味埋單大約$160，串燒黎講價錢都ok，味道都唔錯，值得一試

今晚又到置樂搵食喇，見到間串燒店「五月燒」滿座，一試無妨。雖然店內主打串燒/ 燒物，但都有石鍋飯選項。今晚我地菜單如下：-1）蜜燒雞亦+燒鮑魚菇 $18@+$192）蒜蓉燒聖子 $130兩隻4）燒黃花魚 $1005）燻蹄石鍋飯 $611. 蜜燒雞亦+燒雞脾菇無甚驚喜， 同平時BBQ 一樣味道； 雞脾菇ok, 但性價比太低， $19一串菇仔2. 蒜蓉燒聖子聖子新鮮， 爽口，只有少許沙。蒜蓉粉絲配海鮮永遠一流，聖子有整整一隻手掌咁大隻✋🏻3. 燒黃花魚黃花魚燒得幾好， 魚肉滑， 但魚肚食落苦苦地。 部分魚皮燒得太燶焦左， 有時夾魚肉時不覺意夾埋🙈4. 燻蹄石鍋飯 無錯， 燻蹄=叉燒。我對酒樓燻蹄形象太深刻了，完全無諗過係咁樣。石鍋飯面淋上照燒汁，「燻蹄」無點醃，無咩味。石鍋飯上台時無飯焦，要食到一半後，石鍋熱力足夠才會出現飯焦。總結：如果無其他食肆選擇，不妨一試。多數串燒/燒物唔平。

雖然我係新手上路，但並唔係刻意入黎抹黑，係真心的食評首先，環境黎講，超級大煙，一路食一路覺得業眼之後，其實店內食物選擇都幾少下，無蔬菜食咁濟，丸類個啲更加無，而且價錢唔算平，好多都十七八蚊起跳，海鮮/牛類更比起同區店貴其實貴唔緊要，好食既話....我地兩個人叫左石鍋牛肉飯-普通 夠一人一碗鐵板蒜鋧-有沙 份量唔多 唔好食燒蠔-唔新鮮 好腥 好似唔知係邊拎隻蠔掉上個蠔殼扮新鮮蠔黎燒豬頸肉 雞軟骨-孜然粉 全部都是孜然粉 唔知以為北上左食咁....我以為得大陸為左掩飾啲唔新鮮既肉 先會咁重手落孜然粉見到個餐牌無咩野揀 叫住咁多先 好彩姐...唔飽 埋單二百蚊左右 中伏之選

牛脷，為左貪快！竟然預先炇煮牛脷再切片燒，吃落好似吃湯渣。地方污糟，所有食物都難以入口，死咸。焼蠔D蠔殼都唔知返用幾多次，一陣臭腥味。以前個靚仔係度燒好吃好多！想試下幾難吃，要快D去啦。

小朋友說想試試宵夜食串燒，明知串燒吃不飽，當然要打過底先！食飽晚飯即來吃😂 上了數款串燒後，才發現每款串燒均是灑上孜然粉⋯有點失望！ 其實這裡的串燒，燒得不錯，不太乾身，只是每款也灑上大量孜然粉，蓋了食材本身的味道⋯心串燒牛柳很薄身，但燒得唔乾，很重孜然粉味道，其實唔係好知食緊咩？！串燒雞軟骨同雞腎都燒得同樣好吃，雖然同串燒牛柳和羊肉一樣，仍是孜然粉調味，但雞腎和雞軟骨都沒有一咬下去，成口孜然粉味，不錯！串燒牛舌，很軟淋！最愛串燒豬大腸，亦是唯一吃到沒孜然粉的串燒。有芝麻喺面，醬汁亦甜甜的⋯燒蠔$24/只燒原條蒜蓉茄子

同女友來到屯門置樂穩野食，見到呢間之前有雜誌介紹過就行入去🤣去到先叫左個飯，十一月又雙十一又black Friday，食個飯打底可以叫小好多🤣🤣😅。呢個石鍋鰻魚飯上到黎自己撈汁食，份量剛剛夠二人打底，及後食落有飯焦，幾好。😻韮菜串燒必試，落左孜然粉，都無燒到乾哂，十幾蚊串屬一般價格😋多春魚有點小失望，一碟五串，唯獨食咁多條都無乜春😕雞翼無咩評價，好有住家feel 🤓，還可以。另外叫左翠肉瓜，$19串，黎到得兩片仔，唔掋食。🙁整體來説係中規中矩，好在去既時候人唔多，等後食物算快。

今日地鐵有優惠, 大人收小童價, 當然要入城蒲下......稔起有朋友推介左好耐嘅五月燒燒烤店, 今日終於試到😍😍 我地食完嘅結論係 : "太好味啦......" 真係一d都唔誇, 我食完起碼冇喉嚨痛....出門口唔會一大陣燒烤味!一場黎到, 我地試左好多人地點讚嘅食物....但太心急, 好多都冇影相就食左, 好似.....燒蠔, 燒元貝, 燒雞泡魚干, 燒牛舌等...... 已睇影底個餐牌稔定下次食乜順帶一提, 我見有人買啤酒黎雪, 原來佢地冇酒牌但可以係附近買定過黎.....

跟朋友到屯門一遊，特意來吃串燒想回味一下。以前會因為這店的香料調味，常常都想來吃。店子雖小，但座位空間不會太擠迫。今次大約6:30pm左右來到，人客不多，2個人還可以坐到卡位，可以舒服地用餐。天氣很熱，一坐下我便急不及待點了青檸梳打，是原枝泰國梳打水，配混有糖漿的青檸底，非常消暑解渴。到串燒店必食牛舌，不過牛舌好像燒得有點遜色，不夠香口。以前來到，必定推介牛肉石鍋飯，醬汁配榨菜味道獨特，今次最想回味的就是它。如果喜歡吃飯焦的，記得別心急撈飯，等熱石鍋再烘久一點，讓飯焦乾一點，再撈混醬汁，味道口感一流。這個燒烏頭燒得剛剛好，肉質熟度剛好，沒魚腥味，再滴少許檸檬汁吊出魚鮮味。燒茄子，店家喜用多蔥配自家調味粉，最合我這個多蔥怪。大大份燒菠蘿，又甜又多汁，如果燒得再耐少少應該會更滋味。

踏入2017年之前諗住搵野食完倒數諗住喺屯門倒數不過喺屯門西鐵行去都幾遠喎😅睇住Google Map搵路😅10點幾就搵到呢間野試試佢，今日唔洗排隊😎但一坐低，外面開始有人等位唔錯喎呢間野！整得好惹味🖒🖒🖒整體上有好食！有唔好食啦！但海鮮就真係比起出面既貴好多😅真係唔多捨得嗌黎試😅最緊要係有兩款海鮮已經。。。燒過龍變左香口膠樓面落單個姨姨好有禮貌出野食都好快！仲驚要燒好耐添！食完啱啱好可以去倒數😂

自上兩次食到眼水流流，唔係因為喊，而係太大煙的關係，我近來隻眼有足夠水份後，選擇人少少的時間去食。 那裡的抽風系統好差，所以多人而燒得密時，員工都會聽忍不住打開門來透透氣。今次終於再次食到成日好快賣完的青酒煮蜆，還有些酒味。這裡的豬頸肉是不可不叫的，滑得來不肥膩，味道不會太咸添聖子特別大隻，蒜蓉不會蓋過聖子的鮮味，我都是一樣必叫的食物我自上一次起，開始叫個飯，因為我每次去食，差不多每一圍枱枱上必有一個石鍋飯，今次也不例外，即使兩人食，他們枱上都會有一鍋，所以我都叫鍋，原來味道真是不同，串燒配個鍋飯，熱辣辣，增加飽肚感之餘，個飯整體也不失色，份量剛剛好.其他的串燒都好好食，墨魚丸亦好好食，令我胃口大增。提提大家，海鮮一定要立即食，那就最好食.司華力腸是我的最愛，不過今次有點失準，燒焦了點，下次唔好喇!

今日游完水，想懶惰唔煮飯， 就同身邊人一齊落街去置樂搵食，成日路過五月燒都要等位，今日早d 去，食早飯好處，就係唔洗等...哈哈入到去坐底， 地方細細，但乾淨企理，急不及待睇餐牌，主要都係食燒物，燒海鮮...我地先叫左燒牛舌，牛柳，燒雞泡魚干，雞腎...由於呢度冇酒牌， 老闆話可以去外邊買入黎飲，我地就出去買酒，過幾個鋪位就有得賣，賣緊特別既酒（如圖）， 互利互惠小店感覺非常良好食物上枱，好香，牛舌同牛柳燒得剛剛好，唔太乾身，食落仲有少少肉汁😋雞泡魚干送酒好正，呵呵之後我地仲點左海鮮，燒北寄具同燒蠔， 味道好鮮， 食到咁小區小店特色，唔會趕你走，仲會埋黎傾下計，感覺好暖

嘩，從未試過這麽又貴又難食的燒烤，更沒禮貌可言，整間舖得一個阿婆傳菜執碗，一個師奶寫單（一坐底就吹我們落單，話佢要入廚師幫手，一陣唔得閒喎），另一個男人應該是廚師，相信亦是老細（臨走時見他走出來收錢）由於比人吹落單，所以匆匆忙忙咁點左，燒蘆筍（1串），冬菇（1串），牛柳（2串），貴妃蚌（2隻），多春魚（1碟），羊架（2件），墨魚嘴（1串），燒鯖魚（1件），茄子（1條），扇貝（2隻），牛舌（1串）全都用了孜然粉調味，而且燒得又乾又咸，比較像樣的是燒鯖魚，亦是唯一沒有用孜然粉的，真的很想問難道沒有其他調味料嗎？飲品方面除了汽水，就是鴻福堂的涼茶賣相差，態度差，食物差，價錢貴，份量少，埋單$394，食完唔飽轉第2間再食！

依間野，又貴份量又小，叫牛柳串無牛味，D肉又薄又小，叫雞柳冇雞味，雞軟骨粒粒得个細細粒，最可以个牛油雜姑细细包都要40幾蚊，叫个燒帶子，燒出黎又系细细粒，一食落口臭既，又吾新鲜，一粒甘就45蚊，🐷🔫燒雞奕外面好香，D肉冇味架，兩个人叫左十串一包牛油雜姑燒帶子雞奕和茄子，成為300。我吾知食左D咩。又吾飽肚，又吾好食，冇下次囉。

燒蠔: 用蒜茸燒, 熱辣辣, 好味!燒雞腎: 普通:燒茄子: 凍的, 唔得~燒鯖魚: 同其他日本店燒的差不多鰻魚石頭鍋飯: 鰻魚太少太碎了, 感覺只有飯, 不過味道OK

原先想跟男朋友到另一間餐廳的，卻因為突然要OT ，所以要改行程。正在徬徨之際，想起幾個月前來過這裡宵夜。「好在有開。」這是我抵步後第一個感覺。我曾經2次來到都摸門釘...今天人不算多，上次來的時候都頗多人，店子本身不大，坐得擠擠擁擁的。因為肚子太餓，沒有拍照我跟朋友2人叫了:燒雞腎、燒雞中翼、燒牛脷、燒豬頸肉、燒雞皮X2 、燒茄子、芝士蒜蓉焗雜菇、石頭鍋羊肉飯。其實這裡的燒物真的很好，也很創新(例如上次我就試了燒香蕉，感覺滿得意的)真的要說，就是燒牛脷麻麻，好像沒太能帶出牛脷的味道。燒雞皮是推介! 但一定要趁熱吃，凍了便不好食了。燒茄子一般，略嫌太多荵了。芝士蒜蓉焗雜菇，如果可以多一點芝士就更好，因為牛油及蒜蓉的味道全把芝士蓋過，令雜菇吃落帶點苦味。石頭鍋羊肉飯，本身我是叫羊肉的，可是侍應聽錯了牛肉.... 我沒有更換，照食。如果可以多點醬汁就GOOD。本身我男朋友也頗大食的，但結果我倆也很飽。埋單才$157，抵!