亞坤 (已結業)

今日拎住beecrazy 的優惠食亞坤，滿心期待，因為之前係星加坡食過真係好好好好食，但香港亞坤簡直係影衰晒星加坡，難食程度只是比食屎稍為好一點。講返正題，優惠是$12 當 $20用，我點了laksa ，kaya balls，凍啡，朋友點了椰醬飯，kaya 多士，熱意米水。laksa 無laksa 味，得幾片魚片，2 隻蝦，湯是溫的，不冷不熱，都算，kaya balls 還叫做ok，凍啡都一般啦，叫入得下口，朋友的飯隻雞翼好似中左輻射咁，有一粒粒野咁。成個2 樓得一個員工睇全層，我問佢拎杯熱水，佢就叫我自已去拎，我又同佢講，kaya balls 都幾好食，雖然味道有少少似雞旦仔。簡單黎講，唔係有團購優惠的話，相信就算係請我去食我都要諗下。

琴日復活節呀，緊係好開心啦，一連放5 日假，打得成風就放多日話說今日去完 tst 睇完戲就周圍行下，打算食個tea ，行到去寶勒巷，就見到亞坤，之前未食過，又見到鋪入面都幾多人，可能是假日關係，咁就入去食啦！點知原來呢個係惡夢的開始，我們點了 laksa，咖哩雞飯，kaya多士加2 杯凍啡我已經點了他們的招牌菜，點知係佢地自己拆自己招牌，完全食唔出星洲風味，仲差過香港茶記！laksa 湯好淡味，成碗都係雪藏野，我仲以為佢地用蝦黎整個湯，但完全食唔到蝦味，得 2 粒雪蝦咁大把curry 雞真係唔好提，很差，我自已煮仲好食過佢，無curry 的辣和香味總括黎講，下次唔會再食，因為佢價錢太貴，差唔多50蚊一碗粉，但仲差過20蚊的雲吞面。香港亞坤，你真係"坤" 左香港人了

今次是我第二次寫這間店的食評，因為太差不可不寫，他們將最招牌的咖央多士都造得馬馬虎虎，咖央同牛油胡亂併上，麥包又涷又不香脆，我都知道不能像新加坡一樣用炭爐烘烤，但都不要掉了人家招牌多士的名聲，需知道咖央多士是亞坤的靈魂，曾經在電視上看過創辨人怎樣辛勤經營同背後的辛酸，就算其他食物一般，也不可令這招牌多士也是星洲國民美食失水準！此外，上次令我讚不絶口的奶茶，今次沖得太不像樣，甜到飛起！我想不會再在港幫襯，情願有機會先去星加坡食！

今日行開尖沙咀，突然想食咖椰多，好邪地腦中想起好多負評的亞坤，又見到冇乜人但門口整條排隊帶，心想而家唔使排隊唔試試等幾時？於是昂首進入店舖，期待美食但卻是惡夢的開始...先找了個好位置，然後排隊購買食物，點了咖椰西多、馬拉撈面、檸檬薏米及凍鴦。好快個面來了，個汁味道單調，只有甜味沒有花生香味又沒有期待的馬拉香料味，衰過7仔的味精撈面。之後20分鐘d嘢食都仲未嚟，追了兩次先話漏單。又等了8分鐘，個咖椰多來了，得一片薄薄方包加一兜綠色醬，個醬只有甜味，西多無蛋香，油Lum Lum, 真係好L難食。唯一飲得落嘅係檸檬薏米水，因為起碼我喺杯度都搵得返檸檬及少量薏米。杯凍鴦我追多次後到了，個女仔放落枱時話凍啡，我話我叫凍鴦，佢攞返水吧再攞返同一杯嚟話攪錯咗，話凍鴦先真，見佢一臉純真，信佢一啖飲落去，全啡一d茶味都無，當人味蕾有問題。全程店舖經理係咁鬧店面女仔。我心諗算喇，跌$算喇。坦白講，亞坤只是屋村快餐店味道，但標名牌茶記價錢，小學雞服務質素，完全沒有能力在香港立足。如果佢仲可以撐多一年我會日日去食食足一個月來懲罰自己。

尖沙咀呀坤咖椰吐司、開業初期時時大排長龍！熱潮過後就唔太多人、終於可以試下香港同星加坡的亞坤咖椰有什麼分別。餐牌應該大致差不多、今日點了基本套餐、咖椰吐司配溫泉蛋2隻加飲品。等了約十五分鐘、終於有得食了。吐司睇落同獅城老店差不多、咖椰味道一樣、唯一係吐司沒有這樣鬆脆！溫泉蛋沒有大分別。雖然食物質素差不多、但員工服務態度就不太一樣了！怪不得排隊的人潮少了。

我们是新马人原本想念本地美食就到亚坤吃吃看。我们点了mee rebus，加央吐司及椰浆饭但是他们错加了咖喱面我们也没有发觉。只是两人的我们都不懂怎么吃完。那个面真的超级难吃完全没有新加坡或马来西亚的味道。咖喱面少了咖喱味道又不辣香不热...少了辣酱及豆腐皮。mee rebus完全没有新马的口感味道难吃了....面多过汤。唯有加央吐司及半熟蛋可以吃。失望的家乡美食....

曾經在新加坡工作, 令我尤其念念不忘的, 更使我每次再到當地旅行都必會一食再食的, 就是亞坤的kaya toast! 當知道亞坤會來尖沙咀開舖, 又開心又期待! 開業不久, 已經急不及待去懷愐一下新加坡的味道, 只可惜人龍太長, 放棄了.幾個月之後發覺人龍𣎴再, 已心知不妙, 不過始終有個情意結, 決定去試一試. 當然一定要食招牌的kaya toast! 可惜等了很久, 以為即叫即做... 殊不知, 凍冰冰的! 多士不夠熱, 溶化不了𥚃面的牛油同咖央醬! 失敗!另外滾水蛋, 我個人也不十分好, 沒什麼特別. 杯kopi C (coffee with carnation milk) 只屬一般, 沒有新加坡店的滑, 失望. 一個星期之後, 我再去一次, 給它多一次機會!  份kaya toast比上一次稍為微暖一點, 但不夠脆, 可惜可惜! 另: 新加坡的亞坤是沒有飯麵類售賣的, 可能一場來到香港, 想開拓更廣的市場, 更可宣揚一下新加坡美食吧! 不過, 可能由於其他食品不是亞坤的看家本領, 無論laksa, mee siam, nasi lemak 都不討好! 真希望亞坤香港店回頭是岸,

有時間可以浪費的就來！下午4時一入去叫了雞飯。等了20分鐘，之後來了。飯又硬，雞又不滑。簡直浪費錢！之後又叫了拉沙，又等20分鐘，個湯是不熱不冷，蝦又凍。真的不知所謂！

新開張個排都想試下食, 但見好多人排隊都費事排, 點知星期六搵野食個陣經過見無人排即入去啦。自己搵位座, 攞張餐牌睇下有咩食, 款式我就唔覺得好多, 聽隔離枱講話奶茶好飲, 梗係試下啦, 餐牌上有分奶茶C 奶茶O, 我都唔知代表咩野, 又無列明, 問收銀小姐先知原來係港式或煉奶, 最後叫左一個咖哩雞三文治, 咖哩叻沙蝦面及茶C (港式), 收銀小姐比個圓形物體, 番埋位放係枱上圓形貼紙上便可。咖哩雞三文治 雞肉眼見乾乾地, 好似搞碎一舊舊撈埋D調味料, 雞肉賣相就麻麻地, 但食落去就好好味, 唔係好辣, 又唔會好似硬左一舊甘咖哩叻沙蝦面 唔難食, 蝦得2舊就少左D, 講真唔覺得好特別奶茶C 好飲, 如果可以自己控制糖既分量就會更加好食物味道唔差, 未食過都可以去食下, 如果要特登排好長隊去食就不必啦 

我是第二次去亞坤，今次去是因為買了團購。整體上我是非常失望的，首先落單時間很長，明顯是人手不足，第二是衛生有問題，餐廳有自助水瓶，但瓶內的水竟然佈滿雜質，而且水面還有油光。再來是食物質數，老實說真的不算好吃，而且不便宜。我們點了咖耶蒸包，泰式辣米粉，馬來西亞鹵面和咖哩雞三文治。先説咖耶蒸包，麵包是濕的，入口卻不軟滑，毫無口感，幸好還夠熱。泰式辣米粉: 湯底很辣很咸，配料方面有一隻雞蛋，兩隻蝦，和一點豆卜乾，加上小得可憐的米粉，卻收$40一碗。差！馬來西亞鹵面: 和米粉一樣，配料只有一隻蛋和豆卜，麵質一般，湯底很味精，非常普通。三文治：只可以説是正常，麵包不夠香脆，咖哩雞如果不説我會以為是肉鬆，份量也少，我覺得某些茶餐廳的hea爆三文治還比他好吃。連伴碟也欠缺誠意，薯條只得數條，沙律十分求其。整體來說，是一間不好吃，服務混亂，衛生不佳的餐廳。

亞坤初初開鋪時排晒長龍，當熱潮過後，食飯時間都唔使等位，終於可以一試。 呢度需要自己排隊落單，拎左個order 牌後就會有人拎食物過黎。 先來野飲，kopi-o. 熱咖啡加糖。之前喺檳城飲既太甜喇，所以嗌左少糖。果然甜度啱啱好，咖啡亦香濃，不錯。之後送上跟餐既糖心蛋。蛋是凍的，但蛋黃味香濃，加上幾滴醬油，好味。第一個主食係沙甸魚三文治。純粹覺得特別，可惜沙甸魚好咸，加上麵包烘唔夠，只可以話係水準以下。第二個主食係咖椰花生醬吐司。麵包夠薄身而且好脆，可惜花生醬味太搶，蓋過晒咖椰，如果可以減少花生醬同加多啲咖椰，一定會更加好味。最後係咖椰球，送黎時都仲熱，好香雞蛋味，可惜裡面既咖椰唔夠多，食唔出咖椰味，感覺冇咩特別。來之前知道有唔少負評係野食遲黎，但是日大概等左10-15分鐘所有野食已經到齊，同時間亦見隔離枱追左幾次單，所以真係好似買大細咁，睇你好唔好彩喇。

要帶住3個馬騮食個下午茶，雖然見門口排隊，不過客人都入得好快，好幸運剛好有6人位，15分鐘入得，環境光猛乾淨！裝修好簡單！坐低查下食評，見多人讚多士，所以先叫兩個吐司套餐（$39）包埋飲品同糖心蛋，再加個隔離枱賣相幾好嘅河粉！排隊落單好慢，只有5個人嘅隊，都要排15分鐘，之後攞埋呼叫器返枱，放在枱面貼紙指定位置，本來係方便店員送上食物，但我見幾個店員每次都盲頭烏蠅咁走幾個圈先搵到個客，都唔知做乜！浪費晒啲時間！海鮮河粉（$45）：獻汁好多，好杰，好在味道唔錯，河粉份量唔多，幾滑！似濕炒河粉！餸菜唔多，有中蝦（兩隻）幾爽，魚片好薄，無口感，半棵小棠菜（最唔鍾意，比肥髀食）魚肉好碎，好在唔腥，都唔錯！吐司套餐（兩個）Set B:咖椰花生醬吐司：好普通嘅花生醬多士，無咖椰醬味，多士焗得太乾，只有脆，無水份，無外脆內軟嘅感覺！差！Set E:法式咖椰芝士吐司：呢款多士感覺完全唔同，係似西多咁沾蛋汁煎，有蛋味，口感煙韌，中間芝士溶晒流心，好香濃！配一小兜咖椰醬，點埋一齊食，咸咸甜甜幾得意！跟餐糖心蛋：好滑好濃蛋味，加醬油千萬千萬唔好貪心，會好咸（浪費了！最多三滴）跟餐鮮奶咖啡：好香濃好滑，我平時

同朋友嚟到TST聚餐，經過亞坤見到幾多人排列，就唔執輸一齊排試下。安排到中間的位置坐，D椅好Dirty要額外用紙巾咗先坐得。行出去買野食，亦好多人，要排咗一陣先有得叫，點咗泰國酸辣米粉同咖椰牛油吐司。泰國酸辣米粉，湯底完全唔辣，得個酸字，味道一般，D米粉食一陣已經發到大晒，蝦就好乾，食下食下覺得好難食添，完全唔得。呢到比較出名的咖椰牛油吐司就幾好食，多士夠脆，甜甜地夾好濃的芝士味，不錯! 整體食物一般般，下次真係唔好咁衝動衝入嚟。

去「亞坤」，被人昆！！！😱😱😱中伏1：糖心蛋不糖心，粉碎了，而且是在整個餐食完，糖心蛋係最後先到，隔離枱既客人追左2-3次，最後先有得食！ 中伏2：檸檬薏米水只有一片小檸檬片，加送一堆蛋白，少量薏米粒！咁就$28!!! 中伏3：馬來西亞鹵麵，真係得「一隻凍蛋、一堆油麵、凍豆卜碎、一大堆唔好味既醬」而且辣度高，ORDER之前有問過店員係咪好辣，店員話一般人都食到，但SORRY，我真係食唔到，而且個嫌醬冇香味，只有微量花生味，當日好肚餓都唔想食！中伏4：上菜時，員工唔記得拎餐具，我要每次問員工拎茶匙、拎叉。隔離枱既客人離開時，有一位店員清理枱面垃圾(吐司碎之類)竟然用手，仲唔小心將小量垃圾一掃，唔小心掃左去「再隔離枱」既客人身上！「再隔離枱」既客人出聲話要小心，叫店員唔好用手清理垃圾，店員有SAY SORRY，但講只係想將枱面既垃圾掃落地下!!!!  全店唯一可取是咖椰花生醬吐司係食得既！😂😂😂 (PS: 佢地開張第一日已經有幫襯，當日勁多人排隊，但服務同食物質素都好好，我今次先再去.....點知，今次再去就係「中伏」)

數月前收看了J2播放的新加坡節目「本土味」, 節目紀錄了新加坡最著名美食的歷史, 重演昔日的情景, 包括「亞坤」的咖啡及「坤嫂」的碳烤Kaya麵包故事, 深深烙印於我的腦海中...一想到新加坡, 就想起「電波之旅」... 什麼?!! 哈哈哈哈... 懂的便懂了!!! 想當年8位美少女同學第1次一齊出國旅行, 浩浩蕩蕩殺入新加坡, 少不更事的我, 只顧抆著同學衫尾行, 食住行的細節已忘記得一乾二淨... 由於太「電波」的關係, 之後就無再去過新加坡, 8人旅遊大軍亦徹底解體...「本土味」令我有衝動再去一次新加坡, Top 10 Must Eat當然係去「亞坤」品嚐咖央多士兼打卡啦...收到Private Party邀請, 能夠快人一步品嚐到新加坡的「本土味」, 實在幸福得有點過份... 店內環境簡約潔淨, 座位舒適, 開放式水吧可以讓客人欣賞到店員拉茶及烤麵包的手藝, 陽光透過偌大的落地玻璃窗進入店內, 亦吸引了不少遊客的注目禮, 不時有遊客進入店內想一嚐「亞坤」滋味, 得知明天才正式開業, 失望而回... 感謝邀請單位悉心照料, 要勞煩你地幫我地落單, 唔該晒, Thank you