京林屋 (已搬遷) 新店位置

京林屋於京都已有二百多年曆史，今日我和朋友特意來朝聖。店內的裝橫讓食客彷佛置身京都，我們坐在一個用小屏風圍住的卡座，很有privacy。讚岐烏冬($68)這裡無論咸食、甜食、茶都用精美的器皿一盤盤送上。讚岐烏冬配有有鳴門卷、魚餅、紫菜絲、玄米。烏冬煮得很綿很有口感。還有酸蘿蔔作伴碟，十分開胃！抹茶蕎麥麵($78)蕎麥麵就配有本菇和紫菜絲，好吃得停不了口。玉露($78)店員一放下茶便向我們說第一杯茶已為我們沖好，並講解如何沖調第二和第三杯茶，再附上講解圖，十分貼心。玉露的茶葉可以吃，還可沾一沾附上的柚子醬油，吃下有點像紫菜。焙茶芝士蛋糕配葡萄煎茶($108)芝士蛋糕一入口便充滿濃厚的焙茶味，再配以紅豆醬包圍著的焙茶味雪糕和兩粒可愛丸子，好滿足喔。餐飲點了葡萄煎茶，茶充滿香香的葡萄味，還配上了沙漏讓我們計著時間來沖下一杯茶。秘製抹茶蕨餅($88)抹茶蕨餅十分有驚喜！自己灑上甜甜脆脆的黃豆粉，淋上糖醬，再放入口中。蕨餅的綠茶味有層次地呈現，口感煙韌。整體而言，整個用餐感受良好，店員服務貼心，食物質素也十分有驚奇。

情人節將近，經過見到「京林屋」有限定情人節呈獻的 紅玫之戀，又靚又sweet。甜品之前要醫下肚仔，所以叫左兩個咸食的麵，再嘆甜品，咁就又完美又甜蜜。抹茶蕎麥麵（冷/熱）$78，我食熱的，朋友食冷的。冷食的伴以冷麵醬汁，咸味較淡，加了蘿蔔蓉及芥末，更清爽帶有芥末的刺激，冷麵的質感較煙韌好咬，有著淡淡的抹茶清香，份量剛好不太飽，可以享受之後的甜品，感覺好健康好平衡。熱食的麵偏軟腍易咬，抹茶味不算很突出，用的是烏冬麵汁，湯汁咸味較重，但冬天食很合適，暖身又健康，食完好舒服，一點負擔都無。甜品點了紅玫之戀及焙茶味芝士蛋糕，所以想食點抹茶味飲品，點了抹茶沙冰雪糕$58，又可以食到雪糕，又飲到抹茶沙冰，抹茶雪糕味道濃郁，帶有奶味，厚身滑溜，加上有沙冰夠凍，所以雪糕不易溶。沙冰也加入牛奶，既有抹茶甘香，有牛奶沖淡了，所以沒有茶的苦澀味，沙冰打得幼細順滑。今晚主角出場，就係紅玫之戀 $88/單點，$108/配焙茶。紅玫瑰般的蛋糕，高貴優雅的造形，女仕好有收花的感覺，而且仲食得落肚，好實際好靚好sweet，配雪糕及紅豆丸子更豐富，我地點了配焙茶，可以一啖甜品一啖茶，好嘆。蛋糕主要以朱古力慕絲造成，質感軟

喜歡呢度因爲一次過食主食，甜品同熱茶。烏冬既餸唔多，但幾好咬口，湯底清清地，飲幾口都唔覺有味精，留肚食甜品就岩岩好喇，是晚唔係咁多人，我地食完慢慢傾計都無俾人趕，好舒服呢！如果香港多尐餐廳可以慢慢坐就好了

成日行街經過門口，餐廳日式裝修，非常有日本feel，我以為好貴所以經常過門不入，今次家姐請客，發現原來價錢都算合理，一個普通抺茶雪糕$68，有得坐但限坐90分鐘，我覺得好合理。抺茶味較苦澀味，好creamy 我最喜歡培茶味好香，我覺得比抺茶味有驚喜。

自從開舖之後，等左好耐終於來食到啦！呢間來自日本主打綠茶甜品的糖水舖，兩個人就食咗三樣嘢，之前上網睇到啲相，已經對綠茶布甸好有興趣，所以就急不及待坐低就點了三樣食物。綠茶布甸外表睇落去好吸引，但係食落口比較苦少少，比我想像中嘅綠茶布甸味道爭小小，如果比較奶味重就好啦。至於雪糕我鍾意佢夠硬身，食落口嘅感覺唔會咁快溶，而且佢嘅芝士蛋糕好夠味，食落肚有啲飽。總括而言我會再次幫襯，雖然就遠咗啲，但係都係一間值得推薦嘅糖水舖

食遍全港抹茶甜品係我其中一個人生目標 今日又去銅鑼灣發掘美食 本來諗住試其他甜品店 但聽聞呢到有間唔錯既抹茶甜品店 咁就同朋友一齊轉移陣地 去呢間名為京林屋既地方試下呢間餐廳非常有日本風味 以本屋為主題 仲有樹林做襯托 入面既裝潢都好有心思 令食客賞心悅目 唔單止可以享受美食 仲可以欣賞美景我同朋友睇左個餐牌一陣都做唔到決定 因為實在太多選擇 每一個選擇都好吸引 又想食蛋糕 又想食雪糕 又想食蕨餅 最後朋友叫左個讚歧烏龍麵兩份share 🍜 烏冬口感同味道一流 麵條非常爽口彈牙 呢樣野唔需要多講～😋 今次既重點係塊腐皮😍 我朋友平時通常唔會揀冇肉既餐 因為怕會冇鮮味好寡 但呢兩塊腐皮果然令人眼前一亮😍👍🏼 塊腐皮味道甜甜地 食落有淡淡既豆香 咬落仲軟綿綿☺️ 再配埋個湯 成個感覺好清新 超好味！ 😆我就點左抹茶蕎麥麵～ 我超級中意蕎麥麵 平時都會點呢個做正餐 雖然佢冇肉 好似會好寡 但事實完全唔係咁～ 我最中意蕎麥麵既清新 仲有細緻既口感☺ 今次呢個抹茶口味係第一次試 比起平時食既蕎麥麵多左一分香甜既味道～重點係蕎麥麵既湯頭 非常清新 淡淡既醬油味 加埋青芥末 真係好惹味～ 我同朋友都好

今天十分忙碌，喺灣仔區做完嘢，已經喺四點，想食番個甜品慰勞自己、開心下喜歡食抺茶既我，第一時間想到銅鑼灣京林屋由於時間常早，所以今天唔需要排隊，便可順利入座店員介紹如果坐和風座位，用餐時間為60分鐘，其他座位用餐時間為90 分鐘，而我揀咗普通座位抹茶蕎麥麵，麺質爽滑，彈牙，湯清甜，抺茶味唔太濃，不過，混和紫菜絲一起來食，好味由於未試過焙茶芝士蛋糕，所以一試焙茶芝士蛋糕set, 可以揀42.00 以內日本茶亦可以單點蛋糕焙茶其實喺抹茶朋友，培茶茶葉有炒過，而抹茶就沒有。蛋糕又有芝士味又有培茶香飲埋杯香濃玄米茶，好滿足

我上次食完返尋味，所以今次再帶埋朋友過嚟食一次。由於今日比較早到嘅關係，所以餐廳入邊都係冇乜人。為咗填飽肚，所以我地點左一個稻庭麵，另一個點左讚岐烏冬。兩個面嘅湯底都好似，一啲都唔鹹，仲好好飲。我比較鍾意讚岐烏冬嘅口感，煙靭彈牙，冬天食暖粒粒。再嚟就係食返香港限定芭菲，上次食完之後念念不忘，濃濃嘅抹茶味，加埋淡淡的牛奶香，香濃細滑。而且一層一層，中間有抹茶雪糕、白玉、紅豆蓉、蕨餅、生果，一層一層有序嘅鋪排，令到口感層次更多元化。而且白玉、蕨餅煙靭彈牙，同雪糕相得益彰。另一個雪糕點左甘栗抹茶芭菲，呢個雪糕主要係以栗子為主，不過味道稍甜，冇香港限定咁好味咁。

終於都來朝聖了！Green tea latte，表面嗰浸奶嘅泡沫做得十分細膩，下面嘅茶味都漸漸滲出來，好香嘅抹茶，都有澀澀甘甘嘅感覺。估唔到佢有熱食，稻庭烏冬就中規中矩啦！烏冬口不錯，彈牙'煙銀'。食咗個甜品，紅絲絨蛋糕，配抺茶雪糕加紅豆，仲有幾粒糯米造好嚼頭嘅小丸子。蛋糕而言好膩，太多忌廉在中間了，反而蛋糕fluffy部分比較少，口感無咁好。但配抹茶係夾！

又到食宴時間今日去邊處，天寒地凍唔想出街由公司直落地鐵，沿線商場食肆最啱心水，決定再去京林屋，真係又有新菜式。讚歧烏冬 $68，以前熱食只有抹茶蕎麥麵，現在有多三款烏冬揀，呢個讚歧烏冬非常煙靱口感亦滑，出色過好多日本料理店，熱湯底有味道，配兩件炸魚片，都係靚貨，真材實料唔係粉的。紅絲絨蛋糕茶餐，冬日限定，紅白相間個樣靚仔，忌廉芝士又香又滑，京林屋的蛋糕一向有水準，真的鬆軟。個套餐配埋抹茶雪糕，咁就唔會食唔到招牌，如常幼滑甘香，百吃不厭。

店內裝潢是簡約風，白色和杏色為主要的顏色，感覺像去了日本品嚐正宗的甜品。甘粟抹茶紅豆白玉甜湯 單點$68有很多粒白玉小丸子，口感煙煙靱靱😍 抹茶湯味濃，是正宗的抹茶味道，還有很多甜甜的紅豆，可以中和抹茶的甘味，很合配👍🏼👍🏼紅絲絨蛋糕 單點 $88賣相可愛😚 不會太甜，味道很好！❤️ 抹茶雪糕的奶味淡，有不少細小的碎冰，很涼快，個人最喜歡這個甜品。香港限定芭菲 $98 其實算是大杯，抹茶軟雪糕算多, 味道濃郁👍🏼 芭菲有很多不同的層次，味道都十分合配，是誠意之作😋焙茶芝士蛋糕 單點 $88賣相不太討好，顏色太單調🙊 蛋糕比想像中細件，好在味道幾好！焙茶味濃郁！不會苦澀，又不會覺得膩，連那雪糕都是焙茶味！這個組合非常焙茶呀😍 平時吃得抹茶/紫薯多的朋友，試一下焙茶口味都不錯喔。焙茶 好像是跟甜品 加$20 個人很喜歡喝這個茶，很香，茶味足夠又不苦澀。那個漏斗是計時用，幾得意！這家日式甜品店的選擇相當多，味道屬一流。

其實早已說過，自己並非抹茶控，不過早前到訪《京林屋》時，品嘗了一客焙茶芭菲，感覺甚佳。最近從媒體得知，店子推出咗兩款冬日限量的焙茶產品，包括焙茶芝士蛋糕和焙茶卷蛋，而且聽說供應期只是去到二月底，所以趁這晚有空，就拉了另一半來一嘗。對上一次是周末上午來，光顧的客人較少，環境明顯地比這晚寧靜，幸好抵埗後，門外未見人龍，可以立即入座，而且還被店員安排坐於和式茶座入面，所以亦感覺良好。雖然是一心為「焙茶系列」而來，但也得點些熱食打底。店裡的鹹食，選擇唔算多，只有抹茶蕎麥麵、讚岐烏冬及稻亭麵，不過就可以揀冷吃或熱食。見這天開始返風，就一於選熱吃嘅讚岐烏冬 ($68)，和稻亭麵 ($68) 各一客來暖暖胃。除了麵條外，基本上兩碗麵食，由份量、Size，以至配料等，都大致相同。湯內放有兩大片超厚身嘅魚餅、鳴門卷、玄米及紫菜等，而且還附上一小碟爽脆酸香的醃漬蘿蔔。先嘗一口稻亭麵，原來麵條比想像中幼細扁身，麵質雖然稱不上滑溜，但咬下頗富彈性。至於粗獷的讚岐烏冬，不但滑溜又煙韌，細嚼下更可嘗到當中的小麥香，既起筋又有彈性，配上清甜湯頭，水準真的不錯。熱完身，接著就輪到吃兩款焙茶新品，焙茶卷蛋 ($88/單

在銅鑼灣找甜品店，找到這間抹茶店，店仔細細但裝潢充滿和風，客人數量不多，可以立刻就座，點了抹茶軟雪糕併抹茶啫喱$58，味道香滑，抹茶味突出，是高質數既軟雪糕，下層抹茶啫喱亦非常軟滑，中和雪糕的甜味。再叫一客焙茶芝士蛋糕加自選茶$108，桃味焙茶陣陣白桃芳香，食完雪糕飲就相當不錯，還可以自行加熱水再泡第2層茶，回味無窮。焙茶芝士蛋糕質感結實幼滑，唔會過甜，配焙茶雪糕，紅豆蓉同小丸子，一次滿足你4個願望。埋單$183。質數來說，對於同類型既對手，好似中村，的確會帶來一點威脅，幸好地理上沒有衝突，如果想食高質數抹茶甜品是不錯的選擇。

跟這位朋友約了很久，這次終於來到了京林屋食晚餐。沒錯，你沒看錯，我們是吃晚餐。京林屋不是普通的抹茶甜品店，它可以是一家吃正餐的餐廳，提供熱食。上次是假日下午來訪吃甜品，今次重臨是為了品嚐它的熱食，看看它的本領和水準。 朋友剛下班，又是抹茶控，看到餐牌內的每個跟抹茶有關的食物都在驚叫，我可是一邊在餓，一邊在幫助她作選擇。終於，我們都給自己各點了一個熱食和甜品。 她是抹茶控，點了熱的抹茶蕎麥麵和香港限定芭菲，而我就點了烏冬和焙茶牛奶。嘗嘗抹茶以外的食物，可以更全面地了解這店的水準呢。另外，我們亦點了抹茶蕨餅開心SHARE！ 抹茶蕎麥麵可選熱或凍，價錢相同。店員端來一碗熱蕎麥麵，隨同奉上一碟醃蘿蔔。碗內有菇、蘿蔔蓉及紫菜，湯底呈淡啡色，朋友說是醬油湯底，味不算濃。 綠綠的蕎麥麵是否帶著很濃郁的抹茶味呢？據朋友說，抹茶味淡淡的，不算濃郁，不過麵的口感還好，吃起來亦算清新。 看起來，我覺得我的讚歧烏冬比抹茶蕎麥麵吸引多了。烏冬同是醬油湯底，上面有兩大塊炸魚餅。 肚子餓到發響的我已經急不及待要吃掉它們。日本讚岐烏冬以煙韌滑溜見稱，而這裡的烏冬確是名副其實；炸魚餅雖是外來貨，但吃起來甜甜的

平時星期六日行開希慎廣場，總系見到京林屋入面坐滿客人，身為抹茶狂熱者ge我，見今日難得收早，就約埋友人黎試試距ge抹茶系未傳聞中咁正！大約傍晚7點黎到，可能因為系平日ge關係，店內暫時無以往見到ge滿座，但都滿座咗一半，店員非常有禮貌地帶我地去了2人座坐低。放工肚餓加好奇之下叫咗甜點，咸點和飲品。香港限定芭菲，上面有抹茶口味軟雪糕，質感非常軟滑，抹茶味好濃，好中意抹茶雪糕配抹茶蕨餅，有畫龍點睛ge感覺。不愧為主打甜品。特製林屋抹茶餡蜜，上面都有一球抹茶雪糕，但質感煙銀dd，抹茶味依然好濃，配有大大粒軟糯ge糯米糍，口感豐富，同樣有抹茶蕨餅，淋上距搭配ge醬汁，味道瞬間升華。見到圖片突然想試下距個蛋糕，所以叫了法式聖馬克抹茶蛋糕，一個字“正”！口感好豐富，中間有層抹茶夾心好正。和旁邊那球抹茶雪糕更系完美配搭。咸食叫了距個特色抹茶蕎麥面。呢個真系意外驚喜地好味！！因為系冷麵，所以食落口特別清爽，撈埋醬汁同距搭配ge wasabi，意想不到地夾，好好味，系可以加單ge食物。中意抹茶ge朋友真係可以黎試下，唔錯，地方又舒服，又啱啱好系銅鑼灣，交通非常方便。