京林屋 (已搬遷) 新店位置

消失了半個月，去了一個短暫假期，叉足電，回來又要接受新一輪的工作挑戰。同時又要還文債，這天約了好姐妹出來交收手信，剛好前一日留意到京林屋有新推廣的雪糕買一送一優惠，便順道吃個飯再甜品直落。下午茶的時分，人客不多，曾經光顧過兩次，連計今次第三次，但右手旁的兩邊和風百葉簾屏風的四方位永遠都被其他客人罷住，注定無緣。室內空間感寬敞，樓底較高，絲毫沒有一點壓迫感，全店和風型設計，木架的白紙牆透出柔和的光線，令人視覺舒適。採用木座椅，但有他他咪設計，坐起來總算舒服又不會過份硬邦邦。天花上的葉紋雕花燈光設計，尤其為人注目，為樸實的和風加添一點藝術氣息，與眾不同。餐牌一整本都是列印主打的抹茶甜品，包括甜食、雪糕、雪山和芭菲等。至於麵食則以另一張A4過膠紙印有五款，主要是抹茶蕎麥麵和讚歧烏冬，其實點呢兩款麵食，基本上叫做食匀這間餐廳的主食了。抹茶蕎麥麵($78)較為欣賞它的擺設，雖然同樣以木板盛上，但黑色木盤上印有櫻花通心雕花設計，平實之中帶點味道。凍食的蕎麥麵，表面舖上絲絲紫菜碎，另上淡豉油、wasabi、蘑粒和浸漬蘿蔔。凍食蕎麥麵黏為一團，用筷子稍為弄開後，浸在淡豉油，令麵條充滿濕度而散開。吃下去

每次閒逛誠品書店後，總會到京林屋走一趟，今天也不例外，午後三時多，午飯人潮尚未過。

先來，熱湯稻庭麵，口感煙韌，湯底清澈，鹹味溫和，配上日式魚餅及天婦羅碎，不要小看這個小碗份量，原來吃罷亦有相當的飽足感。

抺茶蕎麥麵，朋友至愛的麵食，入口滲出淡淡綠茶香，麵條爽彈，配菜有紫菜及香菇，簡單而美味。

甜食，點了特製京林屋抺茶餡蜜，賣相悅目，有美味的蕨餅、綠茶啫喱、白玉、日本紅荳及抺茶雪糕，加上點點黑蜜，提升味道，一次可吃齊店裡的甜點，滋味滿足。

飽餐過後，點了日本紅茶，口感幼滑甘香，悠閒地呷著熱茶之時，心情也隨著變得輕快，幸福感滿載。

香港近期抹茶當道 每次行過京林屋都好多人排隊今次終於食到喇 實行抹茶當道 咩野都試下首先試下 抹茶蕎麥麵 抹茶味唔算濃 但蕎麥麵就好有咬口 配埋紫菜同埋wasabi 不得了 👍🏼👍🏼京都厥餅 好似抹茶凍咁 好香 仲有玉露茶 d茶葉好嫩滑 茶葉好香有好濃既綠茶味飲完之後 仲可以加埋柚子醬油食落好似食緊菜咁 🙈🙈🙈其實好得意朋友再叫左個玄米茶 一樣好香 茶味香濃俾埋個漏斗你計時 好好玩 上菜都會用個靚靚既盤上 好有風味 一間抹茶專門店可以有甜野也食 又有正餐食 D餐盤又上得靚 好賞心悅目既一餐😬

Chasoba 抹茶蕎麥麵 | Inaniwa Noodle 稻庭麵.吃甜品之前 總要吃點熟食墊肚吧! 抹茶蕎麥麵其實只見顏色不見味道 不過質感爽口😌 稻庭麵並不是烏冬 是比鳥冬更幼身的🤔 兩者味道都比較素 重口味如我或會覺得清淡Roll Cake Set | 抹茶卷蛋.卷蛋抹茶味尚算濃郁 中間忌廉軟滑 口感不算乾 但可更鬆軟😋 在旁的白玉好煙韌😍 雪糕就較冰感! set還跟一壺自選茶 可以沖泡幾杯 不錯😌Zenzai |抹茶紅豆年糕甜湯.我很喜歡吃夫婦善哉紅豆湯圓湯 看見同類型的甜品也自自然然點了☺️ 年糕微微烤過 但略嫌口感未算好軟糯! Houjicha Frozen Drink with Ice Cream | 焙茶沙冰雪糕.焙焙茶沙冰加上一球帶冰感的雪糕 透心涼😌 味道上就不算好濃 適合不喜歡茶的甘苦的人😉

今天妹妹放假，我們馬上去崇光百貨去濕平，妹妹特別愛吃烏冬，所以我帶她去京林屋吃過痛快!十二時半也尚早，所以我們找到卡位位置坐下來，我們馬上order 喜歡的烏冬和抹茶蕎麥麵!我叫了一個熱的煎茶，喝了一口很道地的茶香，尤如去了京都的茶屋!妹妹的讚岐烏冬伴着熱湯送上，自家制的烏冬很有口感，也十分彈牙!我的抹茶蕎麥麵很凊新，因為是冷的，所以特別開胃，伴上菇和白蘿白，真的有一種如沐春風的口感!我們叫了兩個招牌甜品，我的是抹茶芭菲，妹妹的是林屋抹茶餡蜜，兩個甜品很香很甜，我們停不了口，真的很有水準呀!

小女對抹茶製品本來冇乜興趣 不過友人對抹茶既愛真係無限量 喺三催四請之下 我終於屈服咗 去咗銅鑼灣既京林屋 我地中午去到 大概兩點幾 唔算好多人 可能午餐較少人 不過我相信夜晚會幾多人黎入到去 有啲類似卡位既地方 都幾有私隱 可惜入座既時候 有人坐 冇得試坐去到有熱食menu 同茶點menu 都幾多選擇 所以都要揀一陣稻庭麵湯底"一級棒" 不得了 未食已經香噴噴 個麵真係超滑 入口超順口 個魚腐都好香 都幾有咬口秘製抹茶蕨餅甜品就叫咗佢 蕨餅係爽滑彈牙口感 抹茶都做到 一黎到已經好靚 好似花花咁 果然擺盤真係好重要 食之前梗要加埋抹茶粉同黑糖漿 💓💓 大愛黑糖既味道 配落去揀真啱啱好成餐食咗大概二百幾蚊 都算小貴 不過滿足到友人之餘 自己都有新體驗 都唔錯

在銅鑼灣吃完晚飯，當然是要周圍的逛一下幫助消化。可是事與願達，走進了希慎後卻不由自主地走到了京林屋，來一點飯後甜點！培茶餡蜜，淡淡茶香，味道回甘清甜，焙茶味道濃香，加上黑糖餡蜜味道更是甜蜜突出。白玉煙韌糯香滿滿，伴上粒粒紅豆更是滿足。特濃培茶雪山，意想不到的高度，吃每一口都要十分小心，因一不小心，整個冰山就會倒下。碎冰伴上黑蜜汁，入口清甜冰凍，淡淡的培茶粉末加上培茶雪糕，茶味香濃。而當中的培茶茶味濃厚，清甜中帶點回甘味道。

京林屋季節限定新口味超好味讚岐烏冬 !  不嬲我都好鐘意食讚岐烏冬 !!! 天氣凍返小小, 食返碗讚岐烏冬, 真係人生一大樂事面質超級煙un, 口感一流 ! 湯底係醬油湯底, 但唔會太咸, 上面2大塊日式魚片, 好彈牙 ! 再加埋天婦羅碎同紫菜碎, so yummy ! so lovely ! 因為始終醬油湯底食食下都會令到我有口渴既感覺, 係呢個時間, 食返一小件side dish 酸白蘿蔔中和返, 我又可以食多一大啖烏冬啦 <3 朋友食的稻庭面, 我試左一啖, 口感冇讚岐烏冬咁煙un, 比較淋身, 但係2種口感黎的, 都可以一試, 不過我鐘意讚岐烏冬多D甜品呢, 今次食左.... 特製林屋抺茶餡蜜, 正 ! 呢個真係推介 ! 本人覺得好食過香港芭菲 ! 因為今面有既ingredients 一樣好多, 仲有我好鐘意食既抹茶糯米糍 ! 又有寒天/白玉同埋抺茶雪糕 ! 點解我覺得好過芭菲係因為佢係一碗上, 唔係一杯上...我唔洗由頭食到底先食到個底既ingredient, 想食咩就食咩, 最好不過 抹茶糯米糍真係好好味 ! 好鐘意呢種texture, 煙煙un un 咁! anm

最喜歡星期天，可以輕輕鬆鬆做自己喜歡的事。是日跟男朋友一起到誠品看書，看累了，記起樓下6樓好像有間綠茶甜品屋，作為綠茶控，又怎會放過這個機會！京林屋來自日本，已有過百年歷史了。它是將茶類設計成甜品的先頭部隊，亦是日本第一間有芭菲吃的甜品店。是次點了一個綠茶紅荳白玉脆米。材料層次分明，最底層是脆米，之後是忌廉，綠茶雪糕和紅荳蓉，最後是小丸子。綠茶雪糕味道濃郁幼滑，略帶一點甘香，不錯！但其他材料略欠特色，均可以買現成的材料混合而成，且味道普通，價錢亦有點偏貴，性價比不高。

同綠茶控朋友出黎食飯，揀返間專食綠茶製品的。繁忙時段用餐時間一小時，坐低後店員送上水，濕紙巾同餐牌，快快決定食咩一次叫哂。麵食只供應到八點半，想食的話記住早啲到。抹茶蕎麥麵（$78）賣相唔錯，熱騰騰好吸引，蕎麥麵煙韌，綠茶味不強，湯底清甜，配料係紫菜同本菇，感覺很健康。讚岐烏冬（$68）扁烏冬很彈牙，湯底同樣清甜，配料有天婦羅粒，紫菜同魚蛋一片，因加了天婦羅湯底比蕎麥麵油一點。抹茶芝士蛋糕set（$108）食完麵食就梗係甜品時間，蛋糕set可配自選綠茶，咁叫比較抵綠茶雪糕瀜得很快，甜甜的，綠茶味不算濃，大概是芝士蛋糕的綠茶太強烈了，呢件芝士蛋糕真係超正，芝士香滑，加了綠茶一點都不覺得膩，很快已KO了。玄米茶，有沙漏，方便計時。跟餐的玄米茶，有熱水壺附上，店員說可沖泡三次，三次都會有不同味道，不同感覺。茶香清淡，飲完幾舒服喎。很滿意的抹茶制品，綠茶控朋友一定要試！

今天經過希慎廣場，見到京林屋門外冇人排隊，喜愛抹茶既我，即刻入內品嚐店內裝修簡潔，舒適，和風味濃讚歧烏冬烏冬比較扁及幼身，煙靱滑溜，魚餅鮮味，湯底用左鰹魚汁，好夾抹茶紅豆年糕甜湯賣相已經好吸引，好靚年糕煙煙靭靭，好有口感，紅荳好香好腍，配埋抹茶湯一起食，有哂驚喜抹茶蕨餅抹茶蕨餅，好軟滑，抹茶味啱啱好，再加上抹茶粉及少許黑糖醬，perfect match令人回味玫瑰蘋果煎茶店員好細心解釋如何泡茶，旁邊有個溜斗作為計時，令到泡茶時間啱啱好加入玫瑰蘋果，品嚐到茶香之餘又有果味，清新美味

小妹一向唔好湊熱鬧 以抹茶甜品咗主打嘅人氣日式餐廳「京林屋」喺香港開咗咁耐 而家先朝聖 唔洗同人逼餐死排隊排餐懵吖嘛哈哈哈呢度嘅座位分兩種 一種係普通餐桌 限時90分鐘 另有和座 限時60分鐘 小妹同友人趕住食完dinner行sogo感謝祭 60分鐘乜都夠啦 XD 一於坐下特別啲嘅和座座椅的level偏矮 好寬闊 仲有啲坐墊畀客人坐得舒服啲... 最正係有屏風 畀客人有私人空間 咁當然出入要躬身 點都會有少少唔方便啦焙茶比起其他茶種嘅口感無咁澀 而且咖啡因含量較少 所以見到就特別想飲 我哋揀咗無咁單調嘅「桃味焙茶」一壺可以沖三至四杯 兩個人share都夠 第一杯已由師傅炮製 之後嘅 客人可以根據指引上面嘅程序做 不過店員都會實先講解一次 仲有個小沙漏幫你計時30秒茶聞落好重桃味 飲落就係茶味 微甜 但似乎焗耐少少會香濃啲 最後一杯 小妹焗咗5分鐘 茶味的確濃咗 但係完全唔澀主食要咗兩客首先係「抹茶蕎麥麵（冷）」 連埋兩道前菜 包括酸蘿蔔條 和 菇片配淡味嘅蘿蔔蓉其實唔太食得出抹茶 可能小妹放得太多豉油 又加咗wasabi.... 不過啲麵好爽口 又開胃 好快就食完成碟另一個係友人揀嘅「

秋天又係栗子當造嘅季節啦！見到京林屋期間限定咗栗子焙茶芭菲 立即點咗一客試試！芭菲材料十分豐富，除了有原粒栗子之餘，仲有好香滑嘅栗子蓉，栗子味道突出之餘亦好有層次，身為栗子迷的我非常滿足！！！好似其他芭菲一樣，入面都會有水果粒,，令到味道更加清新，還多了一份香甜，加上香滑的焙茶啫喱和米通粒粒等，食落好有口感！價錢同其他芭菲一樣$98（除咗香港限定貴$10)，唔知道呢個期間限定會做到幾時呢。

服务劲差！工作日的中午过来 店里一半都是空位 娃娃头发型的服务员全程黑口黑面 对我们至少说了两次“每人至少要点一份” EXO ME?我们看起来像是只想花50块就坐一下午的吗？？？我的朋友一人想点个雪糕和蛋糕，说说完后服务员黑脸又重复一遍“每人至少点一份”就急匆匆走了。。拜托，我们还有两个人没开始点好吗！这人服务其他桌点餐时还谨小慎微的，怎么到我们这里就趾高气扬了，歧视我们说普通话嘛？。。结账刷卡时，她应该也觉得心虚全程不敢与我有目光接触，还给我卡时嗓子里咕噜一声“多谢晒” 声音几乎听不到。我明确说这种服务我一定会投诉！

旅行返黎仲未適應，心情有點低落，所以約了朋友放工到銅鑼灣逛逛。誰知被人甩底，唯有自己行誠品，落樓見到京林屋，門口未見好多人，二話不說入去坐低食件甜品，順便消消氣。京林屋門面裝修好簡潔，一系列的木色系配合餐廳風格，門面擺左其招牌食品的模型，入口位又擺左蛋糕及卷蛋的實物供客參考，簡單得黎又不失日系風味。入內感覺比預期寬敞好多，樓底又高。座位又分左啲係他他咪設計，有布幕，增加左私癮度又不失玩味。我欣賞餐廳的燈，白色的似紙雕，令成間店光猛之餘又多左份藝術感。坐低侍應先奉上熱茶及濕紙巾。因為被甩底，所以想怒食。侍應姐姐好貼心，見我一個人，安排我坐左個牆邊位，可以靜靜咁食。點左3樣野，先講杯鮮奶抹茶，完全是我的口味，抹茶味夠晒濃，但奶味又夠，茶奶比例好平均，重點係唔太甜，飲左一啖，個心暖晒，大愛呀～再來是抹茶卷蛋，卷蛋中間是抹茶cream，質感好幼滑，蛋糕就咁食就有點乾，但配上抹茶雪糕蘸著食，又啱啱好，還有紅豆蓉及糯米小丸子，整體配合起黎，就是恰到好處。最後再來了個抹茶餡蜜，份量都幾大，入面有我最愛的抹茶蕨餅、果凍、白玉，紅豆蓉及抹茶雪糕。全是我喜歡的東西放在一齊，果凍爽口，蕨餅和白玉煙煙韌韌，淋