京林屋 (希慎廣場)

營業中

休息中

每逢過年當然少不了年糕，不過中式年糕我個人就覺得稍為甜膩，日式年糕湯反而更得我歡心，趁著初七人日，我就來到銅鑼灣的京林屋，來碗暖呼呼的年糕湯 ^o^店面面積雖然不大，但簡約淡雅的原木系裝潢，格調和諧，今次更被安排於和座入座，私隱度更高，散發濃濃和風禪意，不過就要限時60分鐘交枱。雖然是主打抹茶甜品，不過也有鹹食提供，晚餐就可鹹甜美點一take 過。讚岐烏冬 $68配料雖然不多，湯頭清澈鮮甜，簡單清淡。烏冬口感如絲綢般順滑，輕輕一吸就從舌尖滑到喉嚨裡。金目鯛魚定食 $88日式料理向來賣相精緻，這裡也不例外，金目鯛魚定食配上味噌湯和醃製酸蘿蔔。金目鯛魚肉質細嫩肥美，沾上略帶甜味的日式醬汁，帶出金目鯛魚的獨有鮮味。以茶代水，燉煮成焙茶飯，加入焙茶後，米飯帶有淡淡茶香，不過今次的飯粒就煮得略為硬了點，未至於十分鬆軟。 抹茶芝士蛋糕 $88平時吃抹茶甜點通常都是選傳統和風款式，今次就來試試較為西化的抹茶芝士蛋糕。芝士蛋糕質地實心，口感綿密，芝士味濃質滑，稍為蓋過了抹茶香，不過甜度卻是剛剛好，不會過膩。白玉口感Q彈，翠綠的抹茶雪糕質感軟滑，入口沒有冰粒，抹茶味豐富濃郁。抹茶紅豆年糕甜湯 $68抹茶

今日去咗銅鑼灣行街～行行吓肚餓就去覓食於是去咗出名多嘢食嘅希慎一路上去上到去12樓見到京林屋～係我最愛嘅抹茶啊開頭以為剩係得甜品後尾睇埋餐牌先知原來都有咸食就叫左一個鰻魚飯同一個和食料理飲品就揀左一杯焙茶牛奶開頭嚟㗎鰻魚飯外相非常吸引即時開動呀 鰻魚超厚肉 啲飯又充滿鰻魚汁超級好味而和食料理就一共有四個小菜樣樣都好好味好似真係置身於京都到咁樣而佢個飯都係混入左鰻魚汁 正食完咸食之後飲杯焙茶牛奶 即刻覺得好清新之後我哋叫埋甜品～叫咗個香港限定嘅芭菲杯呢個其實同出邊嗰啲日式嘅甜品店賣相差唔多不過就好好味 食得出啲抹茶味真係同日本嘅一樣食緊甜品之際男朋友竟然覺得唔飽就追加左一個稻庭麵麵比較扁身少少 啱晒佢口味啊而且熱辣辣食完唔怕凍啦第一次係香港食京林屋就喜出望外睇來以後去銅鑼灣都要再食京林屋啦！

朋友推薦這家以抹茶為主題的餐廳。在晚市繁忙時段下安排入坐的店員仍然相當有禮，不消一會便安排到坐位入座。餐廳內以淺啡的木色形造舒適的用餐環境。就坐後，店員馬上送上兩杯水和介紹餐牌上的食物，我們先點了京式鰻魚飯和林屋和食料理。值得一讚的是在滿座的情況下上菜也相當迅速。兩者上茶時的溫度適中，不會燙手，而且飯裡混了糙米，感覺比較健康。個人認為鰻魚飯比較合適胃口大的朋友，兩大片鰻魚放在飯上，相當吸引。和食料理則似是四寶飯，四方格的碟上放不同類別的配料，個人比比較欣賞八爪魚沙律。兩款主食都附上味噌湯，友人反而對這湯讚不絕口。另外又點了一款茶，由於當日天氣比較寒冷，所以選了熱的葡萄煎茶。有趣的是會有指示教客人如果泡出合適時間的茶味。茶帶有濃濃的巨峰提子香味，而綠茶的微澀則從後而帶出。甜品是最難選擇的一刻，面對各種選擇都忍不住想先試一口，最後選了焙茶芭菲和香港限定芭菲。香港限定芭菲似是將所有想試的東西聚在玻璃杯內，對於選擇困難的朋友是可取之選。而另一款焙茶芭菲則有濃濃的奶咪雪糕在中間，偏好淡口的朋友可以一試。

芭菲癮起既日子總會想去京林屋，因為每次食完佢地個豐富芭菲都會令我好滿足今日喺灣仔收工放半日，放工就約左仲放緊年假既朋友黎呢度食晏，順便滿足埋我個芭菲癮食甜野之先，我地先每人叫左一個定食醫醫肚，朋友同我一樣係鰻魚控，見到有原條鰻魚飯，就不約而同咁揀左個“京式鰻魚飯”HKd$98+10%原條鰻魚旁邊佈滿一絲絲既蛋絲同紫菜，賣相相當吸引呀而底部就盛滿一大碗充满茶香既焙茶飯當食完正餐之後，咁就梗係要食甜品啦既然要止止芭菲癮，咁我就當然要返杯“香港限定芭菲”HKd$98+10%啦除左濃滑既抹茶軟雪糕之外，芭菲入面既厥餅都係一大亮點黎架而唔好軟雪糕既朋友就要左碗“特製林屋抹茶餡蜜”HKd$98+10%既食到肥美鰻魚，又食到豐富又濃郁既抹茶芭菲，滿足滿足

京式饅魚飯先吃一口酸蘿蔔，立刻胃口大增!饅魚份量適中，冇骨又嫩口，配有蛋絲同紫菜絲就更加豐富。覺得口乾仲可以飲一啖暖暖嘅湯!抹茶喬麥麵麵質幼滑，湯底清清地，配上小菇同紫菜絲，成碗麵好香又有層次，我的最愛。法式聖馬克抹茶蛋糕抹茶蛋糕香濃，茶味真實但沒有澀味。而且層次非常豐富。再加雪糕同紅豆溶，直情絕配。抹茶芭菲呢個芭菲好足料!食到一半已經好飽~絕對100%滿足到綠茶控!葡萄煎茶淡淡的葡萄香，好適合女孩子。京林屋每一次都唔會令我失望，今次都唔例外喔！

去到銅鑼灣梗係要試吓日本都好出名的百年抹茶老店京林屋啦！京林屋位於Hysan Place12樓，門面都幾有日式風格，又有熱食（鰻魚飯）同埋抹茶甜品，適合同朋友坐好耐傾下計～不過位置就唔算好多。出面好凍，所以坐低就叫左一個玉露。職員首先幫我地沖泡左一小杯，之後俾咗一張沖泡玉露的指引，等我哋自己再沖埋之後的茶葉，再將柚子醬油滴落茶葉度食埋佢😂成個過程幾好玩。職員話沖左兩三次都會有好濃郁嘅茶香，其實我沖左五六次都仲係覺得好好飲，自己動手果然唔同D haha!依輪溫度太凍，食返啲熱湯會好啲，所以兩個主食其中一個order咗抹茶蕎麥麵，麵身彈牙，湯底係醬油湯，配料有少量菇菌，味道不錯。第二個主食係金目鯛定食，餐配面豉湯、酸蘿蔔同埋一個細飯，有3片鯛魚，味道幾香，都有一啲魚腩&魚油，不過細飯對於男士來說分量可能略嫌棄不足。如果食完主食之後再叫一個甜品分量就啱啱好！Menu有抹茶蕨饼、刨冰等多款甜品，諗左好耐食乜嘢甜品好，終於決定要一個特濃焙茶雪山同埋一個香港限定芭菲。焙茶雪山的冰好軟綿綿，有一個焙茶味糖漿可供倒入，有少少甜味，苦澀味不重。有一球焙茶雪糕on top，奶味比較重，食到最底原來有彩蛋🤣

對京林屋呢間日本過江龍其實已經 慕名已久，但係就一直都未去試。最近行開銅鑼灣，見又唔算多人，就心血來潮咁入左去食，果然冇令我失望。我同朋友分別叫咗兩個鹹點同埋兩款甜品， 主食分別叫咗鰻魚飯同林屋和食料理。鰻魚飯分量都幾足料， 鰻魚大大塊，食落冇骨，但鰻魚味並不重，整體黎講都算及格。林屋和食料理有多款配料，左上角嘅肉食落甜甜地咁，幾特別。右邊嘅沙律食落有粒粒八爪魚，幾有咬口。下面分別有芝士竹輪同鯖魚等，都係一啲較為開胃嘅菜式。至於甜品，我地就試左 特濃抹茶雪山同埋 抹茶卷蛋糕，而店員亦好細心咁等我地食完個主食先上。特濃抹茶雪山其實即係宇治金時刨冰， 冰食落非常綿，每一啖都可以食到濃郁嘅抹茶味，個人覺得十分值得推薦!而抹茶蛋捲而非常出色， 蛋捲甜度啱啱好， 入面嘅抹茶忌廉有香濃嘅抹茶味，抹茶嘅茶香同蛋捲嘅甜味配合得剛剛好，令人回味無窮。

去銅鑼灣行完街，去搵野食xd 見到呢間京林屋好似幾正，就入去食。我地嗌左個京式鰻魚飯。佢好豐富，有埋湯同蘿蔔。好中意個鰻魚飯，鰻魚厚肉，而且肉質鮮美，加上汁，配飯真係好好味。好中意佢個擺法，加上顏色，令人食慾大增。另外嗌左個林屋和食料理，個飯有淡淡的茶香，同普通飯唔一樣，我好中意！佢勁特別，可以食到四種唔同口味的小茶，正！佢有野菜豆腐漢堡，海鮮沙律，帆立貝配魚仔，仲有芝士卷，仲有鯖魚。雖然睇落好似好細，但樣樣都好味，食完真心飽！我最中意個鯖魚，肉質好firm好味。仲有個湯，夠濃味！食完主食嗌左兩個甜品，嗌左焙茶卷蛋。佢好香焙茶味，又有雪糕同丸子，佢都都幾夾，而且唔甜唔膩，好正！另外嗌左抹茶芝士蛋糕，呢個甜品比起焙茶相對地甜，佢個cake味道好濃郁，而且好結實，真心好好食，我食唔停口。個抹茶雪糕都真係好濃郁，好正！嗌左杯熱抹茶牛奶，暖入心，甜入心，好中意奶味好重！下次會再黎食！

收工難得一家人去食飯咁齊人就決定去想食好耐既京林屋盡情地食一餐好既見到啲主食同甜品都好吸引4個人一人選左一份主食再叫多幾份甜品、一個玉露茶同埋一杯焙茶沙冰share食我選左鰻魚飯鰻魚飯真係好似menu張圖咁有好大條鰻魚架個顏色又好靚食完成個口腔都有鰻魚既味道太好食啦可以再食多碗金目鯛定食都好香試左一啖個魚食落甜甜地又有鮮味林屋和食料理有好多款唔同既野食有魚又有蛋每款都好好食接下來就到主角啦玉露茶真係好香茶味飲完仲會回甘回味無窮識飲茶既千其唔可以錯過而且飲完幾杯後茶葉仲可以配柚子醬油黎食都幾得意雖然天氣好凍但都無阻大家食沙冰第一啖食左個雪糕係我最鐘意既焙茶好香焙茶味再試下飲下面既沙冰都係好重好香既焙茶真係好正抹茶芝士蛋糕都好出色抹茶同芝士既味道都好香濃兩樣野配合得剛剛好加埋白玉同紅豆真係好好食成個feel好似去左日本咁抹茶卷蛋都好好食除左個蛋糕本身係抹茶味中間仲有一啲抹茶既cream抹茶fans一定要食京林屋完全係可以encore再encore既餐廳

京林屋，食過一次，今晩再會它一下。京式鰻魚飯＄98厚厚的蒲燒鰻魚燒得焦香，賣相一流。肥美的鰻魚和蛋絲蒲滿飯上，看著已令人涶延浴滴。這裡的飯是焙茶飯。飯粒散發著焙茶香，飯粒飽滿，口感煙靱。隨飯有前菜酸蘿卜和味噌湯。抹茶牛奶忌廉＄48忌廉很滑溜，抹茶控的我很喜歡這杯抹茶牛奶忌廉。甜度適中。法式聖馬克抹茶蛋糕＄88蛋糕有幾層，每層都有不同的味道，豐富了不同的口感。另有有一球抹茶雪糕，和白玉紅豆。白玉是沒有味道的，靠甜甜的紅豆中和味道。

以木製傢俱黎突出淡雅和式風格，環境舒適，聚會傾計，慢慢品嚐美食既好地方，而且店員細心有禮，令你更愛呢個地方。香港限定芭菲$98有抹茶軟雪糕、抹茶果凍、白玉丸子、士多啤梨、脆脆玄米配料，層次豐富，百試不厭。軟雪糕奶滑，但易溶偏甜。特濃抹茶雪山$98抹茶雪糕球、冷沙、白玉丸子、紅豆、抹茶果凍，製成美麗既雪山，視覺上相當吸引。雪糕球濃郁既抹茶味，回甘唔太苦；冰質細滑入口溶化，配紅豆更美味；白玉煙韌。提供一小杯既抹茶汁，可自行添加。抹茶沙冰$48即使擺耐左冰溶化，但仍然有香濃既抹茶味，而且沙冰幼碎，唔會好難吸。今次試左新產品，原來佢地既鹹食質素都好高。金目鯛定食$88有味噌湯，不濃順口；醃白蘿蔔，酸甜開胃。鯛魚用香甜既醬汁煮，肉質細嫩，搭配玄米飯健康美味。京式鰻魚飯$98 鰻魚肥美冇細骨，飽滿既珍珠米飯，蛋絲增添色彩，不過稍嫌鰻魚汁唔係好夠，可以多少少黎撈飯就好。

放工行完sogo就去左希慎食一直想食嘅京林屋！門口見到大大個餐牌肚仔都打鼓！京式鰻魚飯鰻魚側邊鋪滿蛋絲，賣相幾靚，鰻魚厚肉肥美,，入口無骨啖啖肉，即叫即燒好香口，燒汁甜甜份量夠哂多，令到已經調過味嘅飯更香！林屋和食料理食物款式夠晒多，有八瓜魚沙律、雜菜玉子、魚干、燒雞、芝士魚卷、燒帆立貝、鯖魚，麵豉湯同珍珠飯，好豐富！玉露-蕨餅食完飯嘆番杯茶真係好過癮，玉露味道特別，色澤唔深色但茶味好濃，飲完茶仲可以加醬油落啲茶葉到食，我地試食一兩啖，叫做體驗過。香港限定芭菲抹茶味好濃，有蕨餅、啫喱、小丸子、脆脆米、士多啤梨，餡料好豐富！焙茶芭菲焙茶雪糕好有，入落茶味好濃，中間又有小丸子、焙茶啫喱同雲尼拿雪糕，無得輸！食完甜品好滿足，下次要帶屋企人嚟encore！

今日同朋友係銅鑼灣做完野，去到希臣廣場12樓既京林屋食午飯餐廳裝修參照日式建築風格，令到本身面積唔大既餐廳空間瞬間倍大舖頭入面有兩個仿茶室和坐（可坐2人），坐落幾舒服，私隱度高。讓大家可以係清靜的環境慢慢品嚐美食，與朋友暢談 。首先黎到既係林屋和食料理（$88）茶漬飯- 清幽的紅茶味配上珍珠米飯，呢個配搭簡直係天衣無縫配菜盆上只有四格卻放滿了共八款的配菜，每款都各有特色～特別欣賞佢嘅鯖魚，魚肉特別嫩滑、多汁，冇左鯖魚嗰種‘諧颯颯’嘅口感醃蘿蔔唔甜亦都唔酸，淡淡地冇甘刺激其實都幾好食抹茶蕎麥面（$78）配菜有蘿蔔蓉、紫菜碎同埋蘑菇唔知道呢款蕎麥麵係咪真係有加抹茶粉去做呢，但因為甜甜地既豉油湯底味道更加突出，唔係好試得出蕎麥麵嘅味道可能食凍食嘅會比較好，可以試清楚麵既味道玉露玉艷（$78）師傅已經為我地泡好第一杯茶侍應會好詳細甘介紹沖泡既方式，仲附上一張說明書，啱曬我呢d不諳茶藝既人士：）眼看極淺既茶色一開始仲有d失望，點知飲落去卻十分清新可口，抹茶味極為突出，反差很大呢可以沖泡2-3次，之後可加入少量既柚子汁到茶葉裡，攪拌後可直接食用第一次試呢種食法，口感猶如海帶碎，帶有一點點苦澀味秘製

同朋友行完誠品就決定上黎食飯入面既格局都幾光猛 又闊絡 比人好舒服既感覺 大約可以坐90分鐘我地叫左兩個set 一個係金槍魚定食佢啲配料都幾多架 岩哂我朋友咩都想食既心態而且味道都幾唔錯架 醬油味十分入味我自己就叫左個鰻魚飯 鰻魚燒得幾唔錯 岩岩好 而且唔會好多骨或者一夾起就散開哂我地配左蘋果綠茶 味道偏苦 如果飲開無糖既朋友應該就岩再黎就到甜品！我叫左個綠茶卷蛋 蛋糕位好鬆軟 cream又好清新唔油膩 隔離既雪糕同丸子更加不在話下！我朋友就相反地叫左焙茶味 估唔到既係佢既仲好食 個蛋糕好濃郁既焙茶味好香！

臨近新年要辦年貨，老公趁機叫我過海，話帶我食京林屋，滿足下我呢個抹茶控。對上一次幫襯，個時都仲未搬。今次再光臨，已經搬左上十二樓，比之前大左好多，仲京都風格左好多。平日食既好處就係唔洗排隊玫瑰蘋果煎茶係跟餐的，但可以選擇先上，可以暖暖但胃先。店員介紹話每次泡茶，用沙漏斗計時，之後就飲得。陣陣玫瑰蘋果，茶又點苦，但很清。沖左五六杯都仲好有味道！京式鰻魚飯$98，鰻魚係一整條，超大滿足！配上蛋絲、紫菜絲。飯係又有淡淡紫米味，又多醬汁。一大碗，老公表示非常飽，超級抵。距話愛好鰻魚者必吃！讚岐烏冬（熱）$68，有兩大塊魚餅。烏冬偏向軟身，有小彈牙口感，份量適中，岩哂我口味！香港限定芭菲$98，有士多啤梨、脆脆米、啫喱、蒻蒟、蕨餅、小丸子同綠茶軟雪糕。餡料超級豐富，食極都唔完。林屋蕨餅三種盛$98，有蕨餅、綠茶雪糕同紅豆小丸子。最愛個雪糕，因為比芭菲既綠茶味更濃。