京林屋 (希慎廣場)

營業中

休息中

自問唔算抹茶控，都中意食抹茶，但冇果啲抹茶控咁誇張，其實香港真係有好多食抹茶既地方，係希慎比較高既樓屠都隱藏住一間，好少上到黎12樓，所以好似發現新大陸咁店內唔算好大，大約20:30左右到達，幸好還有位置而見到店內都有幾個座位比較特別(和座)，係比較有私隱度，好似個罩咁罩住客人個頭部，比出面啲人見唔到，唔通係設計比明星，哈哈！先睇下餐牌當然會點抹茶，但見到佢個MENU新出左櫻花系列，所以都點左黎試下，係4月份推出既「櫻花。抹茶卷蛋甜品」 $98 配煎茶，有三款選擇，揀左玫瑰蘋果煎茶。櫻花卷蛋配上抹茶忌廉，入口時卷蛋軟綿綿配上忌廉融融既口感，再呷一口冰凍既抹茶雪榚，口感好融洽，唯抹茶忌廉既味道會蓋過櫻花味，後者味道不突出。配既玫瑰蘋果煎茶好特別附上漏斗比你計時間以及教你如何飲佢地既煎茶，會附上一個保溫熱水壺同茶壺，上枱後，茶壺已有第一壺茶，翻轉漏斗計時三十秒，可從茶壺倒出第一杯茶，飲完之後，從保溫熱水壺倒熱水入茶壺，又翻轉漏斗計時三十秒，可從茶壺倒出第二杯茶，如是者，可以品嚐到三杯不同濃度既茶香。味道方面，較重蘋果味，不知是否因為是煎茶，會帶點苦澀味。到必點抹茶──香港限定芭菲　$98一

今日和男朋友說想吃日本菜，二話不說就帶我到京林屋，一次過解決正餐和甜品。*金目鯛定食 ($88)鰻魚飯有點太普通，所以今日點了金目鯛。金目鯛比起鰻魚更加濃魚味；雖然烹調用的醬汁味比較濃，但一點都沒有蓋過魚的鮮味。日本飯香*京式鰻魚飯 ($98)男朋友點的鰻魚飯*焙茶沙冰雪糕 ($58)今日熱到食飯前飲左兩杯飲品都仲好口乾，加上真的很熱的關係，所以點了沙冰。今次點了焙茶沙冰雪糕，焙茶味很香濃，不會太甜；沙冰溶一點，焙茶味就出一點；焙茶雪糕很幼滑。*櫻花抹茶卷蛋配玫瑰蘋果煎茶 ($98)因為櫻花是期間限定，所以就點了一個櫻花抹茶卷蛋；櫻花卷蛋很鬆軟；中間的抹茶忌廉很幼滑，一定一定要吃光光。因為太多甜品的關係，所以點了一個比較清香，沒有糖的茶；玫瑰蘋果味很濃香，煎茶帶點回甘。*林屋抹茶雪山特大 ($108)要吃巨型的甜品，就一定要有男朋友包底！這個巨型的刨冰上，有一球抹茶雪糕；另外有煉奶和抹茶可以倒上去沙冰抹茶啫喱濃濃的抹茶味煙煙UNUN的白玉

今晚同舊同學見面聚餐，想揾間揀揀單單有鹹食又有甜品又要坐得舒舒服服，終於諗起京林屋嘅美食，所以相約銅鑼灣先到先囉位，我地都起碼10年以上無見，但一見面感覺還是好親切，還笑說中學時趣事。仲好開心比我食到佢地季節限定櫻花系列。鯖魚定食用上原條燒鯖魚 , 汁煮魚肉調味剛好, 啖啖肉冇骨，最加粗米飯同麵豉湯, 酸蘿蔔，簡單又好味。林屋和食料理每次都會選擇呢一款料理， 每樣都有少許， 尤其是北寄貝沙律， 醬油鯖魚， 熟帶子 , 煎蛋角， 醃漬魚仔，用嚟送飯好啱好配合。份量都接受夠晒飽。 櫻花卷蛋跟桃味焙茶連煎茶選左桃味，水滾茶靚又果香，食完甜品再飲茶好舒服又解膩，好享受。當然櫻花卷配綠茶忌廉好突出到，軟滑海綿質地唔會過甜。時間掌握得好就要夠店內提供嘅漏斗啦！ 第一度就由師父調好，之後就可以自己再泡啦香港限定芭菲 $98每次話要試其他，但每次我最終都係叫翻佢，情意結，因為芭菲除香濃綠茶軟雪糕還有各種嘅配料，厥餅，白玉，香甜紅豆，米通粒，士多啤梨醬超級豐富，口感層出不窮的味道！

一向我同老公十好鐘意黎衣間餐廳食日式甜品！因為佢好正宗！綠茶味好甘，加上內部裝修簡單，有種身在京都既感覺！是日我地食完韓國餐，再黎衣到食甜品！我覺得個cheesecake好正，軟硬適中！老公食食下覺得肚餓，叫多個鰻魚飯，真係大食到嚇死人🤭個鰻魚飯只需$98！但係鰻魚好厚，好有質感 ，配茶飯好好食！推薦呀👍🏻👍🏻😍不過因為多人等既關係⋯用餐時間為1.5小時就趕我地走啦！so sad!如果唔係衣到會係一個幾好既地方傾計！

黎第二次，係因為捧綠茶麵場！綠茶蕎麥麵 $78 第一次叫既時候會唸個麵冇肉又冇咩配菜會唔會太單調，但其實係唔會架！個麵好好咬口！冷麵既配汁既同平時食開既汁係差唔多，不過依度仲會有埋蘿蔔蓉同埋切好左既菇俾你拌入，好好味！個人建議可以加少少佢提供既wasabi入個汁度，成個感覺會好夾！金目鯛飯配焙茶 $108睇食評見到有人推介這個飯，沒想到真是很！好！吃！金目鯛魚十分肥美，它的魚汁連埋醬汁一齊食真係人間一大美食！稍嫌不足的地方是個飯有點乾身，而且完全冇味，一定要連金目鯛魚一齊食！唔鍾意太肥美的魚的朋友可能會唔太喜歡這個飯呢焙茶卷蛋配玄米茶 $108 兩次黎都食唔成焙茶芝士蛋糕，好可惜呢！依個蛋卷味道正常，如果中間焙茶忌廉個度可以多些就好喇！蛋卷配上焙茶雪糕，味道比較清淡，不算太creamy，如果食開H牌雪糕應該會覺得這個雪糕太淡！綠茶芝士蛋糕 $88 不推薦大家點這個綠茶蛋糕！本以為這餐廳的茶類甜點會是皇牌，誰不知兩款甜點都令人失望，由其這個！首先，切下去已感覺到它快要整個散開，質感很不好呢！吃下去味道更是普通，偏乾身，而且完全不夠綠茶味！

鳗鱼饭真係so sad...得个咸字，完全食唔到鲜味，仲有d腥。呢次係我第一次，食净鳗鱼。然后个玫瑰苹果煎茶，同样唔好饮。冇玫瑰味，我觉得偏苦，唔係甘。总之，for影相係ok，但味道就真係…非常失望嘅一次尝试。

特制林屋抺茶餡蜜 $98完全不值此價，味道遜色，丸子又實又硬，厥餅欠香味又唔煙un，質感很散，綠白啫哩都冇咩味，想用黑蜜挽救，但黑蜜份量少得可憐，係得抺茶雪糕叫做正正常常，但唔算係特別好食。抺茶雪糕啫哩。不過不失，雪糕尚算香滑，如抺茶味更濃會較好，啫哩普普通通冇咩特別，呢個價錢都可接受。餐廳坐位都舒服，叫啲平平地既甜品坐下傾計都ok，但$98個個就唔值了。適逢Lunch Time都見到有啲OL食麵飯之類！有機會再試吧！

親威難得從外地嚟香港玩，知佢好鍾情抹茶既日式甜品咁啱自己又一直好想試京林屋，就帶佢一齊嚟試新野唔知係因為旅遊書有介紹定地理位置係銅鑼灣既地標性商場店內都有相當多操外語既遊客到訪我地一人點咗一個芭菲杯分別係「林屋抹茶芭菲杯」同「香港限定芭菲杯」「香港限定芭菲杯」有大量既紅豆蓉係底部，面亦有一層碎米同抹茶啫喱，雪糕就係抹茶味較濃既即吱雪糕，雪糕口感厚實，芭菲杯整體份量亦比較多「林屋抹茶芭菲杯」既分別就係底部係抹茶啫喱，紅豆蓉只有少量係上層，亦冇碎米，只有一舊忌廉雪糕就係奶味較重既既抹茶雪糕球，成個芭菲杯冇限定版咁華麗，但當然價錢都會平10蚊但兩個芭菲杯整體無論係味道賣相同份量幾好以前食過幾間日本抵港既抹茶芭菲杯甜品食到一半就開始膩，往往無辦法完成一杯呢次我可以完成整杯，相當意外但本人就會比較喜歡「香港限定芭菲杯」

今日同男朋友嚟食京林屋，初頭佢唔係好想食，因為覺得呢間係食綠茶甜品居多，食正餐嘅話呢度會好細碗，但係食完之後佢就180度轉變啦！夜晚6點半嚟到，餐廳未算好多人，我哋揀咗和座嚟坐，因為未坐過呢啲，所以都覺得幾得意，私隱度幾高。睇完餐牌決定叫林屋和食料理，鰻魚飯，稻庭麵，焙茶卷蛋同忌廉抹茶牛奶。2個人叫5樣嘢真係幾多。首先嚟嘅係稻庭麵，配上兩件魚餅同脆米。上菜時仍然好熱，值得加分。脆米亦都無變腍，同麵一齊食出其地夾。因為男朋友太肚餓所以佢淨係比我食兩啖。之後嚟咗個鰻魚飯，鰻魚份量好多，應該係原條嘅，配埋前菜，飯同湯。好想講下前菜－醃蘿蔔，好好食，酸酸甜甜好開胃，不過得4條，好想再加！不過鰻魚就有少少偏韌，整體都唔錯嘅，我哋兩個都食唔晒！另外林屋和食料理，有好多款唔同嘅小食，同樣地配埋前菜，飯同湯。個人最鐘意食當中嘅魚，面頭嘅醬汁甜甜地，好啱送飯。其他嘅小食都唔錯，同男朋友share 咗嚟食。至於飲品方面，叫咗熱嘅忌廉抹茶牛奶，但係嚟到時飲品唔夠熱，可能因為上面d cream 凍。食完鹹食之後叫咗店員上甜品，旁邊嘅雪糕同卷蛋嘅茶味好濃，今餐食得好滿足，重點係鹹食份量都唔少呀！

自從輕食跟雪糕甜品餐廳「中村X吉」跟「宏」出現了以後，日本菜以抹茶類食品跟甜品為代表菜色的餐廳，在香港就有如雨後春筍地湧現。但是這些日本菜輕食餐廳，單靠提供售賣抹茶類食品甜品又未必足夠，所以還要在和風料理上再花一點心思，推出以抹茶或焙茶等茶葉入饌的菜色，才能為餐廳的生意建立穩健的基礎。今次我要試食的銅鑼灣食店也是這一類型，集合日本和風料理跟抹茶類甜品的輕食餐廳，店舖名稱叫做「京林屋」。銅鑼灣分店「京林屋」的位置，就在地段和租金都更高尚的商場「希慎廣場」十二樓裡面。我來到銅鑼灣主要街道「軒尼詩道」旁邊的購物廣場「希慎廣場」，再三翻查「京林屋」店舖位置資料之後，發現「京林屋」位置高高在上的十二樓，已經有點心理準備，我可能要坐升降機。結果前往「京林屋」的過程沒有我預期那麼麻煩，除了坐升降機上十二樓之外，食完離開「京林屋」的時候，我只需要坐着「希慎廣場」的扶手電梯回到「希慎廣場」地下，隔着「希慎廣場」的巨型落地玻璃，眺望窗外銅鑼灣「軒尼詩道」的風景。儘管香港當時天氣一般，亦無損我整天出外的興致。而我幫襯「京林屋」的時候，慶幸「京林屋」當時還有座位，讓我暫時免於「輪候」跟「搭檯」之苦，還吃味道偏

We ordered 香港限定芭菲&林屋抹茶芭菲, which were no longer our first attempts. Our first attempt was around 2 years ago while second attempt was  about 8 months ago. I recall that we ordered exactly the same 2 parfaits for our previous attemptThe 2 parfaits arrived pretty soon after ordering as there weren't any other guests!香港限定芭菲From top to bottom: Matcha soft cream -> ~3丸子&matcha蕨餅-> crispy rice -> Matcha soft cream -> red bean paste -> cream -> jelly -> strawberries -> cr

京式鰻魚飯 我叫左京式鰻魚飯定食，配有醃菜同麵豉湯，而鰻魚配珍珠米加上旁邊配有蛋絲，鰻魚配上鰻魚汁，魚肉幾嫩而且唔會乾，沒有鯹味，如果醬汁再多啲會感覺更好， 個人比較鐘飯多啲汁。 金目鯛定食 另外亦叫左一個金目鯛定食，感覺金目錭口感有啲似鰻魚， 但明顯金目鯛比較滑同埋食落香啲， 佢唔同鰻魚定食飯同魚係分左開 醬汁無咁多，但一樣好食 個人比較鐘意鰻魚飯 京林屋最出名當然係佢地抹茶 抹茶芝士蛋糕佢抹茶味都keep住咁濃 個人比較鐘意個雪糕 抹茶味好香 抹茶芝士蛋糕唔會食落好膩 一個人當甜品食都算夠 岩岩好

平時去京林屋都係食甜品soba，難得有飯食，現時係推薦的no.1 京式鰻魚飯，收工捉住男朋友去試！晚上7時半左右，人流還未擠擁之時，即刻入座食飯先。京林屋搬上12樓後，座位空間寬敞得多，至愛這兒舒適零壓迫感。店員隨即端上餐牌，我也點了一份京式鰻魚飯(原條)連自選茶，都只係$118 ，再配熱焙茶 朝薰。十分期待這兒的鰻魚飯，即使京林屋主打是抺茶系列，但畢竟日本食鋪對自家出品的終究有既定的標準，所以也滿心期待。而男友則選了例牌熱的稻庭麵。聊一會大約十來分鐘，我的鰻魚飯到了！一共有4條份量相稱的鰻魚，非常肥大厚身。整碗很地道之餘，目測吃下會十分飽肚。整整4條鰻魚軟熟入味，一口魚一口飯，滋味十足。跟餐的湯也是傳統的味增湯和配菜幾件蘿蔔。男友的稻庭麵也如既往的水平，我自己則喜歡烏冬多點。焙茶朝薰茶壺中有一個小茶包，泡水時間，就是沙溜溜畢一整枝的時間。沖出來時，微微清清的茶味散左，飲下也有點回甘。大約沖了四轉，茶味依然。menu如下：

京林屋一直都係我好喜愛既一間日式店舖！佢個裝修簡潔，黃黃地色既木牆同椅桌令人舒服。好有日本既味道！門口擺左幾塊大餐牌同食物標本，好引誘人入去食！熱食有幾款，有飯定食、蕎麥麵、烏冬等。我地首先叫左個金目鯛定食，有焙茶飯、麵豉湯、醃蘿蔔同主角金目鯛！金目鯛肉質好好好嫩滑！好鮮甜！沾滿左醬汁，甜甜地，好香，同金目鯛好夾！焙茶飯平時較少食，個紫菜好香。飯食落有少少茶既香味，感覺特別！另外，我地叫左個鰻魚定食，一樣有麵豉湯等。同金目鯛一樣，鰻魚肉好嫩滑，個皮煙煙韌韌，多左一重口感！鰻魚汁沾滿每一部分同有啲落左飯度，好香，正！焙茶牛奶忌廉好香濃，甜度剛好！香港限定抹茶芭菲材料好豐富，分左好多層，每層有唔同既驚喜！首先，個抹茶雪糕好香抹茶味，少少甜，好幼滑。份量都好多，差不多到杯中間個位置！下層有丸子、蕨餅、果醬同黑糖等。食完呢一杯真係好滿足！焙茶芝士蛋糕呢個味道都係第一次食，蛋糕好幼滑，焙茶既味道相比芝士味重，唔算好甜，岩我口味，幾特別！好滿足既一餐！價錢唔貴，一人一個主食+甜品已經食到好飽飽，質素同味道都好得！

「抹茶雙妹嘜」又係時候出動啦! 今次又是潛入港島區品嚐抹茶的美味, 就是帶她去我很喜歡的「京林屋」，其實一直都想推介給她, 今晚終於有機會啦! 雖然我倆的目標是抹茶, 但其實我也想推介這裏的焙茶烚友人, 不知她會否一嚐便愛上呢? 店子的裝潢保持着一貫的特色, 以木材設計, 友人就被門口和櫃枱擺放的產品模型吸引着, 看到目不轉睛, 哈! 走進內裏, 燈光柔和, 設計簡樸優雅, 中間設有一張長木枱, 可坐十多人, 周邊幾張四至六人枱. 另一邊還有數張二至四人枱連長沙發座。最想坐的是那兩張滿載日本風情的仿榻榻米座椅, 簡樸優雅, 感覺舒適自在, 可惜今晚來到已被客人坐了, 噢!安坐後, 店員隨即送上清水和餐簿, 友人急不及待馬上翻閱。餐簿設計精美, 每頁均附有菜式的相片, 分別有甜點、雪糕、雪山、芭菲、麵食、飯類、茶和飲品, 另外還兩款期間限定的飯類和一款甜品, 選擇不少。******************************甜品當然要吃, 但怎能晚餐只吃甜呢?  還是在嚐甜之前先吃些鹹食打打底。餐簿內多了五版鹹食, 飯和麵各五款。我倆都是抹茶控, ,第一時間便揀了冷抹茶蕎麥麵 Cha