京林屋 (希慎廣場)

營業中

休息中

「抹茶雙妹嘜」又係時候出動啦! 今次又是潛入港島區品嚐抹茶的美味, 就是帶她去我很喜歡的「京林屋」，其實一直都想推介給她, 今晚終於有機會啦! 雖然我倆的目標是抹茶, 但其實我也想推介這裏的焙茶烚友人, 不知她會否一嚐便愛上呢? 店子的裝潢保持着一貫的特色, 以木材設計, 友人就被門口和櫃枱擺放的產品模型吸引着, 看到目不轉睛, 哈! 走進內裏, 燈光柔和, 設計簡樸優雅, 中間設有一張長木枱, 可坐十多人, 周邊幾張四至六人枱. 另一邊還有數張二至四人枱連長沙發座。最想坐的是那兩張滿載日本風情的仿榻榻米座椅, 簡樸優雅, 感覺舒適自在, 可惜今晚來到已被客人坐了, 噢!安坐後, 店員隨即送上清水和餐簿, 友人急不及待馬上翻閱。餐簿設計精美, 每頁均附有菜式的相片, 分別有甜點、雪糕、雪山、芭菲、麵食、飯類、茶和飲品, 另外還兩款期間限定的飯類和一款甜品, 選擇不少。******************************甜品當然要吃, 但怎能晚餐只吃甜呢?  還是在嚐甜之前先吃些鹹食打打底。餐簿內多了五版鹹食, 飯和麵各五款。我倆都是抹茶控, ,第一時間便揀了冷抹茶蕎麥麵 Cha

好掛住呢度既唔知咩魚定食同缺餅拼盤，特登返黎食，點知林屋定食賣晒。咁我地試下金錭定食啦 ($88)。原來鯛魚比鰻魚肥美好多，一舊魚有4成都係魚油/肥膏，外皮少少既甜味燒汁同魚油味道融合左，兩樣都甜，但係一d都唔漏，入口即溶，溶左仲會係口入面一路飄香，簡直唔捨得吞落肚。咁香濃既魚油居然唔會蓋住茶味飯既香味，d飯無乜甜味，而係充滿香片/鐵觀音茶味，茶味突出到好似鐵觀音雪糕咁，係其他餐廳無既味道。宜家覺得茶漬飯真係小兒科。我地又點左原條鰻魚定食 ($98)，只係比錭魚貴10蚊，但係魚既份量多1/3，比較之下好抵食。今次燒得唔夠淋，魚肉係爽口既，似中式蒸白鱔，好彩味道仲係日式既，調味同鯛魚一模一樣，少少醬油多多魚味，只係鰻魚多d肉食，魚油/肥膏少好多，總之質素都係好高，份量係足一條魚，好滿足。揀鰻魚定錭魚就睇你鍾意魚肉定魚油多d，我兩樣都鍾意。一人食左一個定食都唔多飽，餐廳好應該考慮下提供添飯，白飯都好吖。點多個甜品。上次試特製拼盤非常滿意 (有一球抹茶雪糕、白玉餡蜜、缺餅、墊底大菜糕)，今次試新野，點左抹茶芝士蛋糕，連一球雪糕同白玉餡蜜 ($88)，點知大失所望。雪糕最好味，係溶得快左d，白

不嬲都好鍾意去啲日式餐廳，因為裝修簡潔，而且食物精美。係希慎行街經過，見到餐廳個門口餐牌同埋食物模型都好吸引，就入咗去食嘢啦！好彩呢一度有定食同埋甜品，甘就一次過可以完成晚餐同埋甜品。餐牌上面嘅定食唔係話好多，但係見到有個期間限定，鯖魚定食，個人都幾鍾意食鯖魚，就叫左呢一個套餐啦。定食有面豉湯、酸蘿蔔、鯖魚同埋焙茶飯。而右上角細細樽果樽係柚子醬，可以撈落蘿蔔蓉度食，有另一番風味！鯖魚望落去好肥美，成條沾滿晒汁，甜甜地，同鯖魚好夾。鯖魚個肉質好林，有少少嘅肥肉，好香，好鐘意鯖魚果種獨特既嘅味道。呢條鯖魚做得唔錯！另外叫咗一個金目鯛定食，佢同鯖魚定食差不多，但係個主菜就係肥美既金目鯛！金目鯛嘅肉質比鯖魚更嫩滑，因為係腩位，所以更加多油脂，好香，入口即融甘濟，超正！！食落超級嫩，林咗少少嘅汁，超好味！呢個金目鯛係會令你一食上引！呢個陪茶飯上枱既時候好香紫菜味，食落有淡淡的茶味，但係唔好話好濃，唔會搶晒飯香。個定食唔算話好大份，食完未必係十成飽，甘就剛好有位置食甜品！！焙茶芝士蛋糕芝士蛋糕唔算話好膩，有淡淡的茶同埋芝士味，食落好滑。仲有一個焙茶雪糕，清淡茶味，唔太甜，好食！香港限定抹茶芭菲分左

這間位於希慎的日式餐廳完全滿足到我這個抹茶控。由飲品至主食至甜品, 也有抹茶味的食物供選擇。 一次過滿足我想吃抹茶的願望。餐廳的環境和格局有少少日本feel。飲品方面, 我點了玉露茶。店員呈上這個茶的時候, 會講解一下怎樣沖茶, 亦會派發一張卡紙。卡紙上會教你怎樣沖茶。茶的味道幾濃, 帶點綠茶的苦澀味。主食方面, 我們點了抹茶蕎麥麵, 一凍一熱。 甜品方面, 我們點了一杯香港限定抹茶芭菲和焙茶卷蛋。抹茶蕎麥面的抹茶味不突出, 但是我喜歡蕎麥麵的質感, 吃完整碗蕎麥麵也不會覺得有太大的飽滯感。冷蕎麥麵好清新, 當佢係普通蕎麥麵就不錯。香港限定抹茶芭菲- 抹茶雪糕質感好軟滑, 奶味比較重, 甜度略高了點。雪糕上層有幾粒丸子同新鮮製造既蕨餅。蕨餅口感柔軟兼嫩滑, 中層仲有一堆紅豆蓉同邪惡既cream~ 紅豆蓉配抹茶雪糕食好正~焙茶卷蛋的焙茶味幾香，卷蛋很軟熟，旁邊還附上一球焙茶味雪糕。

元老級嘅綠茶店真係食幾多次都唔會覺得厭同埋唔同嘅店舖都有唔同嘅感受同埋唔同嘅質素今次我就同屋企人嚟到銅鑼灣店照燒雞排 飯$78有兩塊雞扒加入蛋絲同埋紫菜啲飯都係有汁嘅唔係白飯雞扒一片都好大塊而且雞肉好入味再加上雞皮都好香同埋好滑饅魚飯$98你都當然要食必食嘅鰻魚飯因為有原條鰻魚燒得好香鰻魚汁加飯超好食令到個飯甜甜地再配上小食及湯湯記得要攪勻先好飲唔係未到就會偏鹹焙茶芝士蛋糕 $88焙茶蛋糕出名因為味道冇綠茶咁甜而且又甘香同埋好重芝士味再加上個餅底都係好有牛油味香港限定 $98完全可以滿足到綠茶嘅需要因為除咗第一層係綠茶下面果層都係綠茶雪糕而且仲有啲脆脆可以比咬增加口感同埋味道仲可以有士多啤梨生果係底鮮奶焙茶 $45淡淡地嘅味道焙茶味比較淡

今天在銅鑼灣希慎誠品打躉，不知不覺已經到左晚飯時間，朋友下班meet我，不想到別處覓食，就約在12樓的京林屋吧，反正想試試他們的抹茶甜品。來到餐廳時間尚早，人還沒有很多，可以直入，可以坐在好有feel的屋仔入面，店員提示我們一小時要還枱。京式鰻魚飯(原條) $98同朋友都叫左同一樣京式鰻魚飯定食，配有醃菜及麵豉湯，原條蒲燒鰻魚放焙茶米飯上，旁邊放有蛋絲，鰻魚juicy沒有鯹味，口感都幾煙韌，有別平時食到的鰻魚飯，配上飽滿的珍珠米，非常美味，如果醬汁再多一些會更好。林屋抹茶芭菲 $88有招牌抹茶雪糕、抹茶啫喱 、紅豆白玉丸子和寒天，層次分明，口感味道豐富多樣，啫喱尤其滑溜味甘，甜度不高，很滿足。特製林屋抹茶餡蜜 $98朋友點了個京林屋招牌，賣相漂亮，有六種不同味道和口感，既煙韌又爽口，包括抹茶蕨餅、抹茶雪糕、抹茶啫喱、小丸子、紅豆、寒天，蕨餅煙韌配上抹茶粉味道濃郁，整個甜品吃完也不覺得膩。抹茶牛奶 $46奶味特濃，愛奶的朋友啱曬，抹茶味作點綴，都幾特別。下次再試試其他菜式、甜品和飲品。

同朋友於銅鑼灣聚會，朋友想食希慎的京林屋，便帶他去試試。餐廳裝潢富和式風格，以木色的簡潔清雅，最特別的設計當然是那個像燈罩的座位，可容納4人，坐進去都看不見樣，私隱度甚高。餐廳主打以抹茶為主題，看看餐牌除有和食、面食等，還有甜品、飲品都好吸引。《林屋和食料理 $88》定食中的餸菜都豐富多樣，有四格：第一格是帆立貝、魚仔和芝士魚腐，第二格唔是蛋角、木耳，第三格是雞肉魷魚沙律，最後還有鯖魚的醬汁很香帶微甜，魚肉質十分腍甜。茶漬飯用上紅茶配珍珠米飯，配搭不錯。《京式鰻魚飯(原條) $98》鰻魚份量十足，肉質腍軟，鰻魚味香濃，配上米飯一流，醬汁稍微不夠。《玫瑰蘋果煎茶(熱) $42》玫瑰蘋果煎茶富日本特色，並不是很濃烈的果汁味果茶，而是淡淡的玫瑰蘋果茶香，可以暖暖但胃先。店員介紹說每次泡茶，都可用沙漏斗計時，就最好不過，沖左五六杯都還有味道。《甘栗戀人 配茶 $98》新餐牌新出品介紹，愛試新品的我當然不會錯過。甘栗蓉香滑，包著的是栗子《焙茶芝士蛋糕 $88》入口焙茶味濃，香滑有質感，比較清新而不膩，加上焙茶雪糕，令焙茶味更濃郁。

今日和太太往銅鑼灣京林屋食lunch, 我們被安排坐和座, 和座座位舒適, 坐得很舒服, 好舒適, 牆身有日本的畫,猶如置身日本民居,點了金目鯛定食, 林屋和食料理配凍焙茶朝薰, 焙茶jelly雪糕和秘製抹茶厥餅。金目鯛定食金目鯛魚肉肉質鮮甜, 配上酸酸甜甜的蔥段, 食落開胃；林屋和食料理賣相一流, 凍蘿蔔酸酸甜甜, 食落開胃；味噌湯湯好清甜, 昆布味好香, 飲落不會口喝；林屋和食料理有鯖魚, 帆立貝、魚卷、銀魚乾、蛋餅和沙律帆立貝。鯖魚肉質鮮甜味美, 食落惹味；帆立貝食落新鮮彈牙, 配上醬汁食落醒胃；魚卷食落彈牙爽口；銀魚乾酸酸甜甜食落好醒胃；蛋餅好有蛋香, 食落軟綿；最後沙律帆立貝沙律食落酸酸甜甜好開胃, 配上惹味帆立貝食落彈牙惹味；茶漬飯茶味香濃, 飯好香好軟綿, 配上昆布能帶出茶漬飯的軟綿甘香,；最後焙茶朝薰熔茶味香濃, 飲落帶甜清甜, 整份林屋和食料理配凍焙茶朝薰好足料美味, 口感大滿足；我們食完定食點了甜品焙茶jelly雪糕和秘製抹茶厥餅, 甜品焙茶jelly雪糕是星期五至日的限定甜品,焙茶雪糕味道香滑, 茶味香濃,jelly味道甜度適中, 和焙茶很合拍, 甜度適中的焙茶j

抹茶根已深種了，定期去一去京林屋做個食療，銅鑼灣店好方便，早到不用排隊鳥。簡潔日式裝修先食定食，再食甜品。金目鯛魚定食 $88魚肉充滿膠質，滑lulu，沒骨，醬汁帶甜味，很好下飯。miso soup熱熱的，味道剛好，不會太咸，仲有海帶料。林屋和食料理 $88 當中最喜歡的就是沙律，可以吃到新鮮的魷魚，有少許的wasabi調味，裡面還有蟹子。第二最愛是魚干，硬硬的有口感，咸咸的很下飯。整體都很好吃，種類多，既豐富又健康。特製林屋抹茶餡蜜 $98厥餅的抹茶味道濃郁，口感滑嫩，配上少許紅豆、綠白果凍和白玉，加了黑糖吃有另一番風味，有如置身京都一樣。培茶卷蛋$88雪糕入面見到點點培茶茶葉，茶味清香，配蛋卷食，有不同的層次和口感，附上白玉紅豆，都是我的最愛，吃完以後心裡很滿足。熱培茶牛奶 $46培茶和牛奶的比例不錯，如果茶味再濃些就更好喝。

本來想試出名d既抹茶但既然焙茶係金土日曜日限定咁都係焙茶啦~首先雪糕好滑亦好重茶味，份量都比想像中多！唔會好快溶，我食得好慢都只係溶左少少！下面既啫喱就無味既，得甜味😂

今晚好開心約左舊同事食飯, 我地去左希慎食京林屋, 定食同甜品一TAKE 過,唔洗食完飯再搵甜品~我地先一人一個定食, 朋友要左金目鯛定食, 我要林屋定食料理定食. 2個都配焙茶飯, d 日本珍珠米吸收焙茶香，聞落甘香、有烘烤香味~ 金目鯛定食 - 金目鯛份量雖然比較少，但好在醬汁帶少少甜，而且肉質嫩滑，好好食，如果份量再多D 就好. 而林屋定食料理定食賣相勁吸引, 包括秘製汁煮木耳絲配野菜，海鮮沙律、原粒帆立貝配惹味乾魚仔、芝士腐皮卷及照燒汁鯖魚，口感豐富～之後我地仲一人一個甜品，有香港限定芭菲、特製林屋抺茶餡餅。香港限定芭菲 - 內裡除了有抹茶雪糕外，仲有白玉、蕨餅、十勝紅豆等！雪糕和紅豆軟腍，白玉煙靱，加上其他食材，口感豐富，good =]而特製林屋抺茶餡蜜 - 餡蜜包括白玉、寒天、抹茶啫喱、秘製抹茶蕨餅及抹茶雪糕，層次、質感都岩岩好！沾點附上既黑蜜，可以逼出茶既甘香，必試。

在誠品打完書釘，到樓上京林屋開餐，原來餐廳在日本1753年開業，至今二百多年，是研發抹茶甜品的開山祖師日式簡約裝修茶旁邊還有小漏斗計時，不會錯過泡茶時間發現原來不只甜品，和食料理的米飯加入秘製焙茶，令飯粒散發著甘香誘人的焙茶香，口感亦較煙韌及具黏性京式鰻魚飯 $98定食配有醃菜及麵豉湯，原條蒲燒鰻魚放焙茶米飯上，旁邊放有蛋絲，鰻魚juicy 沒有鯹味，配上飽滿珍珠米，非常美味金目鯛定食 $88金目鯛與焙茶飯可說是絕配！金目鯛用醬油煮肉質鮮嫩，帶有魚油香，遇上焙茶飯甘香，不但合配，還有去油膩的感覺焙茶卷蛋 (單品$88 / 配茶$108)經典組合 —— 抹茶卷蛋、抺茶雪糕與紅豆白玉，鬆軟卷蛋內厚厚的抹茶忌廉以日本忌廉打成，幼滑中帶有濃郁的抹茶香味香抹茶芝士蛋糕 (單品$88 / 配茶$108)抹茶搭配香濃的日本忌廉芝士，兩者味道相互平衡，口感綿細膩．Menu

開左好耐一直無食過，今次陪抹茶控過黎試下睇過review 知道佢仲有咸食，所以直接過黎ko 哂dinner dessert選左京式鰻魚飯$98，鰻魚都有2大截，份量唔算少. 有少量細骨，鰻魚皮有一定厚度，比較煙韌，粘度高. 飯量女士黎講適中，睇落帶鼓油色但其實無咩味林屋和式料理 $88，有多樣料理，味道有住家菜感覺. 炒小銀魚幾下飯，salad 炒木耳同丸等味道不過不失. 另外以小碟裝住醃白蘿蔔酸酸幾開胃飲品share 左杯抹茶牛奶忌廉 $48，比較偏甜. 可能cream 奶味較重蓋過左抹茶香.甜品order左芭菲$98 同焙茶卷蛋$88.前者材料都幾豐富，除左抹茶雪糕仲有strawberry jam, 白玉，紅豆，寒冰，米通等.抹茶雪糕texture都算幼滑，帶抹茶香，無回甘. 如果喜歡抹茶香但不喜太濃郁同苦澀抹茶應該都會滿足.不過抹茶控朋友同我都不約而同追求濃度更高抹茶味.後者焙茶卷蛋texture 都濕潤唔會太乾，可惜偏甜而且無焙茶味. 焙茶雪糕相對卷蛋較好

今日去完銅鑼灣希慎間誠品度行街 超攰就上咗嚟12樓呢間京林屋度嘆下午茶 原來呢度都有飯食 叫咗個林屋和食料理 感覺似日本嘅家庭料理 樣樣都有啲 細細份 有前菜 煎餅 燒魚等等 味道好 做得好出色 的樣子都精緻 朋友叫咗個金目鯛料理 金目鯛好肥美超多魚油 而且用咗燒汁去燒 好香口惹味 送飯一流 兩個飯仲有啲酸蘿蔔可以畀你一解油膩 重感 配埋麵豉湯 夠曬日式 食完飯梗係要食呢度最出名嘅抹茶甜品 我叫咗個特製林屋抹茶餡蜜 上面有大大球嘅抹茶雪糕 非常重抹茶味 而且偏甘微甜 好滑 再加上抹茶蕨餅 白玉 紅豆等等 隔離仲有一瓶黑蜜可以畀你落落去 甜甜地好有趣 勁有京都嘅風味朋友叫咗個香港限定芭菲 上面係抹茶軟雪糕 同樣地好滑 但係抹茶味較淡 牛奶味比較突出 下面亦有白玉 蕨餅等等嘅配料 最特別係最底有原粒士多啤梨嘅果醬呢間抹茶甜品好正 下次都會再嚟食

阿美小姐是我讀書時期的一個最好的朋友，畢了業後還可以跟她經常見面，這段友情對我來說實在十分珍而重之。而阿美小姐是一位甜品愛好者，對美味的甜品十分著迷！這晚，我們決定來一個嘗試，放棄晚餐，直接來吃！甜！品！代替，而且還是她喜歡的抹茶跟培茶的甜品專門店，還是很日本風的，畢竟這是日本京都的名店。特製林屋抹茶餡蜜 - $98這個抹茶餡蜜相當豐富，當中包括白玉、寒天、抹茶啫喱、抹茶蕨餅，還然還不少得抹茶雪糕，令阿美小姐這個抹茶控相當興奮。整體餡蜜中抹茶味成品的味道都豐富和濃郁，淡淡抹茶的清香在口中徘徊，當然最重要的時他集合不同口感的食材，一份甜品，多重享受！抹茶卷蛋糕  - $88卷蛋糕可以說是我對最愛的蛋糕類，全因蛋糕跟忌廉的比例相當完美。而這個卷蛋糕也理當然要試抹茶口味的，抹茶造成的輕忌廉口感相當幼滑，非常 creamy，而且抹茶味可以於口中有回甘的感覺，相當優秀！抹茶沙冰雪糕 - $58抹茶的蛋糕吃了，抹茶的啫喱吃了，抹茶的蕨餅吃了，抹茶的雪糕吃了，還想要試試抹茶沙冰不知喝下會是什麼味道？！入口是濃濃的抹茶跟奶味，兩者間的平衡來說是做得不錯，而我會建議稍為攪拌令雪糕球溶於抹茶奶當中，會令抹