京林屋 (希慎廣場)

營業中

休息中

約了一班舊同事來個小lunch 聚會大約中午十二點來到，這個時間無等位（可能肺炎時間）一入到去餐廳，有幾特別的兩大格四人座，要爬入去坐（忘了影相）諗住我們大家都耐無見，應該會好多野講就試下入去坐，感覺都不錯，幾有私人空間感好啦～ 快下單先！+$20配茶或單點已配味噌湯見d荼都幾特別有生果味，我們都加了套餐野食都好快到我叫個定食餐，咩都有點左上角 - 雞肉，菜，煎蛋（不干，不錯）左下角 - 魚乾，芝士魚糕（芝士控）右上角 - 鮑魚沙律（咸的，似龍蝦沙律feel，本來意為是蛋沙律既朋友，不錯！）右下角 - 煎鯖魚（無骨）再配個茶飯，大滿足總結，一百初的價錢，這個質素不錯！

今日約左友人去希慎行街，行到咁上下，決定搵野食，京林屋之前一直想去食，知道朋友都係抹茶控，所以就試一試啦-林屋和食料理🍱好精緻豐富 ，豆腐、日式芝士魚餅、木耳、醬燒帆立貝、魚乾、沙津、汁燒鯖魚、麵豉湯、白蘿蔔、焙茶飯 -最愛汁燒鯖魚，燒得剛剛好😋吾乾身焙茶飯 有淡淡茶香味，好特別😋林屋抹茶芭菲🍧-抹茶味濃郁 甜道適中，有丸子、紅豆、抹茶啫喱 配搭一齊口感相當豐富餐廳環境舒服整潔，座位舒適，食物精緻友人同我都好喜歡

本人都幾中意食d 抹茶野🍵，由其係抹茶雪糕🍦但係你知啦，好多matcha product 都係得個綠色，分分中係d人造色素，一d抹茶味都冇之餘仲得個甜字🤨 自從係Element 食過京林屋嘅抹茶系列就已經深深愛上佢，抹茶雪糕有濃濃嘅綠茶味，回甘得黎又唔會太甜👍👍咁岩今日出開Hysan ，咁岩見到原來京林屋有熱食，所以就入左去試下叫左個林屋和食料理買相好靚，每樣餸嘅份量唔多，大約都有細細地兩份，用黎送飯都好夠，仲包左麵豉湯，味道都okay唔會太咸珍珠米嘅飯幾好食，主菜有d醃左嘅前菜，個蛋幾滑幾好食，鯖魚都好鮮味，小魚干有d硬同燶燶地，感覺好一般，帶子同炸魷魚因為係凍嘅關係，都係麻麻地為左平衡返呢個一般般嘅主菜，叫返我最中意嘅厥餅，雖然價錢偏貴，個比其他鋪頭食到嘅更加軟熟濃味🍡加埋黑糖蜜，正！

抵食、好食之選⋯⋯主食都有水準👍🏻👍🏻👍🏻喜歡到京林屋，主要食佢嘅甜品🍨🍧本來係打算去其他地方食完再去食甜品，但比佢餐牌其他主食吸引左，就試吓主食啦😋1.讚岐烏冬（$68 ）烏冬真係冇失禮，煙韌彈牙，個湯底亦好好味，配合些少蛋絲及炸物，真係「得」👍🏻👍🏻👍🏻2.照燒鷄扒飯（$78）燒汁甜甜地令鷄扒更惹味，飯底有D甜甜醬汁伴蛋絲，令成件事更開胃！回味😋😋😋3.葡萄🍇煎茶（跟餐+$20）平常多數叫白桃茶之類都覺得好香，今次改叫葡萄煎茶，更加突出，個茶好特別，你聞到葡萄香味，但飲起來係煎茶，亦唔會甜，可以達香而消滯效果，超讚👍🏻👍🏻👍🏻4.香港限定芭菲（$98）講得香港限定，點都要試吓。層層不同嘅配搭，分別雪糕🍦、白丸子、脆米、忌廉、紅豆、蕨餅，食完真係覺得超🈵️足🥰埋單盛惠：$290

今晚睇夜場, 距離開場仲有時間, 為食男朋友提議喺附近嘅商場食個甜品先😍 因為啱啱過咗晚飯時間, 九點幾係高峰甜品時間, 所以去到門口都要攞飛等位, 好彩大概等左5分鐘已經入到去坐😁男朋友望見啲芭菲覺得好吸引好想食😌 一坐低就話要叫個抹茶, 我左諗右諗, 最後決定左叫抹茶芝士蛋糕 set 呢個set有齊我想食嘅嘢, 抹茶雪糕🍦, 紅豆丸子 抹茶芝士蛋糕🍰本來加多少少錢係可以自選一杯茶嘅, 怕太夜飲茶瞓唔着就冇叫到, 已經是大滿足 唯一就係餐廳真係太多人喇, 一食完侍應都希望客人早啲埋單, 唔太適合想坐低慢慢飲茶食甜品傾計嘅朋友😅

一提起抹茶,就會想起幾間來自日本好出名的茶屋,今日咁岩來到希慎行街,所以京都抹茶百年老店之一的京林屋就係我和朋友食下午茶的心水選擇!!茶屋無論店外或店內都充滿和式風格,裝修以木製傢具為主,燈光柔和舒適,座位除左有長枱,仲有幾個掛有屏風的特色卡位,都幾特別!由於這裡係抹茶老店,大部份食物都和茶有關!有冷或熱的抹茶喬麥麵,抹茶甜品,抹茶雪糕,抹茶紅豆湯等,如果想食烏冬都有!!隨喬麥麵或烏冬都會一同奉上一碟醃蘿蔔和一碗小蘑菇及蘿蔔蓉!<冷抹茶喬麥麵> 賣相十分清簡,實而不華, 綠綠的喬麥麵食起來冰涼爽口有嚼勁,一份清新淡淡抹茶的味道在口裡徘徊!!再將喬麥麵蘸上冷麵汁,加埋滑嘟嘟的小蘑菇一起食,特別開胃!<冷讚岐烏冬> 賣相同抹茶喬麥麵一樣清簡,讚岐烏冬以煙韌滑溜見稱,輕輕一吸就從舌尖滑到喉嚨裡,冰涼的烏冬蘸上冷麵汁,放入口特別清涼好味!<玫瑰蘋果煎茶> 加$20有5款自選茶選擇,我們都選左同一款!由一套小巧別緻的茶具盛載,為保證煎茶焗出高水準茶味,附上一張對泡茶過程與時間建議的指示牌,還有漏斗比我們計算浸泡茶葉的時間,安排非常專業!根據指示泡出

今晚同阿媽食完飯，就帶阿媽嚟呢度食甜品。因為知道阿媽鍾意食抹茶，而我每一次經過哩一間食店都比佢門外嘅甜品sample 吸引，於是今次終於要來試一試。哩間食店原來唔係只得甜品架，我哋見隔離枱都有人食鰻魚飯，阿媽就話下次可以黎試吓。阿媽揀咗林屋抹茶芭菲($88)，至於我，由於唔鍾意食抹茶，所以就揀咗培茶芝士蛋糕($88)。我試咗少少阿媽嘅抹茶芭菲，果然係好苦，唔係我杯茶，不過如果真係鍾意食抹茶苦味嘅人就一定會好鍾意。我個培茶芝士蛋糕絕對係我杯茶，芝士蛋糕同雪糕有微微嘅培茶味，雪糕有磨碎左嘅茶葉，所以有少少口感，不過我都係鍾意個蛋糕多過雪糕，可能因為蛋糕下面有曲奇餅底，哩個係我至愛😆😆。

P小姐肚仔餓 又唔想食得太飽😂H先生就提議不如食個甜品💁🏻‍♂️.「特濃焙茶雪山」呢個雪山望落都幾震撼 好大個😱中間係刨冰 質感好薄 好軟綿綿🤩加埋右手邊既黑蜜 甜甜地又夠曬凍🥶食落超舒服😋焙茶雪糕 嗒真啲裡面仲有細細粒好似磨碎左既茶葉😮所以真係好濃焙茶味道🤤雪糕好滑 正👏🏻👏🏻最底有兩粒玉子同紅豆蓉😎建議可以留返啲刨冰一齊食 口感同溫度都會好啲☺️.價錢比較貴 甜品價唔值🤨「焙茶芝士蛋糕（配自選茶）」今次重點講下蛋糕同茶🍰🍵H先生唯一接受到芝士既地方就係食pizza既時候😂基本上其他所有芝士嘢都怕🤦🏻‍♂️原本都無諗住食P小姐呢件cake😅但佢係咁叫H先生試下因爲唔濃cheese味道😉一試 又真係喎 焙茶味反而仲突出😮食完個口一啲都唔羶 好彩👍🏻其實都正常 如果cheese勁過茶就會失去店舖特色🤛🏻Cake食落都幾滑 細細舊咁唔驚會好飽✌🏻.茶就揀左熱既蘋果玫瑰煎茶🌹🍎餐廳提供埋沙漏 ⏳ 提醒客人避免茶泡得太耐🙅🏻‍♀️味道散發住幽幽既蘋果清新氣味💫🌟雖然唔係有甜味 但飲落好感受到嗰份香甜😍好似面前就係放左個蘋果喺度咁🥰都飲得出玫瑰花香味道 好舒服好relax😌客人之後可自己加水再泡 都可以

今日午餐後見唔多人就去試試呢間看似評語唔錯嘅餐廳。首先係鰻魚飯，鰻魚同出面食到嘅差不多，份量都算夠，米飯係有色但怪怪地嘅珍珠米，因為menu唔覺有註明，所以無心理準備個飯係咁。湯同漬物味道都可以。烏冬份量比較細，烏冬都彈牙，都係同出面食嘅差不多。再嚟到鯖魚飯，鯖魚其實都係同出面食到嘅差不多，唔會有咩驚喜。跟飯可以加錢飲茶，茶就用個看似精緻嘅茶壺仔同杯上檯，入面係茶包仔，唔係是但盒仔茶包嚟喎，再比個漏斗仔你，三十秒後可以倒出嚟飲😂 汝家池塘 可能佢哋出名甜品啦！期望高但味道一般！不過呢個價錢喺銅鑼灣希慎就差不多了吧！

想食甜品，又想食咸嘢，京林屋絕對係不二之選，無論咸甜，佢都never disappoints. 之前喺度食過晚飯，今次就叫個靖魚定食試吓，同埋跟set 叫咗蘋果玫瑰茶飲吓。先講個茶，因為第一樣上就係佢，朋友叫咗個葡萄茶個香味就搶哂我呢個蘋果rose. 但飲落都比一般茶店嘅水果茶重好多，平時飲嗰啲唔會有咁岀個味，呢度嘅果茶就真係有嗰個味，例如今次真係會飲到蘋果同rose 嘅味，當然飲落無聞落咁突岀，但都唔錯，好有清新嘅味道。再嚟係個定食，魚燒得好靚個味都好好食，最正係佢完全無骨，表示好滿意，係個茶飯麻麻，茶味就有喇，但真係唔太習慣，亦唔太吸引，有得揀真係寧願食返白飯。最後加多件matcha cake roll 埋尾，正。無論雪糕定cake roll 都做得好好，抹茶嘅澀岀哂嚟，個抹茶cream 都好食。缺點係份量唔多但價錢有啲貴，不過間唔時食舊cake, 又ok 既。

咁我之前喺京都有食過類似嘅抹茶主題甜品店嘅，當然香港嘅小店就冇辦法同日本宇治幾百年老店嘅總店比啦。🙌🏻但係，日式甜品呀嘅精髓就在於佢嘅外型精美，令人垂涎三尺，唔食得都最緊要睇得。🤩今日見到嘅甜品上枱，算係中規中矩啦。味道都正常。食物一般嘅話就睇裝修會唔會加分啦，希慎呢間分店嘅裝修就一般般，日式氣氛唔係太濃厚🤔🇯🇵總括而言依個價錢算係偏貴，平時都見呢間餐廳比較少人去，價錢可能係一大因素🧐💰

一個人去到銅鑼灣等覆診， 又早咗兩個鐘到，唯有去醫下肚先。行咗陣街 ，其實都唔知食啲咩… 一路行上去就見到 京林屋, 就自自然然咁行咗入去啦!我就叫咗青魚定食， 青魚配珍珠米…… 魚上面仲搽咗一陣甜甜地嘅豉油，魚皮煎得脆脆地， 熱珍珠米上面有啲紫菜絲… 食起上嚟好有層次…而餐包括前菜醃蘿蔔和麵豉湯。服務態度都很好，好有禮貌，仲成日會添茶畀我!!我就見到隔離同入嚟啲客人都會叫佢嘅抹茶甜品，但我今次實在太飽啦!!!!下次先再試啦!!!!!

踏進京林屋，驚訝裝潢和京都的餐廳沒有大太分別，餐牌包含的也是正宗的京都甜點，另也有咸點以供選擇。我一個人等朋友，所以自己點了燶味培茶雪山。有驚喜，雪山配予的黑蜜很燶香，食得出日本黑糖的清甜味道。建議可以先嘗試挖出底部的紅豆和培茶果凍，夾著炮冰一起吃會更好味。中間的兩顆玉子配紅豆蓉吃甜度剛剛好。餐點已配搭了一小瓶的黑蜜，喜歡甜一點的，可以再額外加上。我就覺得不用額外加黑蜜，已經很夠清甜了。

Th food isnt delicious at all, the matcha pudding tastes so weird, and the texture is so weird too. The dessert should be cold but turns out they are not cold, making the whole dessert sooooo weird.The ice cream is ok, but the mochi tastes lightly. Quite disappointed, and the food is quite expensive. Will not be back again.

有日去完海洋公園玩左日，攰到一個點但又唔太肚餓，搭車去銅鑼灣搵食，見到大名鼎鼎既京林屋居然有位，即刻衝入去食抹茶製品！店舖既陳設清一色木製，好有地道日本感覺！侍應安排坐係一個有遮蔽既位置，坐入去頗與世隔絕，可以專心食野！食甜品之前先叫個飲品潤下喉，我比較鍾意飲純茶，咁先飲到茶葉既真味！特別推介佢既焙茶，經過焙煎既茶葉香味濃郁，無苦澀味入口香純，簡直極級享受！甜品方面當然要試佢既「特製林屋抹茶餡蜜」，當中既抹茶雪糕味道適中，甜得黎唔會蓋左抹茶應有既苦澀，仲有Ｄ抹茶蕨餅，口感一流，抹茶控不可不試！