京香餃 (已搬遷) 新店位置

由長長的中環自動扶手電梯爬上黎, 唔行慣, 真係覺得幾遠, 為左餃子, 無計啦.餐牌上樣樣餃子都係十隻一碟, 一問之下, 原來真係可以揀兩款每款五隻, 真好! 京香梹 菜餃和羊肉餃, 肉多味濃, 幾有風味. 加上睇住佢係度整麵粉, 包餃子, 感覺特別新鮮好味.仲有個手拉麵, 要加$3, 確是彈牙可口.唯一問題都係味精多了, 但北方人做食物, 都預左有呢個情況啦.

雖則男朋友仔就住o係附近﹐不過o甘耐以o黎自己都未試過京香餃。(上次同男朋友o黎仲病緊﹐所以只係"陪坐"...)某晚同男朋友仔言念緊夜晚食咩﹐腦入面浮現o既有黃枝記(自從上次o係skyplaza錯過o左之後就再無機會"行近"黃枝記...)同埋京香餃。起初唔肯定京香餃有無素餃﹐於是決定同男朋友仔行過去望o下個餐牌。去到見到門口大大隻字寫住素餃﹐已經半推男朋友仔入去。(嘻嘻自問對湯情有獨鐘﹐見到個餐牌有例湯﹐即刻同男朋友仔每人叫一客。個哥哥聽到我o地要例湯﹐就好爽快o甘走o左去倒湯俾我o地。是日例湯係節瓜湯。夠味而且無味精﹐節瓜煲得好入味﹐唔錯唔錯。我o地另外叫o左一客魚肉餃(唔太記得個名)﹐同埋一客素餃。素餃入面有白菜﹐粉絲同埋冬菰。而男朋友仔o既魚肉餃就係魚肉同韭菜做o既。落單時﹐老闆娘話唔夠魚肉餃﹐所以改o左做隻三鮮餃。男朋友仔話三鮮餃好好味﹐大概因為入面有蝦...(哈哈至於我o既素餃就好好味。向來最怕素餃唔係好寡就好油膩。京香餃o既素餃就可以做到唔寡又唔油膩。白菜﹐粉絲同埋冬菰o既份量o岩o岩好﹐我食o左一半已經好飽飽。唯獨係覺得餃子皮比較厚同硬身...可能係因為老闆娘一朝早已經搓

在甘棠第看罷國父的展覽之後,從衛城道走回到堅道.彷彿由過去的革命歲月,回到歌舞昇平的現在.沿著堅道向著上環方向行走,見到有間以北方餃子作主打的麵店"京香餃",在下午時段,店子空無一人,老細索性在櫃位午睡.其餃子之外,麵線也是自家人手拉,很有興趣,於是便來一碗香芹肉餃手拉麵,加多$2,送杯冰凍的山渣茶.餃子皮厚而煙齦,肉餡充滿濃烈的芹香,味道幾霸道,不過我喜歡.自家拉出來的麵條,質感有如潮式的魚麵,入口感覺有點粗,不同機械式作業出來的細滑.麵條質感煙齦,一貫北方麵條的水準.如果多幾個人,在此來個餃子宴,再加些北方小吃,應該也不錯.

We came across this restaurant on Caine Road and saw Mr. Choi Lan's (蔡瀾) photo at the entrance and thought that we should give it a try.We ordered the mutton soup noodles (羊肉搶湯麺) and the sweet and sour fish rice (糖醋魚片飯). The noodles were bland and the soup was tasteless. To be fair, there was a lot of noodles. The sweet and sour fish rice tasted ok but there was a mysterious curly hair in the rice that was not long enough to be from the head or short enough to be from the nose, eyebrows, eye las

星期日下午6點去到, 只有一個食客, 好焗啊! 重有待應姐姐扒響枱面sleeping, OH! 好大陸FEEL啊! 我忍唔住問佢可唔以開大D個冷氣, 原來根本無開冷氣, 燈都唔係開曬! 真係好大陸家庭FEEL! 兩個人叫咗個:1)擔擔麵2)山東包3)手撕雞4)菜肉餃子擔擔麵最好食, 又唔會好多油, 又唔會死鹹, 幾值得食山東包–最少要叫2個, 普通啦! 由於裡面有芹菜, 我食左一啖就比左男友手撕雞–麻麻地! 我覺得可以唔試, 味怪怪的!菜肉餃子–都幾好味! 但菜肉餃為什麼有少少葱在裡面, 我唔食蔥, 所以唔鐘意.沒有下次了! 試過便算!我走的時候, 老闆同老問娘還在SLEEPING ….

今天在港大上完堂已是8:30pm...非常餓, 一早己想好下課後要來這裏吃餐勁。這是我第二次光顧, 很喜歡這裏有好"屋企"的感覺,地方清潔企理, 而且價錢好實惠ｏ今次我試了以下食物1) 芹菜鮮肉餃(2) 三鮮餃(3) 炸醬面(4) 醉雞翼一吃就知餃子是新鮮自家搓皮做成的, 口味好正宗。皮是比較厚, 但非常軟滑, 不像坊間有些店用機製行貨皮造成的餃子那樣, 餃子邊襇 非常靱ｏ餡料方面, 極有份量, 而且肉汁鮮味。個人比較喜歡芹菜餃, 認為口味清淡些。三鮮餃味道其實也極鮮美, 但本人覺得咸了點, 很明顯這是北方人口味ｏ麵食水準中規中矩, 醉雞翼ゼ非常入味ｏ離開時我還外賣了一打生餃子, 才二十多元, 很抵吃ｏ各位餃子迷, 有機會–定要來試試, 餃子款色很多, 而且這樣正宗的餃子店在香港實屬少見ｏ

午市食左個"芹菜鮮肉餃面"個餃好得﹗d 芹菜好香, 可能出面較少有芹菜餃啦, 我黎親衣度都食芹菜餃架。佢個唔知咩黃瓜(即青瓜)又係好好好好味﹗15蚊好大碟﹗d garlic味勁香﹗好鐘意食~ 可惜一個人黎食就食唔晒...豆漿就比較麻麻啦...又甜又加好多水咁...仲要成八蚊一杯﹗下次都係飲茶算﹗

本人最喜歡食有住家風味的食物，其中手撕鷄味道不錯，鷄味雖一般，但醃得比較入味, 配以小黃瓜托底，是一道開胃的小菜。手拉担担麵未食已聞到麵粉的香味，花生香味。吃到麵條的韌性，如果担担麵湯底能夠增加辣味，就會更加好食，味道也會更有層次。餃子皮不算薄，勝在入面的餡調得好，山東鮮魚水餃、京香韮菜鮮肉水餃、北京羊肉水餃, 好味，充滿鮮味。值得再去，午餐尢其抵食!

山東大包，在香港可以吃到的機會較少：工序多，價格低，且好此道者少。即叫翻蒸、麥粿形的山東包子，有粿粒般大的豬肉、冬菇粒、粉絲、木耳、大蔥、大蒜、香菜、黃芽白（還是娃娃菜？）…整個包鹹多於甜，麵醬也好…只是「輕手」了點。不知何故，聯想到的，竟是上海菜中的四喜烤麩：http://q2kill.blogspot.com/2007/06/blog-post_30.html其實，山東並沒有香港人所謂的「山東大包」的。

三人午飯, 叫了羊肉餃, 翠瓜餃, 京韮菜餃share$23-25一碗, 10隻.餃子size適中, 兩口食完, 皮薄餡靚. 明顯比街外一般貨色出色.羊肉餃有羊肉羶味, 好.翠肉餃, 味道可以.韮菜餃也是, 菜肉比例適中.清湯底有是誠意之作, 雖不是真湯, 但總比街外的鹽水清湯底好, 能關注到這些細節都算不錯.幾抵食, 有下次.

同老婆行完孫中山博物館後，看到呢間幾得意的小店，打算試下。1) 翠瓜餃拉麵- 個餃係非常好味的! 拉麵口感好好，而且有誠意。2) 山東飽- 味道特別，飽裡係一d 雜菜肉碎粉絲等炒成，惟飽只屬一般。3) 酸辣湯- 好味道，不太酸，我鍾意。4) 熱豆漿- $4 又平又香滑。下次一定要來試羊肉餃，我覺得它比王府更好吃。

我3點去到~冇咩人好舒服下~~~~食左個瓜肉餃面有成5隻餃餃皮好厚~~好食~~~好夠飽~~~~~~~~~~~食完連杯山渣茶都飲唔落lu............下次試下菜飯先~^^

人在堅道，食飯無咩心水，見這裡有間以餃子作招徠的食店，無可無不可，又試下。推門入內，至知原來都幾多人，好不容易才找到單人位坐下。餃子有好幾款，看款式都幾北方風味，對大蔥羊肉餃好有興趣，又見拉麵條好像是手拉的，就簡單的要了羊肉餃拉麵一碗，及一碟拍黃瓜。拍黃瓜幾新鮮，酸酸辣辣的，幾開胃。份量足夠，吃來吃去也好像還有大半碟的。羊肉餃拉麵賣相平實，羊肉餃皮厚厚的，是正宗北方風味。羊肉餡沒有臊味，有淡淡的鮮味，亦有大蔥的味道，一碗五隻，只28蚊，交足功課了；拉麵鋒度不一，看樣子是當店製的。吃落爽口，卻欠了一點咬勁，可以更好。不過廿幾蚊可以吃得到手拉麵條，也是誠意搭夠。埋單44蚊，吃得飽飽，都不錯。