亮記海鮮飯店

營業中

休息中

亮記是在街市旁的飯店，是附近街坊也會光顧的，裡面全都是家常便飯，就是喜歡，也有些人在街市買些海鮮來加工，加工費也不算多。招牌餸有：炸雞，墨魚餅，軟殼蟹茄子等等，餸菜也很有鑊氣，只是地方太近街市，地板比較滑，老人家去要小心行路，和環境不算太乾淨，但食物也算吸引

平時番工早餐都係求其食個包就算，見今日早左番到西灣河而且又係Happy Fri.，於是決定今日早餐食得豐富D, 去左同事介紹位於西灣河街市內的熟食大排檔亮記食早餐。見佢早餐選擇都算多，除左一般面餐、三文治餐外，仲有牛角酥同豬仔包餐。我諗左一陣叫左金牌沙爹牛肉面配牛油厚多士煎蛋。牛油厚多士煎蛋，隻蛋吾算油，因第2度試過食到D超油既煎蛋沙爹牛肉面牛肉的份量算幾多，只是個面底有D淋，但總括來講算吾錯。野飲我叫左熱檸茶，喜歡佢地用呢D比較大容量的膠杯，因好多時用普通玻璃咖啡杯飲兩啖就無左。

西灣河街市食早餐有兩三間選擇，尼間勝在款式多。可能我晏左黎，d腸粉全部造好一段時間，口感唔夠滑，質感梅梅地，但可接受。炒蛋同包等等全部熱辣辣，好。環境實在係要執下，雖然係街市，但實在太殘舊。有個後生仔，雖然記性麻麻，但係好勤力又有禮貌，唔通係太子爺乎。價錢平，如果裝修一下，我會多d黎。

今次介紹 西灣河亮記大排檔 ，我和老婆 來我這裏幾次 雖然環境麻麻， 座位亦有啲迫夾 ， 但是每次都人山人海常常爆棚 坐低嗌了三個餸 ，呢三個餸都 是 亮記主打菜 ，第一個 黃金蝦 佢啲蝦有成六吋長 煮起嚟唔會太油膩亦都好乾身 味道亦都十分惹味 。第二個餸 酥炸墨魚餅 炸起嚟大個乒乓波 而且十分彈牙 爽口， 真好鮮味十足可能係新鮮 製做掛唔知佢用乜嘢方法搞到啲嘢咁好味， 最後一個就係小炒王去炒得嚟味道十足 鑊氣又夠 ，佢 可能先炸啲魚仔 條條脆卜卜 ，再叫多兩支啤酒埋單都係三百蚊左右 真係非常非常抵食 經過嘅話真係值得一試。

行完山，媽媽就話帶我地去食好野佢話帶我地去一間以前去過嘅大排檔事關我哋以前去嘅大排檔都幾好食所以我哋相信左佢其實到最後先發現原來去錯左媽媽食過嘅係隔離嗰間宜唔係呢一間咁都算啦，食完之後媽媽話永遠都唔會左去呢一間食真係極級垃圾唯一好嘅就係服務態度唔錯但啲嘢食真係好難食好似豬哨點解我會諗起呢樣野？因為呢間野門口放滿晒客人食淨的東西所以令我諗起豬哨。而呢間野裏面完全充滿着客人食淨的東西的味道諗返起真係佢俾錢我都未必會食一開始，叫嘢食嘅時候佢乜都冇冇所有海鮮但係，呢間野個名係叫海鮮飯店冇九肚魚、冇蟹、冇賴尿蝦。好啦我哋就叫左一啲好穩陣嘅嘢食共有四樣：霸王雞半隻、牛肉炒菜心、椒鹽牛仔骨、福建炒飯等左成半個鐘，個場滿晒遲過我哋來嘅人都已經有得食我男朋友就擺晒甫士咁表示好不滿佢先嗱嗱臨上餸本身好期待但一見碟嘢就。。。好啦首先講講霸王雞半隻其實佢唯一一個好處就係上碟的時候岀煙而d煙係因為佢煮熟左啲豉油林上面但好明顯隻雞係唔新鮮同埋翻煮過影響晒霸皇雞個名再黎第二碟啲菜少到一個點都算啦仲要個頭黑色既即係咁，你唔新鮮都唔好比人睇到你真係唔新鮮吖。好喇，揀個好小機會中伏嘅送，椒鹽牛仔骨望個樣黑瞇擝都算識落原來

10月26日, 早上來到西灣河, 想食個平早餐, 喺地鐵站附近又唔想周圍搵, 就入咗去熟食中心嘅茶記食早餐~::: 沙爹牛麵 + 煎蛋多士 + 凍檸茶 ::: $25沙牛麵正常, 牛肉份量都幾多, 加上大量沙爹汁, 成個湯底都好夠味~ 麵底係公仔麵, 上枱時個麵都仲未淋, 湯唔夠熱要浸好耐先淋番.煎蛋有d求其, 蛋已經幾熟咗大半冇乜蛋汁. 多士都可以因為夠脆又夠厚~凍檸茶有甜有酸味, 只係茶味唔算濃, 好在檸檬夠多有成5片~::: 沙爹牛通 + 煎蛋多士 + 凍奶茶 ::: $25平時慣咗盡量叫d唔同款嘅早餐,但今次一齊揀咗沙爹牛肉湯底都冇揀錯,因為呢個沙爹湯底確實唔錯!濃濃的滿有沙爹味~ 通粉煮得彈牙唔淋,加埋用上坑紋通粉更加加強吸湯能力,讚!另外多士都幾好,脆身得嚟好欣賞佢牛油搽得夠混勻~ 要彈就係煎蛋油咗少少...西灣河其實都好多平食, 所以熟食中心又唔見得比其他平, 加上呢度同街市魚檔同一層, 仲係對正出面, 所以環境都有一陣魚腥味, 唔慣嘅人會怕. 不過呢度有樣好係佢有中式港式, 除咗呢d麵呀三文治早餐之外, 仲有腸粉同粥, 都幾多選擇~

今早去完港島民生書院後，到了附近的餐廳!在MTR出口旁有一個街市，街市內有一間賣腸粉、粉麵等早餐的地方，二話不說進內。侍應不慌不忙引領我們到座位。11時多，還有蝦米腸粉($8)，不是很大碟，是即製的，軟身的!沒有很多油，味道一般!點了鮑魚雞絲炒麵+飲品($34)，炒麵是經油炸的生麵，炸出來效果不錯!上有大量芽菜，多得我沒有吃完!鮑魚雞絲炒出來軟身的，不會太過火。份量絕對是雄糾糾的男子漢份量!不要少看這咖啡!真不可以顏色判斷它的濃度!它可是超級濃的，令我精神百倍!碟子的顏色我十分喜歡!十分少女!

多次經過西灣河街市大樓都很想試試晚市小炒，無奈總遇不到開市時間。所以在此強調，晚市是由6pm-11:30pm。如一般熟食大排檔，難免會聽到嘈雜的吃喝耍樂歡聲，廚房起鑊炒菜聲，甚至骰盅猜梅均有。無拘無束暢所慾言，甚有風味。相比北角的熟食街市，這地方略為狹窄，枱數和客人都較小，但氣氛也不錯。沒有上OpenRice看推介，就隨意點了三道想吃的食物： 1.胡椒豬肚湯浸大蜆$118，很足料，有很多豬肚，草菇，咸菜，胡椒，薑，芹菜，爆香的蒜頭及紅椒絲等。湯味帶點香濃，好像材料曾被炒過才放湯煲。咸菜還很脆有味道，大蜆有沙及chi牙。整體這碗湯不錯，我和老公兩人把湯和渣都吃清。2.炸墨魚餅$68，每粒如皮蛋的大小，很彈牙有墨魚咀肉，味道和其他地方試過的也差不多。3.黃金軟殼蟹茄子$75，今次叫錯餸，茄子和軟殼蟹都是很吸油的，光吃這道菜已有點飽濟。總結，餐牌上還有很多款式的食物，下次必定再來。

來到了自己的農曆生日，一向沒甚麼大感覺，但也想外食慶祝一下，爸爸上次在這邊走過，發現原來這個市政大廈內也有不少大排檔 在地鐵站出來之後轉加邊就是了，不用再上兀扶手電梯，還挺方便的本想到爸爸上次看見的打冷潮式食店，奈何該店人頭湧湧，更被侍應叫要到外邊去等位，夏日炎炎實在不想再等便決定走到另一間店子去，便到來了亮記海鮮飯店。坐下便立刻點菜了，小菜項目劃分成不同的肉類，還有現在推介的菜色，更發現有不少湯類，選擇還真不少呢! 最後三人便點來了胡椒大蜆豬肚湯(時價，當晚是$98)、小菜王($50~70)，XO醬炒青口($6X)、京蔥炒牛肉($50~70)，還有仄碗白飯和一支啤酒。 先來的胡椒大蜆豬肚湯十分出眾! 還是首次吃地如此巨大的大蜆 而且店方絕不吝嗇 大蜆數目是出乎意料之多 爽 正 美味! 胡椒湯又是辣度十足 冬天來喝的話定必有驅寒之效.小菜王是一貫的材料配搭而成 韮菜花 腰果 魚仔 蝦乾 魷魚 菜甫 etc.味道還好 只是魚仔有點兒過硬 牙齒咬不了。爸爸知道我愛吃青口，特地為我叫來了XO醬炒青口，青口肥大 XO醬欠辣味但配合洋蔥和大蔥等 還是惹味的。最後要跟單才來的京蔥炒牛肉則明顯失色了

首先要向各位朋友道歉。自去年盛夏以來，在此消失了快半年，實非得已。新年伊始，經過深切反省，我已決定好好耕耘這片小天地，請繼續支持！「回歸」之始，先寫個短的，日後慢慢加長。（聽來像在做物理治療 ...）親人說，西灣河有個地方，生炒糯米飯好像很棒。那兒離我的辦公室遠不遠，近不近；這天同伴來找我吃中飯，那麼窩心，一於出去揾好嘢食！誰知晚了出門，到達時已是一時四十分，只有快馬。這個位於地面一層的熟食中心，只有兩檔；一看人潮，高低立見。多人的這家，雞乸咁大隻字寫著「生炒臘味粒糯米飯」($68)，該是這家了吧？問店員份量多少，「兩個人食都夠有餘！」當然只吃飯對腸胃不好，所以點了碟蒜蓉炒時菜 (餐牌價$35)；問有豆苗否，店員說有。不消一會，單拿來了，$136。一問，「菜是$68 ... 豆苗貴，你知啦 ...」我確實知，也能體諒，但這碟菜的價錢，我到這刻才知。上桌的這碟，大概半斤菜；早知這個價錢，我未必會點。這是個期望管理的問題，不是不滿，只是有點意見。店員也許明白這感受，主動說送我們例湯；回頭卻說，賣完了。唉 ...菜炒得算不賴，沒有過熟而變黃，也不老，食落嫩口。但油稍多，吃起來膩；而之後的是炒

與同事走來西灣河街市內既熟食中心搵食, 這個熟食中心地方都唔算好大晚市大排檔好似只得3間選擇, 最後我地選左最角既亮記.2個人點左椒鹽軟殼蟹拚茄子; 豉油皇炒麵及咕嚕雞球.先來既咕嚕雞球炸得外脆而不多粉漿內裡既雞肉仍然保持嫩滑多汁, 甜酸醬汁亦調味得剛好至於豉油皇炒麵只屬一般, 雖則炒得沒有太多油份, 但味道偏淡食唔到豉油既香味.最後既椒鹽拚盤都算合格, 炸得香脆而不油只係略縑多粉漿, 炸茄子我最為欣賞茄子本身鮮甜炸後外脆卜卜食到中間時茄子軟綿綿軟殼蟹肉質亦結實而亦有蟹肉既甜美.整體上此店既食物都好有水準, 特別炸物真係能做到炸得甘脆而不油膩, 服務亦相比一般大排檔更為體貼細心.

睌上同屋企人去西灣河熟食中心亮記食飯。一黎我哋就叫咗個胡椒花蛤豬肚湯。好大隻花蛤，D湯好香胡椒味，好香濃。我自己最少都渴了三碗。之後母親大人叫了魚鯇煲。佢地炸完魚鯇之後再煲一煲。D魚鯇吸囇D味，好香好好味。好快成煲就食完。最後我哋叫了香酥鴨。就個嘛嘛哋。只是炸了隻鴨，沒什麼特別或技術。但可以返去再試一下其它菜。

琴晚係勤子屋企上網睇電視睇到清晨5點幾,勤子瞓醒話好肚餓,就上左黎拉搵邊度有野食@_@6點幾落左亮記買外賣返上樓食,係街市入口入去第一間。咁早都幾多人,張張枱都有人。早餐有中有西,本來想食西餐咖不過見到佢有糯米雞。叫左個糯米雞跟牛肉雙拼粥早餐再加個蝦米腸。糯米雞散買14蚊個,跟粥或者跟熱飲就20-23蚊,唔算好大個,不過係荷葉外面有一塊類似蒸野用既紙包住,飯唔會好痴葉,餡料都幾多,有肉有臘腸,味道唔錯。蝦米腸份量都ok,幾滑。牛肉雙拼粥,因為係勤子既,所以我唔記得左另一材料係乜,肉唔太多。整體都ok,下次會再食

今晚約好幾個同事到西灣河晚飯，本來想試試大街的「七味燒」，後來去到才知逢星期一休息，最後我們便到市政大樓隨意找間小炒吃，一到埗見亮記有位便匆匆坐下。大牌檔格局不用多介紹，環境擠迫，地面濕滑，走快兩步也怕滑倒！食物方面，這裡賣的就是一般大牌檔的中式小菜，由於時候不早，大家已肚餓了，所以我們便隨意點了幾個小菜。 枝竹羊腩煲：羊腩煲連邊爐上，味道尚算不錯，但份量不多，每人也不夠兩件。 味菜胡椒豬肚：酸味及胡椒辣味均不足，豬肚雖有口感，但卻像是白灼一般淡而無味，很差。 椒鹽九肚魚：九肚魚炸得夠乾身，椒鹽亦不會過多，味道不錯，是全晚最好的一道菜。 豉椒炒花蛤：花蛤算是新鮮，味道也不差，但份量不太夠吧。 啫啫芥蘭煲：啫啫芥蘭的肉碎味道不足，感覺似是一般青炒芥蘭另加入肉碎般。 六個人吃上五碟小菜顯然不足，但由落單至上檯足足要等近句鐘，加上質素欠佳，所以我們也沒有再加單便結賬離開了。

雖然在西灣河住上了兩年，但到西灣河街市熟食中心還真是從沒試過，所以是日下班跟太太決定一試。依稀看到熟食中心裡也有好幾家食店，但反正一家都沒試過，就隨便選了家就算了。一行兩人點的菜也不怎麼多，就是炒花甲、菜寶煎蛋及蠔仔粥，都可算是街市熟食中心的食店的招牌菜吧。除非想法有誤，個人認為街市熟食中心的食店一般都是些大排檔搬到室內經營的，所以應該保持著一些大排檔的風味 ... 超強的鑊氣可算是佼佼著了吧。然而，從一碟炒花甲，除了感受到強勁的辣味外 (感覺是那種放了不少辣椒的那種辣，不是香辣的那種辣，還看到有不少蜆的蓋都還沒開透 ...當然有些沒開透是可以理解了，但這碟沒開透的還真不少 ... (等下，沒開透不是等於沒炒得太熟嘛?) 當初也沒太在意炒花甲不是太熱，但想深一層，就是沒有那種強烈鑊氣帶來的熱力。所以這個菜式真的是有點遜色了。菜寶煎蛋可以算是弄得比較正常的菜式，畢竟煎下就得了，而且我個人覺得他們煎得還算香口，反正，中規中舉吧。然而最後上的蠔仔粥真的也有點未如理想了。畢竟蠔仔粥也不算是大排檔的拿手菜式，但他們放的粒粒胡椒，AGAIN，真的是太辣了，辣得吃過一兩口蠔仔粥之後也再感覺不到其他