今日真珠茶專賣店

營業中

休息中

相信大家小时候都有在校门口小吃街买过那种珍珠奶茶，差不多默认就是例如“草莓奶茶”就是草莓味儿的果粉冲的啦，廉价是这样的，偶尔都有些怀念，没想到今日在太安街给我碰到了耶！店名就叫today，珍珠奶茶不是台湾的吗？咋店走的是日本feel😂然后呢，餐牌都有好多选择，我就不想动脑了直接叫的珍珠奶茶，店员竟主动问我是否少糖少冰，好贴心（但是后来发现和正常糖正常冰也差不多这杯还挺大的，珍珠也大颗，价格也便宜（针对香港的物价），因为20多块钱在深圳能买到的奶茶类饮品实在是太多了…刚好今天就想怀旧，所以认为这家店还是很不错的！并且可以八达通！店员还给了一张印花卡，喝10杯能减18块钱，害，我猜除了住附近应该很难喝到10杯吧😂好评一大部份是给店员的，因为我自己插吸管的时候小哥哥很好心帮我扶住个杯～～～

【東區】【TODAY】我住沙田，離太安樓呢個地方都幾遠，不過為咗幫襯鬍鬚張買啤酒，披荊斬棘都要借啲意經過吓嗰邊。咁去得嗰邊，除咗去鬍鬚張買嘢之外，我都會一如其他區域嘅情況，喺嗰頭搵啲嘢食吓，或者搵啲嘢飲吓，飲飲食食。本身想去木衛二嗰邊睇吓有咩手搖杯，但係唔係好見，淨係見到呢間 Today。之前好似唔多留意到佢，既然今次見到，就姑且幫襯吓佢啦。買咗杯 $24 嘅「珍珠奶茶」少糖少冰同一杯 $28 嘅「黑糖珍珠奶茶」少冰，夾埋$52。我買得兩杯嘅當然係買埋畀其他人，可惜我一買去嗰陣，朋友話佢唔飲奶茶。然而，我買嘅兩杯都係奶茶，咁就唯有獨力完成咗佢啦。味道上，其實兩杯差唔得遠，個黑糖味唔算好搶，奶茶味有啲假，好似有少少奶精嘅感覺。個人覺得香港嘅奶茶店又唔會落奶精咁衰，不過佢嘅奶味同茶味都唔算好出就好容易令人幻想到呢樣嘢。啲珍珠就正正常常，不過不失咁。之後唔知仲有幾多機會去太安樓喇，値得去嘅理由少完一個又一個，好快就進入回憶。。。（地址：西灣河筲箕灣道57-87號太安樓A54號B號舖）#1amfoodie #hkig #foodie #hk #hongkong #hongkongfoodie

今日去太安樓掃街，見呢間幾多人買口味又多，諗住試吓，買左杯木瓜奶。 攞左之後我冇即刻飲，第一眼見到杯野一舊舊以為係沙冰㴝，過咗五分鐘後睇多眼仲係一舊舊，心諗點解唔會溶。過多五分鐘，我一飲，嘩奶嘢：好難飲呀大佬！杯嘢寫住佢係明治鮮奶木瓜，但係完全冇奶味！的確係木瓜味，但係飲落好似啲木瓜籽打埋一份嘅味！以下附上呢杯野嘅樣，滿杯嘅時候真係好似沙冰（我懷疑佢哋落漏咗奶）諗住飲得唔好嘥，但係我真係飲唔落了。。。

茉香珍珠奶茶 $28 🌿太安樓有幾間珍珠奶茶舖，離遠見到呢間唔係連鎖店，睇落好傳統好似初初珍珠奶茶嚟到香港嘅時候嘅樣👻👻就決定試呢間啦！珍珠都比得唔少，都幾好咬，食得出浸咗糖水嘅味道，都夠香🧋😚可惜嘅係奶茶味道一般🥹🥹茶味唔夠香濃，奶粉味道亦唔出，變咗係甜味嘅水😖😖其實一開始攞上手冰量都唔算多，所以應該唔係冰溶咗而搞到咁淡，而本身真係有啲…28蚊一杯，唔可以叫做平，勝在份量唔少，但味道真係麻麻哋，試一次就夠了👉🏻👈🏻

其中一次無帶印花咭， 所以有一次分開左給印仔， 共有10個印花（兩張咭）, 但自稱係老闆講， 不能扣減15蚊。每次真金白銀購買飲品， 卻不能扣減。卻用取巧方法，印仔分開給不能使用，優惠咭內係沒有寫上不能使用。 加上Cashier及當眼處也沒有條款注明條款。我由今年2月份開始儲的， 自稱老闆卻講兩年前已經唔可以分開咭給印推卸責任不能享優惠， 那為何我今年2月份開始購買，2月份所發出的優惠咭上， 沒有注明條款？唔會再有下次啦，咁樣做生意。 用一d沒有注明嘅理由， 推搪已經儲左10個印花而無得扣減優惠， 真係扼人， 好劣質手法。

檟榜自己長壽，好飲稱不上，其實主要皆因平；但係而家加咗價，價位同一啲比較用心嘅茶飲店只係差少少，而質量無乜特別改善，更顯得佢平平無奇，有時甚至比較差，所以已經唔係窮人恩物。芒果多多+QQ啫喱今日想求其買杯嘢飲，所以去咗呢度，又唔想飲番平飲開嘅野於是揀咗呢杯。雖然本身都冇乜太大期望，但係估唔到一啲芒果味都冇，顏色就似芒果，但係就得個甜味，加倍失望。入面啲QQ啫喱，不過不失，都有口感，唔會太硬或過軟。值得一提嘅係呢度有買十送一，可以分開儲印仔，所以純粹想飲下野，濕下個口，喺呢度買杯嘢飲算okay嘅，溝通但頭唔好有太大期望！

其實住得太安樓, 都知道呢間嘢平日生意麻麻地有時會見到啲工人姐姐幫襯呢間嘢出名小氣, 印花卡儲滿咗10個落一張卡, 下一杯嘢飲可以減$15，但係淨係可以飲啲平嘢，啲顏色鮮艷嘅水果茶飲！例如深綠色嘅青蘋果綠茶！ 真係送都唔夠膽飲！所以如果有得揀，我都會盡量幫襯其他珍珠奶茶舖頭星期六，成日去嗰幾間都好多人因為趕時間所以去呢間嘢碰吓運氣, 買杯珍珠奶茶飲半甜，一飲落口，真係甜到你唔信 仲有啲甜味真係好假! 飲落去覺得好唔健康!真係一定唔會再幫襯！完全唔明白呢間嘢點解生存到！

因為太肚餓，午餐前先買飲品充飢。-店鋪位於太安樓內，鄰近地鐵站約五至10分鐘路程，附近亦有其他小食店同茶飲店。店舖設計簡單，似台灣夜市，飲品選擇多，價錢合理。店員服務正常。店舖細，冇座位，只提供外賣自取。由落單到取餐，大概等5分鐘。-香蕉奶超濃香蕉味，個味唔假，有奶香，好飲。-珍珠鮮奶烏龍（走甜）珍珠彈牙，鮮奶烏龍味道正常，奶同茶味平衡，唔澀唔苦唔厚唔滑，有茶葉碎。-整體而言，飲品大杯，飲完都有三分飽，有茶葉碎好差，可以選擇非茶類飲品。值得一提嘅係茶飲店有台式香腸售賣。

現在香港最長歷史既珍珠奶茶店珍珠奶茶曾經係香港紅過,一次係廿幾年前第2次最近十年,反而因為飲食文化改變百花齊放沒有再突然消失不見了仲越開越多今次同大家介紹推介既就叫TODAY 用台灣茶葉沖出嚟嘅茶飲 茶味特別香濃,珍珠又夠Q彈份量又比得多~差唔多有接近60款唔同既手調飲品~同埋好多都係用新鮮水果一齊沖!最平一杯$20 今期最紅係西瓜冰沙超級解渴又清甜!今日真珠茶專賣店 西灣河筲箕灣道57-87號太安樓A54號B舖Shop B, A54 Tai On Building, 57-87 Shau Kei Wan Road, Sai Wan Ho平均消費$30評分7/10

太安樓茶飲店愈開愈多，不過撐左好耐既真係唔多 而依間印象中真係開左好耐 係老式茶飲店之一 幫襯既次數其實唔多 因為次次黎親都俾附近既出名茶飲店吸引左 依間個名唔算出名 但飲既野都幾多 每次都會幫襯既就係佢既「奶蓋烏龍茶」（$26） 依家order茶飲 都必然會order微糖 因為咁先飲得出茶既味道 而唔係糖水味 依次都唔例外 ， 睇到網上比較多評論都過少甜都係勁甜 而第一次幫襯既我絕對認同左 所以往後幫襯依間都係微糖或者索性走糖🤣不過值得注意係依間係不設走冰 最多只係可以少冰奶蓋烏龍茶 微糖左 確實係飲得出烏龍茶味 但其實都仲係偏甜 無法想像全糖會係咩味🤯奶蓋味唔算好濃 不過唔會沖淡哂烏龍茶味道就可以接受了（好低要求了吧） 幫襯茶飲會有印花卡 買一杯有一個印花 蓋滿10次 可當$15用 ，興幸係冇有效期 唔係真係唔知幾時先蓋滿得哂😂

因為疫情好就不能去台灣了，來太安樓找吃的，因為常常吃的一家店沒有開門，看到這家有香芋奶茶，那必須試試呀，沒想到味道太好喝，非常濃郁的香芋風味，加了布丁和珍珠也都很好吃

其實我每次去太安樓都會飲呢間名為Today嘅舖頭（因為佢真係算係幾平、質素又唔錯嘅嘢飲舖）呢間舖頭每一杯嘢飲都唔會太貴而我飲嘅呢杯係香芋珍珠奶茶($24)佢真係好重香芋味💛💛同埋啲珍珠都算幾煙韌、彈牙

#為食妹日記 #瑩瑩周圍食.一場嚟到西灣河太安樓，少不免掃下街，咁岩發現一間平時比較少見嘅台式飲品店，一於試下先。點知伏味濃🤦🏻‍♀️。。。.杯珍珠奶茶叫左少甜，但飲落一d 都唔覺已經少甜，甜到一個點完全冇茶味，好彩冇叫少冰，啲冰融左溝淡甜味先好dd，但總結嚟講都係一次就算，冇下次。.好味指數：😋1/5推介指數：😋1/5抵食指數：😋😋😋3/5.🍽 今日真珠茶專賣店 (西灣河)📍西灣河筲箕灣道57-87號太安樓A54號B舖

在太安樓老早在賣珍珠奶茶，到現在太安樓有很多轉變幾翻新，這間珍珠奶茶店仍屹立不倒。.茉香珍珠奶茶+黑糖寒天條($22+$5)分數: (9/10)淡淡的茉香味，奶茶的奶味較重，珍珠qq的煙韌的，很有咬口。另外加的黑糖寒天條，口感彈牙，味道有一點點像彈牙的仙草。因為珍珠及寒天條本身有甜味，所以我奶茶會選擇少甜，令味道不會太甜。

今日本來諗住去西灣河太安樓間機鋪打下機咁，點知佢冇開喎，無無聊聊就喺入面周圍行下啦，就比我見到間today。好似比較少見過呢間喎，一於就去試下啦！叫咗杯特濃朱古力，聽店員講就係朱古力粉落多啲。佢仲有做緊其他promotion嘅:玉露四重奏，啫係四款唔同口味嘅玉露。不過我就冇試啦。嘢飲到～～飲落的確又真係幾重朱古力味喎，宜家就有啲後悔冇加錢再落啲胚芽，仲會健康返少少添。佢可以加紅豆、珍珠、布丁、爆爆珠，任君選擇。